من روائع ابن حمري.

[زمان الصمت]

يـــارب تـسـهـل الامــــر وتــزيــن الاحــــوال.... تــرانــا بــــلا رحـمـتــك هـلـكــا ومـتـهـاويـن
ولا عندنـا غـيـرك لـيـا صــك جــال(ن) جــال....ضـعــوف الاوادم يــاقــوي فــيــك مـتـقـويـن
ابــي رحمـتـك حــي وفــي القـبـر والاهـــوال....نـهـار الحـسـاب مشـيـب الـرضــع الـولـديـن
لنـا حـقـوق وعليـنـا حـقـوق ومـاحـط يـشـال....زمـــان يـخـلـي ضاحـكـيـنـه مــــن الـبـاكـيـن
مايـنـزل بــه الـراحـل ويـرحــل بـــه الـنــزال.....ومواعـيـدنـا واجـالـنــا كــــل شــــي بـحـيــن
فـيـاحـظ مـــن طــابــت فـعـايـلـه والاعــمــال......ويـاشـيـن حـــظ الـلــي لاوحـــده ولا ثـنـتـيـن
هـبـوب الـزمــان وكـنـتـه والـبــراد اشـكــال.....تقـلـب بــه الدنـيـا واهـلـهـا عـلــى الجنـبـيـن
ولا اصعب على الصاحيين من كثرة الجهـال......ولا اقسى على الجهال من سطوة الصاحيين
عـسـى الله يصـيـب مــدور الـشــر بـالـسـلال.......وعـسـانــا لاظــــلام ولاحـــــن بمـظـلـومـيـن
ولانــطـــرد الـمـقـفــي ولانــكـــره الاقـــبـــال.......ولانخـطـي الـيــا صـــار مانـقـبـل المخـطـيـن
لــو انـهـم تنـاسـوا فعـلـنـا مـانـقـص مـثـقـال......مـن اللـي تناسـوا جعلهـم دايــم(ن) ناسيـيـن
ولا تـذكـرونـا غــيــر فــــي حــــزة الانــكــال......ليا اشتدت الازمـة وخالـط صفـا المـاء طيـن
نطـب الخطـر والخـوف والمـوت طـب هـبـال......تـقــول انــنــا بـمـقـابـل الــمــوت مـسـتـريـن
بـنـفـنـى وتـفـنــى عـيـالـنــا بـــــس لانـــــزال....عــزاز النـفـوس الـلـي عـلـى حـقـنـا عـيـيـن
علـى الـراس كوفـيـه ومــن فوقـهـا دسـمـال.....ومـــن دسـمـالـي عـقــال(ن) يـمـيـل يـمـيــن
ولـــو مـاتـحـوش ايـمـانـنـا مــــال مـانـهـتـال.....لـو الوقـت عـاري وجـه عشـنـاه مستـوريـن
ابــو خمـسـة لاقــل مـــن قـيـمـة ابـــو ريـــال......فبـو نصـف يقـدر يقتـل احــلام ابــو قرشـيـن
مايوجـعـك يالسـائـل ســوا جـفــوة الـســؤال.....ليـا صـرت تقضـي ديـن ظـهـرك بمثـلـه ديــن
ولا فيه بيت(ن) سالم(ن) من بعض الاشكال........وهــدامــتــه قـــلـــه وبـنــايــتــه كـثــيــريــن
لنـا ماضـي وحاظـر مانبـكـي عـلـى الاطــلال.....مايبـكـي عـلـى الاطــلال يـاكـود محـرومـيـن
لهم ماضي(ن) حلـوى لكـن حاظـر(ن) بطّـال.......وذولا عــرب مـوتــى ولـــو عـادهــم حـيـيـن
تــقــل الـعـوايــد يــــوم تـتـعـاقــب الاجــيـــال......وسـلـوم الـرجــال الاولـــه تـتـعـب التالـيـيـن
ولـــو نـبـكـي الـلــي راح يـاويــل حــــال ........والبـعــد روحـــوا شيبـانـنـا الـزحــل الـوافـيـيـن
موصينـنـا بالـصـدق فـــي الـقــول والافـعــال.....وفـي جمـعـة تهـتـاب مــن قـوهـا الطامعـيـن
غدينـا شتـات وحـن عـيـال(ن) عـلـى رجــال.....رخصنـا والاجنـاب اصبحـوا عنـدنـا غاليـيـن
نـحـب الجـمـل والـحـمـل ونـعــذرب الـجـمـال.....وهـو اللـي يقـود الزمـل مـن ويـن اليـا لـيـن
مـــن اول يـــوم الــقــل والــمــال مـايـنـطـال.....قـبـل شـركـة الكـهـرب تـنـور بـيـوت الطـيـن
يوم ان الرفيق اغلـى مـن الـروح والمنـزال......ويوم ان الرفيق ان غاب نفقده فقد(ن) شين
وذلحـيـن الاخ يـقـاطـع اخـــوه حـيــل وحـــال.......ولا حـسـتــه الايـــــام ولا غـــــراب الـبــيــن
اخـوي ابـن ابـوي ان كـان مـايـردع العـيـال......اليا عال فيني رحـت بـه فـي ( سنـد الاثنيـن)
ابـيـعـه كـــذا واشـــرب ورا بيـعـتـه فـنـجــال.....وانــا دون عـمـري قـبـل يـولـد الــى ذلحـيـن
جـروح الـعـرب تـبـرى وجــرح الاخــو قـتـال......وجـرح العـرب واحـد وجـرح الاخـو جرحيـن
ولــــو يـبـتـلـى والله مـاخـلـيـه لــيــن يــهــال......علـي القـبـر ولا انتـصـر لــه مــن الغاويـيـن
يـقـولـون جـيـبـك اكــبــر اخــوانــك الـعـقــال......وانـا اقـول وقفـة الاخ تسـوى كتـوز الصيـن
عطانـي الزمـن كــل شــي الا مــره واطـفـال......عسـى الله يكـمـل زينـتـي فــي الحـيـاة امـيـن
لاتـحـزن ولا تـزعــل تـمـاسـك وهـــد الـبــال.....ترى العاقل اللـي يحسـب حسـاب وقتـه زيـن
رفـيـقـك تـحـمـل لـــه ثـــلاث لاشــــك ثــقــال......لكـن رابعتـه افطـن لـهـا واخــذ حــق وديــن
والاولاد وهــبــه لاعــمــام(ن) ولا بــخـــوال...عسـى الله يصـلـح ماعطـانـا مــن الجنسـيـن
ياكـم بنـت هـامـل جــا ولـدهـا بـطـل الابـطـال.....وكـم بنـت شيـخ(ن) جـا ولدهـا قصيـر ايديـن
زكـــاة الـعــوال معاكسـتـهـا زكــــاة الــمــال.....لاطـاب الـك واحـد فـادفـن عـوالـك الباقيـيـن

[الجنة غايتي]

صح لسان الشاعر
كلمات رااائعه...
يعطيك الف عاافيه موضوع اكثر من رااائع ...
نتتظر جديدك...

[الياسمين]

يوم ان الرفيق اغلـى مـن الـروح والمنـزال......ويوم ان الرفيق ان غاب نفقده فقد(ن) شين

بصراحه ابدع مشكوره على الرائعه

[روووح الورد]

كلمات هي الروووعه

سلمت اناملك

ابدعت برقي اختيارك

كل الود والورد

[زهورالخريف]

ماشاء الله تبارك الله


يعطيك العافيه

[شعنونه]

شـكــ وبارك الله فيك ـــرا لك ... لك مني أجمل تحية .