اخلاقيات سائقي معلمات ( خفجي -كويت )

[مناحي زحام]

السلام عليكم ورحمة الله وبركاته...

موضوعي اليوم سمعت الكثير و المرير عنه ...معاناة معلمات الكويت
فمعاناتهن تجاوزت الغربة و الطريق الطويل يوميا ...بل وصلت الى حد تجاوز
السائقين اخلاقيا عليهن ... وتطاولهم بالكلام و الالفاظ البذيئة و التعدي
على سياراتهن الخاصة مع سائقيهن الخاص فاذا كان السائق غير سعودي فالمعلمات اللاتي يقلهن في خطر دائم بدءا من التطاول بالالفاظ الى ضرب السائق ...
هل تتخيلون معي هذا المنظر الغريب على عاداتنا وتقاليدنا لقد عايشته وشهدته بام عيني لم اسمع عنه فقد تطاول احد السائقين على معلمات في سيارتهن وحاول ضرب السائق داخل السيارة وكل ذلك امام رجال الامن السعودي ولم يحركوا ساكنا ......... اين النخوة التي تربينا عليها ؟؟؟اين عادات العرب والمسلمين التي سمعنا انها كانت سمة من سمات مجتمعنا ؟؟؟لم استطع الدفاع عنهن خشية عليهن من كلام هذا النذل وزمرته ومن هم على شاكلته لان من هم في مثل اخلاقه سيتقولون عليهن وعلى سمعتهن ...
سؤال لكل من يقرا هذا الموضوع ..هل ترضى على اخواتك تطاول عديمي الرجولة عليهن ؟؟وماهي ردة فعلك ؟؟

[دانة الكون]

الله يحفظهن يارب ويستر عليهن ويبعد عنهن عيال الحرام
والله يرزقهن بوظايف بديرتهن ان شاء الله
قبل يومين معلمات تعرضوا لمضايقه من سياره شباب والسائق كان سعودي بس الحمد لله قدر يبعد عنهم ومهما كان السائق واحد وهم مجموعه
"الكثره تغلب الشجاعه" يارب تحفظ بناتنا

[الفيصــل]

هـ اللي تقول عنهن ليش مايبلغن رجالهن
في اللي صار معهن وهم يتفاهمون مع السواقين
اللي يهينون محارمه ؟!
وإذا ماعلمن رجالهن بللي يصير معاهن يعني هن مستانسات
على أهانة السواقين ويستاهلن :biggrin:
وليش يروحن مع سواق اصلاً ؟!
أنا أشوف يقعدن في بيوتهن أحسن لهن
قال الله تعالى :
{وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا }
[الأحزاب:33].

[srab]

لم اجرب السائقين الاجانب

كل الذين ركبت معهم

سعوديين

لكن حدث ولا حرج

احدهم يتاخذ من لحيته ستار للتقرب من البنات حتى لو كانت متزوجه

واصبحت سيرته على كل لسان

والاخر نمام ينقل اخبار من سياره الى سياره

والثالث يشهر باسماء الفتيات وينسب لهن من الاخلاق ماليس فيهن

...

الفيصل

نبي نقعد ببيوتنا

كم تعطينا شهريا ؟؟:biggrin:

الله لايهينك:cool:




قفله / لحد يهايط

[دودي الخفجي]

الله يكون بعونهم بس

[الفيصــل]

^
شمس
محد مهايط هذا كلام ربك
الله يعطيك مو أنا :biggrin:
وأنا وضحت في ردي السابق انه دام ماعلمن
محارمهن بللي يصير معاهن يعني هن مستانسات :)
عموماً أفدتينا بخبرتك في السواقين
وشكراً لك :101:

[لحن الحزن]

^
شمس
محد مهايط هذا كلام ربك
الله يعطيك مو أنا :biggrin:
وأنا وضحت في ردي السابق انه دام ماعلمن
محارمهن بللي يصير معاهن يعني هن مستانسات :)
عموماً أفدتينا بخبرتك في السواقين
وشكراً لك :101:


هلا فيك اخي الكريم

اولاً المعلمات لم يذهبن للتجمل والتسوق يعني المسئله تعليميه بحته


ثانيا هذا باب رزق مع جزاء لهن من الله تعالى في الدنيا والاخره


ثالثاً العربيات وامهات المسلمين في السابق كان يوجد لديهن الجمال والاحصنه واعزكم الله البغال وكان يذهبن للسوق وغيره ويتقضن حاجياتهن

يعني لا يوجد شئ خارج العاده الشرعية كما يقال

والاهم ركز على دور المرأه في التعليم ودورها في اعالت اسرتها

صحيح البيت افضل واسلم ولكن امهات المؤمنين وغيرهن الكثير يخرجن في الحروب والغزوات هذا دليل على خدمة المرأه في الاسلام لمجتمعها الاسلامي


ولكن نحن نريد ألية سليمه لتنقل المعلمات الى هناك

واقترح على الرائدية ان تقوم بحمله لعمل مؤسسة خاصة في المعلمات وجمع المعلمات مثلا 50 معلمه في 3 باصات حجم وسط وكل معلمه تدفع كل شهر مثلا 500 ريال

وتبحث الاداره عن رجال اصحاب خلق ودين وسمعه حسنه لا يوجد لديهم عمل واعطائهم هذه الباصات ولول فرد فيهم مثلا 5 الاف ريال شهرياً ثلاث سواقين يعني 1500 الف و10الاف تذهب اقصاد للباصات :d

والله مشروع طيب وفيه الخير الكثير والجزاء بدل مايتم اخذهن بطرق غير سليمه

اتمنى من ادارة الرائدية التفكير في هذا الاقتراح ولهم جزيل الشكر

ولكم كل التحايا

[دانة الكون]

كفيت ووفيت يا اخي الكريم " لحن "
بس مشكله معلمات الكويت ان كل مجموعه بمنطقة واحيانا تكون بالمدرسه وحده بس
يعني لو بيوصلهم باص واحد فيه 50 معلمة بيبداء يجمع المعلمات من الخفجي من الساعه3 أو 4 الفجر وبيتاخرون الصباح على مدارسهم.
فالافضل ان يكون لكل منطقة او منطقتين قريبتان من بعض "حسب عدد المعلمات" باص خاص
شاكرين لك اقتراحك الطيب وجزاك الله خيراً.

[ابو فايز]

الله يحفظ المسلمين

[بارونة الخفجي]

الله يكون بعونهم المفروض كل وحدا يوديها اخوها ولا ابوهااا أمن لهااا صراحه
سؤال بين قوسين (الفيصل) نعم شكوو شكوووو شكوووو كوووووع طالع فوق الرصيف صادم اشاره عاكس السيـــد خيــر غصب انا الفاهــم احنا قاعدين نقول مشوار طويل ولسان السايق اطول وناس يتحرشون
شكو ولا تبرجن تبرج الجاهليه ؟ هم رايحين الافنيوز ولا شارع الحب وكاشخين
هذا شغل رايحين يعيشون اهلهم اذا الاولاد مايشتغلون جالسين شيشـــه وتفحيط وفرفره ب25 لا ويتشرطون بعد ماتروحون ولا تشتغلوون يااااعمي :rolleyes:ننتظرهم يصرفون علينا مثلا؟؟؟ عز الله خسنااا والله لويحصل لي اطير عشان افيد اهلي وخواتي واوفر لهم كل اللي يبونه اذا اخواني مايحسون
وعباتي علي ومحترمه نفسي ومجال عملي نساء فقط
وين التبرج ؟؟؟ هالايه تنقال لما يكون الموضوع عن الفساد اللي بالسوق ولا فايي مكان في اختلاط
نقول هالايه الكريمه {وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا }


وإذا ماعلمن رجالهن بللي يصير معاهن يعني هن مستانسات
على أهانة السواقين ويستاهلن
وليش يروحن مع سواق اصلاً ؟!
أنا أشوف يقعدن في بيوتهن أحسن لهن

لا مواحسن لهن احسن لهن اذا تقدر تصرف عليهم
قل خيرااا ياعزيزي


:eek:

[دانة الكون]

هههههههههههههه
رهيبه يابارونه:102::101::101::101:
:biggrin::biggrin::biggrin:

[بارونة الخفجي]

دانة الكوون صح كلامي ولا غلط ؟؟؟:Dصوت الحق :cool:هوو ابدى رايه وانا ابديت رايي :cool:
ورجاء لحد يزعل كل واحد يبدي وجهة نظره أي موو غلــــــــــــط ولووو:wink:
:cool:

[دانة الكون]

بصراحه كلامك صح 100%
وما قلتي شي غلط وان اايدك بكلامك
الواحد يجي ويقول فرضيات وقرارات على كيفه وهو ما عاش الوضع :rolleyes:
المفروض الواحد تصير عنده روح رياضيه وما يزعل
شـكــ وبارك الله فيك ـــرا لك ... لك مني أجمل تحية . :101::101:

[امجاد]

الله يكون بعونهن
والله معانة الطريق ولا منطقة الجمرك

[امجاد]

نسبة كبيرة تظن ان عمل المرأة مجرد تسلية او نوع من الكماليات او ترف
وهم بقولهم هذا يذكرونني بمقولة ماري انطوانيت ملكة فرنسا عندما قامت الثورة من الشعب بسبب انعدام الخبز وهو اخر خطوط مقاومة الفقر
قالت لماذا لاياكل الشعب بسكويت :eek:

وهذا حال من يظن عملها ترف
لا يدري ان هناك بيوت مفتوحة بالله ثم باحدى بناتة

ربما لو اسهبنا في هذا الموضوع لن ننتهي
ولكن هي كلمة حق اردت الادلاء بها

[دانة الكون]

والله انك صادقه يا امجاد
انا اعرف وحده زوجها متقاعد وهي الي تصرف على البيت
وغيرها كثير جايين من مناطق اخرى"من الحفر،الجوف،سكاكا"وغيرهم
غير ان هالحين الوحده هي الي تصرف على نفسها كانت متزوجه او لا "اتوقع فهمت قصدي"

[بارونة الخفجي]

امجاد كلامج عين العقل
دانة الكوون تسلمين ضمي صوتج لي على طول احنااا نتكلم بالحق والعدل صح:cool:
يله نكمل فرفره بالمنتدى مشينا:biggrin::cool:

[شيفرون]

السلام عليكم ورحمة الله وبركاته

الله يوفق كل مسلم وين ما وجه

اود التكلم عن ثلاث نقاط

اولن- نقول الله يعينكم الصراحه حنا نروح ونرجع حيلنا منهد مانشووف الطريق فما بالك بمراة صاحية من الساعه 4 الفجر وقلق التطبيق

ثانيا-انصح خواتي المعلمات بالبعد قدر المستطاع عن التحدث مع السائق سعودي ام اجنبي
يعني علاقة رسمية

ثالثا- سؤال لبعض خواتي المدرسات اللي تجي وتسقط على بعض الخلق ليه؟ هذا يخالف عادتنا وتقاليدنا. التاخير يعني/حنا اذا جت الساعه 7 وربع وماطقيت كرتك على طووووووووول بدون اي مفاهمه زحمه ياريس لاحياة لمن تنادي

وانتم الحمدالله ماعندكم شي في الحصص الاولى.

واتمنى الخيرر لكم ولنا ولجميع سائر المسلمين

[اشكر الله]

اخواتي ترى كلام الفيصل صح:D

ليش زعلتوا من كلام اخوي الفيصل

السالفه سفر وخطر ورجال اجانب وتعب :eek:

والرزق من عند الله واهلكم ماهم بميتين جوع ...اذا ماتوضفتوا في الكويت بيعيشهم اللي عايشهم قدام تجوون على الدنيا :Dلاتحطون انفسكم ضحايا

وافضل مكان للمرأة بيتها اذا ماحصلت وضيفه في منتطقتها يعني (الخفجي)حتى لو تعين في النعيريه انا ما ارحب بالفكره انها تروح لانه خطر عليها وتعب ماله اي داعي.

ترتاح وتريح:biggrin:


اخوكم الناصح:cool:

[فيصل الجدي]

الله يستر عليهن :mad:

[مستحيل آنساك]

ألله يعينـهن
ويـوفقهن

بـس لو معلمآت رجآلهن آو آخوآنهن آو أذ مآتحب ألمشكآل تفصـل منه وآنتهت ألسـولآفه :biggrin:



كــنت هــون .. :biggrin:

[ابو سامي2]

هـ اللي تقول عنهن ليش مايبلغن رجالهن
في اللي صار معهن وهم يتفاهمون مع السواقين
اللي يهينون محارمه ؟!
وإذا ماعلمن رجالهن بللي يصير معاهن يعني هن مستانسات
على أهانة السواقين ويستاهلن :biggrin:
وليش يروحن مع سواق اصلاً ؟!
أنا أشوف يقعدن في بيوتهن أحسن لهن
قال الله تعالى :
{وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا }
[الأحزاب:33].


اخووي فيصل بخصووص انك تقوول *هن مستانسات* سمعت بالمثل اللي يقول كلن يرى الناس بعين طبعه ؟ها :biggrin:

[Breaking_News]

بصراحه انا يوميا اداوم في الكويت ودايم سيارات المدرسات نقابلها في المنافذبس للامانه ولا عمري لاحظت على المعلمات اي شي خطا بالعكس السائق الاجنبي محترم نفسه ويصف بالدور بعكس السعوديين اللي يتساقطون على بعض ويسببون مشاكل في المراكز والله الهندي تلاقيه اخلاق اكثر منهم حتى لدرجه ان فيه مدرسات مع الهندي يستاذون مني يسقطون قبلي والهندي مايطلب هالشي مني واتركهم يمشون قبلي وصارت معاي كثير حتى ان لي زميل يقول هالشي ما اشوفه الا يصير معاك

ثاني شي بالنسبه للي يقول ليه يدرسون في الكويت يا اخي لا تحكم على البنات بالهطريقه والله تلاقي بعضهم تصرف على بيت كامل ثاني شي هذي رغبه شخصيه

وفي الاخير ما اقول الا الله يوفقهم

[زمان الصمت]

لاحول ولاقوة الا بالله الله يكون بعونهم لاكن هذا مصدر رزقهم وش بيسوون ..

[بالحق اتكلم]

الله لايهينكم شباب لحد يجرح باحد محد يدري
يعني لو فيه وظايف بالخفجي والله مارحت الكويت
وانا اشكررر امجاااااااااد وبارونة الخفجي واضم صوووتي معهم
والله يرزقكن الجنه يااااااااارب:101:

[الياسمين]

والله اني اعرف بنت تقول تعب وودي اتركyd.885 بس انا شاريه لبوي سياره ولو اترك من بيسدد عني
وحده تقول كانوا اخواني يقطون بالبيت بس توظفت مسكو وايديهم عن بيت ابوهم وامهم فيه

[اشكر الله]

^
^
^
^
^
طيب تقعد وتخلي اخوانها يكدون على البيت احسن لها من الطريق والخطر والتعب:biggrin:

وتطلب الله بوظيفه بمنطقتها

اخوكم

<<<<اللي ضد سفر المرأه للعمل :D

[الساهر 999]

يعني الموضوع طويل

لكن اقول وارد على كلام الفيصل مدري اللي رايحات الظاهر رايحات عرس مو مدرسه على كلامك يارجال قسم بالله تعب الله يعينهم المدرسات الوحده تقوم الصبح حتى الضوء ماطلع قبل مايصحي الديك وقبل الخباز وتقولها اجلسي استريح مدري اللي يتكلم رئيس الهئيه

تكفي وقفة الجمرك وزحمه يبليها ساعتين رايحه وساعتين جايه وانتظار وغثاء وتلقى وراهم عيال ومصاريف لو الحاجه ماراحو كان اجلسوا بالبيت احد يدور الشقاء لعمره

والله يعينهم لو لاقين وظايف بالخفجي ماتغربوا بند اجور وبند ساعات شغله وزين بالواسطه تدخل


الله يعينهم ويسهل لهم


تحياتي

[KFJ3000]

الموضوع عن تحرش الرجال بالمدرسات والتعدي عليهم وعلى سواويقهم !! ليش قلب وصار تحرش السواق بالبنات اللي معاه ؟؟
انا لو مكانهم انزل على راسه باللي برجلي وساعتها خل يتكلم !!
انا عن نفسي ما اسكت وعمري ماسكت واعرف اوقف كل منحط عند حده وماني محتاجه رجال عشان يدافع عني
واللي يبي يقول عني شي خل يقول واللي بيتحرش بيجيه اللي يكفيه
اللي يطق الباب يلاقي الجواب

[راعي الفزعات]

السلام عليكم ورحمة الله وبركاته

موضوعكم شيق ومهم بنفس الوقت كان الله في عون أخواتنا المدرسات والله أنا يوميا اداوم من الخفجي إلى الوفره واشوف أخواتي المدرسات وإني اخجل من نفسي يوم أشوفهم متشحططات من مكان ل مكان الحين ليش الدوله ماوفرت وظايف للبنت السعوديه يعني أي وحده تتخرج من الجامعه على طول تاخذ كورس بأحد المدارس يعني 6شهور وبعدها تترسم على طول في الكليه أو في المدرسه إلي في محافظتها ليش البنت اول ماتتخرج على طول يجيها إحباط مافي وظايف الحين الجامعات والكليات إذا مافي وظايف ليش فاتحه وتخرج بالبنات وبعدها ماكو شي يأخواني لاتلومون البنت إذا راحت تدور شغل بدول الخليج والله ماراحت إلا وهي ياما محتاجه أو تكون هي الوحيده إلي تصرف على البيت مثل ماذكرو الأخوان يعني والله ظلم دراسه 4سنوات وبعدها تقعد بالبيت والله ظلم إنت ياخي يالرجل لو تخرجت من الثانويه مو جامعه تحصله ضايق خلقه يبا ليش ضايق خلقك والله ماحصلت وظيفه لحد يلوم أخواتنا المدرسات إلي يروحون خارج المملكه للشغل والحمدلله الكويت قريبه من عندنا كلها ساعه أو ساعتين وتحصلها واصله بإذن الله وبالنسبه للمضايقات المدرسات هذا شي غير مفهوم يعني إذا السواق ضايق أحد الأخوات أكيد ميه بالميه راح تعلم أخوها ولا أبوها عشان يأدب السواق وانا ملاحظ بعض السواقين والله محترم يعني إذا يبي يدخن تحصله واقف برا السياره ويدخن عشان مايضايق المدرسات
وأخيرا أقول الله يوفق أخواتي المدرسات ويحميهم من الطريق آمييييييييييييييين

[دانة الكون]

الموضوع عن تحرش الرجال بالمدرسات والتعدي عليهم وعلى سواويقهم !! ليش قلب وصار تحرش السواق بالبنات اللي معاه ؟؟
انا لو مكانهم انزل على راسه باللي برجلي وساعتها خل يتكلم !!
انا عن نفسي ما اسكت وعمري ماسكت واعرف اوقف كل منحط عند حده وماني محتاجه رجال عشان يدافع عني
واللي يبي يقول عني شي خل يقول واللي بيتحرش بيجيه اللي يكفيه
اللي يطق الباب يلاقي الجواب

والله انك بنت رجال لاتسكتين وإذا بغيتي فزعه لا يردك الا لسانك:biggrin::wink:
هذولاء ماهم كفو احد يحشمهم لانهم ما حشموا انفسهم
بارك الله فيك ... موفق بإذن الله... لك مني أجمل تحية .

[KFJ3000]

تسلمين دانه ..
وادري انك ماتقصرين :biggrin:

[بارونة الخفجي]

انا بعد وياااكم :biggrin:

[أبوماجد]

هـ اللي تقول عنهن ليش مايبلغن رجالهن
في اللي صار معهن وهم يتفاهمون مع السواقين
اللي يهينون محارمه ؟!
وإذا ماعلمن رجالهن بللي يصير معاهن يعني هن مستانسات
على أهانة السواقين ويستاهلن :biggrin:
وليش يروحن مع سواق اصلاً ؟!
أنا أشوف يقعدن في بيوتهن أحسن لهن
قال الله تعالى :
{وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا }
[الأحزاب:33].



كفيت ووفيت بيض الله وجهك

[@همس الغروب@]

الله يحفظهن ياررررررررررررررررررررررب بجد معاناة :101:

[نجم]

ياطوول السالفه صار فلم هندي

يابنات اطلبو من مدير المنفذ يفتح لكم بوابه خاصه للعبور مثل الدبلوماسيين .

<< وده يطلع مع البوابه هذه :biggrin:

[فــايــز]

شلون تعرض للتحرش او للإساءه إليها من السائق !!!!؟

لاتصفيف ولاتهويل نبي شوية واقعيه بس شوي :)

السكوت علامة الرضى .. مالها والي يعني ولا زوجها او أخوها أو ابوها عنده الوضع فري .. ما اعتقد
على قول خوينا اللي فوق تستاهل دامها ساكته

[دانة الكون]

يا اخوان ويا اخوات الي يتعرضون للمضايقة منه ليس السائق الخاص الذي يوصلها لمدرستها
بل هي والسائق يتعرضون للمضايقة انتم فاهمين الموضوع بالخطأ.

[ابويعقوب]

اسأل الله لهن الستر والعافية

يا أخي الكريم في هذا الزمن الحياة صعبة

[بارونة الخفجي]

خلاص احنا قلنا ولازم اللي نقوله هو اللي يمشي قلنالكم وشرحنااا ليش البنت مضطره تروح تشتغل بالكويت لان السالفه كيت وكيت وكيت
اجيب دكشنري هندي واشرح مره ثانيه
ابوماجد بالله وش عاجبك بكالام طويل العمر الفيصل ؟ ابعرف انا
يله طقو صدووركم اشووف ودبرو لكل بنت تسافر عشان وضيفتها جيبو لها وضيفه بنفس المستوى واهي جاهزه تخلي وضيفتهاا
موبس تتكلمون وماتدرون شتقولون:mad:
قال يستاهلن ومستانسات ويقعدن ببيوتهن
دانة الكون شوفيلك صرفه كملي فهميهم قلبي يوجعني ماقدر افهم خلاص
yd.885

[دانة الكون]

ما عليك منهم يابارونه الي يده بالنار مو مثل الي يده بالماء،،،
والنار ما تحرق الا رجل واطيها >>>>>ركات اعرف اقول امثال.
بقول لك حكمه يا بارونه
أراد إخوه يوسف أن يقتلوه فـ (لم يفعلوا)
ثم أرادوا أن يلتقطه بعض السياره ويمحى أثره فـ (ارتفع شأنه)
ثم بيع ليكون مملوكا ................ فـ (اصبح ملكا)
ثم أرادوا أن يمحو محبته من قلب أبيه فـ (ازدادت)
فلآ تيأسوا ولا تقلقوا من تدابير البشر
فــ (إرادة الله) فوق كل إرادة.
يعني بالمختصر المفيد هم يبون يسيطرون عليكن بس ما قدروا
ويبونكن تقعدن بالبيوت بس اشتغلتن
يبونكن تحتاجونهم بس استغنيتن
يبون يطفشونكن من هالوظيفة بالمساس باخلاقكن بس ما اهتميتن
"واثق الخطأ يمشي ملكاً"
فما عليك من تدابيرهم وخططهم لتشويه الصورة الحقيقة.:mad:
هاه وش رايك يا بارونه يكفي ولا اتولاهم بعد.:biggrin:

[منتهى الذوق]

رضا الناس غايه لا تدرك
بكرة اذا احتجت من راح يعطيني :biggrin:

[بارونة الخفجي]

لاخلاص يكفي
كفيتي ووفيتي :Dافحمتيهم اتوقع
شوفي انا الحين لاتعليق لان الغبار لاعب فحسبتي كأني طالعه من بيت مهجووور yd.885
ماني قادره اتحمل البيت ولاشكلي ولا اي شي بالدنيا yd.885بس يصفى الجووو انا راجعه
اني ارى رؤوسا قد اينعت وحان قطافها :cool:
:biggrin:ترى مو صج لحد يروح يشتكي علينااا نحن نمزح معكم فقط :biggrin:
دانه رقعي الموضوع ياصديقتي والله ابورائد محذرني :biggrin:
وتخبرين اخوانا المعترضين مره حساسين وانا والله استانس بهالمنتدى الحلو
ان طردوني وين اروح yd.885
خلاص اححنا قلنا راينا وراينا هو اللي يمشي :D
الله هوا في أيـــــــــــــه:eek:
دانه مشيناااا:cool:
قووووو:cool:
قولنجا قولنجا قوووو:biggrin::biggrin::biggrin::biggrin:
مقدر اضحك غبار يدخل بفمي :frown:

[Breaking_News]

استفسار لو سمحتو


اول مره اكتب موضوع جديد بس تفاجات انه ماراح ينزل الى بعد موافقه المشرف هل الموافقه تطول

لان الموضوع بخصوص بشاره للمدرسات في الكويت

[ŘễMẾmβER Mẻ]

^
^
^
^
^
طيب تقعد وتخلي اخوانها يكدون على البيت احسن لها من الطريق والخطر والتعب:biggrin:

وتطلب الله بوظيفه بمنطقتها

اخوكم

<<<<اللي ضد سفر المرأه للعمل :D

يااخوي وانت وش درااك بالمرأه طيب مو كل وحده عندها خوان افرض وحده ابووها ميت واخوانها ورعان ...!! وماحد يصررف الا هي تبيها تقع ـد لالاجل عيوووونك السوود لا والله ماتقع ـد بع ـدين ماسووت شيء غلط رااحت درس وتعطي وتفهم ..ونفترض الحين انها مادرست المرأه وماافي مع ـلمات وش بنسووي احنا يالبنات نقع ـد بدون تع ـليم وانتو يالعيال تسووون الي تبوونه ...ولا مستني حظرتك تجي تع ـطينآإ درووس
فكر فكر بالع ـقل شفت ذاك قلت خلالاص لالا يقع ـدون ببيووتهم احسن لهم وين عايشين بالع ـصر الحجريي..:cool:
يبي يقوولي الحين انه يخ ـآإف عليها من الطريق ومدري شنو شقق رااسي
بالله من يصرف عليك الحين .....اصلا الزمان تح ـول الحين صار الحريم يصرفوون ع ازواجهم وبيووتهم..وهذا الي انآإاشووفه..

[دانة الكون]

بشرى ساره لمعلمات الكويت
فيه زياده 150 دينار وصرف بدل سكن يعني تقريبا بتوصل الزياده 200 أو250 دينار
وبيزل الشهر الجاي
انا من زمان احبكن وادافع عنكن:biggrin: افهمنها عاد:biggrin: لاوالله امزح تصرفنها بالعافية يارب.

[Breaking_News]

الامر فيه ان!!!!!!!!!!!!!!!!!!!

[سيوسيبس]

الامر فيه ان!!!!!!!!!!!!!!!!!!!

لاتستغرب ولا تاتي الحيره فوق راسك كاسحابه\ كل مافي الامر انك على قيد الانتظار كونك

مواطن لايملك اي صلاحيه باستخدام فتامين (واو) المسيطر على عقول اغلبية المشرفين

فى هذا المنتدى

فى شعارهم تحمل لاوء مصالح حتى نتصــالح :)

حاول تجد شخص مقرب لا مشرف هذا القسم حتى ينزل موضوعك باسرع وقت ممكن

او فى حل اخر وهو الحل الانسب والافضل من نظري انا استخدامك شخصية فتاه

حتى يكون لك شان هناا

حبيت طمس حيرة تساولاتك فقط ولا تحزن فى كثير من امثالك ومثلي حجبت مواضيعهم

لانهاا يراها البرفسور الملقح للمواضيع انها سياسيه او لاتخدم مصالحه الشخصيه :)

[سيوسيبس]

[quote=ڜـــ ۾ ـــڛۜ ๛;1443755]لم اجرب السائقين الاجانب

كل الذين ركبت معهم

سعوديين

لكن حدث ولا حرج

احدهم يتاخذ من لحيته ستار للتقرب من البنات حتى لو كانت متزوجه

واصبحت سيرته على كل لسان

والاخر نمام ينقل اخبار من سياره الى سياره

والثالث يشهر باسماء الفتيات وينسب لهن من الاخلاق ماليس فيهن

__________________________________________________ ________
وانتي انتهى بك المحال لا التلذذ باستراق السمع لا هذي الامور والخوض فيها دون حقائق

مع وضع كميات قليله من التزيف والتحريف بما لا حقيقه تسنده

اتمنى بكلامك يكون فيه نوع من المصدقيه التامه

وحبذا لو تجربين الاجانب .:) لعى وعسى حينذاك تتغير نظرتك للسائقين السعودين

[سيوسيبس]

لقد عايشته وشهدته بام عيني لم اسمع عنه فقد تطاول احد السائقين على معلمات في سيارتهن وحاول ضرب السائق داخل السيارة وكل ذلك امام رجال الامن السعودي ولم يحركوا ساكنا .........
__________________________________________________ ___________
اسمحلي ياعزيزي الكاتب مناحي هل تريد مناا بكل بساطه ؟! تصديق مايحدث بما انك شاهدت هذا الموقف بام عينك ؟! تطاول احد السائقين السعودين على سائق خاص بمعنى انو سائق من جنسيه اجنبيه . رغم كثافة الامن . وحشود الناس ولم يتحرك منهم احد قط ؟!؟!!!!!

طيب ياخي العزيز الكريم الفاضل مناحي كان من الاحرى وباب اولى انت تترجل من سيارتك

وتضع للموقف حد ونقطه على السطر \ وتقضي ع هذا المشهد الدمومي :)


ولا تصوب اتهامك بشكل عام على جميع السائقين اجعل بطرحك انصاف للحق

وكما للمدرسه اجر التوصيل لاننسى اجر تعب السائق السعودي بالتوصل

وللضروره احكام ..

وابحث فى محرك البحث قوقل عن معانات المدرسات مع الاجانب راح تجد الادهى والامر من ذلك

[سيوسيبس]

هـ اللي تقول عنهن ليش مايبلغن رجالهن
في اللي صار معهن وهم يتفاهمون مع السواقين
اللي يهينون محارمه ؟!
وإذا ماعلمن رجالهن بللي يصير معاهن يعني هن مستانسات
على أهانة السواقين ويستاهلن :biggrin:
وليش يروحن مع سواق اصلاً ؟!
أنا أشوف يقعدن في بيوتهن أحسن لهن
قال الله تعالى :
{وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى وَأَقِمْنَ الصَّلاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا }
[الأحزاب:33].

انا متفق معك ببعض النقاط والاخره اجزاء واوفى فيهاا الاخ الكريم لحن بذكرها

وفعلا لماذا السكوت والصمت ؟! العجيب على هذا الامر ؟

هل الخوف من انقطاع الية التوصيل مثلا ؟!! فى البديل موجود سائق غيره مليون سائق

تقدر من خلاله اختيار الشخص عن طريق ذويه من هو جدير بتوصلها ويحمل الامانه بضمير حي

عموما اخي فيصل اظم صوتي لا صوتك بما انو الموضوع اصبح يظم الاصوات :)

[нєяσɪи]

ججآني برود كآآست بسس وربي صصصصصدقَ :biggrin:

أنو آلسسعوديَ مو حآآفظ من آلقرءآآن إلآ آيتينَ :

" مثنى وثلآث وربآآعْ " < ويوقف مآيقول وإن خفتمَ آلآ تعدلوآ :biggrin:

وإآلآيه آلثآآنيه " وقرنَ في بيوتكنْ .... "

مسسسسسستحيل تفكيره محدودَ بآيتينَ وتركَ آلبآقي :eek:

^

آعتذرِ إن كآن خربت آلموضوع بسسَ قهرَ بصرآحه :biggrin:

[دانة الكون]

و نسيتي ايه ثالثة "الرجال قوامون على النساء" ومايعرف سبب التفضيل والقوامه لانه ما كمل الايه.
والحديث الي يقول صلى الله عليه وسلم (ناقصات عقل ودين) ولا يدري ليش هذا النقص وش سببه
و(خلقت من ضلع اعوج) ولا يدري سبب الاعوجاج والحكمة من تشبيهها بالاعوجاج ولا يعرف بداية الحديث او ما يعترف فيه لانه ما يناسبه (رفقاً بالقوارير......)
اقولكم عقولهم على قدهم ياخذون الي يبون من الدين والي في مصلحتهم حتى لو حذف نص الايه او نص الحديث. بس فيه بعضهم ماشاء الله عليه مو محتاج عقله واعي وفاهم وعارف دينه وحقوقه وواجباته.

[srab]

[quote=ڜـــ ۾ ـــڛۜ ๛;1443755]لم اجرب السائقين الاجانب

كل الذين ركبت معهم

سعوديين

لكن حدث ولا حرج

احدهم يتاخذ من لحيته ستار للتقرب من البنات حتى لو كانت متزوجه

واصبحت سيرته على كل لسان

والاخر نمام ينقل اخبار من سياره الى سياره

والثالث يشهر باسماء الفتيات وينسب لهن من الاخلاق ماليس فيهن

__________________________________________________ ________
وانتي انتهى بك المحال لا التلذذ باستراق السمع لا هذي الامور والخوض فيها دون حقائق

مع وضع كميات قليله من التزيف والتحريف بما لا حقيقه تسنده

اتمنى بكلامك يكون فيه نوع من المصدقيه التامه

وحبذا لو تجربين الاجانب .:) لعى وعسى حينذاك تتغير نظرتك للسائقين السعودين



صار لي 4 سنوات

امتر خط الخفجي - الكويت

ركبت مع 8 سواقين

قلت لك على اوضاع 3 منهم فقط

وبالمختصر فقط

ماقلت لك عن اللي يشغل اغاني لما تظل اخر بنت معاه بالسياره

وماقلت لك عن اللي يدخن حتى تصير السياره عجه

وماقلت لك وماقلت لك

.....

انا على قدر من المسئوليه

واعرف كل كلمه اكتبها

مااسترقت السمع من احد

شفت بعيني

زي مااكتب الحين بأيدي

تبي ابعد عن التحريف والتزييف ويكون كلامي بمصداقيه!!!!!

اعطيك اسماءهم مثلاً ؟؟؟

والا ارقام جولاتهم وانواع سيارتهم ؟؟

مافيه شي يحدني على الكذب

وبالفعل اتمنى تتغير نظرتي للسعودي

وذلك بتغيير تصرفاته وطريقه تفكيره

...


عجبي

[ŘễMẾmβER Mẻ]

انا الح ـمد الله سواقي يخ ـآإف ربه ولاقد شفت منه شيء
حتى انه الصبح لاجاء ياخذني يكون دايم مشغ ـل القران وبحياته ماطفاه
واخبره من يوم كنت بالابتدائي وهو يوصلني الين الثنوي ولاقد شفت منه شيء مو زين
حتى ان ابووي كان يقول لي اذا يتاخر عليك بع ـض الاحيان اغير لك السواق او انا اووصلك اقوله لا مابي لاني تع ـودت اصلا ع سواقي وصرت وااثقه فيه..والله يووفقه.:biggrin:

[بارونة الخفجي]

السواق اقبال وبسسسسس
لبه قلبه والادب والاخلاق ياليت كل السواقين مثله :cool:
اسبوووع اسبووعين شهرررر مااسمع صوته مرات اشك انه يتكلم؟:eek:
ثقه واخلاق والله يتمم عليه :redface: