تقديم خادمة [الأرشيف] - منتديات الرائدية

مشاهدة النسخة كاملة : تقديم خادمة

ha11

28-04-2011, 05:57 PM

إيش أفضل مكتب لتقديم الخدم وإذا كان فيه نيباليات ولا لا وايش الافضل ...........أرجو المشاركة وإيش تنصحوني

بــ الخفجي ـنت

29-04-2011, 01:12 AM

بالنسبة لمكاتب التقديم كثيره بالخفجي

انا ما عندي خلفية عن احسن مكتب للتقديم

بس اللي اعرفة ان في مشاكل في التقديم حالياُ

واعتقد العاملات ياخذون وقت كبير على ما يتم الموافقة عليهم ويجون

بس ان شاء الله باقي الاعضاء يفيدوونكـ

تحياتي

بـ الخفجي ـنت

ام نوف

29-04-2011, 02:09 AM

بيخلص رمضان ماجاءت انالي ثمان الشهورتوهاتجي ولاهاشروط:confused:

دانة الكون

29-04-2011, 02:46 AM

يقولون افضل مكتب الاسمري والله اعلم
اما النيباليات فمسموح استقدامهن ولكن الجنسيات التي تم إيقافها هي الاندنوسيه والفلبينيه.
هذا الي عرفت وسمعت والله اعلم.

لاتنسى ذكر الله

29-04-2011, 11:37 AM

8 شهور على استقدام الخادمه !!!

الدموع تنزف

29-04-2011, 02:49 PM

مكاتب الخفجي المضمونه مقفل التقديم فيها
روحي لدمام او الخبر

او اذا تعرفين مكتب من نفس الدوله يعطيكيها مناوله

تر انا كذا اسوي

سيف الشمري

29-04-2011, 03:30 PM

يقولون افضل مكتب الاسمري والله اعلم
اما النيباليات فمسموح استقدامهن ولكن الجنسيات التي تم إيقافها هي الاندنوسيه والفلبينيه.
هذا الي عرفت وسمعت والله اعلم.

السلام عليكم ورحمه الله وبركاته ...

بالنسبه للمكاتب الاستقدام في الخفجي (فاااااااااااااااشله) ...

واولهم مكتب الاسمري ....؟؟؟؟

تخيلوا مقدم علي خادمه وصار لها (سنه) وعليها ولحد اللحين ماجت الخادمه ..

واخر شي قالولي صاحب المكتب بيقفل مكتبه لان صارت مشاكل ...

طيب فلووووووسي وين راحت ...

قالوا كلم صاحب المكتب ... ادق عليه الجوال مقفل ..؟؟؟

بس ماخليتهم وراهم وراهم لين رجعووووولي فلووووسي ...:d

دانة الكون

29-04-2011, 03:40 PM

السلام عليكم ورحمه الله وبركاته ...

بالنسبه للمكاتب الاستقدام في الخفجي (فاااااااااااااااشله) ...

واولهم مكتب الاسمري ....؟؟؟؟

تخيلوا مقدم علي خادمه وصار لها (سنه) وعليها ولحد اللحين ماجت الخادمه ..

واخر شي قالولي صاحب المكتب بيقفل مكتبه لان صارت مشاكل ...

طيب فلووووووسي وين راحت ...

قالوا كلم صاحب المكتب ... ادق عليه الجوال مقفل ..؟؟؟

بس ماخليتهم وراهم وراهم لين رجعووووولي فلووووسي ...:d

والله انا شخصياً ما جربت اي مكتب بس كل الي اعرفهم يمدحونه والله اعلم.
وفلوسك زين الي رجعت لك وما يضيع حق وراه مطالب.

سيف الشمري

29-04-2011, 04:55 PM

والله انا شخصياً ما جربت اي مكتب بس كل الي اعرفهم يمدحونه والله اعلم.
وفلوسك زين الي رجعت لك وما يضيع حق وراه مطالب.

اتوقع انه مقفل حالياٌ ...

عندك الكوووويت تقدمين اليوم الخادمه بعد يومين في بيتك ...

وهذي انا مجربها بنفسي ...

لكم ودي واحترامي ...

eng_riy

29-04-2011, 05:49 PM

الياسمين

29-04-2011, 05:55 PM

أفضل مكاتب الاستقدام بالخفجي مكتب القويعي ومكتب الخشان وان كنت افضل القويعي لاني اتعامل معه باستمرار وخدمتهم ممتازة. اما بالنسبة للتقديم في الوقت الحالي لايوجد الا من سريلانكا وقيمتها 11000 ريال شاملة رسوم الفيزا وفيه من اثيوبيا وقيمتها 9500 ريال اما الجنسيات الاخرى موقفة في الوقت الحالي حتى اشعار آخر من قبل اللجنة الوطنية للاستقدام.
وبالتوفيق للجميع

تونا قدمنا من مكتب القويعي وهو الوحيد اللي قبل انه يجيب والا الباقييين يقولون لا
وقال سرلانكيه ولاتسال عنها الا بعد 5شهور اقدر اقولك واكذب عليك واقول بعد شهرين
بس الصدق 5شهووور
والله كريم ويجيب لنا شغاله زينه

شاطئ الأحلام

11-05-2011, 12:32 AM

طيب بقدم من الكويت بس وش الشروط

الدموع تنزف

11-05-2011, 12:51 AM

تكون معك بطاقه كويتيه
بس هن المشكله اذا بتسافر من السعوديه تدفع 10000ريال

amsfk

11-05-2011, 08:31 AM

جميع المكاتب بالسعوديه اعتمادها الكلي على العاملات الاندونيسية والسيرلانكيه 0 اندونيسيا موقف الاستقدام من قبلهم من شهر ذوالقعدة 1431هـ وسيرلانكا تعمل ولكن التأخير هو المشكله وبخصوص الاخ الذي يطالب بفلوسه وله الان سنه لم تصل الخادمة فهذا كلام لا يصدق نهائيا والمؤكد بأنه يوجد مشكلة اما بخصوص مطالبته للمبلغ وحتى الان لم يستلم فهوا فيى غنى عن المطالبات والتردد على المكتب مجرد (10) دقائق تقديم شكوى بمكتب العمل ترجع له فلوسه مباشرة ( لان كل مكتب استقدام مرهون له مبلغ (000ر300 ) ثلاثمائة ألف ريال لدى مكتب العمل وذلك تفاديا لمثل تلك المشاكل ) وبخصوص افضل مكتب التجارب هى المحك وكلها توفيق من الله والمعاملة الحسنة للخادمة لها دور اساسي فى استقرار الخادمة وكذلك تسليمها رواتبها في وقت استحقاقها (اعط الاجير اجره قبل ان يجف عرقه 0

هين

11-05-2011, 09:38 AM

مساء الخير

يقولون مايمدح السوق الا من ربح فيه

بمعنى الي قدم على خادمه من مكتب معين وتسهلت اموره اكيد بيمدح هل مكتب

والي قدم من مكتب اخر وتعقدت الامور اكيد بيقول هل مكتب فااشل وهكذا هي الحياه

انا عن نفسي قدمت ثلاث مرات من خلال مكتب (( الــ ؟؟؟؟؟ ))
على خادمات من اندنوسيا

الاولى الامور تسهلت وجات خلال 50 يوم فقط وكنت جايبها للوالده الله يحفظها وللحين ماشية زي العسل وماعندنا مشاكل

الثانيه جبتها لي شخصيا :
ونفس المده 50 يوم وهي والمكتب جابوها للباب بنفسهم

ولكن بعد حوالي سبوعين فقط حدثت مشكله عند الشغاله في ديرتها واطلبت انها تسافر ضرووري وبترجع بعد شهر

لكني رفضت وكلمت المكتب وقلت ( الشغاله رافضه العمل ) وتبي تسافر ومشاكلها الخاصه مو على حسابي لازم تشوفون حل واتئمنون البديل

وبكل سهوله قال المكتب مو مشكله انت مازلت في فترة التجريب الي هي 3 شهور وفعلا رحت وديتها للشرطه وطلعت ورقة رفض عمل لها

ورحت للمكتب قال : خلال 3 ايام موعد رحلتها جيبها لنا وحنا نسفرها عن طريقنا وعلى نفقة المكتب

وعلى الموعد جبتها لهم واستلموها وبنفس اللحظه وقعت عقد جديد مع شغاله بديله من نفس الجنسية دون ما اخسر اي ريال

وفعلا والله شاهد خلال اقل من 50 يوم وهي عندي برغم ان المكتب قال الامور حاليا تصعبت من اندنوسيا والموعد
الي بنعطيك اياه في العقد انها تجيك خلال مده اقصاها 3 شهور واذا جات قبل كذا خير وبركه

والحمد لله جات ولها عندي حوالي 9 شهور وكل شي تمام

والله يعطينا خيرهم ويكافينا شرهم هل خدم

هذا قصتي مع مكتب (( القويعي )) بالخفجي
الي جنب البنك العربي

مكتب شغله احترافي بشكل مو طبعي

ويمكن اكون توفقت معاه بهل خدامات الثلاث

وارجع اكرر مايمدح السوق الا من ربح فيه

تحياتي للجميع اخوكم الصغير / هين

فارس المنبر

11-05-2011, 10:13 AM

خمس خادمات قمت بجلبهن والحمدلله ولا واحده من السعوديه .. المكاتب بالسعوديه كلهم مبالغين في تكلفة جلب الخادمه .. واللي راح اندونيسيا واخذ خادمه من ( المعسكر ) راح يعرف كمية و نوعية ( النصب ) اللي يتعرضلها المواطن السعودي اللي يقدم على خادمه من مكاتب بالسعوديه !!
لدي خادمه الان لها 3 سنوات وهي من الجنسيه الاثيوبيه ..الحمدلله من قمت بجلبها وحتى الان امورنا في البيت ممتازه وتعتبر مدبره منزليه رائعه بما تعنيه الكلمه .. تكلفتها حتى وصولها مع الفيزا .. لم تتعد 7000 ريال وراتبها 550 ريال بعد ثلاث سنوات اوصلته لـ 700 ريال .. وتم ارسالها على مطار الدمام واستغرق وصولها 21 يوم فقط !!
قمت بأحظار اختها وهي لدى قريب لي .. ولم تكلف الخادمه 7000 الاف كذلك .. مشكلتنا ان المكاتب يستغلون حاجة الاسره للخادمه وليس هناك من ينصف ( المسكين ) رب الاسره !!

الدموع تنزف

11-05-2011, 12:43 PM

مشكلتنا ان المكاتب يستغلون حاجة الاسره للخادمه وليس هناك من ينصف ( المسكين ) رب الاسره !!
كلام في محله
من نفس الديره احسن اذا تعرفون مكتب خدم ثقه

النهر

11-05-2011, 04:25 PM

:)وتوكل على الله يوجد مصداقية