oوحيد الخفجيo
09-04-2011, 07:51 PM
هذا يا طويلين العمر ...واحد يسولف لي هالسالفة(((ما هو انا)))
اليوم الصباح و أنا في البوفيه احاسب على الفطور الا اخذتلي كوكاكولا
شوي الا الهندي يقولي بريال ونص !!
قلتله:نعممممممم!! صايدني يبو الشباب ؟ هذا كولا مو ببسي!!
قال: سديق هذا امس يجي ريال ونص سيم سيم ببسي
قالها وهو يلصق خطاب الشركه في خشمي !!
و أنا اللي تقفل معي واخذ الكولا بارجعه الثلاجه
وقلت والله لو باشرب مويه الردايتر مع الفطور اني ما أخذه بريال ونص !!
وأنا ارجع الكولا لمحت بطرف عيني الثلاجه الصغير اللي جنب ثلاجه الكوكا
إلا اشوف عصير مابقي منه الا 3 حبات
أركز شوي الا هو عصير الربيع برتقال !!
وانا اللي اطالع الهندي بنص عين
و أقوله : وش أخبار الربيع وصل الى خمسه ريال ولا بعد ؟!
قال : لابابا هادا واحد حبه ريال
طالعت في عصير الربيع وابتسمت بحنان
وبغيت أضم القوطي لولا اني خفت الهندي يقول عني مجنون
وانا اللي اضف أخر 3 قواطي في الثلاجه واحاسب الهندي وأطلع
اول ما ركبت السياره وانا اللي افتح قوطي الربيع (وأطعنه)بالمزاز وامزلي ذيك المزه
الللللللللللللللله ياهي مزه !!! (بفتح الميم وليس بضمها..منعاً لسوء التفاهم)
الله يا جماعه الخير يوم ذقته اني احس اني رجعت 12 سنه لورى
تذكرت ايام الطفوله
وأيام المدارس والفسحه بعد الحصه الثالثه
تذكرت أيام الاختبارات
يالله على ذيك الأيام والله ان الريال فيها كان بركه
كان البزر فينا اللي معاه 5 ريال يعتبر كأنه الوليد بن طلال بيننا!!
أيام كان الريال الواحد تخطط له وين بتصرفه وكم حبه علك بتشتري فيه !!
والله من زود الحنين قمت أسولف مع القوطي وكان الحوار كالتالي:
تصور يا(ربيعي العزيز) ان الببسي كبر راسه قبل كم يوم؟!
وما صار يرضى يطلع من الثلاجه الا بريال ونص ؟؟
شاف نفسه الخايس !!
بعد كل اللي سويناه ليه
أبائنا يحذرون منه وطنشناهم
الدكاتره يقولون لا تقربونه وطنشناهم
وقلنا هذا ببسينا الغالي
وهذي اخرتها حبيناه الى ما كبر راسه علينا
على بالك همنا يالربيع؟!! لا والله ما هز فينا شعره !!
وقلنا له بلعنه ما نبغاك عندنا ولد عمك الـ كولا
للحين حبيب ويجي معنا بريال زي الحلاوه
بس والله يالربيع طلع قليل خاتمه مثل ولد اخوه !!
ما مر عليه يومين الا هو الثاني صار يتغلى وصار بريال ونص !!
تصور يالربيع !
طول عمرنا نشتريه بريال؟
وش اللي جد في الموضوع ؟
تقولي السكر ارتفع؟
بالله خلهم يلعبون غيرها !!
طيب ليه ما ارتفعت اسعار الكيك والعصائر والمربي....مع انها فيها سكر هي الثانيه !!
والسؤال الأهم انت يالربيع ليه ما ارتفع سعرك؟ ليش انت ما فيك سكر ؟
انا أقولك ليه............ لأنك وفي!!
من يومك وانت بريال
من يومك وأنت بارد
من يومك وأنت تروي عطشنا
هذا وحنا ما نحبك وساحبين عليك السيفون
والله لا أرجع لك لأنك أثبت ان باقي المرطبات مافيها خير
-الببسي والكوكا وكبر راسهم وصاروا يرال ونص !!! >في ستين داهيه على قوله اخوانا المصريين
-البايسن وطلع يجيب عقم !!
-السن توب طلع دنماركي
-الريدبول طعمه خايس وميزانيته ما تصلح مع اخر الشهر
الهولستون الرمان بعد ما حبيناه باسبوع صار ب3 ريال ونص !! يعني نسيناه قبل لا نحبه
فديت راسك يالربيع مالنا إلا أنت فلا تتخلى عنا تكفا.....!!!
مالها سنع تصير زيّهم
انت الكبير
كل هذا الحوار دار وأنا ما زلت واقف امام البوفيه
والهندي يناظر فيني من ورى القزاز ويدق بجواله << ظنتي يدق على مستشفى شهار !!
أثرت السلامه وتوجهت لدوامي ومعي قوطيين ربيع زياده لزوم الغدى والعشى
وخلي الكولا في ثلاجاتها
وخلي النص ينفعك يالببسي
وسلامتكم
اليوم الصباح و أنا في البوفيه احاسب على الفطور الا اخذتلي كوكاكولا
شوي الا الهندي يقولي بريال ونص !!
قلتله:نعممممممم!! صايدني يبو الشباب ؟ هذا كولا مو ببسي!!
قال: سديق هذا امس يجي ريال ونص سيم سيم ببسي
قالها وهو يلصق خطاب الشركه في خشمي !!
و أنا اللي تقفل معي واخذ الكولا بارجعه الثلاجه
وقلت والله لو باشرب مويه الردايتر مع الفطور اني ما أخذه بريال ونص !!
وأنا ارجع الكولا لمحت بطرف عيني الثلاجه الصغير اللي جنب ثلاجه الكوكا
إلا اشوف عصير مابقي منه الا 3 حبات
أركز شوي الا هو عصير الربيع برتقال !!
وانا اللي اطالع الهندي بنص عين
و أقوله : وش أخبار الربيع وصل الى خمسه ريال ولا بعد ؟!
قال : لابابا هادا واحد حبه ريال
طالعت في عصير الربيع وابتسمت بحنان
وبغيت أضم القوطي لولا اني خفت الهندي يقول عني مجنون
وانا اللي اضف أخر 3 قواطي في الثلاجه واحاسب الهندي وأطلع
اول ما ركبت السياره وانا اللي افتح قوطي الربيع (وأطعنه)بالمزاز وامزلي ذيك المزه
الللللللللللللللله ياهي مزه !!! (بفتح الميم وليس بضمها..منعاً لسوء التفاهم)
الله يا جماعه الخير يوم ذقته اني احس اني رجعت 12 سنه لورى
تذكرت ايام الطفوله
وأيام المدارس والفسحه بعد الحصه الثالثه
تذكرت أيام الاختبارات
يالله على ذيك الأيام والله ان الريال فيها كان بركه
كان البزر فينا اللي معاه 5 ريال يعتبر كأنه الوليد بن طلال بيننا!!
أيام كان الريال الواحد تخطط له وين بتصرفه وكم حبه علك بتشتري فيه !!
والله من زود الحنين قمت أسولف مع القوطي وكان الحوار كالتالي:
تصور يا(ربيعي العزيز) ان الببسي كبر راسه قبل كم يوم؟!
وما صار يرضى يطلع من الثلاجه الا بريال ونص ؟؟
شاف نفسه الخايس !!
بعد كل اللي سويناه ليه
أبائنا يحذرون منه وطنشناهم
الدكاتره يقولون لا تقربونه وطنشناهم
وقلنا هذا ببسينا الغالي
وهذي اخرتها حبيناه الى ما كبر راسه علينا
على بالك همنا يالربيع؟!! لا والله ما هز فينا شعره !!
وقلنا له بلعنه ما نبغاك عندنا ولد عمك الـ كولا
للحين حبيب ويجي معنا بريال زي الحلاوه
بس والله يالربيع طلع قليل خاتمه مثل ولد اخوه !!
ما مر عليه يومين الا هو الثاني صار يتغلى وصار بريال ونص !!
تصور يالربيع !
طول عمرنا نشتريه بريال؟
وش اللي جد في الموضوع ؟
تقولي السكر ارتفع؟
بالله خلهم يلعبون غيرها !!
طيب ليه ما ارتفعت اسعار الكيك والعصائر والمربي....مع انها فيها سكر هي الثانيه !!
والسؤال الأهم انت يالربيع ليه ما ارتفع سعرك؟ ليش انت ما فيك سكر ؟
انا أقولك ليه............ لأنك وفي!!
من يومك وانت بريال
من يومك وأنت بارد
من يومك وأنت تروي عطشنا
هذا وحنا ما نحبك وساحبين عليك السيفون
والله لا أرجع لك لأنك أثبت ان باقي المرطبات مافيها خير
-الببسي والكوكا وكبر راسهم وصاروا يرال ونص !!! >في ستين داهيه على قوله اخوانا المصريين
-البايسن وطلع يجيب عقم !!
-السن توب طلع دنماركي
-الريدبول طعمه خايس وميزانيته ما تصلح مع اخر الشهر
الهولستون الرمان بعد ما حبيناه باسبوع صار ب3 ريال ونص !! يعني نسيناه قبل لا نحبه
فديت راسك يالربيع مالنا إلا أنت فلا تتخلى عنا تكفا.....!!!
مالها سنع تصير زيّهم
انت الكبير
كل هذا الحوار دار وأنا ما زلت واقف امام البوفيه
والهندي يناظر فيني من ورى القزاز ويدق بجواله << ظنتي يدق على مستشفى شهار !!
أثرت السلامه وتوجهت لدوامي ومعي قوطيين ربيع زياده لزوم الغدى والعشى
وخلي الكولا في ثلاجاتها
وخلي النص ينفعك يالببسي
وسلامتكم