سؤال لـ سيدات الخفجـــي ؟ بليزز عاجل

[ال شــــــ وووق]

السلام عليكم ورحمة الله وبركاته

سؤال لسيدات الخفجي ..

حابه اعرف افضل مشغل مكياج وتسريحات في الخفجي
أو كوافيره شاطره تطلع للبيت من الخفجي او الكويت ؟؟
ياليت اللي تعرف تساعدني ضروووري جدا وعاجل ؟؟



وشكراااااااااا ..

[لميا]

وعليكم السلام ورحمة الله وبركاته,,

افضل مشغل الكوثر اطلبي الكوافيره اعتماد تجي من الكويت اهي وعاملاتها
بصراحه حلو مكياجها وعاملاتها يسوون لك التسريحه خيال,,,
الكوثر قريب من قاعة الخفجي,,,

بس مادري يطلعون للبيت او لا

[الياسمين]

بسم الله الرحمن الرحيم
فعلا" مشغل الكوثر للمكياج رووووعه
وعندك لندا تطلع للبيت - سوسن كمان تطلع
والف مبروووووووك:101:

[شمس الرائدية]

وعليكم السلام ورحمة الله وبركاته
هلا بك ي الشوق ..
الكوثر ما شاء الله شغلهم روعه بس آطلبي آعتماد بالآسم ؟؟ << بس ما ظنتي تطلع للبيوت ..
وثاني شي عندك لندا << تطلع للبيت ..
وثالث شي وبصراحه مكياجها رهيب وحده أسمها أم أفيصل تبع صالون الكادي بس ما تطلع للبيت بس آتوقع تجي لصاله العرس بس أتفقي معاها شخصيآ آحسن لك ..
أما سوسن ما أنصحك فيها لآن آسعارها خياليه وبس تمدح نفسها بس إذا ما لقيتي آحد الشكوى لله << تطلع للبيت
تحياتي

[غلاوي2011]

السلام عليكم ورحمة الله وبركاته
اختي عندك "ليندا" مكياجها رووووعه وتسريحاتها حلوه وتطلع للبيت و للقاعه .
وعنك مشغل البيلسان مكياجهم حلو اسمها "امل" اطلبيها بالاسم وتطلع للقاعه.
وعندك دار الحرير تسريحاتهم روعه.
وعنك الكوثر "اعتماد" حلو مكياجهم بس ما تطلع لا للبيت ولا للقاعه.

[ال شــــــ وووق]

غلاوي2011 :101:
شمس الوله :101:
الياسمين :101:
لميا :101:




الف شكر لكم والله يبارك فيكن
و إن شاء الله أخدمكم بالأفراح :)

بس حابه اعرف ليندا تبع مشغل الكوثر ولا شغلها بلحالها ؟؟ كيف اوصلها ياليت اللي تعرف رقمها تعطيني في الخاص .. والف شكررر لكم

[دانة الكون]

مرحبا اختي ليندا من جنسيه تركيه مكياجها خيال وتسريحاتها روعه واسعارها مناسبه
تشتغل لحسابها الخاص مو تبع مشغل

[دانة الكون]

عذرا اختي ما قدرت ارسل لك الرقم على الخاص لانه لازم يكون عدد المشاركات 5600

[I have a dream!]

الاخوات كفو و وفو وازيد عليهم مشغل بليسان..حلوه مكياج امل والتسريحات بس مدري تطلع للبيت او لا ..

[دانة الكون]

بسم الله الرحمن الرحيم
السلام عليكم ورحمة الله وبركاته
الاخت غلاوي2011 ذكرت امل
امل بمشغل البيلسان قريب من كليه البنات بعد روعه بس التسريحات غاليه شوي
بس ما تطلع الا للقاعه او بالمشغل
موفق بإذن الله ... لك مني أجمل تحية . :101::101:

[ال شــــــ وووق]

مرحبا اختي ليندا من جنسيه تركيه مكياجها خيال وتسريحاتها روعه واسعارها مناسبه
تشتغل لحسابها الخاص مو تبع مشغل



مشكوره حبيبتي ماقصرررتي ..
لا انتي ولا انا مشاركاتنا وصلت 500 yd.885
ياليت اذا احد من البنات اللي هنا يقدر يفيدني فيه ..

[KFJ3000]

مرحبا ..
انا ماجربت كل اللي قالوا عنهم البنات بس شفت شغلهم بأم عيني وبصراحه بعضهم حلوين بس اسعارهم غاليه بالنسبه لشغلهم وبعضهم مصخره واكيد انو اللي نصحوك فيهم ماشافو شغلهم بس سمعوا عنهم !!
الواحد يصير واقعي ويقول الحق ماتسوا تحطين مكياج وتسوين شعرك بالف ريال والشغل يكون وصخ ومايسوا عشان تحضرين عرس ساعه ولا ساعتين ويمكن محد يشوفك بعد !! الموضوع صار استغلال .. ولا تسوين شغل وتدفعين عليه زياده والشغل مابه زود لمجرد انك سويت عند فلانه !!!

انا اقولك من اسبوعين جربت صالون جديد توه فاتح واخيرا لقيت محل بالخفجي يحوز على رضاي انا شخصيا واحلى شي انه اذا صار عندهم حجز لو وحده يفضون لها الصالون وماياخذون غيرها واذا اخذو ياخذون خواتها واللي معها وبس !! ويسالون اذا عروس على كيفها يحجزون لاحد معاها ولا مايحجزون .. وبالموعد يعني يقولون لك بنبدا الساعه كذا وبنخلص الساعه كذا ووالله انهم بالدقيقه ماشالله انا قالولي بنبدا 2 ونخلص 4 وفعلا الساعه 4 بالدقيقه كنت مخلصه ..
مكياجهم يجنن ونظيييييييييييف وتسريحاتهم رهيبه انا يوم اروحلهم كنت محدوده عليهم ولقيتهم بالصدفه بس والله العظيم اني ماعاد اسوي غير عندهم صحيح انك ماتعرف الفرق لين تجرب !!
اسعارهم بالمرا معقوله والبنات حيل نفسياتهم حلوه وتعاملهم حلو بس لازم تحجزين بسرعه لانو بوقت الاجازات اعتقد بينزحمون لانو شكل الصالون حيل راقي واكيد كل الحريم بس يسمعون عنه وبيشوفون شغله بيصيرون كلهم عليه ..
الصالون اسمه ((سناء ستايل)) وصاير بشارع25 من ورا فوق استوديو عليا للتصوير النسائي اذا انت من الخفجي بتعرفينه واذا ماتعرفين رقم الصالون اتصلي على الاستوديو يعطونك الرقم ..
صدقيني مارح تندمين ترا انا مو اي شي يعجبني والتخبيص ما احبه وبصراحه نصيحه لوجه الله انا ما احب اقطع رزق احد بس بعد الضحك على الناس واستغلالهم حرام .. شغل بعض اللي انقالت اساميهم فوق يخرع مو بس مو حلو يسوون الوحده كنها ارجوز اقسم بالله ترمين فلوسك بالزباله اصرفلك اذا انت عروس لازمك شي راقي وحلو .. يعني لو ياخذون فلوس تناسب مستوا شغلهم اوكي بس مايستحون شغلهم يجيب المرض ويضربون باسعارهم بالعالي يستغلون انو الناس محدودين لهم !!
اذا تبين لا تفكرين غير بالكوثر وليندا بس لايغرك انها تركيه هي بالقص والصبغ اشطر من المكياج والتسريحات و سوزان بس اساسها يخرع من تحطينه ممنوع اللمس ولا المكان اللي تلمسينه يصير رمادي !! وسناء ستايل بس من ناحية الاسعار انا اقولك روحي سناء ستايل قبل مايرفعون اسعارهم مثل الباقي والله مارح تندمين .. وترا كل اللي يطلعون للصالات نصابيييييييييييين وربي اني اشوف شوفات تخرع والمصيبه انهم يقنعونك انو الشغل حلو والله حرام عليهم الفلوس اللي ياخذونها وترا لهم زباينهم اللي يحبون شغلهم ولوما اختلاف الاذواق لبارت السلع بس الشي الراقي والنظيف يفرض نفسه ..

انا قلتلك وخلصت ضميري وانت بكيفك انا ماني مستفيده بس انا ما احب الكذب ولا النصب الوحده تلطع منك الف ريال وتلاقينها ماتخسر روحها عليك ولا شي وتخانق وتنافخ كنك ماكله حلال ابوها ماكنك جايه تنفعينها ليش ان شالله والله لو انها بتسويلك عملية تجميل ماهي مسويتلك مكياج !! انا مابي احد يزعل من اللي كتبته بس والله انها شهادة حق اسال عنها يوم القيامه .. ويمكن البنات ماعلموك عن سناء ستايل لانه توه فاتح ييوم سالتهم يقولون فتحو مع اول السنه و محد لسه يعرفه او يمكن يسوون دعايه لبعض والبعض ممكن يكون ذكرلك الاسماء اللي فوق لانهم غاليين من باب الزعاطه يعنني كشخه واسوي مكياجي غالي بس انا عارفه انو اللي عنده عرس تكون ميزانيته بالمرا مزحومه وهالشي مو عيب انك تدورين الشغل الحلو وبالسعر المناسب !! ومرات بعد نحاسه الوحده تجرب الشي الحلو واذا لقته رخيص ماتعلم عشان محد يصير يحط مثلها وتصير بس هي مميزه !!ترا كل شي جايز ..
بليز لحد ينقد علي لاني كتبت كلام كثير بس لاني حيل مقهوره خصوصا من هالسالفه بالذات

ومبروك مقدما وبالتوفيق حبيبتي

[ستروبري]

احس في دعاية هنا:biggrin:

[لميا]

ستروبري
اي والله احساسي مثلك كان داعيه,,, :rolleyes::smile:
,,,,,,,,,,,,,,,,,,,,,,,


KFJ3000
ياختي لاتقولين سامعات حنا مجربات بنسبه لي انا زواج اختي طلع مكياجنا وتسريحتنا جنان في مشغل الكوثر وطلبنا اعتماد صج انها بطيئه بس شغل عدل وحلو وشوي غالي

[دانة الكون]

انا عن نفسي جربت ليندا وجربت امل بصراحه شغلهم روعه
بس امل بطيئه شوي
اما ليندا بالوقت وشغلها روعه وخاصه للعروس وفرق باسعارها عن الكوثر
الكوثر العروس3000ريال وليند 1500ريال وتجيك للبيت:eek:
اما سناء ستايل ما جربت مكياجهم بس اسعارهم تقريبا نفس اسعار الباقين ولا يطلعون.
وكل واحد وذوقه فيه ناس تحب المكياج الثقيل وفيه الي تحب الخفيف"اللبناني".
والله يرزق الجميع:smile:
صحيح الفرح لاثنين والمجانين الفين:biggrin::biggrin::biggrin:

[ha11]

:)السلام عليكم ورحمة الله وبركاته >>>>>>>>>>>>>>>>>>لو سمحو أنا زواج أخوي في الخبر وأدور وحده شاطره تجينا البيت تضبط المكياج والتسريحه بس شغلها يكون حلو حلو يا ليت تدلوني

[ناصر الزعبي]

الموضوع اخذ كفايته من الردود وان شاء الله انك استفدتي اختي الكريمة من ذلك وعليه تم اغلاق الموضوع