ساعدوني ياهل الخير

[وحيد الدار]

بسم الله الرحمن الرحيم

السلام عليكم ورحمة الله وبركاته

مساء الخير لجميع الادارة والمشرفين والاعضاء والضيوف

ياهل الخير ابغى فزعتكم ومساعدتكم ياهل الخير تكفون
انا عندي فالبيت الوالده تعبانه وابغى شيخ يقرا عليها
انا ما اقدر اوديها عند اي شيخ تتعب مره وتتعبنا معـآهـا
تكفون اللي يعرف شيخ ممتاز ويقدر يجي للبيت يراسلني على الخاص
تكفون اي واحد يدخل ويعرف اي شيخ لا يبخل علي تكفون
ولا تنسون ان الدال على الخير كفاعله تكفون ياهل الخير ساعدوني
عسى الله يكتب لكم الاجر
واللي ما يعرف اي شيخ لا يبخل علينا بالدعاء

انا في انتظــاركم .. على احر من الجمـر


ولا تحرمونـي من دعواتكم للوالدهـ ياهل الخير

[شمس الرائدية]

وعليكم السلام ورحمة الله وبركاته ..
الله يشافيها يارب ..
أول شي // إرق والداتك بنفسك (تكون نيتك صادقه لها)
وتلقى بالكتب الدينيه طريقة الرقيه (أدله×أدعيه)
بس إن شاء الله يفيدونك الآخوان وما يقصرون معاك .

[وحيد الدار]

الله يجزاك خير يالغاليه ويعطيك العافيه

وانا بأنتظار الباقين يفيدوني ويساعدونيي

[شمس الرائدية]

الله المستعان الله يرفع عنها ..
بس ياليت أخوي تفيدنا أنت من الخفجي علشان أنقل الموضوع لقسم أخبار الخفجي علشان يفيدونك الآعضاء ..

[وحيد الدار]

ايه نعم انا من الخفجي
واي شخص يعرف شيخ يراسلني ع الخاص

[لحن الحزن]

يالغالي توضئ واحسن النيه بالله وصف قلبك واقرء عليها القران مره ومرتين وثلاث واربع وخمس وست وسبع وثمان وتسع وعشر واحدعشر الخ الخ الخ الخ

استمر في قراءة القران في كل وقت وحين ولكن عليك بالوضوء واحسان النيه وصفاء القلب

اما انك تاخذها وتروح فيها يمين وشمال راح يزيد تعبها

واذا انت قادر قم بعمل تحاليل شامله لها والتأكد من خلوها من اي اصابات

والله يشفيها لك يارب ويقومها بالسلامه ويشفي كل نفس مسلم مريضه

واكرر ابواب الرحمن مفتوحه ليست بحاجة الى واسطة ولا ناقل

ولك التحية

[دانة الكون]

الله يشفيه ويقومها بالسلامه
طهوراً ان شاء الله ،، ما تشوف شر
كما افادوك الاخوان والاخوات رقيه الشخص لنفسه افضل وإذا ماقدرت ولا لقيت احد اسأل إمام مسجدكم يمكن يعرف او هو يتبرع بالقراءه عليها.
تقوم لكم بالسلامه يارب ،، الله يشفيها ويشفي جميع مرضى المسلمين.

[وحيد الدار]

جزاكم الله خير كلكم
وبالنسبة للاخ اللي يقول سو تحاليل للتاكد
اكثر من شيخ قرا على الوالده وقال انه معمول لها عمل
وانا عشان كذا قلت ابغى شيخ
لان الامور صعبه شوي

وانا في انتظار اللي يدلني للشيخ
والله يكتب لكم الاجر

[وحيد الدار]

انا في انتظاركم ياهل الخير
يا شيوخ ويا شباب وينكم
انا في حاجتكم
لا تخلوني

[الناقد]

الله يشافي مريضكم

دواؤا مرضاكم بالصدقة

[روح البداوه]

الله يشفيها ويقومها بالسلامه

اذا كنت بالخفجي فيه الشيخ السعدون وفيه المري

بس مدري يجون للبيت اولا

طيب انت رح للشيخ واعلمهم بحالتها وهو ان شالله يفيدك

[الدماار الشاامل]

الله يشفيها أنشاء الله ..

فيه الشيخ المري ومكانه معروف عند مدخل الخفجي (القوسين) أعتقد مايقصر بيروح معاك للبيت ..

وانا أدعو لك من كل قلبي أن الله يشفي أمك ويقومها لك بالسلامه ...

[& خفجاوي &]

الله يشافيها ويعافيها ويعافي مرضي المسلمين

عندك الشيخ ابو فيصل العنزي على شاارع الستين المبني حقه لونه اخضر

عندك الشيخ السعدون بعده على طول لون المبني ابيض

ومثل ما قالوا الاخوان عندك المري بس صراحه ما اعرف وينه

والشافي والكافي من كل شئ وهو الله اولا واخيرا

[فاصله]

عليك بالرقيه والصدقه ..
اللهم اشفها شفاء لايغادره سقما
يعطيك العافيه

[lumy]

الله يشافي مريضكم


فيه امام مسجد في الغربيه خلف مطعم الجنوب اسمه احمد الرشيدي

الله يشافي مريضكم

[كلي خفجاويه]

الله يشفيها .. ويحفظها لكم ..

والاخوان والاخوات ما قصروا

يعطيهم العافيه

[لهب شمر]

ماتشوف شر الوالده ان شاء الله .. تصدقي عنها
الشي الثاني ائمة المساجد مايقصرون ويحبون يساعدون الناس
وشغلي البقرة بالبيت وحاولي انتي تقرين عليها .. والله يقومها بالسلامه ويعطيها الصحه والعافيه

[ف ف ف]

عسى الله يشافيها ويعافيها ان شاء الله ... وان شاء المولى مشائخ الخفجي مايقصرون لو جيتهم وكلمتهم وشرحة حالة والدتك لهم ...

[وحيد الدار]

يعطيكم العافيه كلكم وجزاكم الله خيــر
بالنسبة للشيخ الرشيدي اللي فالغربيه .. ممكن تعلمني اكثر .. وين موقعه
قريب من شارع البلديه
او عند سوق الذهب
او قريب من القوسين

والله يكتب لكم الاجر

[وحيد الدار]

طيب اخواني واخواتي
اللي منكم يقدر يخدمني
ويعطيني رقم السعدون ولا الشيخ العنزي
ولا الشيخ الرشيدي امام المسجد اللي تقولون عنه فالغربية

[أبو رائد]

الله يشفيها إن شاء الله

[الدموع تنزف]

عليك قراءه سورة البقره كامله عليه اربعين يوم متوصله
فهي تشفى كل مرص بأذن من الله

[وحيد الدار]

الله يجزاكم خير جميع

[وحيد الدار]

الله يجزاك خير اخوي ابو رائد

[عالمي]

الله يشفيها لك يارب ويقومها بالسلامه ويشفي كل نفس مسلم مريضه

[ŘễMẾmβER Mẻ]

الله يشفيها انششاء الله..yd.885

[وحيد الدار]

الله يجزاكم خير كلكم

تكفون ادعو لها ولا تنسونها من خالص دعائكم

والله يكتب لكم الاجر

[mishoo]

باسم الله الشافي
باسم الله المعافي
باسم الله الذي لا يضر مع اسمه شيء
في الارض ولا في السماء
وهو السميع العاليم
اللهم داوها بدوائك
واشفها بشفائك
واغنها بفضلك عمن سواك