عزيزتي mbc هل أصبحتـِ تستخفين بـ مشآهدينكـ مثلا‎

[الاهلي]

عزيزتي mbc هل أصبحتـِ تستخفين بـ مشآهدينكـ مثلا


http://video.frolh.com/videoimg/mbc.jpg (http://video.frolh.com/videoimg/mbc.jpg)
قنواتـ MBC كآنتـ المفضلهـ عندي .. بس الفترهـ الاخيرهـ بدأ يخونها التعبير
وبدأتـ تعرض برآمج ومسلسلاتـ .. تحس فيها نوعآ مآ إستخفآفـ بـ المشآهد
يعني صراحهـ تحس إنك دلخ كبير إذا ضيعـتـ وقتكـ وجلستـ تتآبع في برآمجهم
صآرتـ الدراما عندها مالها معنى بالذاتـ الدرآما التركيه تختار اسوأ شي وتعرضهـ للمشآهد
على سبيل المثال ( مهند ) صار جزء لايتجزأ من MBC معليش ذا الادمي مسلسلاتهـ فآشلهـ
بس يجيبونه عشان فئهـ من المرآهقآتـ إنهبلوا عليه فتره وغثوا أمنا فيهـ
مع إن في دراما تركيه من جد جنآن
وسالفة الدبلجهـ مدري من وين طلعوا لنا فيها ,, يعني جمال الافلام الهنديهـ بدون دبلجهـ
رآح أعرض لكم أفشل البرآمج اللي تعرض حآليا واللي أغلبها مقتبسه من برامج أجنبيهـ
http://up.arab-x.com/May11/Jaf54075.gif (http://up.arab-x.com/May11/Jaf54075.gif)

لحظة الحقيقهـ ..
هو برنامج في الاصل أجنبي وكآن يعرض على نفس قناة MBC4 وهو بالنسخهـ الاجنبيه كآن فآشل
البرنامج عبارهـ عن اسئله تنسأل للمتسابق وتكون محرجه وتدخل في الخصوصيهـ
ويكون في جهآز كشف الكذب .. طبعا النسخه الاجنبيه يتعمقون في الاسئله وكثير حلقات انتهت بالانفصال بين الزوجين أو زادت سوء العلاقه بين العوائل
اللي صدمني إن قروب ام بي سي استلمت البرنامج بالنسخه العربيه ومقدمها الفنان عباس النوري
إنقهرت من النوري بصراحه توقعته أرقى من إنه يقدم برنآمج كذا نهايته الفعليه هي الفشل
يعني بصراحه البرنامج ماله داعي .. ويدخل بالخصوصياتـ .. وشي تافهه ومامنه أي فائدهـ تعود على المشآهد
لــو
هذا برنامج ينعرض على MBC1
تقدمه الفنانه أروى تستضيف ضيفين من الجنسين
وتبدأ بسرد قصص وتعطي لكل ضيف كاركاتر معين وتقول تخيلو ولو انت بـ هالموقف ومن هالحكي
يعني أفشل من كذا ماشفتـ .. سخآفهـ لابعد حد
وأعيد وأزيد ماله أي فائدهـ
على شط بحر الهوى
هنا البرنامج العجيبـ
بإختصار جمعوا الفاشلين مع بعض وخلوهم قروبـ هههههههههههههههههههه
( راغب علامهـ ,, نيشان ,, أحلام ,, ميساء مغربي ,, رويدا عطيهـ ,, منى شداد ....الخ )
يعني مصالهـ شنيعهـ ومالها حل
وحطوهم بـ سفينه في ميامي وتصوير من أول اليوم لاخرهـ .. وسواليف وبياخه مالها حدود
تخطتـ اللامعقول
ومدري وش الفائدهـ اللي تعود على المشاهدـ
مطلوبـ رجال
ينعرض على قناة MBC4
مسلسل عربي يحكي قصص عرب متجمعين في مدينة دبي
القصه حلوهـ بس مددري في مشكلهـ وهي انه لازم لازم نسوي مثل الدراما التركيه + المكسيكيه ونطولها وهي قصيرهـ مافي أحداث تتطور بسرعه ,, بطء شديد في المسلسل يحوم كبدك
والحين الحلقهـ قرن ونفس القصهـ ماتغيرتـ .. وش هالدمآر يـ قروب ام بي سي
وتتحسف على الوقتـ اللي تضيعهـ جمانه مراد مدري وش تبي بالضبط في المسلسل تصنع مبـ طبيعي
صراحة مسلسل فاشل فشل مش طبيعي .
أخيرآ ,,
مش بس هالبرامج وعندكم برنامج أبشر يقدمه نيشآن
مسلسل المزوآج مصاله لها أول مالها تالي بطولة الصيرفي
يعني برآمج كثير بس ماتحضرني حاليا
أتمنى تشآركوني الرأي أبغى أشوف أحد مثلي يحس برآمج MBC كل مالها للأسوأ والا أنا تغيرتـ نفسيتي مثلا

[كايجي]

لو اخالفك الرأى فيه احس انه برنامج ممتع . اما البقي فشل + قناة = قناة فاشله

[امجاد]

اتوقع لازم يكون فيه فلترة للصورة :biggrin:
حسب سيساسة المنتدى
ولا بيلقونة هنااااااااااااك :biggrin:

نرجع للمحطة او القناة
والله ياخي انها اسخف قناة
الا من برامج العودة
ولا الباقي قناة سعودية غير محجبة :cool:
مسلطة بشكل سخيف
برامج سامجة
وقارن بين القناة الحين والقناة في الخمس سنوات الاولى لها لما كانو واطين على صابرها :biggrin:

وبالعموم هذا حال اغلب فضائياتالعرب :confused:

تستخسر تضيع وقتك معها


شكرا على اطرح
ولا تنسى تحذف بعض الصور :biggrin:

[Sami Alsahli]

لا في اشياء تستحق

وفي اشياء ماله داعي اصلا


تحياتي

[شمس الرائدية]

.



سمعت إن هــ القناة منسفهه :eek:
<< ما عندنا دش ولا تلفزيون :confused:

[نور الإسلام]

قناة تبث السموم .. وجرت الويلات ع الأمة ..


طول الاسبوع مخربينها .. وإذا جا يوم الجمعة طلعوا لنا خطبة الحرم وبرنامج العودة

يبون يسكتونا في هالساعتين هذي ..


كلها قلة حيا وخراب ودمار ..


الله يزين الامور بس

[دانة الكون]

انا معك بكل الي قلت
كانت افضل القنوات عندي
اما الحين يسحبون بالمسلسلات تسحب غصب يطولون المسلسل علشان تزيد الحلقات ويزيد الاجر للفنانين وغيرهم :cool:
اما برنامج عباس النوري :eek:
انا تابعت النسخه الاجنبيه تمشي معهم ومع عاداتهم
بس العرب لا ما تنفع ابد ابد ابد
شط بحر الهوى :cool:
هذا الي مدري وش سالفته ولا وش يبون يعني
وش الفايده طيب وحنا وش دخلنا يروحون يجون صح معجبينهم يبون يتابعون اخبارهم بس وش هالاخبار المهمه :cool:

للاسف صارت القنوات تقلد البرامج الاجنبيه والي هذا مقصدها بالاصل من اطلاق برامج تافهه لتحويل انتباهنا وافكارنا

والفضائيات بس تبي حشو وتنويع في البرامج مو مهم الفائده عندهم.

الله يعطيك العافيه.

[ريمنس]

قناة

اثرت على المجتمع بالتفكير السلبي السيئ المخل بالاخلاق تبث سموم الفساد وتكسب الاثم والذنب

اتمنى ان ترقى بافكارها لنهوض بالمجتمع الى الاحسن والافضل وتكسب الاجر لا الأثم والوزر

[سجين فكر]

هي طبخــة على نآر هآديـــــة !!
النظام العالمي الجديـــد !!
علينا أن نرحّب بهِ .. ونودّع البرامج المُحافظة !!
Welcome World new order !!
..
..

[جلكسي]

هي للأمانه القناة رقم واحد بالبيت

بس طبعا مو كل شي فيه نتابعه

وبالفعل بالفترة الأخيرة صايرين منحطين سواء بالمسلسلات ولا البرامج

اما برنامج عباس النوري حمدالله والشكر هذا المفروض يسموه خرب البيوت مو لحظة الحقيقه ههههههههه

اما على شط البحر الإعلان عنه مأتحمله عاد كيف البرنامج

وقسم من اشوف خششهم مأغير أسبهم وأدعي عليهم

عموما الإنسان نفسه هو لازم يحمي نفسه من هالقنوات

يعطيك العافية على الطرح

[أقحوان]

قناة فاشله من الدرجه الاولى
كل تفكر نفسها اطور في نفسها
وهي كلملها تدمر نفسها وتنتقل الى الاسوء

[الحالمه الطموحه]

والله انها قناااه فاشله وماتبث الا الخراااب واقول للي يتابعونها الله يهديكم والله احس مالها داعي ابد الله يستر علينا منهم انا ماادري وش شايفين في المسلسلات التركيه عشان يعرضونها فساد.... ضياع... قلة حياء وش بقى بعد والله ان فيه قنوات اسلاميه محافظه تفتح النفس ولما تتابعها تستفيد اشياء في دنيتك واخرتك والله انها فخر لنا عن جد الله يوفقهم اما هالقناه الفاشله .......لا تعليييييق:confused:

[سحر الشوق]

بسم الله الرحمن الرحيم

والله برامج mbc صحيح مصخوها معانا وين ايام برامج الحلوة

الثلاثاء من سيربح المليون الاربعاء آدم الخ

الحين كلها بايخة مثل ما قلت

نسيت برنامج ( هو وهي ) والله مدري خلص ولالا هههههه برنامج فاشل الى درجة مو معقوله


ما تدري يمكن في فئة من الناس تحب هذي البرامج

يعطيك العافية

[عـــهود]

ام بي سي أشعر أن من ألاهداف التي وضعتها لنفسها ....هي جعل النشء العربي سطحي ساذج تافة يهتم بالقشور والمظاهر ..!