المساعد الشخصي الرقمي

مشاهدة النسخة كاملة : الى متى ؟

KFJ3000
14-04-2011, 07:36 AM
السلام عليكم جميعا ..

يا جماعة الخير ممكن احد يفيدني ويعلمني ويقولي الى متى بيظل الجو كذا !! غبار وغبار وعجاج وغبار وعواصف !! اللهم لا اعتراض والحمدلله على كل شي
بس والله تعبنا من كثر مانمسح وننظف كل عشر دقايق
وانخنقنا من الجو وحساسية الصدر قامت مع كل الاطفال !!
يعني هو بيستمر كذا ؟ بيزيد ؟ بيوقف ؟
اي احد يجاوبني بصراحه انا حيل متازمه ..

yd.885
kaiji
14-04-2011, 01:34 PM
وعليكم السلام
اليوم الجو صافي بس في رياح .سمعت انشاء الله غدا في عواصف رعديه على المناطق الشرقيه
شمس الرائدية
14-04-2011, 04:59 PM
وعليكم السلام ورحمة الله وبركاته ..
الحمدلله على قضاء الله وقدره ..
وما فيه آحد يعلم الغيب كل شي بيد الله
هو اللي ييسر الآمور ..
صانع الإبداع
14-04-2011, 08:42 PM
*
:confused::confused:
هذا قضاء الله وقدره ...!
وحنا الحمد لله بالخبر الجوصافي وجميل والأمطار مستمرة ...!
نحمد الله على قضائه وقدره ...!
:101:
*
شيخة الزين
14-04-2011, 08:45 PM
العلـم عند اللــه وان شـاء اللــه مايستمــر الغبــار وترى اليــوم الجــو حليــو
KFJ3000
15-04-2011, 04:26 AM
سبحان الله
يا اخواني ايش فيكم انا ماني معترضه على حكم الله
لا والله الحمدلله والشكر على كل شي
طول ما الانسان بخير وبصحه وكل شي يجي من الله خير وبركه ..

بصراحه انو جو الخفجي اغرب جو شفته بحياتي ..
تمر عليك فصول السنه كلها بنفس اليوم وبنفس الوقت !!
الصبح كان عجاج وغبار وبعدين صار الجو مغيم وحلو ويجنن وبالليل رجع صار شتوي وبرد !!
يعني وش الحل ؟ نصيف ولا نشتي ؟
نغسل ملابسنا وننشرهم ولا لا !!
امسح غرفتي من الغبار بذمه وافتح الدرايش ولا امسحها اي كلام لانها بتغبر بكرا !!
والله هالاسئله كلها تؤرقني ..
معقول مافيه احد عنده علم اكيد عن احوال الطقس !!
kaiji
15-04-2011, 05:38 PM
لين حيا الحي ومات الميت تو يجيك الخبر يا غالي
توكلوا على الله والي قبلنا ما كان عندهم أرصاااد
ولا حاااجة وحماااهم الله
حافظوا على وردكم وأذكاركم ولا راح يصيبكم
الا الي كتبه ربي عليكم
6984