قبيلة الف مبرووك <~ قصة أبطآلها أنتم ..

[حلوة الإحساس]

http://www.alfrasha.com/up/10933704921198566451.gif

لا اعلم كيف كتبتها
ولكن المهم
اني قد بدأت بها وبذلك
سأكون بين النجوم
تابعوني في هذة القصه
فشخصياتها هي انتم

http://www.alfrasha.com/up/3258086361736423530.gif

[حلوة الإحساس]

ابطال القصه
هم اعضاء منتدى الرائدية والي ماراح
يشوف اسمه في بداية القصه ينتظر البارت الي بعده

ما نبي اي احد فيكم يزعل كل الي تقرأونه اقرأوة على اساس المتعه
والتسليه

نبدء على بركة الله

قبيلة الف مبروووك

قبيله متكاتفه كلهم يخافون على بعض ومتكاتفين مع بعض
جدهم الكبير هو الف مبروك
ظلت هالقبيله تتزاوج وتتكاثر لحد ما وقفوا
عند هالشخصيات الي بنعرفها اللحين



http://www.alfrasha.com/up/18819791411858366408.gif (http://www.alfrasha.com/up/18819791411858366408.gif)


شخصيات القصة
نبدء في الرجاله
ابورائد:شيخ القبيله يهابه كل من حوله من القبائل

"الراهي_الدوخي__نصراوي وافتخر_نور اللإسلام_مشاري_عزوز"
هذولا شباب القبيله ومسوين نفسم فرسان وهم من جنبها ومسمين انفسهم(عصابة الصقور القويين)
دايم يوهقون القبيله بحروب وفي النهاية هم يتكفخون والقبيله تتكلف الخساير بس محد فيهم ينقتل مدري ليش!!
كورن فلكس:هذا هو المسئول عن نقل الأخبار للقبيله
نايف عابد: هذا مطرب القبيله علية صوت يجيب المرض بس متحملينة علشان ابوة مدير بلدية القبيله
المونديالي وبشاش:تجار القبيله وما يدينون احد وعندهم خدمة توصيل طلبات للخيام واستعداد تام لتقديم خدمات الزواجات والحروب والهوشات
نواف الفهاد:هذا شاعر القبيله يمدح ابو رائد علشان يعطية فلوس بس ابو رائد ماقد اعطاه
ابو الوليد: هذا صاحب العقل الكبير وقت الشده يرجعون له الناس من ذكاءه وخبرته في الحياة>>قولي ماشاء الله
ناصر الزعبي:مصور القبيلة وياااااحبة للفضايح
*******************




نجي الحين نعرفكم على النسوان


بوح المشاعر:شيخة القبيله عصبية بس قلبها طيب
(شمس الوله_جوري_الجوري_بنت الخفجي_كلي خفجاويه_شمس_)
هذولا كلهم بنات بوح المشاعر جننوا فيها وشيبوا براسها.
ههههههههههههههههههههههه




لبى جنوني:بعد هذي تصير بنتك يا بوح المشاعر بس مسافرة تدرس

وين مسافرة؟؟ راح تعرفون من خلال القصه

( حلم_ليل)
بنات جيرانهم وحيل هاديات ورومانسيات
حلم صديقة شمس!!!!!
وليل صديقة جوري!!!!
حنين:هذي طباخة القبيله عليها طبخ يذبح بس اسعارها غالية وماترضى تعلم احد بنوعية البهارات الي تستعملها في اكلها
ازف الرحيل: ماتقعد في خيمتها ولادقيقه بس تتنقل من خيمة لخيمه وتنقل للحريم اخر الأخبار
لأجل اشتياقي:دكتورة القبيلة مع ان شهادتها بكالوريوس هندسة بس مع ذلك صارت دكتورة كيف مدري!!!
************


بدأ اليوم طبعا"مع اشراقة الشمس>>احلفي
فتحت يوح المشاعر باب الخيمه و
دخلت على بناتها العشر طعش
طفت عليهم المكيف وقالت بصوت عالي:
قومو ووجع الوقت تأخر النهار طلع والشمس طلعت وروحي طلعت وانتو باقي نايمين
قومو خلصوني
فتحت شمس الوله عيونها وقالت:
يمة توني نمت ماقدرت ارقد من هالعلة جوري كل شوي تتقلب وتطيح من فوق السرير وعاد انا اقوم وارجعها

بها الوقت فتحت جوري عيونها وقالت:
لا والله انتي الي صوت شخيرك وصل لأخر الدنيا قالتلك الدكتوره لأجل اشتياقي لازم تشيل اللحمية الي في خشمك انتي الي رفضتي مبسوطه على هالسمفونيات الي تطلع من خشمك!!
طبعا"وبدأت الهوشة بين شمس اوله وجوري وبدأ شد الشعر قامت بوح المشاعر طلعت وخلتهم ويوم طلعت رجعوا البنات وكملوا نوم وكل وحدة كشتها في فم الثانية من كبرها
************



عند الرجاله
ابورائد يسولف مع ابو الوليد في خيمة الإجتماعات
ابو رائد:اقول يا ابو الوليد ماشاء الله على قبيلة ال طوني امس ارسلي شيخهم ايميل يعزمني فية على عرس ولده ويليام
ابو الوليد:وش رايك يا ابو رائد نصير اكرم منهم ونقولهم ان عرس ولدهم يكون في قاعة قبيلتنا
ابو رائد: اي والله هذا نعم الرأي وين راح يلقون احسن من قاعة الف مبروك
وفجأه يدخل كورن فلكس عليهم والدم يصب من راسة وهو يصرخ ويقول:
الحق يازعيم الف مبروك الحق على العيال
ابو رائد فز من مكانة وقال:
اي عيال تقصد
كورن فلكس:
عيال القبيله ياطويل العمر تذابحوا مع عيال ال طوني.....
وينادي ابو رائد ابو الوليد ونواف الفهاد ويركبون على خيولهم وينطلقون الي مكان الهوشة




جيتك على خيل العدا راجي الله
انة يكون الي سمعته كذب في كذب
لكن لو طلع ذاك الحكي صدق والله
حق علي لا العن ابو جدفك

**************


ويوم وصلو لقو عيال ال طوني اربعه وكلهم قتلوهم اما ال الف مبروك ما احد فيهم انقتل كالعاده طبعا"
ويطالعون ويلاقون عزوز فاتح فمة عالأخر وجثه طايحة فوقه الظاهر ذبحها بالغلط
والراهي قاطع راس واحد من الرجال ويلعب فية كورة
والدوخي قاعد يفتش في جيوب الرجال الي قتلهم
و نور الإسلام: قاعد يبكي عليهم
ونصراوي: مهوب جهت الحرب واقف قدام ضب ويقوله وش عندك تخز
ومشاري:ماسك جواله وقاعد يصور نفسة وهو قوي
يوم شافهم ابو رائد وهو يصرخ عليهم:
الله يفشل ابليسكم ذبحتم عيال الناس الي وجبونا
رد نور الإسلام وهو يشهق من البكاء:
كنا نمزح معاهم ماتوقعنا انهم بيموتون
قال ابو رائد:
لابالله تطعنونهم بالسيف وما تبونهم يموتون
قال عزوز:
عادي هذا انا مطعون وما مت
ويلف عزوز الا فية
5طعنات بالسيف و3 اسهم
وقنبله يدوية متفجره جنبه
كل هذا ومامات
في هالوقت التفت ابو الوليد على
صوت واحد يعرفه
وسمع صاحب الصوت يقول:
لا لا يا مشاري شكلك كذا موب قوي
حط الجهه الي فلقت راسه منها عالكاميرا
وانت خلك مبتسم علشان تضبط الصورة
!!!!!!!
طبعا" هذا الأخ ناصر الزعبي قاعد يصور
مشاري!!!
نواف الفهاد:
انتم وشو كل واحد فيكم مطعون اكثر من طعنة وباقي محد فيكم مات

الراهي :
لاتعطينا عين

في هالوقت طلع نايف عايد وقعد يغني
ناويلك على نية
بس انت اصبر شوية

قام ابو رائد لحقهم بالخيزرانة ورجعهم كلهم القبيلة
**************
ياليتني وسط الخلا وابدوية
ترعى غنمها بين الدفا والبل
معروفة بالصيت حيل اجودية
تفزع لها العربان في حزة الذل
وقت النصايف في رجعتي والعشية
كل القصايد وقتها فيني تهل


شمس الوله:اه ياحلم ذبحتني جوري ماخلت في راسي شعره من كثر ماتشد شعري
حلم:هذه هي الحياة لاتسير كما نريد
نحن في هذه الدنيا نعيش ليس من اجل السعاده بل من اجل انتظار المكتوب
شمس الوله:
والله مدري وش تقولين بس الظاهر من شكلك وانتي تسولفين وتطالعين السما انك صادقه
حلم:
انا من يفهمني _انا لا يوجد من يفهمني_انا سحرت عقول من حولي_بفكري بقولي بسلامة لساني وذوقي_ _ _
خخخخخ
تلتفت حلم على صوت شخير شمس الوله وتلقاها نايمة بسابع نومه
تتحسف حلم على صديقتها المنسمه
**************



جوري:افف من هالشمس والله لولا انها اختي كان امداني دعستها بالناقة
ليل:اي ناقة ابوك سمحلك تسوقين نياق؟
جوري:ايية سمحلي بس قالي بشرط ان امي ماتدري واني انجح في اختبار السواقه والحمد لله نجحت وطلعت لي ناقه
ليل:طيب الحين الخبر بينتشر اكيد امك راح تدري
جوري:اهم شي ازف الرحيل ماتزورنا لأنها ان زارتنا راح تعلم امي
ليل: طيب وشلون امك ماقد شافتك وانتي تسوقين لو بالغلط
جوري_ابوي حطلي خيمة فيها باب اوتوماتيك اوقف فيها ناقتي والخيمه بعيده عن خيمة أهلي
ليل:بصراحه ياجوري ماكنت متوقعه انكم متحررين لهدرجه تسوقين ناقه مره وحده
وانتشر خبر سواقة جوري للناقه في خيمة المطوعه الي يدرسون فيها البنات وصار البنات كلهم يتحاشونها لأنها صارت تسوق ناقه موديل2012وصاروا يعايرونها ويقولون ياراعية النياق
**************





عند عصابة الصقور القويين بعد ماخلصوا حرب وبعد ماكفخهم ابو رائد بالخيزرانة
الدوخي:
كلها منكم مالت عليكم قلتلكم لاتذبحونهم بس عوروهم لأننا ان عورناهم بيعطوننا التيل
نور الإسلام:
اقول لايكثر امش خلنروح دكان بشاش نشتري بيبسي وبطاطس ليز
الراهي:
والله انك فاضي اللحين كل رجال القبيله زعلانين وانت ماهمك غير كرشك
نصراوي:
اقول شباب مادريتو عن عرس ويليام ولد ال طوني يقولون انة راح يكون بها اليومين
عزوز:
وانت تعرف ويليام؟
نصراوي:
وشلون ما اعرفه هذا الي كنا نطقة واحنا صغار
عزوز:
وليش كنا نطقه علشان نعرف هو اي واحد
نصراوي:
كنا نطقه علشان امه ماكانت تلبس برقع
مشاري:
اي تذكرته ذاك الأشقر ابو خدود حمر
الراهي:
استغفر الله هذاك الأبيض استغفر الله هذاك الي إذا ضحك وجهة يصير وردي
نور الإسلام:
اي والله استغفر الله حلات الواحد بجرح شاق جبهته وواصل لحواجبه ثوبه مقطوع من عند الركبه جلده مقشر اي كذا الشكل
مشاري:
اقول لاتحشون بس ادعو ان الله يصلحه ويهدية ويعافية ولا يبتلينا
الكل:
ااااامين





بنت الخفجي:جوري وصليني لسوق "بشاش والمونديالي"
ابي اشتري اغراض لعرس قبيلة ال طوني
جوري:انطمي فضحتينا والله ان درت امي لأذبحك وبعدين باقي ماندري إذا بنحضر او لا ابو رائد باقي ماقرر وغير كذا انا مشغوله حدي
الجوري:مشغولة؟
قولي انك تبين تروحين تفحطين بناقتك في صبخة الملك فهد
جوري:انطمي انتي

في هالوقت دخلت حنين
ومعها خروف وش كبرة جوري بس شافتها بلعت العافية وخافت انها تفتن عليها عند امها
راحت وركضت واخذت الخروف وما اصرت عليها تدخل علشان ماتنفضح
راحو البنات ونادوا امهم
دخلت بوح المشاعر
ويوم شافت الخروف قالت:
وين خالتكم حنين قلطتوها في خيمة الضيوف؟
جوري:يمة مارضت انها تدخل حاولت فيها وحلفت عليها
تدخل بس انها رفضت
ما امدى جوري تكمل كذبتها

إلا رفعت حنين باب الخيمة وقالت والله وتعرفين تكذبين ياجوري والا ماتبيني اعلم امك ببلاويك
شمس:والله من زود النصب
ماحست شمس الا بذاك الكف الي فر رقبتها
من جوري
جوري درت ان اللحظه الحاسمه قربت
قالت بوح المشاعر:
اي فضايح الله يكافينا الشر اقول تكلمي وش السالفة
حنين:
لا وتسوين حالك ماتدرين شوفيلك حل مع بنيتك قبل ماتفضحنا
جوري:
انا مافضحت احد ابوي يدري وماسويت شي من وراه
حنين:
ابوك يدري بعد والله زين
بوح المشاعر:
بس عاد قولي وش السالفة
جوري في هاللحظه ودها الأرض تنشق وتبلعها
لأنها درت ان خبر سواقتها للناقه ان وصل لأمها راح تروح فيها
حنين:
ها يا جوري وش رايك اقول؟؟؟
جوري اسكتت وماردت عليها
حنين:
الي ماتعرفينة يا بوح المشاعر ان بنتك المحترمة قامت هاليومين تميل عن عاداتنا واخلاقنا الله يستر بس يا حرمه شكل بنيتك تبي توصل راس قبيلتنا للأرض
جوري خلاص مافيها حيل درت ان امها راح تحرمها من طلعة الرعي او انها تجيب الماء من البير او حتى انها تخض اللبن
قعدت على رجولها لأن خلاص معد فيها حيل
جلست وتستنى مصيرها
شمس الوله وكلي خفجاويه وبنت الخفجي والجوري وشمس

قعدوا يتفرجون ومن داخلهم مبسوطين على شكل جوري وهي ميته من الخرعه
بوح المشاعر وبصوت عالي:
حنين ميب حاله يلا قولي خلاص اقلقتيني بما فية الكفاية
حنين:
شوفي بوح المشاعر بنتك المحترمه وش سوت
تخيلي انها قامت تحط من الروج السحري
والله اني شفتها بعيوني الي بياكلها الدود
وهي تشترية من سوق المونديالي
جوري
حست انها بدت تبرد ولولا الحياء كان امداها قامت وكسرت راس حنين
بوح المشاعر:
جوري وش هالخبر صحيح الي تقوله
جوري:
يمه الله يهداك انتي وخالتي حنين انا اعرف الأصول بس انا شريت الروج السحري

قصدي اهديه لك يايمة بمناسبة مرور 99سنه على زواجك من ابوي!!!

بوح المشاعر:
دام هذا قصدك يابنيتي ما يخالف بس مرة ثانية انتبهي
اشتري بالخش والدس
علشان الناس مايتكلمون
حنين:اي يابنيتي البنت نفس اللبن من بياضة اي شي يطيح فية يبين!!!
يلا انا استأذن
بوح المشاعر:وين ياحنين تو الناس
حنين: مايخالف وانا اختك والله انا مستعجله عندي بوفية اليوم ولازم اخلصة قبل العشاء
طالبين خرفان مع اسبجيتي
وسلطة روسية وحليب كوكتيل
الله يعين لازم اخذ من كل ناقات القبيله
بوح المشاعر:الله يعينك وانا اختك
وراحت حنين بيتها
وتجمعوا البنات وامهم على السفره وبدأوا في الأكل
بوح المشاعر:مادريتوا اختكم لبى جنوني بتوصل ان شاء الله بعد اسبوع
بنت الخفجي:ياربي لاتجي إذا جت وين انام انا اكيد حضرتها تبي غرفتها
شمس:يمة_ _ _يمة
بوح المشاعر: نعم
شمس: لبى جنوني اصلا"وينها؟؟
غصوا كلهم بالأكل وقعدوا يكحون نص ساعه من سؤال شمس الغبي
بوح المشاعر بعد ماشربت تنكر موية: انتي وين عايشة؟؟
شمس: مين عايشة انا ما اعرفها علشان اقولك وينها
بوح المشاعر وشوية وترمي حالها من بلكونة الخيمه
: من سألك عن عايشة انا اسأل انتي موب عايشة معنا وشلون ماتعرفين اختك وين
اختك ياالذكية ارسلناها لخيمة امريكا علشان تأخذ شهادتها من المطوعه الي هناك مو انتي سورة الفاتحه وبالعله حفظتيها
هنا عاد شمس انجرحت مشاعرها وماقدرت ترد
ومن كثر ماتضايقت من كلام امها اكلت الي في الصحن كلة ومابقت غير عظام الخروف مقطوطه
في الصحن لحالها>>>شوفوا الإحساس المرهف

بعد ما خلصوا اكل طلبت بوح المشاعر من بناتها يجهزون القهوه علشان تبي تزورهم ازف الرحيل

ازف الرحيل وبوح المشاعر قاعدين على كنب
فاخر في حديقة الخيمه
ازف الرحيل:
اقول بوح المشاعر ماراح تحضرون عرس ويليام ولد ال طوني؟؟
بوح المشاعر:والله ما ادري كل اهل القبيله ينتظرون
موافقت ابو رائد
ازف الرحيل:والله يقولون ان عرسهم متعوب علبه
يكفي اني انا الي خطبتله البنيه يعني من بداية
العرس بركه
بوح المشاعر:وشلون انتي الي خطبتيها له هي محجوزة له من يوم ما كانو صغار
ازف الرحيل:من قالك؟؟

انا قلتله ياخذها والا هو كان يبي ياخذ وحده متحررة وتسوق نياق بعد
ازف الرحيل:اعوذ بالله
الله يستر على بناتنا

في اليوم الي بعده طلع كورن فلكس ينادي في الناس ويقول:
ياال الف مبروك
زعيم قبيلتنا يبيكم علشان يبي يقولكم شي
تعالوا كلكم
حريم ورجاجيل
وياحريم تستروا وياويل الي تلبس برقع ابو صقر
البسو براقع ثقيله ولاتكحلون
وياعيال
تروشو موب تصرعون زعيم القبيله وبعدين ينسى وش يقول
يلا بسرعه تعالو
وممنوع اصطحاب الأطفال
وممنوع دخول الملثمين من زين عيونكم عاد!!!


وبعد هذا النداء الي يجيب العافية
تجمعوا اهل القبيله عند خيمة شيخهم والي كانت عباره عن دورين
و3دشوش
عربسات والمجد ودش حمام
وطلع نواف الفهاد على المنبر
والقى الكلمة بدال ابو رائد لأن ابو رائد
خسر في الأسهم وحزين ماله خلق يطلع
طلع نواف الفهاد وقال:
يا ال الف مبروك اكيد كلكم عرفتم عن عرس ال طوني
وهالعيال سودو وجيهنا قدامهم الله لا يعطي ابليسهم عافيه
ومن اجل ذلك قررنا ان نحضر عرسهم ونجيب معنا العشاء
وعيالنا يضيفون الرجال وبناتنا يرقصون عند النسوان
وكمل كلامة وقال:
تعبت انا في وصفكم يا اهل الطيب
يا اهل الوفاء ويااهل القلوب النظيفه
والمدح لا كان ناصيكم ابد ما يخيب
صعب جدا" يوصف الناظر وصيفه

بها الوقت نطت كلي خفجاوية وقالت:
بس يا طويل العمر هم يشغلون اغنية ما يكل جاكسون وانا
ما اعرف ارقص الا على اغاني صيته

وكالعاده حصلت
طررراق من بوح المشاعر على لقافتها

رد عليها نواف الفهاد
ما يخالف تعلمي وانا عمك تعلمي
فجأه قال مشاري:
انا ما ابي احضر عرسه لأنهم
يا شيخنا هم يشيلون العظم وتصير اللحمه
كأنها خبزه اكلها كأني شايب ما عندي اسنان
رد عليه نواف:
انت وربعك تحضرون غصب عنكم
بعد ما فشلتونا قدامهم
وبعد ما خلص الأجتماع توزعو الناس وبدأت استعداداتهم للعرس
وبدأت الزحمه في سوق بشاش والمونديالي

وبحكم انهم ناس طيبين شبة تجارنا بدأو

في رفع الأسعار

والدنيا صارت ناااااااااااااااار





http://www.alfrasha.com/up/10064045031674298563.gif (http://www.alfrasha.com/up/10064045031674298563.gif)


تابعونا في البارت القادم




يا ترى ليش راح يودون بنت الخفجي للدكتوره لأجل اشتياقي؟؟
وش راح يصير في العرس؟
من هم الأعضاء الجدد الي راح نشوفهم؟
ازف الرحيل وش راح تفاجأ الناس فية؟

ابي اشوف توقعاتكم وتفاعلكم وارائكم
http://www.alfrasha.com/up/10064045031674298563.gif (http://www.alfrasha.com/up/10064045031674298563.gif)


http://www.alfrasha.com/up/4076604121011935758.gif (http://www.alfrasha.com/up/4076604121011935758.gif)

[أبو رائد]

سلمتِ يا حلوة الإحساس

على هذه القصة ..

أحداث جميلة وأسلوب رائع ومشوق
كعادة كتاباتك ..


ننتظر البقية


والله يعطيك العافية

[زهورالخريف]

:biggrin::biggrin::D:biggrin::biggrin:

اتوقع عشان تسويلها عمليه تجميل:rolleyes:

[@همس الغروب@]

تسلم ايدك ياحلوة الاحساس على هذا الطرح الجيد والممتع والفريد من نوعه
أتمنالك التوفيق والمزيد من التقدم :)
وأعجبني كثير سالفةسواقة البنات عندهم :d
وانتظر البارت الجديد بشغفلاتاخرين علينا فيه :101:


اللهم أجعلنا ممن يدخلون الجنة بلاحساب ولاعقاب ياأرحم الراحمين

[فاصله]

قصه رآئعه وكتآبه سلسه ومميزه ..
ماقلتي وش لون نآقة جوري ومن أي شركه :biggrin:
وآصلي ابدآعك :101:

[سليمان الفليج]

سلمتِ يا حلوة الإحساس

على هذه القصة ..

أحداث جميلة وأسلوب رائع ومشوق
كعادة كتاباتك ..


ننتظر البقية


والله يعطيك العافية

[دانة الكون]

يعطيك العافيه يا حلوه الاحساس بس طولتي حمستينا وغبتي

اما عصابه الصقور رهيبين ذابحين الناس علشان تيل:eek:

اتوقع ان جوري تدعس بنت الخفجي بالناقه علشان كذا يودونها للدكتوره:biggrin:.

اما ازف الرحيل كل شيء متوقع منها بعد سالفتها انها هي الي خطبت:biggrin: عيني عينك الصواريخ.

لا تطولين علينا ننتظرك بفارغ الصبر.

[مشاري]

واصــي ابداعك يالغلا

:biggrin:


اما مالي سنون :rolleyes:

[رمز الأنوثه]

يعطيك العااافيه أخت حلوة ألأحساس سلمت يمنااك وأصلي أبدااعااتك

[حلوة الإحساس]

سلمتِ يا حلوة الإحساس

على هذه القصة ..

أحداث جميلة وأسلوب رائع ومشوق
كعادة كتاباتك ..


ننتظر البقية


والله يعطيك العافية






حي الله شيخ قبيلتنا
:biggrin::biggrin:
شرف لي مرورك الأول لقصتي

صافي الود لروحكـ الطيبه

مع كل الحبــ:101::101:

[شمس الرائدية]

ياسلام ياحلوة الآحساس
أقرها وأنا متشققه:biggrin:
بس ليه ما حطيتيني بدل حلم أو ليل :biggrin:
تسلمييييين غلاتي ومتابعين لك ولكل شي مميز منك .. :101:

[شمس الرائدية]

ما قدرت أتوقع وش راح يصير لآن القصه والله حماسيه :)

[طيوفه]

ابداااااااااع في ابداااااااااااع
قصة مشوقة ومضحكة
الله يعطيك العافية

[عبدالله المطيري]

يعطيك العافيه ..
عالطرح الرائع..
والقصه الرائعه..
..تحياتي..

[الراهي]

***
..
تسلم يدينكـ ع القصة الرهييييييييييييبة
..
وألف شكر لك
..

والراهي قاطع راس واحد من الرجال ويلعب فية كورة

..
ههههههههههههههههههه
<<< يا شرير

>>
ومتابعين
..
ودنا نعرف وش يصير بـ العرس
..
والأحداث الجديدة
..

◕‿◕
***

[goree]

هههههههههه

حلوة الاحساس

انتِ اكوس وحده

عشت جو مع القصه

مع اني مااتخيلني راكبه ناقه ابد :d

لا وروج سحري بعد

ياخطيره ياانا هههههههههههههه


اما شباننا الوسيمين
مسوين قويين ..
بس ماينمزح معهم

وناصر ههههه يمشي ويصور

وابو رائد والاسهم ههههههههه الله يعوضه


واما خالتي حنين

طيحت قلبي برجلي

احسبها بتعلم :d
بس اشوى سلكت لأمي <~ سلكت = كلمه سارقتها من اخوي
هههههههه


وبنت الخفجي لاعاد تهاوشيني .. دايم احس انك الباديه :d

ليل صديقتي مابعد جت بالقصه :d

ودي اشوف حياتنا هاللي احسها قديمه حديثه :d

خيمه بـ باب كهربائي وعندنا مكيفات

لا عز الطلب :d

كل شيء كووووم وطبخات البوفيه شيء ثاني هههههههههه


شمس مفهيه مره اجل ماتدري وين مسافره اختنا :d



الله يعطيك العآفيه يا حلوه

وبإنتظار البارت الثاني

اتوقع راح يصكونها بعين بالعرس <~ الناس ماشافوا خير ..

[أبو الوليد]

.

http://www.alraidiah.org/up/up/22951235720081217.gif




رواية ممتعة يا ../ حلوة الإحساس ...!!



والله يعطيك العافية على هالسرد الجميل للرواية ...!!



واصلي ونحن متابعين معاك إن شاء الله




::


:101: وفقك الباري :101:

http://www.alraidiah.org/up/up/22951247020081217.gif

:101: .. .. ومضـــــــــــــــــــــة .. .. :101:

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .

[goree]

بإنتظآر إكمآلهآ ..
والله يعطيك العآفيه
:)

[حلوة الإحساس]

زهور الخريف
همس الغروب
فاصلة
سليمان الفليج (http://www.alraidiah.com/vb/member.php?u=3650)
دانة الكون
مشاري
رمز الأنوثة
شمس الوله
طيوفه
مطيري ولي فخر
الراهي
جوري
ابو الوليد


قصتي زادت جمالا بمروركم
فوجودكم في متصفحي بذاته قصه

انتظرو البقيه

[دانة الكون]

انتظارنا زادنا شوق لمعرفه البقيه
ننتظر بفارغ الصبر.

متى تكملين:mad:

[حلوة الإحساس]

http://www.alfrasha.com/up/10933704921198566451.gif (http://www.alfrasha.com/up/10933704921198566451.gif)

وهذا هو البارت الثاني يارب انه يعجيكم







(البارت الثاني)


بدأت استعدادت اهل قبيلة الف مبروك للعرس
وبدأو بنات القبيله في اختيار احلى الأقمشة
علشان يفصلون دراريع العرس
وبدأت معها الزحمة في سوق بشاش والمونديالي
استعدادا"وتكشخا"من اجل وعلشان العرس
حطو لافته على محلهم كتبوا عليها

"يوجد لدينا خيمة خاصة لتجهيز بنات القبيله الي يبون يحضرون عرس ال طوني
تعالوا كلكم مو من زينكم وبالذات شمس الوله وجوري لأنهم دايم يشدون شعر بعض تعالوا علشان نشوفلكم صرفة مع كششكم
وإذا كنتم مسوين انفسكم مستحيين منا حنا بعد محنا بايعين عمرنا علشان كذا جبنالكم حريم يظبطونكم يلاتعالوا بسرعة"

وبدأت استعدادات بنات بوح المشاعر وراحت شمس الوله والجوري
مع جوري على ناقتها أمابنت الخفجي راحت مشي لأن الناقة ماتكفي..

الجوري: وجع جوري مره ثانية اشتري ناقه كبيرة
تكفينا كلنا موب هالفرخ الي شاريته.
بنت الخفجي:وليش تشتري ناقة كبيره؟؟الصغيره احسن للتفحيط.
ما امداها تكمل كلامها الا بحصا فالق وجهها من جوري
في الطريق قعدت بنت الخفجي تكح وتكح وبعدها طاحت من فوق الناقه
قعدوا اخواتها من زود الذكاء يطالعونها وبعدين قرروا يودونها للدكتوره لأجل اشتياقي

‏ ‏***********
في خيمة الفحص

د/لأجل اشتياقي:أولي ااااة
بنت الخفجي:وش شايفتني ببغاء اقعد اعيد وراك
د/لأجل اشتياقي:لا ياحبيبتي مش اصدي دا كوله لمصلحتك
علشان تبقي كويسة وتحضري العرس وترقصي النطنطة وسمساري
شمس الوله: وشهي ذي الي قلتية؟
د/لأجل اشتياقي: دي الرقصات الي بترقصوها
شمس الوله:اييية تقصدين نقازي وسامري
د/لأجل اشتياقي: وانا اي عرفني_يلا يا بنت الخفجي قولي ااااة
بنت الخفجي:

١١١١١١١١١١١١١١ة

وتهتز الخيمة من كبر صوتها

د/لأجل اشتياقي:اي دة بس يابنتي ]
كل الصوت دة وبتقولي انك مريضة يابنتي
البل والخرفان والنيقان كلها هربت من صوتك
بنت الخفجي:قولي ما شاء الله وبعدين اسمها نياق موب نيقان..

وفجأه دخلت الجوري عرض ولا كأن في
ناس قاعدين يتهاوشون
وقالت:
دكتورة انا راح البس في العرس شيله جنز
د/لأجل اشتياقي:لية؟؟!!
الجوري:علشان الي راح نحضر عرسهم حضر
هنا عاد اغمي على البنات كلهم واغمى على الدكتورة بعد

‏ ‏*************
(عند عصابة الصقور القويين)
الراهي:
اقول نور الإسلام وش رايك اجدل شعري جديلة الحية والا جديله عادية
نور الإسلام :
والله انا اقول انك تستشوره احسن
عزوز:
انا شريت خنجر من عند ابو بشاش
مشاري:
وليش تشتري خنجر
عزوز:
لا بس علشان العب فية مع الشباب هناك
مشاري:
لا يارجال تكفى هذيك المره وعدت هالمره
الله اعلم وش بيصير
عيال ال طوني كلهم حرام فيهم الرجال
الواحد فيهم مايمديك تدخل الخنجر في صدره إلا مات
الحمدلله والشكر
نصراوي وافتخر:
عاد وش نسوي هذولا هم وهذي طبايعهم
وعاداتهم وتقاليدهم ان الواحد فيهم يموت
من اول طعنة
بصراحة انا اشك انهم بشر
الدوخي وهو يضحك:
مشاري مشاري
لف مشاري على الدوخي وقال:
نعم
ويرمي الدوخي على مشاري سهم ويدخل
السهم في صدرة
مشاري :
اااااة ساعدوني بموت
نصراوي وافتخر:
وشفيك يا ولد طوني
يقوم مشاري وهو رايح فيها من الضحك ويطلع السهم
وهو يقول :
الله يقطع ابليسك على هالمزحة يا الدوخي

‏ ‏*************
)في خيمة بوح المشاعر)
دق جرس الخيمة طلعت كلي خفجاوية
تفتح الباب


فتحت الباب
والا لقت ازف الرحيل طبعا"سلمو على بعض

ازف الرحيل:اقول وين امك؟
كلي خفجاوية: والله مدري بس الظاهر انها في الدور الثاني
ازف الرحيل:روحي ناديها وانا خالتك
وراحت كلي خفجاوية عند امها ونادتها
وطلعت بوح المشاعر لأزف الرحيل و سلمت عليها
وبدأت ازف الرحيل تتكلم وكانت المفاجأة‏

‏*************
عند عصابة الصقور القويين ومعهم المطرب
نايف عايد وهم كلهم متجمعين في سوق
بشاش والمونديالي

نايف عابد :
حبيتك تنسيت النوم وياخوفي تنساني
الراهي:
نايف صوتك يجيب الهم اسكت لا ومالقيت تغني الا اغنية فطومة
نور الإسلام:
اااه انا يعجبني لا غنت لطيفة المجرن وقالت بدلعها المعتاد:
بابا فين بابا هنا هنا هوة ااولو مين
عزوز :
اقول شباب والله احترت شسوي بها الحزام الي في يدي!!
طالع بشاش ولقى ان الي في يد زيزو هي كرفته للبدل(ربطة عنق (
بشاش :
هذي يربطونها على الرقبه
عزوز:
لية شايفني خروف تبي تربطني
بشاش:
والله محد قالك تتليقف وتشتريها
عزوز:
علي الحرام لألبسها ليش هم احسن مني بوشو قبيلة ال طوني..
ويحاول يلبسها ولولا ستر ربي كان امداه خنق نفسه من هالربطه

‏ ‏**************
عند الحريم
نرجع عند بوح المشاعر وازف الرحيل
بوح المشاعر:لا مو معقول انتي وش تقولين
ازف الرحيل:صدقيني اليوم راح توصل دانة الكون وباقي الشله
بوح المشاعر: يااوخيتي وش هالكلام معقوله راح يرجعون
بعد ما اقطعونا طول هالسنين
ازف الرحيل:ابو رائد راح وصالحهم وهذا هم الحين رجعو
‏ ‏‏ ‏************
الأعضاء الجدد في القصة وهم ابناء للقبيله
تركوا القبيله بسبب خلاف كان بينهم وكان سبب الخلاف
هو انهم كانو يبون يحطون درج في خيمتهم بس ابو رائد رفض
والحين رجعوا لما سمحلهم ابو رائد يحطون مصعد كهربائي في خيمتهم
وهم:
دانة الكون و طيوفه وزهور الخريف
وهذولا كلهم يصيرون بنات اخو ام الفاروق وامهم حضرية من قبيلة الطوني
خبيرات في الموضه والكووشخه بس طبعا الكشخة البرية الصحراويه
الخنفشاريه

‏***********
وطلعو اهالي القبيله وهم يحيون بدانة الكون والي معاها
وطلبو من نايف عايد اغنية قام غنالهم:
الي نساك انساة
قام ابو رائد رمى شجرة كلها شوك علية
بسبب اغنيته الي داخله عرض....


الحين نترككم مع العرس

‏***************
وجاء يوم العرس
لبست بوح المشاعر دراعة كت لونها تركواز ومعاها شال كأنة بطانية من كبره
اما بناتها فطلعت بدعهم في محاولة فاشله منهم للتحضر
لبسو دراعات نفاشية وتحنوا بالمناكير
وكله كوم والجوري بالدراعه الجنز النفاشية كوم ثاني ولبست معاه
كبوس جلد وحطت حزام علشان تجمع فية حلويات

*************
العرس
عند الرجالة
يقول نواف الفهاد
حنا بني البدوان نعم الأصل
نبني امجادنا بعرق البداوة

كان العرس طبعا"في قاعة الف مبروك للأفراح
وكان ابو رائد وابو الوليد ونواف الفهاد ونايف عابد كاشخين بالبشت ويستقبلون المعازيم
اما عصابة الصقور القويين فكانت اشكالهم قمة في الروعة والجمال
وبالذات عزوز وهو كاشخ بالكرفته ورابطها فوق البشت
اما الراهي والدوخي ومشاري
فاتفقو انهم يلبسون ثياب سوداء ومخططه بأحمر واخذو افعى مليانة سم
ولفوها على رقبتهم قصدهم وشاح
وقعدت الأفعى تقرص فيهم وكالعاده ماصار فيهم شي وهي من القهر ماتت
اما نور الإسلام
فكان لابس ثوب ابيض ومطرز بخرز وكل خرزة لون وكان حاط كحل في عينة
ونصراوي وافتخر
هو اشترى 3بشوت واحتار يلبس اي واحد فيهم قام لبسهم كلهم وكان هذا اقتراح المتألق عزوز لابعد اعطاة كرفته على شكل ورده علشان تكمل الشياكه
يوم شافهم ابو رائد بها المنظر طاح وجهة في الأرض من الفشله

********************************

ابو رائد: العيال هذولا اكيد ناوين على زوالي
ابو الوليد:لا باقي ماشفنا البنات اكيد مبدعين اكثر
ابو رائد:والله اني من شفت الدراعه الي شرتها كلي خفجاوية
يوم كنا في السوق وانا قلبي قارصني
يافشيلتنا قدام هالقبيله

وبعد دقايق وصلت الفرقه او وصلت الفرقتين
الفرقه الأولى كانت بقيادة راشد الماجد
وقعدت تطق من اول ماوصلت وقعدوا شباب قبيلة الف مبروك يرقصون لحد ما وصلت الفرقه لمكانها حتى انهم من كثر الحماس قعدوا يرقصون بعد ماخلصت الأغنية وماوقفوا إلا بعد ما حذف نايف عايد مسامير عالأرض
الفرقه الثانية كانت بقيادة الشاب خالد وقعدوا شباب قبيلة ال طوني يصفقون له ويرشون علية الورد لحد ماوصل

********************************

قاعة الف مبروك
عند الحريم
كان ممنوع تدخلين القاعه إلا بعد ماتبرزين الصخره الي نحتو عليها الدعوة
وصلت دانة الكون وخواتها وكان معاهم ١٠حريم
وكل وحده معاها قدر وش كبره والي يشوفهم يقول انهم طالعين كشته موجايين عرس
وعند الباب استقبلتها العامله وكانت لابسة دراعه قصيره وكان هذا هوا اللبس الموحد للعاملات في القاعة

العامله:لو سمحتي وين صخرة الدعوة؟
دانة الكون:والله نسيت اجيب الصخره حقتي مايخالف دخليني أنا من قبيلة الف مبروك
العامله:اسفه ممنوع الدخول وبعدين ليش كل هذولا الناس معاك
دانة الكون:جبتهم علشان يشيلون الأكل معاي هالأكل علشاني انا واخواتي اخاف نجوع والاشي.
وقعدت تحاول دانة الكون فيها تدخل والعامله رافظه في النهاية اجتمعت هي وخواتها والحريم الي معاهم واكفخوا العامله ودخلو غصب عنها
>>>ياعيني على الإتيكيت
***************
الف الصلاة والسلام عليك ياحبيب الله محمد
كلولولولولوش

الطاوله الأولى
د/لأجل اشتياقي:اي دة تنا راسي انفجر هو ايه
مفيش حد تجوز غير اخوها
ازف الرحيل:اي والله لا طالعي بعد طابعه
صورته عالفستان جايين مسرحية انتخبوا ام علي مو عرس
حنين: بس انتي وياها ووجع قوموا ارقصوا
بدال منتم قاعدين تقطعون في البنية مالت على
هالوجية الي ماتستحي الحين عازمينكم الناس
وموجبينكم وانتم قاعدين حش فيهم صدق منتم كفوا
وشفيها بنت ال طوني يوم انكم تكلمون فيها والله انها
خير منكم تحترم الناس ولسانها ينقط عسل وحلوة ورزه
صدق شعرها لونة مو حلو وذيك اليوم ياويل حالي ذكرتوني ماعلمتكم وش صار
لأجل اشتساقيوازف الرحيل وشوي ينطون بحلق حنين من الحماس:
لا ماقلتيلنا
حنين:الله يلعن ابليس هوا الي
نساني هالسالفه والا ماكان طافتني
تخيلوا يابنات الي ماتستحي بنت الطوني
شرت ديرم نفس ديرم اختي لا والمصيبه
انها راحت فيه عند اختي علشان تقهرها الله يقهرها مثل ماقهرت اختي
ازف الرحيل:وهي وش دراها ان اختك شرت مثلة؟؟
حنين: لاياعيوني هي تدري ان اختي
دايم تشتري من سوق بشاش والمونديالي
علشان كذا راحت واشترت مناك علشان تقهر اختي
صدق بنات مايستحون
ودقت الطقاقه
طبي هلا حياك يانور القمر
وتقوم حنين وربعها ويرقصون


‏*‏**************
الطاوله الثانية
ومرحبا ياكاحل العين
مرحباياكاحل العين


شمس: ياويل حالي مقدر على هالطقه بالذات أنا اذووب
شمس الوله:لا مانقدر نقوم على هالطقه هذي لقبيله ثانية
الجوري:اقول بنت الخفجي ثوبك يهبل وبالذات
لونة صدق انك ستايل ياكشيخه
بنت الخفجي استانست

حيل ولفت على الطاوله الي جنبها
ولقت بنات ال طوني يتساسرون ويطالعونها

بنت الخفجي: يمه اشفيهم ذول طايحين فيني
خز أكيد ميتين على شكلي
وعلى كشختي بسم الله علي الرحمن الرحيم:cool:

وفجأه_ _! كبت
بنت الخفجي الشاي على دراعتها الصفراء وتبللت
الوردة الفوشية الي كانت زامة الدراعة من النص وذبلت
الورده ونزلت السلاسل الزرقاءالي عليها

بنت الخفجي :
يوة يوة بسم الله وش ذا يمه اكيد من
عيون هالخايسات الي طايحين فيني خز والله مافوتها لهم
شمس:والله من أول مادخلت وأنا ناغزني قلبي
عليك قلتلك لاتبالغين في الكشخة شوفي حتى تاجك
التركواز مال عن مكانة بسم الله عليك
شوفي في شنطتك حطيت كتاب
عن الرقية الشرعية ارقي حالك بسم الله عليك

بنت الخفجي:اي الله يدخلك الجنة ماقصرتي
بس وين شنطتي
بوح المشاعر:اقول
بنت الخفجي شوفي شنطتك الذهبية طاح
الترتر البنفسجي الي عليها بس بقت خرزتين
وردية وموف شوفي شنطتك عالأرض
هنا عاد طفح الكيل عند
بنت الخفجي وصلت السالفة لشنطتها الذهبية قامت على الي قاعدين بالطاوله الي جنبها
ومسحتهم ظرب الين ماقالت أمين

‏ ‏*************
(الطاوله الثالثه)
قبيلة ال طوني
ماريا بنت شليويح:امس رحت السوق كان بالمره زحمه
ومليان اجانب وطلعت وماشريت حاجة لأن خيمة الألماس كانت مره زحمة وأنا ما أحب اشتري وفي شوشره على دماغي
أختها (مون):ايوه تعلميني انتي راعية مزاج
ماريا:بس ربي ستر اني كنت نازلة صندقة جون قبل اسبوع وكنت شارية من هناك
اختها:الحمد لله
بدت الطقة لهم وكانت هادية جدا"وقاموا رقصوا وياليتهم ماقاموا لأن رقصهم كان كأنهم يسوون عروض بالية من زود المياعه

‏************

عند الرجاله

نصراوي وافتخر:
وع على ويليام طالعوا لابس بنطلون صدق مايستحي على وجهة
نور الإسلام:
عادي وش تتوقع من واحد امه ماتلبس برقع
الراهي:
اناخلاص ماراح ارقص بصراحة مايشرفني
ارقص في عرس واحد يلبس بنطلون..
..الدوخي ونصراوي ونور الإسلام وعزوز ومشاري
كلهم قالو في نفس واحد:
حتى احنا ماراح نرقص
وحطو يدهم في يد بعض واتفقوا انهم مايرقصون..
وبدأ راشد الماجد يغني:
انت الدنيا وكل شجوني

وبس سمعوا العيال بداية الأغنية تناثروا في وسط الخيمة الي يشوفهم يقول نمل في غار
وبدو رقص بحماس لا ويطقون رقبه بعد
كذا الإتفاقات والا بلاش:D:D

‏**************
عند الحريم

اعلنت الطقاقه انهم الحين راح يسوون زفة العصير
وبس قالت كذا قعدوا حريم قبيلة الف مبروك يطالعون في بعض وهم في قمة استغرابهم من هالكلام الغريب
وبدأت الطقاقه تغني وتقول:
يلا يا ام العروسة
اسقي الحب لضيوفك
وقدمي هالعصير
من لمسات بكفوفك
وطلعو بنات قبيلة ال طوني وماسكين معاهم صواني وفيها عصير ورقصوا فيها شوي وبعدين قدموها للضيوف بكل رقه ونعومة

يوم شافوهم نسوان الف مبروك قامت ازف الرحيل وراحت عند الطقاقه واخذت منها المكرفون وقالت:
يلا ياحريم راح نقدملكم زفة البعير

وبدأت تغني وتقول:
تناثروا ياحريم
وارقصوا بالبعير
وفجأة طلعوا بنات بوح المشاعر وكل وحدة حاطه بعير على ظهرها وقعدوا يرقصون فية وبعدين راحوا قدموها لحريم ال طوني

شوفو الأفكار الجهنمية:biggrin::D

*‏*****************
الطاوله الخامسة
دانة الكون
واخواتها طبعا"هذولا ابدا"ماتعبو الناس في ضيافتهم قاعدين على جنب لوحدهم ومهم جهت العرس الناس ترقص تحترق ماعليهم في احد
حتى من كثر مادخلو جو لحالهم جابو خيمتهم وثبتوها بالقاعه علشان ياخذون راحتهم زيادة
وراحت طيوفة مطبخ القاعه
وسوتلها قهوة تركية علشان ماتنام لأنها
تبغى تذاكر امتحانها

‏ ‏**********
بدأت الطقاقه تغني
كل الف مبروك كلهم
لافرق الله شملهم
كل الف مبروك خياله
عليهم رزت الراية

وبدأو بنات الف مبروك يرقصون بشعرهم
ومع كل حركه تطير قمله وتدخل داخل فم الطقاقه
(شمس الوله وجوري وهم يرقصون)))

شمس الوله:جوري يامال الماحي
لعد تدعسين رجلي شلعتي كل اظافري
جوري:وين تبيني اروح عند الباب
ولا عند طاولتنا

وفجأة دخل المعرس قاعة الحريم ومعاه عروسته والبنات قاعدين يرقصون
شمس:بنات لازم نوقف المعرس دخل
الجوري:عادي تغطي بذيل دراعتك وكملي رقص

وفجأه قامت امهم بوح المشاعر وفكت وحده
من عصي الطاوله الي كانو قاعدين عليها وطلعت على بناتها و غسلت شراعهم بالعصا
ورجعتهم للطاوله الي كانو قاعدين عليها‏

‏***********
وبكذا نكون خلصنا العرس يارب يكون هالبارت عجبكم


ترقبو في البارت الثالث



http://www.alfrasha.com/up/987083370340511863.gif (http://www.alfrasha.com/up/987083370340511863.gif) نور الإسلام:احلى حليب زنجبيل لأحلى خرفان
مشاري:ليش حليب بالزنجبيل؟
نور الإسلام:وش فيك ياغبي منت شايف كيف الدنيا برد
ما قعد تسمع صوت عظامهم وهي تنافظ







http://www.alfrasha.com/up/987083370340511863.gif (http://www.alfrasha.com/up/987083370340511863.gif) ضحك المونديالي وقال:
يالك من باذنجانة ساذجة
طيوفة:
اتجرؤ على وصفي بالباذنجانة
ايها البصلة الفاسدة>>وش عندهم قلبو بدوي مدبلج





http://www.alfrasha.com/up/987083370340511863.gif (http://www.alfrasha.com/up/987083370340511863.gif) بوح المشاعر: انا بصراحه مو عاجبتني
قعدت جوري وشمس الوله في البيت
جوري:وش اسوي المطوعه ماتحبني>>جوري ماتبي
تقول ان المطوعه طردتها علشانها تسوق نياق

ترقبو مفاجأة رجوع لبى جنوني الى القبيله


اتنظر ارائكم وتعليقكم:101::101:








http://www.alfrasha.com/up/4076604121011935758.gif (http://www.alfrasha.com/up/4076604121011935758.gif)

[دانة الكون]

دانة الكون و طيوفه وزهور الخريف
وهذولا كلهم يصيرون بنات اخو ام الفاروق وامهم حضرية من قبيلة الطوني
خبيرات في الموضه والكووشخه بس طبعا الكشخة البرية الصحراويه
الخنفشاريه

‏***********
وطلعو اهالي القبيله وهم يحيون بدانة الكون والي معاها

والله طلعنا خبيرات وما حنا هينات كل القبيله باستقالنا :)




الطاوله الخامسة
دانة الكون
واخواتها طبعا"هذولا ابدا"ماتعبو الناس في ضيافتهم قاعدين على جنب لوحدهم ومهم جهت العرس الناس ترقص تحترق ماعليهم في احد
حتى من كثر مادخلو جو لحالهم جابو خيمتهم وثبتوها بالقاعه علشان ياخذون راحتهم زيادة
وراحت طيوفة مطبخ القاعه
وسوتلها قهوة تركية علشان ماتنام لأنها
تبغى تذاكر امتحانها

:rolleyes:اجل ليه رايحات العرس كل هذا جوع :eek: >> وبعدين وش فيكم كلكم حاطيني متوحشه :mad: وبس اضرب بالقصصyd.885.
اقول اطلبوا اغنيه ابي ارقص:biggrin:

[فاصله]

صراحه هالبارت خطير ....
من زود الكرم وزعوا بعارين منتو هينات :biggrin:
بانتظارك

[Sami Alsahli]

جَزْااك الله خَير الجًزاء
كُل الشُكْر والتَقْدِير لَك
ولطَرْحِك القَيْم ..

[أبو رائد]

سلمتِ ياحلوه الإحساس

والله يعطيك العافية ..

على تكملة القصة .. وننتظر البقية ..

[goree]

وأخيراً جآء البآرت الثآني
وكآن مثل مآتوقعنآه رآئع
بس حمسنا للبآرت الثآلث كثيييير

لاتتأخري علينآ
:)


::::::


مآ ألعب أنا و الجنز هههههههه
تحمست اشوف فستان بنت الخفجي من قلتِ أصفر
ثم نط لنآ الفوشي وبدأت الألوآن في التنآثر ههههههههههههه
وحسدتنآ بصرآحه على هالذوق .. !!

الله يصبر أبوي علينآ :d

كلش كوم وكرفته عزوز كوم ثآني :d
والثوب تبع نور .. حسيته يذكرني بـ ثيآب الدجآلين !!
هههههههههههههههه

[شمس الرائدية]

.
<< فاطسه ضحك
الجوري والجنز :biggrin:
ولما كنا نرقصصصص:D
الله يوسع صدرك
ننتظرك:wink:

[goree]

:)

اشتقنا لكتآبآتكِ
وفقكِ الله بإختبآرآتكِ

[دانة الكون]

حلوه الاحساس
وين الباقي yd.885
من زماااااان وان انتظر وش بسوي بعد بالعرس :eek:

لا تطولين علينا :)

[ححرف!]

***

طرح رآئع

سلمت والله يعطيك العافيه



***

[حلوة الإحساس]

تسلمووووووووووون يا احلى ناس عالمروووور
واعتذر بشدة على التأخير راح احاول اكملها قريب وانزلها



تلاعب شخصياتكم بقلمي يشرفني كثيرا"
لا حرمت ود قلوبكم

[عاشق القمم]

http://www.alraidiah.org/up/up/31204750620110730.png (http://www.alraidiah.org/up/up/31204750620110730.png)




ما شاء الله ..
إبدااع ..
وااااااااااصلي ،،
:101:



http://www.alraidiah.org/up/up/31204752220110730.png (http://www.alraidiah.org/up/up/31204752220110730.png)