البـارحـه فــى غـبـة الـوصـل سـبـاح

[مطاول الخفجي]

السلام عليكم ورحمة الله وبركاته
هذه القصيدة الشاعر محمد ابن فطيس المري
إي والله أهـوجـس ولانـــى بـمـرتـاح
والحـزن فـى حـوش الحنايـا بـفـاروع

أمسيـت مـن وصـل المواليـف مـزاح
وأصبحت من فرقى المواليف مفجوع

البـارحـه فــى غـبـة الـوصـل سـبـاح
واليوم من عرش المواصيـل مخلـوع

ياصاحبى صرح الهوى والوفى طـاح
والقلـب كـنـه مــن عـراويـه مقـشـوع

كـان أحسـب إن لحبنـا عشـرة أرواح
إلـيـن شـفـت الحـبـل بيـديـه مقـطـوع

يـوم العهـد بـه حـده إسبـوع لـى راح
إسبـوع ويعـوّد علـي شــوق ودمــوع

واليـوم خمـس سنـيـن والـهـم مــازاح
هـم الفـراق اللـى بـلا عـذر مـشـروع
أ
ستغـفـرالله تسـعـة شـهــور يـاصــاح
فى غيبته قمت احسب اليوم بإسبـوع!
ا
لعـام خـلـي يسـمـع القـلـب لا صــاح
واليـوم مهمـا صـاح ماهـو بمسـمـوع

ضاع الحساب وشفت برق الجفـا لاح
وأيسـت لـولا إن الرجـا فـي مـزروع

وحالـى نحـل والحـال مهـوب منسـاح
مـن كثـر ماأظمـأ للمواصيـل وأجـوع

بليـت فـي مـن دونـه سيـوف ورمـاح
وغـدا علـي وصلـه مثـل حبـة الكـوع

لـه منـي إن سـره علـى النـاس مابـاح
ولي منه إن الصد غصـبٍ بـلا طـوع

[Star.E]

لعـام خـلـي يسـمـع القـلـب لا صــاح
واليـوم مهمـا صـاح ماهـو بمسـمـوع

الله الله عليك يابن فطيس
قصائده في الصميم ..

تسلم يامطاول
لاهنت

[مطاول الخفجي]

شكرنا لمرورك العطر

[الدووووخي]

ياسلاااااااااااام اخوي مطاول الخفجي ذوووووووق والله ..

صح لساان المحيط الهادي ابن فطيس ..

[مطاول الخفجي]

السلام عليكم ورحمة الله وبركاته

لكل محبين الشاعر الكبير شاعر المليون محمد بن فطيس المري

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح ..
وجاي واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي

[سمووو الشااعره]

بري حاااالي على قصاايد بن فطيس
لا هنت وتسلم يمييينك ياااارب :101:

ياقو قلبك على الصّده ويا صُبرك

وياوسع صدري على صدك ويا صُبري

وياطول عمرك بذاكرتي وياكُبرك

وياشيب عيني بشيّب عاد ذا كبري

والله لون حمل صبري فوقـك..ان تبرك

والله ولو تعتذر منت بعلى خبري

ان ما جبرك الغلا ما اقدر على جبرك

ياللي على ارض الوفا ما شبرك بشبري

تزعل وترجع وتلقاني على خبرك

وانا انكسر لك واجيك ادوّر لجبري

طيفك وذكراك طيلة غيبتك سبرك

وشوقي لشوفتك طيلة غيبتك سبري

امحق وليف ومحبه والا اقول ابرك

حسبي عليك اعشقك وانت اتحفر قبري»:101:


تقبلووو حضوووري:101:

[الجنة غايتي]

صح لسانه
كلمات رائعة
تستحق التقدير والاشاده

وفقكم الله ورعاكم

[زهورالخريف]

كـان أحسـب إن لحبنـا عشـرة أرواح
إلـيـن شـفـت الحـبـل بيـديـه مقـطـوع

يـوم العهـد بـه حـده إسبـوع لـى راح
إسبـوع ويعـوّد علـي شــوق ودمــوع





موفق بإذن الله ... لك مني أجمل تحية .

[شعنونه]

شـكــ وبارك الله فيك ـــرا لك ... لك مني أجمل تحية .