نبي وقفتكم يا اهل الخفجي

[ناصر القحطاني]

بسم الله الرحمن الرحيم
الموضوع الي دايم يشكون منة اهل الخفجي وخاصتا اهل الشماليه الي على شارع (25) التفحيط اخر الليل والله احيانا نقوم من النوم على صوت التفحيط والله اذونا واحنا في بيوتنا والله مافيه شي الا وسويناه رحنا للمرور كلمنا اباء العيال الي عرفناهم ما فيه فايدة تعرفون ان التقاطعات الي على شارع (25) واسعة وهذى الي معطيهم حافز للتفحيط وانا عندي اقتراح نبي نكلم المرور يحطون عند كل تقاطع ثلاث صبات متفرقة نفس الي قدام كودو لكن هذي تكون ثلاث متفرقة يعني فية ماسحة للي يبي يديور ولا يعبر عشان اذا جا احد يبي يفحط يضرب بالصبة والله مالنا الاكذا عشان ننام بهدوء واتمنا التفاعل منكم
:101:
:101:
:101:

[فتى التحفيظ]

انت تزيد الطين بله ..!

بعدين يصير على الصباات تحديات من اللي يدخل السياره بين الصباات ..!!

[ام نوف]

الله يهدي شباب الخفجي

[عميل فدرالي]

مالهم حل والله

[~ افوق الوصف ~]

والله انك صادق بكل كلمه

[اليابسي]

الله المستعان ...بكل صراحه أنا شفت بعض التصرفات فــ شارع 25 لو فيه تربيه صح فالبيت كان زانت العلوم ...كلهم مراهقين من 15اِلى 21 ...بالمختصر مافي تربيه صحيحه

موضوع جميل ورائع في محله

[روح البداوه]

مالها شغل التربيه

ربو الاهالي والحين تصرفات هالمراهقين

عندهم فراغ وطاقه ومايدرون وش يسووون

الله يهديهم بس

[ناصر القحطاني]

اشكركم على المرور واليوم العصر راعي هايلكس يفحط يعني لا بد نحطها و باسرع وقت

[بــ الخفجي ـنت]

معاك حق انا سمعته كذا مره

صوت يخووف صراحه

وقت المغرب واخر الليل

مدري وش يحسوون فيه هاللي يفحطوون

الله يهديهم بس

لازم يكوون في حل للموضوع لمصلحه المفحطين قبل المصلحه العامة

ويسلموو

تحياتي

بـ الخفجي ـنت

[من عالم اخر]

الله يهديهم

ويعينكم ع النومه

[طيوفه]

انا استغرب هالتفحيط بالشارع ذا كلن يعرف فيه
بس الغريب ان المرور هم الوحيدين الي مادروا عنه :biggrin:
اعتقد موضوع الصبات حلو ترتاحون منهم

[goree]

الله يعينكم ..
وان شاء الله تجدون حل لها المشكله
والله يهديهم هالشباب ..
..

[عشق الشمال]

حلها بسيط

لكن الاتكالية مشكلة كبيرة


الله يهديهم ،،

[ناصر القحطاني]

هههه المرور منهم فيهم والله مرة اتصلنا على المرور قلنا سيارات تفحط ومسوين جمهرة قال جبلي ارقام اللوح:eek: انا اجيب اللوح وانت وش شغلتك ومرة ثانية كلمنا الضابط مباشرة قلنا اسمع التفحيط وش تتوقعون ردة والله قال وش تبيني اسوي ... يعني اذا مامنه شي مانبي نستناه عشان يعرف انه مرور ويجي يشوف هالمفحطين اذا مامنة شي لنا خله يحط هالصبات الي تريحنا

[ام الياس]

اذا لقيتووو حل
عطوني خبر
انا احنا ما ننام الليل
وبسبب التفحيط
خصوصا ان ساكنين في تقاطع شارع 25
اقووول اخوي الي امنزل الموووضوع والله انك نشمي وتحس في غيرك قبل نفسك
حسيت بمعاناتنااا
الله يجزيك خير وين ما تروووح

[رهين الخفجي]

السسلام عليكم ورحمه الله وبركـآته .

والله بصـراحه كل اللي يفحطوون ع ـ25 عندهم وـآصطه في المرووور الششرطه كيف مـآتبيه يفحط..

انصصصح لوو يحطوون رـآبطه تفحيط يكون احسسسن.. واسعـآفـآت ..

على الاقل بعيييدهـ عن الخفجي واهلـهـآ

رـآحو محطـآت برا الخفجي . زـآدو الطين بـله حلبه يكون احسسسسن


مشششكور على الموضووع الذي في محله


تحيـآتي لك


.
رهين الخفجـي

[ناصر القحطاني]

والله اذا حطينا هالصبات ماراح تنفعهم واسطة ...
الى متى ...

[nobleman4u]

لو المرور مسكوا ثلاث بس من اللي يفحطون وحطوهم بالسجن 6 شهور وحطوا السيارات بالحجز او صادروها كان اتحدى تشوف احد يفحط
بالعربي مافيه قانون يطبق
شوفوا الممشى بالكورنيش حطوه شارع تكلم المرور يقول كلم الشرطة تكلم الشرطة يقول كلم المرور او البلدية ضايعين
اخيراً الحل أن نتكاتف نحن اهل الخفجي ونوصل هذه المواضيع لوزارة الداخلية لو 20 رجال ارسلوا برقيات كان تشفوا الفرق وشكرا

[ناصر القحطاني]

المرور ماتبي تمسك احد وانا اقولكم لو جو يسوون نقطة تفتيش سوو في اول الشارع ولا بالنص طيب لو تبون تنضمون صحيح حطو دورية في اول الشارع ودورية في اخر الشارع...
لكن من تكلم ؟.....

[شمس الرائدية]

.
والله مافيه حل لظاهرة التفحيط
الله يخلف ع آهلهم وهــ السيارة اللي يفحطون ويلعبون فيها ما تعبوا عليها
الله يهديهم
سلمت

[الرــآيــق]

الله يعين
وشكرا عفوا

[العنقري]

بس علشان تبي تنام؟:biggrin: ههههههههه

[أبوماجد]

اقول الله يحفظهم ويصلحهم

لكن سؤال اطرحه لكل اب ويكون ابنه مشارك معهم

وش تنتظر لاترد ابنك عن هالتصرفات تنتظر خبر انقلابه او حصول مكروه له

وبعدين تجي تحسر عليه لو صار له مكروه ..

اسأل الله العلي القدير ان يحفظهم ويهديهم ...

بتقولون الاب مايدري اقولكم يدري ونص كيف انا بقول لكم

مايشوف شكل سيارة ابنه تنزيل وتضليل وتلوين ومركب معه 5 اشخاص

بددسن غماره وين رايحين اكيد يفحطون

[مخاوي ابليس]

الـــــــــلــــــــــــه يـــــــــعــــــيــــــــــنـــــــــــكــــــم

[سويفلي]

موضوعك حلو ومايعرف قيمته الا انا لاني كنت ساكن على شارع25وتعبت من كثر ماكلمت المرور-وسوف ا\كر لكم موقف اناعمارتي مافيها عازل وكان فيه تفحيط كلعاده ولما دخلنا ننام الا رائحه حريق بالبيت ورحت ادور الحريق انا والجيران واكتشفنا انه رائحه كفرات التفحيط

[لحن الحزن]

؟؟؟ غريبه الموضوع لدى لا يوجد به شئ ومع هذا الكل يرد ...!!!

http://www.alraidiah.org/s//uploads/images/alraidiah-488d77757e.jpg (http://www.alraidiah.org/s//uploads/images/alraidiah-488d77757e.jpg)