مساء الخير هالمره بلاش اسف على التأخير==اهداء==

[صريح جدا]

مساء الخير- هالمرة - بلاش آسف على التأخير = مدام الرد بعيونك دموع فكل تأخيرة
ثقل دم العذر والا كسح الخطا تبرير = مدامك عارفة طبعي. أجل وشلوله الحيرة
ترى ما جيت لجل أسمع سواليفك عن التقصير = أعرف ان الخطا مني " بلاش نعيد هالسيرة"
انا وانتي تحملنا بعضنا كثير = تعودتي على عنادي، وصرت أحب هالغيرة
انا وانتي حكايتنا مثل : صدر السما والطير = كثير اللي يطالعها،، ولحدٍ طالها غيره
انا وانتي.. وشأوصفلك؟؟ عجز عن وصفنا تعبير!! = مثل! مدري! مثل وشو! ولكن صعب تصويره!!
انا وانتي - بلاش انتي- أنا- لو بفقدك شيصير؟ = ومجرد طاري الفرقا علي يا صعب تأثيره
أحبك؟ ايه احبك.. ذي بعد يبغالها تفكير؟؟ = يخلف الله على عقلٍ ملكتي كل تفكيره
تعالي.. نحترم " شيبة غلانا".. لعنبو التصوير!! = تعالي نغتنم فرصة لقانا دامها قصيره
ومساء اللي تبي، حاضر ولا تزعل " صباح الخير" = انا كل يوم بتأخر.. اذا في دمعتك خيره

للشاعر خلف المشعان

اهداء للرائديين من اخوكم البي ال اي

[سامي الشمري]

الله يعطيك العافيـــة يا

P.L.A


وصح لسانك وصح لسان الشاعر خلف ..


وترقبوا أن شاء الله تسجيل


خلف المشعان في منتديات الرائدية ..

قريبــــاً ..

تحيتيــ..,

[صريح جدا]

لله يعافيك اخوي



ساااامي




والله يبشرك بالخير حياه الله

[نواف الفهاد]

أخوي الغالي ..

P.l.a

تسلم على هالنقل الحلو ..

وأشوفك هاليومين ... صاير .. شعلة من التميز ..

لا تحرمنا تواجدك ..

تحياتي ,,

[قلب العنـــا]

الله يعطيك العافية اخوي

P.l.a

على نقلك الطيب والمتميز

وصح لسان الشاعر ولسانك يالغالي

تحياتي لك


قلب العنــــــــــــــا

[صريح جدا]

نواف الفهاد

قلب العنا

مشكورين على المرور

والله يسمع منكم ويرحم وتطلع بعينه ابو رائد

وتحصل ترقيه رائدي نشيط ههفعال هه مشرف عام هه مدير عام هه صاحب الموقع
هه صاحب السياره

اوووووووووووه نسيت سردت أحلام المستقبل القريب

على العموم اذا كان ابو رائد يبي يعطينا هو كريم وحنا نستاهل

واسطاتكم يالرائديين

[ابتسـ ألم ـامة]

بسم الله الرحمن الرحيم
السلام عليكم ورحمة الله وبركاته
http://www.3roos.com/upload/e_eimie.gif
أخوي P.L.A


مساء الخير- هالمرة - بلاش آسف على التأخيـر
مـدام الـرد بعيونـك دمـوع فـكـل تأخـيـرة

ما أروع اللقاء بعد الغياب بدموع الشوق

صح لسان الشاعر خلف المشعان

وإن شاء الله نشوفه معنا قريباً


وسلمت يمناك أخوي على هذا الاختيار الجميل

والحضور الرائع والعطاء المميز


اممممممممم :rolleyes:

سوف ننظر بأمرك :wink::smile:



http://www.alshamsi.net/thekr.gif
كلمــات مــن ذهــب
من قال خيراً ظل معه وكتب له
ومن قال شراً سُجل عليه وسيشهد ضده
_________________
@ اللهم عظم حب القرآن في قلوبنا، وقلوب أبنائنا
واجعلنا ممن تعلم القرآن وعلمه@ (http://quran.muslim-web.com/sura.htm?aya=001)
مع التحية و التقدير

[فـتـــــــــون]

تسلم الايد اللي اختارت هالقصيده

وانقلتها لنا

والشاعر خلف المشعان

مايحتاج اني امدحه

اشهر من نار على علم

[صريح جدا]

ابتسامة الم

مناي

مشكورين على المرور الحلو ودام المبدعين موجودين اكيد نبحث عن الابداع لأرظائهم


ويعطيكم العافيه