شعارات المظاهره ليوم غد الجمعة ..!!

[خفجاوي]

http://www.shmaaly.com/up//uploads/images/shmaaly-88714a5269.jpg (http://www.shmaaly.com/up//uploads/images/shmaaly-88714a5269.jpg)





الدين دين الله ودين الله علـى الدنيـا يسـود=والـدار دارٍ مثلهـا لـم يخلـق الله فالبـلاد
والحكم حكم الله وبعد الله يجي حكـم السعـود=والشعب أوفى ما خلق رب العباد مـن العبـاد
أربع ثوابت تعتبر أقـوى الدوافـع للصمـود=في وجه تيار الفتن أصحابهـا أهـل الفسـاد
الزمرة اللي قادهم حاقـد وساندهـم حسـود= ثلة رؤوسٌ أينعت واليوم جاء وقت الحصـاد
قل للذين استهدفوا أمن البلـد بأمـر اليهـود=قتل النفوس المؤمنه ببيوتهـا ماهـو جهـاد
يااهل العقول الفارغـة للـدار خلوكـم رقـود=اول مساريكم لهـب وأخـر مساعيكـم رمـاد
الدار هـذي دارنـا بأعمارنـا عنهـا نـذود = من دون رمل المملكة ما نتخذ موقـف حيـاد
أمن الطواري والحرس والجيش وسلاح الحدود = وصقور نايف تحتري وقت الملاقـا والهـداد
من مد جودك ياوطن بارواحنا لجلـك نجـود = لامن صدح صوت الوطن ترجع الروح ارتـداد
حنا أسودك ياوطن وانت تعرف فعـل الأسـود=هذا الوكاد .. ومن بدى بالكيد نعطيه الوكـاد
من يجحدك يا دارنا ماله جزى غيـر الجحـود=مادام أبو متعب ذرى .. حنا الذخيـرة للزنـاد



http://pictures.msharkat.com/u/image-57650. (http://pictures.msharkat.com/u/image-57650.)


مايتبع علوم السفيّه .. بذمتّي غيـر السفيـه =يعني على رأي المثل ( اعمى يقوده إمعّه ) .؟
تبت يدين الإمعّه .. واللي معه .. تبّت يديـه=بوق الدجل ، شيخ الجدل ، والسربه اللي تتبعه
فقيه علم البلبله ، بهلولهـم ، سعـد الفقيـه=اللي يريد إصلاحنا ، اصـل الفسـاد ومنبعـه
تحشم سمو المملكه ، عن مايقـول ويدعيّـه=من يسمع علومه خبل ، لو عاد فكّر يسمعـه
والله ولا 100 سعد ، يهزنـا بـدري عليـه=مازعزعوا حب ( الوطن ) زمرة فساد مجمعّه
حنا تحت أمر النزيه ، ابن النزيه ، ابن النزيه=اللي بذكره يحتمي بيـت القصيـد ، ومطلعـه
لاقال أبو متعب كذا ، قلنا كذا من غيـر ليـه=حنا الزنّاد اللي رفع صـدره لضمّـة إصبعـه
ناقف مثل صف الفشق بالمحزم اللي يرتديـه=من لا ارتدع عن دارنا ، أدنى حدينا يردعـه
الدار نخله ، دونها سيفيـن ياحضـرة فقيـه=الشرع ، ثم ( آل السعود ) وغيرهم مانتبعـه
مايتبع علوم السفيه ، بذمتّي غيـر السفيـه=وأنتم مثل قول المثل ( أعمى يقوده امعّـه ).؟



http://pictures.msharkat.com/u/image-57650. (http://pictures.msharkat.com/u/image-57650.)


ياتاج راس المملكه شعبك يقدم لك سلام =رسالة من شعبك الوافي وانا مرسولها
رسالة ماهي على نهج التوجد والهيام =الا على نهج الفخر واذا سمحت اقولها
افرد حجاجك وابتسم عودتنا للابتسام =لالاتغير عادتك وانت الجمل لحمولها
لايزعجك ياسيدي زنة خفافيش الظلام =حنا لها والمملكه محدٍ يقرب حــولها
ماهمنا الحوثي ولا من حثه يعكس النظام =ماللقرود الا القفص لالفلفت بذيولها
اللي يحلل قتلنا في اول شهور الحرام =الشرع حلل ذبحته دقوا عليه طبولها
اللي يخومر بالجبل واللي يهدد بالكلام =قوات ابو متعب لهم كل يعرف فعولها
من دون رمل المملكه لا مانهاب الاصتدام =لعيون ابو متعب نعم .. نقولها ونطولها
من كان لله نيته مثلك فلايمكن يظام =ومن يمطر لشعبه خفا يقطف وفا محصولها
لو كل من يحكم مثل حكمك بنا عم السلام =وماكان صارت معركه في عرض الارض وطولها
صبح النزاهه داخلك يقتل ظلام الاتهام =والحل عندك لاعجز .. غيرك يجيب حلولها
القافله تمشي يابو متعب وفي يدك الخطام =ومرضى العقول الياغدت سيفك يرد عقولها
كل القبايل تنتظر رهن الاشاره ياامـام =بارواحها وسلاحها ، ورماحها وخيولها
حتى العمى لو تزهمه ياقف ويعطيك التمام =ناظر عيال المملكه ... بارواحهم ضحولها
شعب السعوديه على حبك وربي مايلام =يكفي الياجت سيرتك من حبهم فزولها
تملك زمام قلوبنا حشمه وهيبه واحترام =مانلتفت لمسفه العالم وهرج .. خـبولها
ناقف مثل صف الفشق لامن تجندت الحزام =وناسٍ تعدى حدها دونك نحش رجولها
هذي رسالة شعبك الوافي قبل مسك الختام =نيابة عنهم خلف مشعان جاك يقولها
افرد حجاجك وابتسم عودتنا للابتسام =لالاتغير عادتك وانت الجمل لحمولها


http://pictures.msharkat.com/u/image-57650. (http://pictures.msharkat.com/u/image-57650.)
[/CENTER]



اللهم احفظ هذا البلد آمنا مستقراً وسائر بلاد المسلمين
[/CENTER][/QUOTE]

[عاطل الخفجي]

ابي افهم ليش المظاهرات
خلاص يوقفون وقفه وحده قدام المسؤلين باالخفجي ويقولون طلاباتهم من وظايف من حقوقهم كلها وتنتهي السالفه

[خفجاوي]

أخي عاطل الخفجي

ورب محمد أنك أصبت القول

كلامك يريد ممن قصدت الشجاعة
كيف يأتون بها وهم لا يمتلكـــونها


يا ناس يا عالم المثل يقول أنا وأخوي على أبن عمي وأنا وابن عمي على الغريب


إن خروج مثل هذه المظاهرات في هذا الوقت منا نحن أهل السنه والجماعه
لا يستفيد منه سوى أعدائنا و أعداء الإسلام وتقديم خدمات جليله لحكومة نجاد
لا يوجد و لارافضي في جميع انحاء الأرض لا يتفق مع أي رافضي بالأجتماع علينا . لماذا نحن لا نجتمع للدفاع عن ديننا جنباً الى جنب تحت راية التوحيد نتكاتف للقضاء على كل من يريد المساس بأمن هذا الوطن ونجعله عبرةً لغيره وإظهار الصوره الحقيقيه لأهل السنه والجماعه لنترك التحزب أليسة العقيده واحده أليس كلنا موحدون

نعم كلنا كذلك ياأهلي أهل محافظة الخفجي أقسم بالله بأجتماع كلمتنا يهابنا حتى مسئولين المحافظه إذا رأو التكاتف للأمر بالمعروف والنهي عن المنكر ..

هل من المعقول أن تأثر مياه النهر على مياه البحر ؟؟؟

طبعاً .لا . لأننا كالموج إذا اجتمعنا لا تقف بطريقه الجبال و لاتؤثر عليه الأشباه




أنا أتحدا من يستطيع أنكار المنكر بغير مملكتنا الحبيبه بكل حريه
وأقسم بالله أن هذه من أكبر النعم التي كل شعوب الدول تفتقدها وتتمناها





أخواني رجال الخفجي
أنتم يدها التي تدافع عنها
ففرقتنا تكتفها و تجعل المخربين لا يهابون سطوة بطشها


فأنا أمد يدي للجميع بدون أستثناء
وطمس الماضي الذي أثلج صدور أعدائنا

من أجل تحقيق غايتنا


وهي



نصرة هذا الدين وهذا البلد الذي على أرضه بيت الله الحرام وكعبته قبلة جميع المسلمين ومسجد رسوله صلى الله عليه وسلم

فهم يدافعون عن الباطل بشراسه
ونحن على حق ونتهاون بالدفاع عنه


تعلمون أن

من يسمع كلام من هو خارج بيته فسوف يهدم بنيان بيته
لأن الغريب لا يهتم مثل أهتمامك وحرصك على استقرار دارك وسعادته
فلا يهمه بقدر اهتمامه بهدم دارك من أجل استقرار داره







وللحديث بقيه

[طيوفه]

بارك الله فيك
هذا هو الكلام الي لازم نقولها
والا نركض ورى اقوال السفهاء
حنا بخير ونعمة يكفي ان السعودية هي الدولة الوحيدة الي ماينام فيها واحد جائع او مريض لايملك علاج او تعليم يهد ظهر الواحد لين يطلع شهادة
كل شي عندنا بالمجان وحكومتنا داعمة دائمة للجميعات الخيرية
واذا شفنا اي تقصير من اي مؤسسة سواء خيرية او غيرها نجمع المعاريض من المتضررين ونكلف مجموعه من الناس لزيارة المسؤول عن هذه الجميعة واذا مانفعنا رحنا للي اعلى منه
لكن مظاهرات ونهب وقتل ماظنتي بنحرز اي تقدم منها بالعكس رجعية وتخلف

[نهر الوفاء]

قصيدة راااااااائعة
شكراً جزيلاً
موفق بإذن الله ... لك مني أجمل تحية .

[غيمة فرح !]

سلمت اناملك الراقيه
مآننحرم من جديدك.~
لك احترامي

[شعنونه]

شـكــ وبارك الله فيك ـــرا لك ... لك مني أجمل تحية .