استفسار بسيط لأهل الخفجي الكرام

[آحــســاسـ]

السلام عليكم ورحمة الله وبركاته




أسعد الله أوقاتكم بالخير والمسرات


عندي استفسار بسيط للي عنده علم
حبيت أسأل عن أقرب طريق من الخفجي للرياض وكم بالمسافه
وكيف الخط سليم والا في خطر ؟؟ لأن في ناس تقول فيه طريق 450 كيلو
وناس تقول 540 كيلو .. وأنا ماعرف الا طريق الدمام الرياض
فقلت أختصر المره هذي
ياليت اللي عنده علم يفيدنا وتراني غشيم بالأماكن اللي هنا يعني اللي بيوصف يوصف حبه حبه وماعرف حتى أسماء المناطق اللي هنا


شاكر لكم مقدما

[صوتك محجوب]

من النعيرية وتمسك طريق الرياض

وتوصل بالسلامة

[الثابت]

طريق أبرق الكبريت ثم القرية العليا ثم شوية ثم رماح ثم الرياض
الخط فردي ويفضل السفر عليه نهارا بسبب الجمال والغنم على الطريق
منطقة رعي والمسافة حوالي 450 كليو

[فيصل الجدي]

اقول امسك طريقك احسلك من ابرق الكبريت يرفع الضغط واذا مسكت غلط ونويت تمشي مع المختصر لا تمشي بالليل امش بالنهار وتاصل بالسلامه انشالله

[آحــســاسـ]

يعطيكم العافية جميعا

أنا أكيد لو بمشي بمشي في النهار

بس ودي بنصيحتكم أي طريق أمشي منه

وياليت لو يكون فيه تفصيل شويه


في انتظار بقية الأعضاء

[شاقني]

.

هلا اخوي احساس

حاولت اشرح لك على قوقل بس ما ظبطت معي
المهم المسافة من نقطة الزرقاني لكبري الفحص
510 كلم .

تطلع من هنا الى مفرق الحفر وتطلع معه يسار
تمشي 55 كيلو وتطلع يسار مع طريق زراعي
باتجاه القرية بعد 37 كيلو بيجيك مطب وتقاطع
خذ اللفه وعلى طول للقرية عدها وامش للرفيعه
اذ وصلت الرفيعه بالسلامه يجيك تقاطع سيده
التقاطع الثاني يسار .
تمشي سيده بتمر على شويه الين توصل رماح
ادخل معها وعلى طريق الرياض .

تروح وتجي بالسلامه :smile:

[شاقني]

.

على فكره الطريق الزراعي اللي بين طريق الحفر والقرية العليا
تقدر توصله من الطريق اللي قبل محطة الخنيني - ابرق الكبريت
اتوقع يختصر 30 كيلو , بس ما بعد مشيت معه .

[آحــســاسـ]

تسلم أخوي شاقني الله يسعدك

ما قصرت يالغالي

بيض الله وجهك


بس آخر استفسار كيف الطريق آمن ؟؟
لأني بمشي في النهار ومعاي عائله
وكيف الخدمات على الطريق


وتسلمون

[شاقني]

.

آمن إن شاء الله . .

والخدمات تزود بها من القرية العليا . .

[مووودي المستقبل]

يعطيك العافيه ...

الشباب ما قصروا الله لا يهينهم كفووا ووفوا ...

تحياتي لشاقني على التوصيف المميز ...

تروح وترجع بالسلامه يالغالي ...

طمنا عليك وانت بالرياض وعطنا انطباعك بالطريق ؟؟

[alra7aaal]

وعليكم السلام رحمة الله وبركاته ,,,


هلا وغلا اخوي احســـاسـ ,,,


يعطيهم العافيه - الشباب ما قصروا ,,,


تروح وترجع لنا بالسلامه يارب ,,,


دعواتك ,,,


تحياتي لك ,,,:101:

[بركات]

اسمع شوري وانا اخوك تمشي لين تجي الدمام وبعدين تيامن على الرياض طيع شوري ترى كل الطرق الي ذكروها الاخوان ومافيهم قصور كأنك تلعب بلايستيشن سيارات الصحراء