|~ ديوان الشاعر احمد الصانع|~متجدد

[سـَمآ ♪]

بسم الله الرحمن الرحيم

السلام عليكم ورحمة الله وبركاته


ديوان احمد الصانع.









http://www.shathaaya.com/go/dir/22/balad_thani.jpg




أنا أدري إنّي وطن بس إنتْ ما تسوى
_______ أعطيك عمري وتفكّر في ( وطن ثاني )
سوّيت لك كل شي ‘ لكن .. بلا جدوى
_______ لي يوم بلقى مواطن .. يشبه أوطاني
ما أخذت حبّك تسلّي وينها السلوى ؟
_______ خلّيتني في مُسمى الحُب « وحداني »
بنساك ‘ من قبل ما تنقل لي العدوى
_______ لأن الخيانه مرض لا تَعدِي أحضاني
ما أشتكي لك جروحي للـــه الشكوى
_______ كيف أشتكي منْك يا سجني وسجّاني
عافت بلادك وجودك ياللي ماتهوى ،
_______ ما أبيك لو كنت آآخر شخص يهواني !
الهقوى إنّك "تِحِب" وخابت الهقوى :
_______ كافي هقاوي ! أمااانه روح و~ إنساني .
إن كان باسك قوي ؟ حيل الله الأقوى !
_______ ضيّعتني .. وخل أدورني أبي ألقاني |
فرقاك بلوى ؟ بعد لي عشرتك بلوى .
_______ وضعين فيهم أكون بْـ قمّة أحزاني .. .

قلبي بلادك ولكن [ إنتْ ما تسوى ] ،
بِتْحس في قيمته ؟
• جَرِّب بَلَد ثاني !

[سـَمآ ♪]

http://www.shathaaya.com/go/dir/22/105e6e23929106b3d22e219d5d55038d7-d2rq34i%20copy.jpg





بشّر .. .
عسى جازلك بُعدي وتقصيري ؟
علّ وعسى عايش الأيّام ~
في راحه .. .
كاني متعّب قليبك ؟
- حب لك غيري !
قدري تعرفه بعدما تحضن ،
جراحه .
ياشاغل البال .. .
لايشغلْك تفكيري |
حتى ولو شفت قلبي فاقد أفراحه .
ماهي غريبه :
تخون العش ياطيري ،
أغلَب قلوب الحبايب .. .
ماهي مرتاحه !




ياللأسف ! خيّبت كل الرجا فيك .. .
___________ أقول راضي وآنا ماني بـ راضي !
إن كنت لك تحصيل حاصل بـ أسمّيك :
___________ أفشل علاقه في حياتي وماضي .
دنياك باكر يـ أسود القلب تشقيك ،
___________ تبطي .. ولا تلقى أحد في بياضي !
الله بلاني فيك .. واللـه يهديك |
___________ كل ماترستك حُب ألقاك فاضي !
جيتك من أقصى رغبتي لك ويكفيك .. .
___________ إنّي عطيتك كلّي وكنت راضي .
مابه عداله بيننا ولازم أنهيك ،
___________ مفروض يحْكُم بين الأحباب قاضي !
عيني تشوفك وإنعمت عن بلاويك |
___________ من كثر ما أحبك غفل إتعاضي !
والحين من قلبي طردتك ولا أبيك ،
___________ أرض التواصل والمفارق أراضي .
ببدا بهذا اليوم رحلة تناسيك :
___________ مافيه داعي للرضا والتراضي !
لاصرت مشغول بحياتك أخليك ،
___________ بروح ادوّر لي على قلب { فاضي } .



في شي فيني بْـ غيابك ~
ناقص !
شكّكتني في قلبي و .. .
إخلاصه .
القلب طيرك :
وكِّدَه يا قانص !
لايْضيع منّك ،
واجد القنّاصه .

[سـَمآ ♪]

يا معانا يا معاهم .. ؟
في فساد الأرض : ساهم .
حتى بـ إللي مافهمته ،
سو نفسك شخص [ فاااهم ] .
إللي حاصل مو طبيعي ..
هذا سنّي وذااك شيعي !
هذا بدوي وذاك حضري !
وياكويت الخير ، ضيييعي .
،
خربانه ؟ إي واللــــه هي خربانه ... .
والله يلوم الناس ، لو لاموني

نفسيّتي من هـ السبب تعبانه |
الوضع سيّىء في البلد صدقوني .

ويّاي وإلا ضِدّي في هـ الخانه ؟
ودّك أحبك ؟ سِد ، كل ديوني .. .

المصلحه / فوق الوطن وأحضانه !!
هذا فِكر بعض البشر ، سمعوني :

الكويت دانه ، لا تِضيع الدانه ،
وصّـوا إللي مايفهَم ولا توصّوني .. .

ناسٍ تخرّب فرحتي ~ بطرانه :
بـ المَكـرَمَه بـ أفرَح ، وما خَلّوني .

الكويت كِلْهَا يا (( غلا )) حزنانه .. .
عليه تبكي عيونهم ، وعيوني !

من مات وعْيون الشَعَب سهرانه ،
بـ إعدام من كان السبب بشروني :

أبوج .. صِرنا ، كل أبونا أخوانه
مايْضيع دَم ، [ محمد الميموني ] .

[سـَمآ ♪]

مدخل :


ياه يا رخص السنين إللي مضت
ضاع عمري كله .. في لحظة جموح

وش حياتي يوم من حسّك فضت
كنت مصدر فرحتي وصرت الجروح

في وسط أرضك أنا روحي قضت
كيف صرت الحين شخص بْلا طموح !

أبكي من داخل ، وعيني مارضت
رحت عنّك ... وآنا ، ماودّي ( أروح )









http://www.shathaaya.com/go/dir/22/not_anymore_by_nusunt-d3a7gn3.jpg




آخر إخلاصي وحبي وعشرتي لك بـ إختصار
مات قلب ..
وعاش جرح ..
وشفت أنا نْجوم العصِر

إنهزامي .. في عيونك ليش أحسّه إنتصار ؟؟
وإنتْ تدري إنتصاري .. لمّا أشوفك : منتصِر

إنتْ تَبْصِر حُب .. لكن ، قلبك إيدينه قصار
وقلبي لك قصر الرئاسه يا رئيس : بْلا قصِر

أثْر جيشك رافض الهُدنه وعاملّ لي حصار !
من قريب الطعنه كانت وإستقرّت بـ الخصِر

كل ماقلته ،، وكتبته ،، ياحبيبي من عصار :
تجربه جدًا طويله ، ولأجل عينك بـ أختصِر

في ( علاقتنا ) تشابُه بيننا ، وبين إللي صار
مع سعادة / حسني مبارك .. والثوره بـ مصِر

[الدووووخي]

:

ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه

[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليه أعطيك الأمان ؟؟
وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )

والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمَح الزلّه - عشانك .. وأكتِم أنفاس .. الغبينه

كنت أحبك ’ كنت أعزّك ’ والغلا فيني جبان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظرة حنينه . .

ماني أوَّل من يحب ..... . ومنتَ آخر شخص . ..... خان !
المحبه في زمانك ؟ بحرها ^ من غير مينه ^

الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشان :
" يبكي قلبك لا فقدني والندم .. يملي سنينه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .

قلت لك قلبي [ مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه

.

[سـَمآ ♪]

جابك الله .. إنت وينك من زمان ؟
جيت في وقتك .. ياغالي إشتقت لك !!

منت ضيف القلب يا راعي المكان
لك ضلوعي عرش ، وإجلس يا " ملك "

في غيابك .. غاب ويّاك الحنان !!
وفي حضورك ، قِمت أغنّي : كلّي لك

ياللي قربك لي يحسسني بـ أمان
ودّي .. طول العمر .. بس ، أقابلك ،

خِذهَا منّي كلمه وإحْسِبها ضَمان
فدوه لك ، عيني .. وقلبي ، فدوه لك

سَمَّه عِشْق كْبير أو سمَّه جِنان
الأهَم .... حبّيتِك ، أكثَر مِنْ : هَلِك ،

ما أخونك ياحبيبي .. مهما كان
ولو تفكّر في ( الخيانه ) ، أقتِلِك ..!

[الدووووخي]

( مرثية شاعر ) ..!

http://el9ane3.jeeran.com/Wddy_998k.jpg

:

ودِّي أمُوتْ اليُوم ... وأعيش [ باكر ]
ـــــــــــــــــــ وأشوفْ مِنْهو .. بعد مُوتي فقدنِي ..!

ومِنْهو حَمَلْني لِين .. ذِيكْ .. " المقابر "
ـــــــــــــــــــ وأشْكرْ أنا .. كِل مِنْ دِفنِّي و كَرَمْنِي

وبشُوفْ .. يرثيني أنا كَمْ [ شاعر ] ..؟
ـــــــــــــــــــ ومنهو [ يذم ] فيني .. ومِنْهو [ مِدَحْنِي ]

شِخصٍ تعنَّى لي .. مع إنه .. مسافر
ـــــــــــــــــــ وشِخصٍ قِريبٍ ، في طعونه ، خَذلنِي

وشِخصٍ يمثِّل دمعِتَه .. ما هو قادر !
ـــــــــــــــــــ وشِخصٍ تِطيح دموعه كِلْ ما ذِكَرنِي

ومِنْهو مِنْ أهلي فـ العَزا كان حاضر
ـــــــــــــــــــ ومِنْهو دعى لي في " صلاته " ورحَمنِي

ومِنْهو بنى [ بإسمي ] سبيل ومنابر
ـــــــــــــــــــ ومِنْهو يفز قلبه .. ليا مِنْ [ لِمَحنِي ]

ومِنْهو عشاني : طُول الأيام ساهر ..!
ـــــــــــــــــــ ومِنْهو ثلاث أيَّام .. راح / وتركنِي ..؟

ومِنْهو يرتِّب .. غرفتي .. / والدفاتر
ـــــــــــــــــــ وإن شاف لي ( صوره ) بكى قال : شِفنِي

يالله عسى تعلّمني .. عن هالمشاعر
ـــــــــــــــــــ منهو : رُبَح موتي . . ومنهو : خسرنِي ؟

خايف يروح العُمْر .. وأكُونْ خاسر
ـــــــــــــــــــ وإن طار طيري .. يخلف إللي وعدنِي

وخايف يجيني وقت : أكْسِر خواطر
ـــــــــــــــــــ إن دارت الدنيا .. وزماني .. كِسَرنِي

ومدام هذي الدنيا .. صارت مظاهر
ـــــــــــــــــــ وكِلْ مَنْ على كيفه ، وجوّه ، نصحنِي

[ صحيح مُسلم لكن : الهَم كافر
ـــــــــــــــــــ والوقت قصّر ، والبَخَت ماخِدَمنِي ]

الضيق : وافي . والحزن : حيل وافر
ـــــــــــــــــــ والجرح : أكثر شي شفته ، يحبنِي !

عايش وميِّت بين .. ماضي وحاضر
ـــــــــــــــــــ والصبر [ مفتاح الفرج ] ماشملنِي

قل وش تبي وتتركني ياحزني : آمر ؟
ـــــــــــــــــــ مسكين فرحي ، تصدِّق إنَّه : وحشنِي !!

( شاعر ) ولكنِّي .. ماني بـ [ شاعر ]
ـــــــــــــــــــ ودِّي أموت اليوم .... باكر صدمنِي !!

:


أحمد الصانع

[الدووووخي]

الإنتـ م ـاء //

ولاءْ لوطن فكري /
وفاءْ لفكر أوطاني !!
.... إهداء : إلى ذلك الصديق ....



http://el9ane3.jeeran.com/aw.jpg



:

إنتمائي للوطن في فكْر أوطاني / ضياع
يا تبوس الأرض هذي أو تدوسك ناسَهَا

دنيتك هذي , مبادىء تلبس إثياب الخداع
وكم شجاعٍ ضلْ عاري والملابسْ داسَهَا

يا رئيس إلهامْ فكري لا تخافْ .. منْ الوداع
[ شاعرك ] .. يبقى قويٍ والقصيده حاسَهَا

إيه أنا عايش وميّتْ . . والحقيقه ما تُشاع !
الحَطَب صار الصراحه والكِذِبْ هو فاسَهَا

شوف هذا / إيه هذا , اللي جالسْ بجتماع
ما وصل للي عليه إلا .. . " أيادي " باسَهَا

طيبتك ما عاد تنفع في زمـنْ , كلّه جياع
غابةٍ من دونْ وااالي وما تِدِقْ أجراسَهَا

مُتْهم ضدّه النيابه وهمْ بعد ضدّه الدفاع
المؤبد لـه براءه ويحمد اللـه جاسَهَا

المصيبـه لو تبي تبليكْ تلْبسْ لك قناع
تخْتلقْ لك أي جريمه وتحْبسكْ بأنفاسَهَا

القهر أقرب قريبٍ لا لوى بيده الذراع
ماحَشَم ذيكْ العجوزْ اللي حَلفْ لكْ راسَهَا

لا خذاني الموتْ منّك إمسكْ بقوّه الشراع
لا تمشيك الريـاح / بكيفها / وإحساسَهَا

دنيتك مثل السفينه وقلتْ: هالكلمه مساع
لا تمشيك الرياح / ويخدعـك وسواسَهَا

يا رفيقي يا مواني رحلتي , جيدْ السماع
المسافه لا تقدّرهـا . . ويخون / إقياسَهَا

داخلك أدري مشاكل ضايعه بين الصراع
بينك وبينك { مآسي } . . يلعنْ الله ساسَهَا

لكن إصبر في رزانه ولا يغرّك الإندفاع
" الفَرَجْ " بالصبر يأتي / والمدامع واسَهَا

دنيتك كاسٍ جرعته سمْ ودّاني الضياع
وما أبيك تصير مثلي وتنخدع في كاسَهَا

:




أحمد الصانع!

[سـَمآ ♪]

عليك إسلوب . .
يخلّي إلْـ ما يذوب ~ يذوب ،
على النيّة تكلّمهم ! لأنّك :
( طيّب و حبّوب )
أنا كم مرّه قايلّك ، حبيبي :
- لا يشوفونك ....
ولا أبيهم - يكلمونك ..
ولا تضحكتك :
يا غالي ... تو و و ب !

سحرت قلوب ..
طلبتك .. لا تطالعهم

وإذا تفكّر تقاطعهم ، فديتك :

هذا هو المطلوب .
أنا مو ناقص العالم
يِحَسْدوني على : عيونك
يذمّوني .. ويغيرونك
ونعيش فْرااااق يا طيّوب

ترى مكتوب ..
بقلبي إسمك ، و إسمي
وتحتهُم .. من حبر دمّي
( حبايب للأبد )
مكتووووب
ترى كبر السما قلبي
و وحدك فيييه يا طيري
ياويلك لو تحب غيري
علينا كل شي محسووب !

[الدووووخي]

..... صار ياكِلْهَا بشر ! .....

قصتي قِصَه مُفيـده وقِلتْ : أكتبْهَا بسطور
ويا عسى مِن كانْ يقرى مِنَّهَا .. ياخِذ عِبَر


http://el9ane3.jeeran.com/,سس.jpg


مغفره وذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر

عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر

تِختصر مَعنى حياتِكْ كيف تبني لِكْ قصور!
أحْتِــــرم رايك ..
وهذي تُعتبَــر
..... ( وجهَــة نظر ) !

زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟

حَدِّث العاقِلْ بمَا يُعقَل ..وفي قلبٍ جَسُور
وإنْ خطيت بحق غيرك روح قدِّم له عذر

رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "

وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر

ما نالْ في الدنيا أحَدْ يا سَائلي غير (الصبور)
والدليل إنِّي صِبرتْ .. وكانت أيامــي تمر

لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ..
ما حَبِّتِكْ
........ عِين الدهر !!

مِثلِكْ أوَّلْ كان حَالي وضِيقتي ونفس الشعور
كِنت أقول : شمعنى قلبي في مشاريعَه خسر

ما دريت إنَّ الغِيابْ أحيَان أفضَلْ .. مِنْ حضور
لِين شِفت " الشمس " تشرق بعد ما يغيب ( القمر )

وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!

كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر

لا تقول: أعيش يُومي دامي في عمر الزهور
منت ضامِنْ عُمركْ الباقي .. وقَطَّافْ الزهَر

قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر

مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك
........ والقبر !!

ياما قالوا الناس : خايف
وقلت : ما فيني قصور
بَسْ شِفتْ إنَّ الشَّجَاعَه مَعنى ثاني للخطر

إيهـ خافْ وكُونْ سَالِم دام هالدنيا بحور !
والبحر مَهْمَا وفالِكْ طبعَـه ( غدار ) البحر

وللشجر إن شفت هامه هذا مِنْ طيب الجذور
يعني أعمالك جذورك هذي هـي بالمختصر

القضيه: ما هِـي شخصٍ خالِفَـه شِرطي المرور
البشر في الدنيا هذي . . . صَار , ياكِلْهَا بشر !




أحمد الصانع!

[سـَمآ ♪]

http://www.shathaaya.com/go/dir/22/97f948cf73ac1fb69dca9e7c30d56ee6%20copy.jpg



نعم .. . كثر التعب حاجه تؤدّي : لإنهيار إنسان !
و أنا ؟ ما أوعدك إنّي بـ أتم بـ عِشرتك ، واقف .. .

أروح و يبقى لك عندي : معزّة ، و إحترام ، و شان ؟
أو أبقى بـ الكذب جنبك .. .و أنا من داخلي ~ عايف !

حشا ما جيت لك { شايل } .. . عشان أطلّعكْ غلطان !
و دليل إنّك مزّودها معاي ، وقلت : ما يْخاااالف .


أشوف و أسكت و .. . أحزن ! أبيك تْحس بـ الأحزان ،
و وضعي حيل جايز لك : - حزين و ساكت و شايف !

تجازف ~ في علاقتنا ولا .. . حسّيت بك ندمان !
خسرنا بعض ؟ - مو منّي ! أنا ما قلتْ لك : جازف .

ترى ما خفت من بُعدكْ .. . ولا من غيبتكْ زعلانْ !
أنا واللـــه من قربك ، أحاتي [ غدرك ] و خايف .

كثييييير أشياء صارت لي حزينه ، وموجعه أحيان |
ولا شفتك تواسيني ! مع إنّك : تدري و عاااارف .

ترى ما جيت أبكْسِر خاطرك ، لا قلت لك : تعبااااان !
و لا أظن تنهي جروحي حبيبي : قولتك { آسف } ~

حبيبي ؟ لأ ! ماتنفع . . صديقي ؟ لأ ، ولا " أخوان "
أبي لي شي يمنعني أصدّك .. . لمّا ، نتصادف !

قليل من التَعَب يكفي يا غاااالي ، لإنهيار إنسان .
و كثير من التَعَب فيني من أسبابكْ .. . و أنا ~ واقف !

[الدووووخي]

ما مِـنْ جديـد .. بغيبتِكْ
كِلْ شَيْ , على ما هُو عليه


http://el9ane3.jeeran.com/Msafeeer.jpg
:
:

أجي مِسْرع إلى ذاك المطار , ويرتبك نصفي ..
ونصفي الثاني يتسائل عَن اللِّي صار و.. أخطائي

تروح شلون عَنْ عيني .. وتبدِّل قوِّتي بـ ضعفي !!
ولا بـه شـي يستاهل عشانـه .. تبدي إيذائي ..

( مسافر ) دُونْ ما أدري وحِزني داخِلي مخفي
أبيـك الحيـن مـو باكـر تِحلِّقْ فوق أجوائي

مطار القلب يتحرى رجوعِـك , غيبتِـك تكفي
أبكتب لِكْ ولا أقــدر على .. التعبير وإملائي

غيابك مـا رحَم حالـي وحرفي آآآه يا حرفي
تلعثمت , وعجزت آخذ في وقت البُعد إجرائي

أنا كلِّـي عَطَشْ ضامـي أعيش بغيبتِـك حتفي
لأنك ساعـة الضيقـه هواي , وبالعَطَش مائي

أحبك يا [ وَطَنْ ] غالـي عَليْ وحَضْرتِي " منفي " ..!
كفايـه لا تِشتِّتْنِي
تعـال ..
وجَمِّـعْ أشيائي !!

وَطَنْ شنهو وَِطَنْ .. إلاَّ عُيونِكْ في لُغة وصفي ..؟
غريبه شلونْ تتركْني .. وإنت بداخلْ ( أحشائي ) !

( ثلاثْ أيَّــامْ ) تهجرني ولا بيَّنتْ لِكْــ نزفي
ودُواي اللِّـي تِكاثرْتَـه عَلـيْ وصِرتْ لِي دائي

( ثلاثْ أيَّــامْ ) ما نامَت عيوني وما قِدَرتْ أغفي !!
لي اللـه كِلْ ما حُولي غريبْ وعَالَمِي .. نائي

( ثلاثْ أيَّــامْ )وأنوار المدينه يا الغلا تطفي
وتِعِمْ الظَّلمَه فـي قلب الشوارع وأفقِدْ أضوائي

تِصَدِّق حتَّـى بسماتـي .. أهَلِّـي فِيها وتِقفِّي !
تعـال ولَمْلِمْ جُروحـي ورَتِّبْ فُوضَة أجزائي

يجينـي الجَرَحْ مِنْ إيدكْ .. وأصْفِقْ كَفِّي بكفِّي
أعَزْ أحبابي يطعَنِّـي ويداوي الطَّعْنَه أعدائي !!

( ثلاثْ أيَّــامْ ) تِطْعَنِّي وأنا أشِيلِكْ على كتفي ..
كأنْهَا طَعنِتِكْ
" ضِيفٍ "
وقلبـي .....
حَاتِمْ الطائي !!

:
:





إرجع حبيبي لديرتِكْ
عمري بدونك ما أبيه
http://www.shathaaya.com/vb/images/smilies/i.gif

[سـَمآ ♪]

http://www.shathaaya.com/go/dir/22/bbb.png


ماكِتَبت الشعر لأجل يِذِيع صيتي .. .
__________ ولا أنا .. مِـمَّن يحبون [ الضجيج ] !

جيت أقول الحَق : للعالَم ، و بيتي :
__________ " الأزيرق " ، صار ، " أزرقنا " العتيج .

وشي عادي الفوز لو أصبَح كويتي ،
__________ إحنا ( أكثر ) من رُفَع [ كاس الخليج ] .

يا ( بطوله ) دام من إسمه خذيتي :
__________ [ الشهيد ] اللي . . ملا الدنيا ، أريج :

إختموك ، رْجالنا . . لمّا بديتي ..
__________ قلنا : وين الكاس ؟؟ قالوا : بـ الطريج !

ويا اليَمَن ، شكرًا لأنك : مانسيتي ،
__________ تعلّمين الكاس | وش معنى : [ رفيج ] .. .

ويا عيون المنتخب ، فعلاً عطيتي :
__________ [ موج أزرق ] ، في ملاعبهم ، يهيج .. .

و نشكرك يـ ( المملكه ) ياما وفيتي :
__________ من [ فريجج ] راح ، إلْـ أقرَب [ فريج ] .

مو غريبه الكاس لو أصبَح كويتي ،
__________ عِشْرَه ، ماهانت على [ كاس الخليج ] .

[سـَمآ ♪]

فارقت كل الناس من أجل عينك . . .
حتى مع قلبي ~ عشانك تفارقت !
والحين ويني عن حياتك ووينك ؟
فارقتني وماهمّك إني تضايقت .
{ ودّعتني } يا جعل ربّي يعينك |
ومع المشاكل في فراقك تعانقت . .



http://www.shathaaya.com/go/dir/22/Dreams_Are_Endless_by_7oodie.jpg



ما رِجَع ؟ سألوا عليه يمكن إنه فيه شي .
______________ غيبته عنّي { غريبه } روحوا جيبوا لي الخبر :


والله ماهي عادته أيّام ما يسأل علي !
______________ حجة الغايب معاه . . بس . . مافيني صبر .


لا تخبّون الحقيقه |
وماحصل ؟
- قولوه لي .
ولا تقولوا لي : نسى أو لهى ،
ماهو عذر !

أكذِب إن قلت الليالي في غيابه : هي / هي
______________ ويَصْدِق إن قال المفارق راح يسبّب لي : قهر

قلبي حيل إشتاق له وحبي له ماهو [ شوي ] :
______________ مثل صحرا أنتظر . . طق يامطر | طق يامطر .

في وداعه ، كنت أمسك راحتي براحة إيدي
______________ لين شفته بعيد عنّي .. كنّي ماسك لي : جمر !

ظلمه هالدنيا بدونه مابها نورٍ و { ضي } .
______________ ليش سافر عن عيوني ؟ يعني وشفيه السفر !

من غيابه . .
راح عمري !
{ حي } لكن ~ ماني حي .
يا تجيبونه ،
يا إمّا :
روحوا جيبوا لي عُمُر .

الشعر : أفضل وسيله توصِف إللي صار بي . .
______________ وإلا أنا ماكنت أصلًا فاضي وحول الشعر !



http://www.shathaaya.com/vb/images/smilies/i.gif




لا تسولف لي عن { جْروح الليالي } . .
وإنتْ قلبي .. ياما داواك ، وخدعته !
إيه أنا صابر .. لأنك : حيل غالي ،
ولو أحد ثاني مكانك ؟ - كان بعته .

[الدووووخي]

:
:

لا تِطالع سَاعِتِكْ هالوقت " طامه "
مِنْ أشوفك مَرْ في سرعه وبروق

جيت عِندكْ شايلْ عتاب وملامه
وقلب مُغرم فِيكْ عالشُوفه شفوق

كان غيري حقَّقْ بوصلِكْ مرامه
هَمْ أنا , في شوفتِكْ عندي حقوق

الفُضَا قلبي .. وشُوقِي لِكْ ( حمامه )
ما تطُبْ الأرض . . دُومْ إطِّير فوق

في غيابي أوَّل .. تقوم القيامه
تقلب الدنيا .. تِدوِّرني / بشوق

تسْرقْ إحْسَاسِي وحُبي بإبتسامه
وإن زعَلْ قلبي رضَاه تبُوقه بوق

نايمْ بليلِكْ .. وليلي مــا أنامه
أنتظر شمس اللِّقى تبدي الشروق

مِن غيابكْ جسْمي ما تِشيله عضامه
ياللِّي تِشْرَبْ راحِتِي .. خَلْنِي أذوق

وش تغيَّر؟
قلبي يسأل في ندامهـ !
ليه " قلبك " صار عالفرقا يسوق ؟

ليه غايب ؟
ليه ناسي ؟
وش علامه !!
قلبك اللِّي إشتاقْ لِي وشوقي يفُوق!!
:
:
رحتْ عَنِّــي وقلبي ما كَمَّلْ كلامه
سَاعتِكْ .. . ما عِندهَا تقدير وذوق

بالسلامهـ ..
وأدري ما فِيها سلامه
مِنْ يفارقْ عينكْ (الحِلوَه) ويروق !!

:
:

http://www.shathaaya.com/vb/images/f12.gif

[الدووووخي]

" تعريفـ المُحَـال "

http://el9ane3.jeeran.com/Blad_el7lm.jpg

:

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :
خَل الكلمهـ
فـ الشطر الأخيـر ..!

القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!

والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير

يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير

جات طعنـه مِن جنوبك والشمال
يعني وضعِك بين مِن حُولك خطير

صاحبـي وإن ضاقت بعينك ليال
لك فرشت القلب مفروش الحرير

في [ بلاد الحلم ].. ممنوع العقال
والمصيبه الشعب ما أختار الأمير

وما ألومك .. كان شدِّيت الرحال
دام بيتك جرح / وفراشك حصير

هذا تعريفي إلى كلمة : مُحَال
شي ودِّك فيه ولا يمكن يصير ..!


:

أحمد الصانع
http://www.shathaaya.com/vb/images/smilies/i.gif

[سـَمآ ♪]

http://www.shathaaya.com/go/dir/22/Sa3etee1.jpg


صدّيت عنّك ، لأنْهَا ساعتي : حلَّت
ــــــــــــ أروح ، وفي خاطري أبقى | مع عمري |.

والله أحبك .. وعيني منْك . . ماملَّت
ــــــــــــ ومن كثر ما أقابلك خايف ، على قدري !

"أودّعِك" في يَدَي ، وعيوني بك "هلَّت" !
ــــــــــــ أشياء تطري عليّ . . . وأشياء ماتطري

الدمعه [ سيفٍ ] جُبرها الوقت وإنسلَّت
ــــــــــــ أصبر . . وأجْمَع قُواي وينكِسِر صبري

مصدوم منّي ! غريبه ، عيني إبتلَّت !!
ــــــــــــ ويّاك حتى ( دموعي ) مو على خبري

لـ أشْواق ، ماقصّرَت فيني ، ولا خلَّت :
ــــــــــــ القلب يبقى مكانه في [ قفص صدري ]

عنّك ، أصِد بْـ سلام .. ورِجلي إنشلَّت
ــــــــــــ وشلون لا كنت تطعن من ورى ظهري

غلاي لك .. مشكله للحين ما إنحلَّت ،
ــــــــــــ قلبي يحبك و كل إحساسي و شعري

محبتي لك ، كثير - تزيد ... ما قلَّت
ــــــــــــ وكل ما أشوفك ألاقي بْـ طلّتِك ، عِذري

( وَلْ ) يافراقك ، حياتي شوفها : ولَّت !
ــــــــــــ من غيرك أيّام عمري ماهي من عمري

[الدووووخي]

م ـحال :



الحزن في غيبتك له لون داكن ..
مات قلبي ويحسبوني الناس حي
كنت عايش إيه فـ غيابك / ولكن ..
فاقد إحساسي بحياتي وكل شي




http://el9ane3.jeeran.com/Mo7aaaal.jpg

:

مِسكتك " حلم " في " واقع " رفض يحقق أحلامي
مثل ذاك السراب اللي خذاني بعيد
.......... وما نلته !!

عليك اللـه , إرحمني ذبحني . . جرحي الدامي
وسيفٍ رافعه بوجهي عشان أرضيك / عانقتهـ
أشوفك " طيف " وأتخيِّل وجُودك , وإنت قدامي !!
ولكن الغياب أقوى .. صِدمني وقال: ما شفتهـ
لي الله صرت لطعوني ( هَدَفْ ) ولطيبتي الرامي
أنا [ لا طاعني هذا الزمان ] .. ولا بعد طعتهـ !!

حبيبي
صَعبه أتحَمَّل جُروحي وعظَّة إبهامي
قضى صبري وكل حَلٍ عشان الحُب ؟ جرَّبتهـ
إذا لِك يُوم مِتضايق ..؟
أنا الضِيقات أيامي
وإذا لِك يُوم تذكِرني ..؟
أنا النسيان زعَّلتهـ
وإذا جِسمِك تعَب , حتى أنا خايف مِنْ عضامي ..!!
أنا أمري إلى رَبِّي .. مِنْ الصَدمات / سَلَّمتهـ

محالٍ
ألتقي بنقطه معاك .. وأنصُب خيامي
[ ربيعك ]
وين يا الغالي..؟
أنا أسمع فيه ما عشتهـ

أنا اللي كنت أسهَر لك وأقول: لراحتك نامي
غفى بعض التعب فيني وبعضه فيك سهَّرتهـ
تِغمِّض جفني بـ خيوط النهار وألمح أوهامي
وأرجع أكتشف جفني معك ما يوم غمَّضتهـ

تعوَّد قلبي من صُوم اللقا , لا تجرح صيامي
لقانا تحسبه ذنبٍ غريبه شلون حلّلتهـ ..؟

وش الحيله .. إذا أفقد دواي , وألمَح آلامي
لاجل أوصل إلى قلبك طريق المُوت أسْلَكتهـ
وفجأه صرت لك شاعر وعينك كانت إلهامي
وكل بيتٍ عجب غيرك لاجل أرضيك بس .. قلتهـ

كأنك صَحرةٍ تُورِد غياب // وينكِسِر ضامي
دخيلك ..
قلبي الضامي ..
أمانه
ليه كسَّرتهـ ؟؟

يمُوت الحب لا يمكن , أموت ويبقى هُو " سامي "
وإذا حُبك مثل ( سِيفٍ ) ......؟
تأكد
إنِّي عانقتهـ

:

أمانه .. كيف تتحمل عيونك لحظة فراقي..؟
وأنا عيني من غيابك حبيبي ( ما تنام الليل )




أحمد الصانع http://www.shathaaya.com/vb/images/f12.gif

[سـَمآ ♪]

:



http://www.shathaaya.com/poem/folders/0022/yawmeey1.jpg


:



مساء / صباح الخير جميعًا ..

كُل عام وأنتم بخير ،
و مبارك عليكم الشهر ..

هُـنا ..
سأقوم بـ كتابة قصيدة كل يوم خلال الشهر الفضيل ..
كما كنتُ معكم في السنين الماضيه

يوميّات مواطن جوعان [ 1 ] (http://www.shathaaya.com/vb/showthread.php?t=64999)
يوميّات مواطن جوعان [ 2 ] (http://www.shathaaya.com/vb/showthread.php?t=81975)
يوميّات مواطن جوعان [ 3 ] (http://www.shathaaya.com/vb/showthread.php?t=85508)

لقلوبكم

http://www.shathaaya.com/vb/images/smilies/i.gif





[ أمّة محمد ]


الكتابة لمن نحترمهم أمر صعب ...
ومهما كانت جودة الكلمات ومعانيها ...
فلن تأتي بقدر ما تحمله الدواخل
من محبة ووفاء ..

فمحبتكم فخر ، والتواصل معكم حق ..
ونسيانكم مُحال ، والدعاء لكم واجب
لكم مني بحجم محبتي لكم كل الإحترام والتقدير

( رمضان كريم )
وكل عام وأنتم بخير .

اخوكم : أحمد محمد الصانع


( 1 )


نطلبك يارب عطفك يا رؤوف ويا عظيم
............. ثبّت الإيمان فينا . . في [ الحياة القادمه ]

إهدِنا درب الهدايه و{ الصِّرَاطَ المُستَقِيمَ }
............. كلّنا نطمَع في عفوك لين ( حسن الخاتمه )

نقّنا من هالخطايا يا "غفور" ويا " رحيم "
............. وجنّب الشيطان عنّا .. والنفوس الظالمه

لا إله إلا إنتْ نطلبك الستر وإنت الكريم
............. و ( أمّة محمد ) نبيها ، من جهنّم ، سالمه


http://www.shathaaya.com/vb/images/smilies/i.gif

[الدووووخي]

:

إحنا ما ننْفَعْ نكمّل . . كل واحد له طريق
نخْتلفْ في ألف نقطه وحيل واضح الإختلاف

عيشي من غيري حياتك وإحسبيني لك صديق
مالنا في بعضْ قسمه , وهذا هو حد المطاف

المحبه نهرْ صافي .. وقلبْ إحساسه رقيق
وإنتي تمليك القساوه و نهْر يمليه الجفاف

ليه أحبك وأدري إني في بحر غدْرك غريق
وليه أتصفّح حياتك ؟ دام عذّبني الغلاف

إن عشقتك صدقيني كني عاشقْ لي حريق
الحَطبْ عمري .. وناركْ بس تاكلْ ما تخاف

قلبي إختارك , وجيتك طايرٍ حرٌ طليق
ما ملا غيرك عيونه .. وياما في دنياه شاف

إحتمل قلبي وجودك وإحترى يصبح عشيق
ما لقا فيك المزايا وإسمحي له , الإنصراف

أدري القصه قصيره لكن .. الكاتب دقيق
فصّل الموضوع كله وما على القصه خلاف

إسمعي هذي القصيده صدْرها قافه بـ إيق
وإفهميها يا لبيبه .. عجْزها صعبٍ بـ آف

دام باقي للمعزه درب .. فينا لا يضيق ,
خلْ نخليها صداقه .. ولا نفكّر بـ الزفاف

:

[الدووووخي]

[ بكرا العيد ]

( 2 )

تقول ودّي بـ شوفتك بس صيّام
............... وأقول لك ودّي بعد .. بس ، مايفيد !

أفزّ لك من شوقي والناس نيّام
............... وأحلم ( أحبك حيل ) وتقول لي زيد

ودّي على ماتشتهي تْكون الأيّام
............... بكرا يصير [ العيد ] لو خاطِرِك عيد

[الدووووخي]

:

ما هي .. [ قصة حُب ] , وإلاَّ ذكريات
للـ مشاعر ( جيش ) .. وقلبي مَرْكِزَه

صرتي لي " خامس جهه " لأربع جهات !
وصورتك في وسط عيني [ مبرْوِزَه ]

كنَّ ربِّي .. ما خلق غيرك / بنات !!
إن طروا غيرك .. أحس بـ " نرْفزَه "

وكنِّك إنتي جامعه .. كل الصفات !
الحلا ..
والزين ..
وعين [ مطرِّزَه ] ...

جاك قلبٍي وصرت عاشق تضحيات
و [ الهَدَف ] من شان " عينك " أحْرِزَه

إن خلطتي الماي في " سكَّر نبات " ..
وقلتي : " أحمد " إفرِزَه !!
راح أفرِزَه ...!!

في كلامك , يستلج فيني السكات
ومن جهل طبعك يظنِّك ( مخْرِزَه ) ..!!

واثق الخطوه .. وأمشي في ثبات
ويوم شفتك الخطاوي [ مهَزْهِزَه ] ..!

مو بـ كيفي هي كذا واللـه جات
قلبي كرسي " صعب " غيرك يحْجِزَه

عيشتي
دونك ..
يساويها ..
الممات !!
وإنتي عيشي .. في حياتي " معَزِّزَه "

يعني قبلك .. كنت أنا , كلِّي شتات
وصرت أجمعلك شتاتي .. و .. أكنِزَه ..!

وشي طبيعي .. لو يغارون البنات
للجمال [ أخبار ] .. وإنتي " مُوجزَه " ..

ومن يشوفك .. اللِّي يتكلَّم لغات
قام يخربط والـ ( إذا ) صارت ( إزَه ) ..!!

والثقيل اللي يسولف في سكات
من يشوفك عاش حالة / لعوَزَه ..!!

ولو
تبوسي
إنسان
له
أيَّام
مات
قام يركض !!
حَس قلبه ينْغِزَه ..!

وقلبي اللي نام في عز وسبات
غيرك إنتي .. ما أظن ( يفزِّزَه )

واللِّي قالوا لما جت : " الحلوه جات "
جنبك إنتي ..؟ صارت أكبر [ مَطْنَزَه ]

لا تغاري .. من كلام المعجبات
ماني مثل اللِّي .. يحب " الرَزْرِزَه "

ياما قالوا ( الحُب ) يصنع معجزات ..
وإنتي
[ حُبك ]..
في
حياتي
" مُعْجِزَه " ..

:

[الدووووخي]

[ ماتسحّرت ]

( 3 )

من هَل شهر الخير ، هَلّت عزايم
ـــــــــــــ شخصٍ أجيه وشخص منّه تعذّرت

أغيب ... لكنّي أجيب ( الغنايم )
ـــــــــــــ وآسف حبيبي ، عن عيونك تأخّرت

ماهو أنا إللي ينسى لاصار نايم
ـــــــــــــ صاحي أفكّر فيك .. وإن نمت فكّرت

مبارك عليك الشهر وبخير دايم
ـــــــــــــ وأدري بأنك ~ تنتظر .. ما تفطّرت

من فرحتي في شوفتك وإنت صايم
ـــــــــــــ فكرّت طول الليل بك .. ماتسحّرت !



http://www.shathaaya.com/vb/images/smilies/i.gif

[الدووووخي]

[ تواضع ]

( 4 )

إذا ضايق على الضيقه تصبّر
ـــــــــــــ فرج يأتيك من بعد ~ المواجع

عليه الله .. كل منهو [ تجبّر ]
ـــــــــــــ ووقت حسابه ماتفيد المدامع

أمور الدنيا يا قلبي ، إتدبّر
ـــــــــــــ وكل إنسان عن نفسه يدافع

ترى مايدخل ( الجنّه ) مْتكبّر
ـــــــــــــ تواضع .. يابني آدم تواضع

[الدووووخي]

http://www.shathaaya.com/go/dir/22/Tajrobah1.png







إيه .. من حقّك تحب ، واحد : جديد |
بس " قلبي " ... لا أشوفك ، تقْربه .

بنصحك .. . وأدري النصيحه ماتفيد :
يا تعمّر ( بيتك ) .. أو لا ، تخْربه !

ناوي تعشق ؟ عافيَه ، إعشِق بعيد ... .
صير ضِد القلب ، خُون | و| عذْربه .

الله يْهنّي ( سعيدة ) في ( سعيد ) ،
وكل عقرَب لدغتة . . من عقْربه !

لا تفكّر في إنكساري ... يا عنيد |
و " الكلام " إن جاك ، لا تستغربه .

مستحيل ، تغيّر الأصل ، و تبيد
لو محيته . . أو نفضت الأتربه ،

صوتك إللي كان لي أيّام " عيد " ،
ما يأثّر .... في الخفوق ، ويطربه .

إنت خلّك .. في أحاسيسك بليد
( المَثَل ) في غير وقته : تضربه !

مو أكيد أنساك .. بس إن الأكيد :
كاس من إيدك ، بعد ~ ما أشربه !

جرّب إللي بخاطرك .. وإبقى وحيد ،
وطيح من عيني بعد هـ ( التجْربه ) .

[الدووووخي]

http://www.shathaaya.com/go/dir/22/S3.jpg




إجلس بـ قلبي حبيبي ، ماعليك .
وأي شخص يضايقك فيه ؟ إطرده !

أفقدك لو غبت لحظه وأحتريك ،
وغيرك يغيب ( العمر ) ما أفقده .

ما لِمَح قلبي السعاده ... إلا فيك ،
موت حزني " إنت " سبّة مولده !

إنثر الأشعار كلها بين إيديك ،
وفي لسانك خل تذوب المُفرده .

أوعدك تلقاني جنبك و { أحتويك } !
يوم غيرك كان حلمه ... أوعده ،

إيه أغار وما أبي غيري يجيك |
حتى [ ظلّك ] لو أطوله ؟ ببعده !

قلبي مثل المملكه وإنت ( المليك ) ،
يعني قلبك واجب إنّي أسعده .

ما أبيك تروح عنّي ، بس أبيك :
تقرا أوّل بيت وإفهَم ... مقصده .

[الدووووخي]

نزفــ / نسفــ


:
أحيانًا يأبى النزفـ إلاّ أن يكون نسفًا ..
وهنا أتى النزفـ صفعة لأعداء الشعر ..!
:
http://el9ane3.jeeran.com/sah.jpg
:


تعالي يا قصيدة حُبْ أبقطفْ منّك ورودي
أبي بيتٍ قويْ عطره وكنّي أكتب إملائي
إذا الساحه مثلْ حربٍ / أنا أشعاري جنودي
أبنسف كل منْ حاول يداهمْ أرضي وأجوائي
أنا لو كنت أحسْ إنه غيابي يشبه وجودي
ترى ما جيتْ للساحه وقصيدي يعْجبْ أعدائي
أفكّر وين أبي , وأبدء وأدري وينَهَا حدودي
وأصير بعينهم مُبدعْ غصبْ عنْ عينْ أخطائي
وقلبي الأبيض إنْ ضاقتْ يصير بضيقته سودي
تحوّل هتْلَرْ بلحظه مع إنه حاتمْ الطائي
عماني وقطري وساعه إماراتي على سعودي
وأصير بساعه بحريني عشانْ أشوفْ أصدائي
عرفت الشِعْر تفعيله وإلا يكون عامودي
ولكن ما عرفتْ إنّ الشِعْر بيكون هو دائي
فديت اللي سأل قلبه وتضايق لحظة صدودي
يتابع كل ما أكتب ويهمّه حتى إطرائي
أنا شاعر على كيفي / أنا شاعر وبارودي
قلم , صفحه , فتيلة حُب / ورسْمَه لونَهَا مائي
كفايه عاجبٍ حالي وواثق في خُطا صعودي
بِحَمْد الله وبفضله // نعم .. مُعجَبْ بأشيائي
وخلْ اللي زَعَلْ يزْعَلْ عسى ما شاف مجهودي
أنا ما شبّني غيري أنا منْ فعْلي أضوائي
وإذا قال: العدو ( أحمد ) تردْ بصوتها جنودي
قصايد عندي تمْنَعْني // أجاوبْ نَبْح أعدائي



:
وما زال النزفـ مستمر !!
:

أحمد الصانع

[الدووووخي]

زعلت أدري . . . وإذا تسمَح أبي منّك / دقيقه بس !
بغنّي لك أنا فيها .. . " من عيون البشر محروس "
تروح اليوم وأتحسّف على باكر ، وأضِيع بـ أمس
وأردد في ألم صوتي { أبيك } وأنصدم بـ نفوس !
كأن [ الجِن ] ما شافوا حبايب قبلنا والـ [ إنس ]
ولو إن فراقنا " حاجة ثمينه " يدفعون : فلوس !
كِذَبْ .. من قال : مـا أحبك .! , وفيني ( ما أظنَّه ) حس ......
كأنه حْبَّنا : جيشٍ كبير : وحضرته / جاسوس !!
حبيبي . . . طالبك لقِّن عذولي , و , حاسديني : درس .....
أبي ترجع و تقراني من " عيوني " بلا قاموس ,
يا غالي . . .
وش تبي أكثر ؟ يا (( سادس )) هـ الحواس الخمس !
فراقك حلم أزعجني ويجيني دوووم هـ الكابوس ,
غيابك : ليل : يا وجه القمر , وإلا , يا طهر الشمس .....
سواد / وظلمةٍ عيَّى يفيد ..... ويضوي الفانوس
كِسَرني البُعد , و , أشواقي !! رغم إنّي " عزيز النفـس "
حبيبي . . . كل ما أنسى ! يذكّرني بك الطاووس .

[الدووووخي]

الإهداء :
إلى قلبٍ نسيَ نبضه / بي
ورحل !!




http://el9ane3.jeeran.com/Mss.jpg



:

تِصَدِّق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني

على طاريكْ كِلْ لحظه .. . ولا أحتاج للتذكير
حَريصْ القلب ما ينسَى عيونِكْ , لا توصيني

مَحَدْ يِقْدَر يعَوِّضْنِي لأنِّكْ .. في عيُوني غير
ومَهْمَا شِفتْ أنا الفرحَه .. بدونِكْ ما تسليني

أنا خِنتِكْ .. وهالغلطه حبيبـي ما لَهَا تبرير
علاقة حُبْ مَجْنُونَه .. ما بينْ أحزاني وبيني

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِدَرتْ آطير
أحَاولْ أبْتِسِمْ وأنْسَى ولكنْ وشْ ينسيني..؟!

أشُوفِكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ؟ ومشكلتي عِجزتْ ألقى لَهَا تدبير
طِلَبتْ النُومْ .. لحظاته و عيَّى النُوم , يعطيني

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني

يا أغلى مِنْ رَحَل عنِّي يا كِلْ الحُبْ والتقدير
تعَالْ: إنْ كان لِي عِندِكْ مَعَزَّه وكان تغليني

تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي .. كَفْ الوَصِلْ .. وآمِدْ كَفيني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني , ما هقيته يصير
لأنِّي كِنتْ .. ( متأكد ) .. بأنْ البُعد ينهيني

:

http://www.shathaaya.com/vb/images/f12.gif

[الدووووخي]

■



لاتحسبين الغير أثّر على ( القلب ) ..
.................... مافيه ... أي إنسان ، [ أسمَع كلامه ]

جيتك .. ولا فكّرت في آخر الدرب ،
.................... أمشي معك ، رغم العتب .. والملامه

برد وسلام بداخلي .. وداخلك ؟ حرب !
.................... ملّيت أدوّر ، في " عيونك " .. سلامه

شَرْق الدفا ، لما - تكونين بـ الغرب
.................... وغرْب الوفا ، لما .. شرقتي ، بْ وسامه !

بنساك .. لو كنتي السعادة ؟ ولي رب :
.................... يعين قلبي ... عـ " الصبر " و " الندامه "

أدري المحبه ، شيء عاجز به ؟ الطب ،
.................... ومنهو " يحبك " ، ما يلاقي .. مرامه

روحي بعيد ، ومارسي - لعبة الكذب
.................... لي قلب .. طايب خاطره من ، غرامه

وفيني مشاعر " وافيه " .. مالها ذنب
.................... عفيَه " عليها " ، تقابلك .. بإبتسامه

هزمت قلبي ؟ ألف مبروووك ، يا الحب !
.................... مافاز ، واحد ما " إعْترف " بإنهزامه

جيتك .. وخلّيت الكرامه ، على ( جنب ) ،
.................... وأقفيت أنا ، خسران : " حُب وكرامه " !



■

[الدووووخي]

آنا أدري ياحبيبي ، من ورى عيني ( تخون )
لا تظن إنّك مكذّب .. . لا تصدّقها : ظنونك
ومن يقول إنّي أحب وقلبي عايش لك يصون ؟
آنا مثلك ياحبيبي [ من ورى عينك أخونك ] ..
هان قلبي في عيونك وهَم بعد ، قلبك يهون
عشت أيامك بدوني .. وعشت أيامي بدونك
دامك تسمّي الخيانه في ملفاتك : جنون !!
فيني لك مليون [ جنّي ] كلّهُم صاروا يبونك
لاتسوّي لي حكاية " نُون " . . ومالا يعلمون ،
يعني عارف يعني فاهم وإنت ضايع وسط كونك
كيف أحبك ؟؟ ليه أحبك ؟؟ وإنت أصلاً من تكون ؟
شخص خاين والله باين . . حط عيني في عيونك
لا تمثّل دور [ عاشق ] لا تقول إنّك [ حنون ]
إنت قاسي .. إنت ناسي .. إسأل إللي يعرفونك
أو ترى يمكن يكونوا ( مثل قلبك ) يكذبون ؟
يذكرونك .. يفقدونك .. بالكِذِب هُم يعشقونك
لا تصدقهم وتبكي وفي غيابك [ يضحكون ]
لا تأمّنهُم . . وإحذَر ، قبل لا تبدي طعونك
والله باكر مايفيدك لا بِدى : وقت الطعون ،
يطعنونك ، وإنت شايف وإنت عايش يذبحونك
والمصيبه .. بعد مُوتِك بالكِذِب هُم يحزنون !
يدفنونِك ، يكرمونِك ، وإلا يمكن يتركونك ؟؟
هي حياتك وإنت كيفك خون لو ودّك تخون ،
بس إعرف شي واحد والله من خنته يخونك !!

[الدووووخي]

:
ياللي [ خَذاكْ ] الغير من سِبَّة اظروف
من جَنبي البَارح مَعَ [ ماخذَكْ ] طِفت

لا تَحسِب إنِّك يُوم مرِّيت .. مااا أشوف
سوِّيت نَفسي , مِن القَهَر كِنِّي ما شِفت

المَسألهــ : ما هي تغلِّي ولا خُوف
لولا غَلاتِك ؟ كَـان تلقاني مَا خفت !

أخاف يلمَح نظرِتك وإنت : ملهوف
وإلا يِشوف بنظرتي كم : تحسفت !

تذكِر حبيبي .. لمَّا أرسِم على الطوف :
حَرفك وحَرفي ومِن رسُومي / تأففت !

الكِل يِسأل : ( ليه ) مِن بِد الحروف
وياما [ براسِك ] مِن قَرايِب تحلَّفت

ومَرَّه زَعَلت وقلت مِنْ ضِيقِتي : اوف
وإنِتَ بِكيت وجيت تَركِض .. تأسفت

كِل الأغاني وخاصةً " جُروج وسّوف "
لو نَويتْ تِنسى اللي فات
واللي كَانْ .. والذكْرَيَاتْ
وإنُّ غِيرِي خَدْ .. مكاني
وتِسْألني عَنْ حَالي ؟ أنا حالتي ( زفتْ )

ما هو ( قهر عادي ) ولا صفقَة كفوف
شفتك مَعَ غيري .. وتمنِّيت : ما شفت !

:

[الدووووخي]

إنت من صجّك ؟ من العالم تغار !!
ياحبيب [ العين ] .. غيرك ماتبي

إيه أحبك كثر ( بلقيس و نزار )
وكثر ما تاهات حروف بـ مكتبي

مهما قالوا .. يبقى في إيدي قرار :
عمره : الصيّاد مـ إختاره : ظبي !

لا يهمك شيء .. لو حولي : كثار
ما ملك غيرك : هواي و " مركبي "

تدري ليش القلب لك عنده : وقار ؟
لأنه فيك أشياء ..، تسبيني سبي

وتدري ليش أحب قربك بـ إختصار :
لأنك .. أنبَل شخص مَر بـ كوكبي
و
تدري ليش أشوفهم ، جداً صغار ؟
لأني ، حيل [ بعيد عَنْهُم ] يا غبي




http://www.shathaaya.com/go/dir/22/A313.jpg


تَعَبت أشيـل الهَم عنّك وأداريك
________ وإنتَ همومي ثقلَهَا .. ما يهمّك !

لا ياحبيبي ، هالزمن لا يخليك
________ تقسى على قلبي وتسقيه سِمّك !

[ دِنْيـَاكْ ] هذي , لا تغيِّر مباديك
________ مهما إستِطَعت الظُلم خلْني أضمّك !

ماهي غريبه من يذمِّك يماشيك
________ لكن غريبه يمدحِك من يذمّك !!

ما كل واحد غاب معناه ناسيك
________ بعض البشر ينساك لو كان يمّك !

أدري تعِزْني .. اللـه يعِزْ : غاليك
________ وإن كان لي عندك معزَّه بـ أشمّك !

في خاطري كم كلمةٍ عن تجافيك
________ ولا شفت دمعاتي إنزَلَت حط كمّك !

إسمك حبيبي ويا كثِرها أساميك
________ وقلبي يفز ، إن شاف حزنك وغمّك !

ليتك تحس في ضيقتي يوم أحاتيك
________ أحرق لك أعصابي .. وما حَس دمّك !

غايب بدون أعذار .. ربِّي يجازيك
________ عطني سبب مُقنع حبيبي .. وألمّك !

همِّك , جنونك , ضحكتك , كل ما فيك
________ صوتك , سكوتك , وأرجَع أقول : ( هـ مّ كْ ) !

[ لبيــه ] منِّك ، غيييير .. لمَّا أناديك
________ كنْ | الكلام العَذب | ... مرساه فمّك !

أبوك , خالك , إختك , أخوك , ماضيك
________ ربعِك ، جميع النـاس, وعيال عمّك !

شايف غلاهم ؟ والله أكثر ، أنا أغليك
________ واللِّي وِصَل ( نِص الغلا ) يمكن أمّك !


،


لا لا تلفني بـ " كلمتين " , و ألفّك
بعض الأمور تكون || ماتقبل اللَف !
القلب يرفض كل ماجيت .. أزفّك .
يقول لي : عاتب ! ولكن ( بلا زَف )
أشتاق لك , يشتاق فكرك , و رفّك
خل الكتاب – ينام / لا تلمِس الرَف
آسف .. حضنتك .. كان قصدي : أدفّك
قلبي ثقيل ’ و كل مايلمحك ؟؟ خَف
تزعل وقلبي صار واقف بـ { صفّك }
وجهة نظر علمية و إسلوبنا < جَف .
تقول إن القلب هو حجم " كفّك " ؟!
و أقول [ حُبك عندي ؟ (( أكبر )) من الكَف ! ]

[الدووووخي]

عسى ماشر؟ عساها خير! عسى ما به أحد تعبان؟
أنا مدري؟ أنا ضايع؟ أنـا أسـأل؟ أنـا أحاتـي
( دبي ) شاللي مزعِّلها؟ وأبُوهَا فارسْ الفرسـان!
( دبي ) شاللي يبكِّيها؟ و( زايد ) كِـلْ عباراتـي
( دبي ) شاللي ملِّبسْها السُواد وبإيدها الاكفـان؟
( دبي ) شاللي معزِّيها؟ ومِنَكِّّـسْ حِلْمَهَـا الآتـي
منُو اللِّي مَاتْ ما أدري منو اللِّي يطلِب الغفـران
منو اللي إنفقد فِيهـا .. وصَحَّـى نُـومْ آهاتـي
أحس الدنيا فِيها شَي أبَدْ ما هُو علـى الحسبـان
وإذا كان الخبر ( زايد ) عَسَاها تِمُـوت هقواتـي
صحيح اللي تقولونه؟ أو إنـي تايـه و حلمـان؟
أخاف إنْها إشاعَه مِنْ حقـود وقصـدَه حسراتـي
أبي أثبت لِنفسي وقلت: اب تعوَّذ مِـنْ الشيطـان
وأدوَّر إي قناه يمكـن تريِّـح خوفـي شاشاتـي
خبر عاجل: وفاة الشيخ:...... زايـد آل نهيـان
ولااا تِطلَعْ بدُون شعور وصُوتي ضـاع بسكاتـي
يا(زايد) لا تِكُونْ إنتَ يا وجه الطِيـبْ والتحنـان
يـا (زايـد) لا تخلينـي مـع همِّـي وونـاتـي
ابوي إنتَ نعم إنتَ يـا قايـد فزعـة الشجعـان
تمنيتك.. تخيَّلتـك.. لقيتـك ... عايـش بذاتـي
يا (زايد) أذكر إنِّي جيت وكلمتـك عَـنْ الغـزلان
أنا اللي جيت لي عِندكْ وسألتك عـن قصيداتـي
أنا اللي قلت لِكْ مَرَّه قِصيـدة يـا رفِيـع الشـان
أنا اللي كِنـت تِسْألنـي وتشجعنـي ف بداياتـي
صحيت..وكِنتْ بأحلامي وأثارينـي أنـا غفيـان
تشتت كِلْ ما شفتـه وضاعـت كـل طموحاتـي
يا كيف تروح عَنْ عِيني وتخلينـي أنـا عميـان
يـا نـور الارض والدنيـا نهاياتـك نهايـاتـي
يموت الخير والحِكمَه .. ويفْجَع كوكَـبْ الإنسـان
وأرثي ( الوالـد القائـد ) بخـط الدمـع أبياتـي
وشاللي بَسْ أبي أكتب وكيف أقدر علـى الأوزان
فقدت الشعر وأوزانـه وكِتبـتْ أبيـات دمعاتـي
عسى مثواك للجنه يا ( زايد ) يا إبـن سلطـان
وعسى يرْحَمْك مِنْ لجله رفعت إيـدي ودعواتـي
إماراتك سَبـعْ لكـن ب طيبـك تَمْلِـك الأوطـان
أنا [ كويتي ] وإذا شفتك أحـس إنِّـي إماراتـي

[الدووووخي]

http://www.shathaaya.com/go/dir/22/93032.jpg



لو كان ( قلبي ) مايحب .. ؟ صدقوني .
ما جيت وكانت جيّتي لـ : عيونه
ودّي أكحِّل ناظري , خلوني ,
ما أحس " لذّة " دنيتي من دونه
إللي ، غيابه يستفز .. جنوني
حلفت أحبه
و / أحفظه
و | أصونه .
من بعد شوفه { طاب } والله لوني
وإلا حياتي بـ غيبته ؟ مرهونه
أرتاح لامن كان بين ( عيوني )
ما أبي أردّد داخلي [ وشلونه ؟ ]
واللـه ماغيره سكن . . . في - كوني .
و أنتوا أسمحو لي كلّكم / تفدونه /
يا عاذليني ؟ ..... كيفكم ! : أذّوني
لكن " دخيل اللـه "
لا تأذّونه

قال واحد : ماتراضوا .! وردّد الثاني " السؤال "
أسئله من كل جانب , يعني / ثورة / أسئله !

يا فضــوووول بـ هالأودام قال هذا . . . وذاك . . . قال .
حبّنا محوَر حديث ( الكل ) عامل – بلبله

هذا وإحنا يا حبيبي ماعطيناهم [ مجال ] !!
ولو عطيناهم ؟ تخيّل كيف | حجم المشكله
صرنا موضوع , العواذل , وحبّنا :: مضرَب مثال ::
ماعلينا من حكيهم ... نعمل إللي { نعمله } .!
ما أبي تدخل معاهم في / تفاصيل و / جدال
تدري وش يقهر ( عدوّك ) ؟؟ لو يشوفك – تهمله
يعني إفهم ياحبيبي وكل ماتقدر ، " تعال "
و إن نسـونا ؟ خل | نِذَكِّرهم | ونعمل . بلبله !

.

[الدووووخي]

[ رصاصة رحمة ] :


إهداء ... لـ إللي يعشقون إيذائي
_________ طعناتكم [ وسط الصدر ] مزدحمه
يا وارثيني .... قسموا .... أجزائي
_________ والقلب [ عادي ] لو كليتوا لحمه
ماطحت ودموعي [ تعز ] أجوائي
_________ وإن كنت أبي أجرح أحد .. أقتحمه
يشبه غيابي الموت عند أعضائي
_________ واحد .. عيون الناس به ملتحمه
الروحه روحه وإبشروا ، يا أعدائي
_________ الجرح هذا لي ... رصاصة رحمه
يكفيني | إنكم تحفظون ، أشيائي |
_________ شاعر سطع نجمي بـ رغم الزحمه


http://www.shathaaya.com/go/dir/22/a7med112.jpg


لا الدنيا [ دنيا ] ولا الأحباب أحبابي
الناس واجد .. ولكن ، وين أوفاهم ؟
الكل ( واقف ) و ناطرني على بابي
محتار قلبي . . وتعب بالحيل ويّاهم
واحد طموحه جروحي وحرقة أعصابي
وواحد تمنّى يكون .. بـ قلبي أغلاهم
ماودّي .. والله أجيهم ، شايل عتابي
إلين شفت الغدر والحقد . . أعماهم
دوّرت في وقت ضيقي فزعة أصحابي
ياحر قلبي .... أدورهُم ، ولا ألقاهم !
كلام ماهو كلام . . يصير فـ غيابي
وإلا وجودي ، معلّمني .. من أرداهم
شعلت [ شمعة فراق ] وكانت أسبابي :
يمكن غيابي بـ جرح الصمت يبلاهم
الوجه من وجه أبيض ، وإنقفل بابي
قررت أبعِد .. عن الطعنات وأنساهم .

[الدووووخي]

:

الخَبَرْ جَاني : وأنا في النُوم خَالِدْ ما صَحيتْ
أسْمَعْ أصواتْ الشوارعْ تَبْكِي يُومْ الله خذاه

[ جَابِرْ الأحْمَدْ ] توفَّى ليتني قَبْلَه ياليتْ
الحَياه / مِنْ غير جَابِرْ مالَهَا داعي الحياه !!

ما أبي (أبكي) ولكن .. دُونْ ما أشعر (بكيت) !!
مِنْ غلاة إنسان .. ربِّي زارعٍ فيني غلاه

كيف ما أبْكي عليه !؟ وصورتَه في كِلْ بيت
دامْ حتَّى الأرْضْ تبكي مِنْ كِثِرْ طيبه وعَطاه

يا وفاه إن جيتْ أسولف عنْ حياته ؟ و إنتهيتْ !!
ما أكفِّي ربع طيبه .. وما أجي نقطه بوفاه

[جابر] اللي حتَّى بَحْره قال: مِنْ خيره إرتويتْ
كافلْ الأيتام منهو .. سوَّى بـ العَالَمْ سواه ؟

ودِّي أتْكَلَّمْ معاكْ وغِير سَمْعِكْ ما بغيتْ
والخبر اللِّي سِمَعْتَه إطلعتْ روحي وراه

إسْمَعْ اللي صار فيني :بعد موتكْ.. ما حييتْ !!
ومقْدَرَتْ رجْلي الوقوفْ وما نِفَعْ طِبْ وعصاه !!

بعد موتكْ .. كيف حالي ؟ تصدِّق إنِّي ما دريتْ
عايشْ وميِّتْ .. وقلبي إمتلى .. ضيقه وآآه

كِلْ هالعَالَمْ دعا لكْ ما هو بَسْ آنا دعيتْ
وكِلْ كويتي بَعَدْ موتكْ : إخْتَلَطْ صبْحَه بمساه !!
:
مِنْ توفَّى [ الشِيخْ جَابِرْ ] مَاتْ كِلْ شَعبْ الكويتْ
لأنه هو ( نَبضْ البِلادْ ) وكِلِّنَا .. مِتْنا معاه !!

:

[الدووووخي]

http://www.shathaya.com/go/dir/22/rf7ah.jpg


الفَرَح يا جماعه ما أتى . . من جَهَل
ــــــــــــــــــــ والسِمَا نِعمة الرحمن لأنواع : الطيور

يوم قلبي لـ . . . ربّه في دعاه إبتَهَل
ــــــــــــــــــــ شفت حولي أوادم في ملامح [ صقور ]

عِشْنَا في بَرْ ( رَفحَا ) ، إصدِقاء وأهَل
ــــــــــــــــــــ لااا ، وكنّا توائِم في الشّكِل ، والحضور

كل شخصٍ في صدره قلب أبيض زهَل
ــــــــــــــــــــ مزهريّه | المخيَّم | والرفايق ( زهور )

يابو أحْمَدْ أشوفك شَابْ مَنْت بْـ كَهَل
ــــــــــــــــــــ عُمْرِنَا عُمْر واحد بـ الضحِك والشعور

وأحمداللـه قلبي .. يا [ حمد ] إسفهَل
ــــــــــــــــــــ يابو تركي ( جميعًا ) ماعليكم قصور

خاطري بشيء لكن أدري ، ماهو سهَل
ــــــــــــــــــــ ليت كل الخلايق مثل [ عارف سرور ]

[الدووووخي]

،
من عيوني .. .
لا توصيني عليك !
لانزل دمعك حبيبي ،
بـ أمسحه .
حتى ( قلبي ) لو لقيته .. .
ما يبيك ؟
قبل لا يجرح شعورك ،
بـ أجرحه !
كيف ما أكتب كلام الحُب فيك ؟
عطني عيب بـ قلبك ،
وما أمدحه .
ياللي ربّي في جمالك مبتليك !
إنت في :
قلبي [ ورود ] مفتحه .
ويل منهو من ورى عيني :
يجيك ،
كل من فكّر ( يضرك ) بـ أمسحه .. .
دام صرت أغلا البشر لي ؟
ماعليك ،
إللي يلمِس لك طرف ؟
راح أذبحه !


http://www.shathaya.com/go/dir/22/2010.jpg



دخيلك ما أبي تبدي السنه هذي جروح جداد ،
_____________ قديم الصبر .. يا معنى معاي وغيبتك ضدي !

سنه حلوة .. إذا شفتك قريب وخلق الله أبعاد :
_____________ معاك أضيع في عز الكلام أقول : من قدي ؟

خبر عنّك يدمّرني يشتت كل ( حروف الضاد ) !
_____________ حسافه ، كنت بكتب لك لقيت الوقت مايمدي

تبي تسافر ؟ تخليني على شانك ، أحب بلاد .. .
_____________ فمان اللـه إذا ودّك [ تسافر ] بس ما ودي :

يموت النوم فـ ( غيابك ) ويخلق للسهر ميلاد ،
_____________ أنا وشلون أغمضها عيوني ؟ وإنت مو عندي !

حبيبي طفلي الأكبر بكوا من غيبتك { أولاد } ،
_____________ يبونك تشعل شموع السنه و أتضايق بـ ردي .

يسارك جرح لكن في يمينك لي دوا وضماد ،
_____________ غيابك يومي الأسود وشوفك حلمي الوردي !

تخيّل كثر ما ( أحبك ) شعور الشوق فيني زاد :
_____________ شعلت النار من شوقي ولاحسّيت في بردي !!

أنا مو قصدي يابختك لأنك زرت كل بلاد ..
_____________ يابخت بلاد زارتها عيونك هذا هو قصدي ،

تطيح دموع ماترجع وأبي ترجع لي يالله عاد ..
_____________ حزين اليوم أطالع [ صورتك ] وإيدي على خدي !

[الدووووخي]

النوم | ميّت عليك | و ماخذا ~ ديّه .
.............. و أحلامك ؟ , ليا " سهرتي " تكون ( ولهانه )

{ وجهك } مثل – عيد و البسمات – عيديّه
.............. فديت ! نظرة " عيونك " و إنتِ / نعسانه

أقول ( عاديه ) . لكن منتي : عاديّه !!
.............. ملآك , نازل عليّ . . في صورة , إنسانه

بإسلوب راقي ، ومهارة قلب ، فرديّه
.............. دخلتي قصري .. وفتحتي .... كل : بيبانه

ضلوع صدري [ سجن ] وإنتِ عنوديّه
.............. سرقتي قلبي ، غصب عن عين سجّانه !

الحُب .. لعبه ، مابين إثنين . . [ وديّه ]
.............. مهما خسرنا . . . ترى القلوب ربحانه ،

كلمة أحبك ، لـ بعض الناس رديّه
.............. شخصٍ ، تعوّد عليها .. و عوّد لسانه

لكنْهَا منّك ، تجي عفويّه / جديّه
.............. قولي : أحبك كثييييير .. وإنتِ سهرانه

تعبانه !! من ليل ، ألوانه ( رماديّه ) ؟
.............. لو يستحي الليل ؟ ماخلّاك . . . تعبانه

نامي , , , وتشوفين أحلى أحلام ’ ورديّه
.............. النوم < سلطان > و إنتِ ؟ [ بنت سلطانه ]

.

[الدووووخي]

عديم إحساس ..... ماحسّيت !!
ولك فيني [ كثير إحساس ]
بعيد .. أبعد من نجوم السما ،
وأقرب ، من أنفاسي !!

ولا تفهَم كلام القلب لو تفهَم ( جميع الناس )
تبي تقراني من أجل القراءة ،
زين وإحساسي ..؟

أنا شاعر ، حِطَب أغلب أحاسيسه ، بليا فاس
وتجي تاخذ دفا وتقول : كل الطيب من فاسي !!

ذبل كل الكلام ومابقى بك غير { أرض يباس }
ولأنك عايش بصدري تراها .. غيمتك راسي






مو أي كلمة فهَمها كل ، من يسمَع
............... بعض المعاني تكون ، بقلب شاعرها



لا عاد تسأل جديدي وينه ،، وتطمَع
............... بعض الأحاسيس . . لـ الأيّام ذاخرها



أدري عيونك ليامنْها قَرَت . . تدمَع
............... وتدري دموعي أسيره , في محاجرها



ماعاد - نجمك ينير ، و داخلي يلمَع
............... سماي ماهي سماي إللي إنتْ خابرها



ملّيت أنثر شعور وحضرتك تجمَع !!
............... بعض الفرص ماتجي لأنسان ناطرها



لو ماتصير السوالف فيك ( لا تقمَع
............... لسان شاعر ) كثير أشياء كاسرها



لا تْخاف منّي على فرقاك ما أزمَع
............... عشرَتْك.. قلبي ، ترى ماكان ناكرها



إما تجي ( رُوح ) للكلمات أو إسمَع :
............... خل القصايد تموت بـ قلب [ شاعرها ]

[الدووووخي]

ما هي غريبه إذا في خاطرك تجرح
قلبي تَعَـوَّد على النسيان وجراحه

سوَّدت وجه الغلا / ويحق لك تفرح
والراحه والله أبشرك ضاعت الراحه

ملِّيت أجْمَعْ طموحي وحضرتك تطرح
والقلب يسأل : دخيلك , وينْ مفتاحه؟

إن قلت [ تعبان قلبي ] جـد ما أمزح
الهَمْ دمَّر حصون القلب , وإجتاحه

جيتك مثل ( آدمك ) في جنِّتي أمرح
وإنتَ .. وش إنتَ؟ أكيد تكون تفاحه

ما كنِّك إلا البحر , وما عرفت أسبح
غدار طبع البحر .. ما فيـه سبَّاحه

وما كنِّك إلا طعوني , وطعنتك تذبح
في ذمتك شفت واحد حَب ذبَّاحه !؟

وشلون أحبك وأنسى غلطتك وأسمح؟
مو كل شـي لا تكسَّر تقدر إصلاحه

خسران أدري لأنـي ما عرفت أربح
يا خلف اللـه , على قلبي وأفراحه

ما فيه داعي لعذرك ما أبي تشرح
ما دام قلبك خذا من جرحي أرباحه

إبعد طلبتك وأنا في خير راح أصبح
إن رحت عني تكون أعصابي مرتاحه

القافله تسير دايم , والكِلاب تنبح
ويا كثر ما به كِلاب بداخل الساحه !

[الدووووخي]

http://www.shathaya.com/go/dir/22/elsheta.jpg



إنت : ماشفت حزني يوم شفتك وصفت . .
................... [ الشتا ] كيف سوّى وبـ كلامك بديت ،

إنت ماشفت خوفي في سؤالي نشفت !
................... أدري ماكنت تدري بس ، تدري ياليت . .

إنت ماشفت حالي أمس لما { نزفت } ،
................... قول ، وشفيك ساكت ؟ لايكون إستحيت !

شفت كل الليالي ، وإنت لاتقول شفت ؟
................... فيه كم ليله عدّت . . عنّهَا ، مادريت

تمطر ، وغيم [ عابر ] يوم شفته عرفت :
................... إنه [ بردك ] تجرأ ~ يلمسك . .وإنتهييييت !

أدري خايف ولكن بسألك : ليش خفت ؟
................... وإنت تدري حبيبك ينتهي لا ( بكيت ) .

لا مشيت إحذر الطيحه ولامن وقفت ،
................... لا تطوفك سنين ، وتنسى إنّك مشيت !

وإن لقيت الصعايب إذكر إنّي حلفت :
................... [ في يمينك إخذني سيف للّي بغيت ] . .

أدري بردان وتدري واعدك ما خلفت ،
................... إن عيني " لحافك " لا بردت و ~ غفيت !

أدري الجو بارد ومن هالأجواء خفت . .
................... وتدري إني مسافر مارجعت { الكويت } .

إسمع اللي بقوله وشوف شنهو إكتشفت :
................... في الشتا ، إقرا هذا البيت مو أي بيت . .

كل ماهب ريح " البرد " وشفتك رجفت ،
................... أشعِل إحساس شعري [ نار ] وأسأل : دفيت ؟

[الدووووخي]

:

قساة الكون في عيني وقلبي ما إهتنى وما إلتم
قسى هالوقت .. . يا قلبي وضيَّع كل راحاتي

جروحي فوق طاقاتي بكيت وفي عيوني دم
رضيت آنا على القسوه وضاعت كل بسماتي

تعبتْ وما صِدَقْ حَظي وفوق الهم أشيل الهم
صغيّر في العمر آنا ... وكبيره حيل مأساتي

محدْ يدري عن أخباري محد في دنيتي مهتم
وحيدْ أمشي مع همِّي وكبيرْ الحزْن في ذاتي

سِمَعْ قلبي عَنْ الراحَه مع إنْها مِنْ الوهم أوهم
أعيشْ آنا بوسط واقعْ { نهاياتي في بداياتي }

ياليت تفيدني الحسره ياليت أرتاح لو أندم
صعبْ أرتاح في الدنيا حزينْ بكلْ حالاتي

سفينه مِنْ الصعب ترسى وهي مِنْ الموجْ تتحطم
أشوف ( البحر ) في عيني , لقيت الموجْ دمعاتي

كثير قلوب غرقانه وهي منْ الوقتْ ما تسلم
بحر هـ الوقت هَمْ يغدر , وهذا معنى كلماتي

يا قلبي الطِيبْ ما ينْفَعْ عشاني ركِّزْ وإفهم
أنا ملِّيتْ أعلِّم فِيكْ .. . وإنتَ تزيدْ آهاتي

أمانه كان لِي خاطر مِنْ اللِّي صار تتعلم
ويا قلبي إترك الطيبه , بعد قصة مُعاناتي

:

[الدووووخي]

لسان الصمت لو ينطق ،
أكيد إن الكلام : أشواق
تعاال وشوف وش سوى فراقك ، وإقرا إحساسي
تطيح أوراق من سدرة دموعي ـ وماتطيح أوراق
وأنا .. بـ الحالتين أبقى عزيز ، ومرتفع راسي .



كل ليله في غيابك ( ألف عام )
............... وشاعرك من غبت ، ماعنده نظر

صار فيني شي مو قادر أنام !!
............... هذا هو [ الحب ] أو هذا [ سحر ] !!

بين حيرة وشك وأشواق وملام
............... تنقطع بسكات ! ـ لا حس وخبر !!

ماحطبتك .. لين شفت الإهتمام ،
............... ليش تتركني وحيد ... بْلا شجر !؟

رحت مثل الحلم لحظات المنام
............... وجيت مثل " الموت " للّي يحتضر

أفقدك : مثل الطفل وقت الفطام
............... وأعشقك : عشق بدويٍ للـ مطر

أذكرك : وأذكر تفاصيل الكلام
............... وأسهرك : يمكن تمر / وما تمر

ليش تسرق قلب في عز الظلام ؟
............... ليش تقتل شخص لك عنده قدر ؟

جيّتك .. مسك ( البدايه و الختام )
............... جيّتك .. عندي مثل : فكره بكر

راضي لو مره تجي في كل عام
............... كنّي طفل وشوفتك [ عيد الفطر ]

لأني من شفتك أحس إنّي : تمام
............... كنت صاحي وقلبي في حالة سكر

كانت أجمل ليله كانت ( يااا سلااام )
............... ليله وحده بـ العمر تسوى العمر

،

[الدووووخي]

:

إجرحيني لا بغيتي كان لِكْ جرحي إبتسامه
المُهم , إنّك تكوني . . يا بعد ذاتي .. سعيده

روحي له الحين يالله وإسمعي صوته وكلامه
ولا تشيلي هَم قلبي عِيشي دنياك الجديده

قولي إنّك ما عرفتي في الحياة , إلا غرامه
وقولي إنّك قبل حُبه تمشي في دربك وحيده

ولا تجيبي لي طاري . , وتسمعي منّه ملامه
سولفي عنِّك وعنّه وصيري عن قلبي بعيده

وإنْ بغيتيني تعالي وعوِّضي فيني خصامه
وصدقيني في النهايه إنتي وحدك مستفيده

دام قلبي من غلاتك ..... إيتفزز من منامه
أشهد إنّه حيل حَبك من و ريده لي و ريده

وكان همِّي بس أشوفك طايره مثل الحمامه
وإنْ فرحتي كنت أفرح وأكسِر بيوت القصيده

كنت أشوفك في عيوني مثل ( زرقاء اليمامه )
وين ما قلبك يسافر كانت عيوني تصيده

شفتي هذا الكون كله بالرجوله والشهامه
لو بغيتيني أبيده .. والله لـ عيونك أبيده

كنت أحارب لجل حُبك والقوي أكسِر عظامه
وكان قلبي لك أسيرٍ وكانت عيوني شهيده

قلبي والله من عرفتك صرت مدري وش علامه
كل ما صرتي في عيني شفت نبضاته شديده

وقدرك اللي إنحنى لي وقلت: عز الله مقامه
عالي قدرك في عيوني وكل ما شفتك أزيده

إنتي لو عني تغيبي صارت جروحي يتامه
خافي الله لا نويتي ولا تضحي في عبيده

كنت أسهر من غلاتك حتى ليلي ما أنامه
وإنتي مشغوله بغيري ودُوم أشوفك تحت إيده

كان ودِّي بس أحظى بحب قلبك وإهتمامه
والشعر عنِّك أقوله وأنتهي منّه , وأعيده

كنتي أمنيتي بحياتي وكنتي , في قلبي مرامه
وإن كتبتك في حُروفي صارت القصه فريده

وكنت أشعِل لك كفوفي لجل أنوِّر لك ضلامه
وإن خذيتي العِلْم مني .. تطلع علومي أكيده

حتى لما كان يرمي . . . كلَّهَا فيني سهامه
كنت أضَحِّي في حياتي لو نوالك بالمكيده

ما حشمتي قلب شخصٍ له شموخ وله كرامه
وما حسبتي حساب ناسٍ همَّهَا بس النقيده

شاعرٍ ما رَد حتى ... على لبَّاسي العمامه
وقلبك إنتي صار فجأه والله يا حلوه يقيده

في الزمن نادر وجودي ويا كثر فيه الرخامه
وصار عادي في زمنَّا الأخُو يقتل عضيده

الحديده , في إيديني و القضيه . . إتهامه
وإنتي القاضي وطبعاً ما تحسي في الحديده

مركبي الغرقان بَسِّك لا تزيدي في حطامه
كل ما ألمح نجاتي صارت أمواجك شديده

صدقيني - حيل أحبك والوعد يوم القيامه
ويل من هو كان يكْذِب وكانت ذنوبه جريده

إتركيني لجل عينه .. كان لك حُبه إبتسامه
المهم . . . . إنّك تكوني يا بعد أحمد سعيده

إنسي اللي صار كله وصيري له منبع هيامه
وإن ذكرتيني بغيابي قولي عن روحي فقيده

ما أبي من قلبك إلا .. طول عمره والسلامه
خَلِّي بالك من زمانك دنيتك هذي عنيده

:

[الدووووخي]

http://i36.tinypic.com/2zom1sh.jpg



http://i33.tinypic.com/213jbbm.jpg
http://i36.tinypic.com/21kz9sl.jpg (http://www.4shared.com/file/140429026/d823e2/__-_.html)



http://i35.tinypic.com/2cftgn8.jpg
http://i36.tinypic.com/21kz9sl.jpg (http://www.4shared.com/file/140429029/90673e73/__-__.html)




http://i36.tinypic.com/2ch9cg9.jpg
http://i36.tinypic.com/21kz9sl.jpg (http://www.4shared.com/file/140429028/e7600ee5/__-_.html)



http://i37.tinypic.com/25pod8x.jpg
http://i36.tinypic.com/21kz9sl.jpg (http://www.4shared.com/file/140431362/994b9df9/__-__.html)



http://i36.tinypic.com/2hqar9s.jpg
http://i36.tinypic.com/21kz9sl.jpg (http://www.4shared.com/file/140431365/72f085a/__-__.htmll)




http://i33.tinypic.com/t6sbo8.jpg
http://i36.tinypic.com/21kz9sl.jpg (http://www.4shared.com/file/140431366/9e2659e0/__-_.html)



http://i37.tinypic.com/250ruhc.jpg
http://i36.tinypic.com/21kz9sl.jpg (http://www.4shared.com/file/140433094/5fff52d1/__-__.html)



http://i33.tinypic.com/2djz6ee.jpg
http://i36.tinypic.com/21kz9sl.jpg (http://www.4shared.com/file/140433093/c19bc772/__-_.html)




http://i36.tinypic.com/11lsy2o.jpg
http://i36.tinypic.com/21kz9sl.jpg (http://www.4shared.com/file/140433092/b69cf7e4/__-__.html)



http://i38.tinypic.com/23madqa.jpg
http://i36.tinypic.com/21kz9sl.jpg (http://www.4shared.com/file/140433098/56491efa/__-_.html)



تعليقات الزوار (

[الدووووخي]

http://el9ane3.jeeran.com/photos/59693_l.jpg

:

شي يخصك باقي عندي " قلب " من غيرك وحيد !
ما يبي يبقى بدونك .........! يا أجيلك / أو يجيلك !

يسألوني الناس عنِّي ! [ ليه ما أكتب : قصيد ] ؟!
قول .. لا تسكت .. تكلَّم .. وش أجاوبهم دخيلك ؟!

إختلفنا . . . . . وماعرفنا ، شنهو الراي السديد ..
يا تضحِّي في عنادك ..! أو ، أضحِّي في سبيلك !

ليه كل عيد إنتْـفارق ؟! صرت أكرَه ، كل عيد !
وإنتْـ فارق في [ غلاتك ] .. وقلبي ما عنده مثيلك !

المشاعر من غيابك . . يا دفا إحساسي , جليد !
طحت من عيني لـ قلبي وصرت ما أقدر أشيلك !

يشهد الله .. من رحلت وفي حياتي ، لا جديد ..
وكل ما ألمَح سرابك .. أرتِبِك ، الله وكيلك !

حالتي صعبه / ولكن .. كيف حالك ؟ يا بعيد . .
أشتكي منِّك إليك .. ومن جروحي , أشتكيلك !

والله ما قصرَّت فيني بس .. . ودِّي لو تزيد !
يعني " إذبحني " وكمِّل يا بعد قلبي / جميلك !

أدري إني دايم أخطي .. وفوق كل هذا عنيد
وش تسوِّي هذا حظِّك رغم زلاتي [ خليلك ] ..!

أقتلك .. لا من خطيت ويا عسى ، عمرك مديد !
و أعذرك .. لو كنت قاتل لأنه : يستاهل قتيلك .!

ويلي منِّك لو نسيتك . . . والزعل طبعاً " شديد " ..
ولو أحس لحظه بـ أنِّك منشغل عنِّي ؟! يا ويلك ..!

كل عاذل جاك بَعْدِي .. وقالـ لك إنِّي : سعيد . .
- ما صِدَق ! وين السعاده ! والحزن شيَّد رحيلك !

وكل عاذل قال عنِّي شي .. - إحساسه بليد !
ما قدر ياخذ كثيرك .. صار يطمَح , في قليلك !

وكل عاذل إن عطيته وجه .. - ورَّااااك المزيد !
لو يقول إنَّه : يبيلك خير !! والله ما يبيلك !

جيتهم طيِّب ....... . وأدري في زماني ما يفيد !!
وش حصيل الطيب فيهم ؟ ومن فراقي , وش حصيلك !

بترك الدنيا ( عشانك ) ! دام هذا ما تريد ..
ويا عسى كلمة " عشانك " تشفي يا روحي غليلك !!

الدليل إنِّي أحبك : صرت أحسِّك بـ [ الوريد ] !
وأدري في قلبك يحبني . . دون ما أسمع دليلك !

في عيونك صرت ( شاعر ) واصل القمَّه / فريد !!
وصرت تسوى في عيوني كل بَني جنسك , وجيلك ..

مثل قلبك ما ألاقي ..! ومثلي ما تلقى أكيد !
يعني ما عندك بديل ومستحيل ألقى بديلك ..!

يا غزالٍ . . . . . شُوف قلبي ما يبي غيرك يصيد
ولا بغيتك ..أدري وينك أسمعك , وأتبَع [ سليلك ] ..!

إجلس بْـ عرش الفؤاد ولك ، أحاسيسي عبيد
وإعتبر قلبي النهار , وقمرةٍ .. تضوي في ليلك !

ياللِّي شيَّعت المفارَق ....., إشرَب وصالي ، و زيد ..
خذ دفا إحساااسي و " إدفا " كان بردك هد حيلك ..!

يا أجيلك
أو تجيني !
هذا هو : الحل الوحيد ..
وإنتَ قرِّر يا حبيبي ..
يا تجيني
يا أجيلك !

:

http://www.shathaaya.com/vb/images/smilies/i.gif
أحمد الصانع

[الدووووخي]

جات منّك .. .
إنتهت كل العلاقه !
أبرك الساعات : ننهي إللي كان .


وش ورانا ؟ خل نخلّيها [ صداقه ] .. .
إحنا مانصلَح حبايب من زماااان !

قلت لي : فاقد حنان .. بكل لباقه ،
ما دريت إنّي بعد .. . فاقد حنان !

إنت باقه ، وداخلي مليوووون باقه ،
جاي ( متأخّر ) تدوّر لك مكان !

حيل راقي فراقنا ، بليّا حماقه :
في نهايتنا شعرنا بـ [ الأمان ] .

أبقى شاعر .. طاير .. لخارج .. نطاقه ،
للسما يكتب ، ويقراه الزمان !

عندي قدره أشتعل وأصير طاقه :
لا تحاتي شمعتي يا الشمعدان .
لا تحاتي شمعتي يا الشمعدان .

إنت ساكت ، وآتكلم في طلاقه !
إنت تبكي ،
- وأمسح دموعك عشان .. .

ما أبيه .. غيابنا .. يفقد مذاقه !
ملح عينك ، وآنا أحب ( الزعفران )

زين ماسويت .. أنهيت العلاقه :
لأنه ما ننفع حبايب من زمااااان .

و إن بغيت لـ عرسي أهدي لك بطاقه ؟
إبشر إبشر ،
ماهي وحده .. .
لك [ ثمان ] .


http://www.shathaaya.com/go/dir/22/shm3dan.jpg

[الدووووخي]

http://el9ane3.jeeran.com/photos/113157_l.jpg


:

إتصالك .. إهتمامك ..و الوصال
وشخص " تايه " بين أفكارك وبالك !

مدري هي أقدار .. وإلا الحظ مال
من رمى الثاني على درب المهالك ؟

رغبتك .. في إغتنامك للـ عيال
وقلب حالم قال لك : عمري حلالك ..

وعين شاعر يعشق أنواع الجمال
يستمد أبيات شعره من [ جمالك ] !

قصه كانت شبه .. أفلام الخيال
ويكفي إنَّ الجو في قلبي صفالك !

تذكرين شلون تمشين بـ عدال
والمرض فجأه ! تجرأ لك وجالك ..

ومن يحبك يمسح دموعك وقال :
ليتني ..أتعَب وأمرض لك بدالك !

يااااهـ يا ذيك السوالف والليال ..
كان قلبي طير و .. أجواءه خيالك !

كنت أقول أبعد عن عيونك ؟!
- مُحال !
ولو وقف في دربنا عمّك وخالك

كنتي بنتٍ تسوى في عيني " رجال "
من كثر طيبك ومن وافر خصالك !

لين ما رحتي وتركتي لي سؤال :
من قدر يغريك في كذبه / وطالك ؟؟

في جنوبك كنت والعالم شمال ..
[ إنِّي خيَّرتُكِ ].. وإخترتي شمالك !

كان أسوء ظن و أسوء إحتمال
تحسبين حساب من جاك وعنالك !

إنهدم من غلطتك , قصر الرمال
وإنهدم كل الغلا فيني ... كذلك !

ما يفيد الحين لو قلتي : تعااال
قلبي من راسه ومن دنياه شالك

ما أبي منِّك بعد هذا .. إتصال !
إتركيني وإقطعي عنِّي وصالك !!

ماااات شاعر ..! والمشاعر لا تزال !!
وما أظن ينفع بعد موتي سؤالك ..

والنهايه , شوفي يا بنت الحلال
لا حبيبك [ تَمْ ] .. وما شفتي عيالك !

:

[الدووووخي]

______ http://www.shathaya.com/go/dir/22/tja3ed2.jpg



القلب لك من ريش صار وجناحين ،
__________________ وما طار .. إلا يوم ~ عقلي تطيّر !

( أشتاق لك ) شوق الزهر للبساتين ..
__________________ وهذي فصول العمر طُب وتخيّر ،

لـ غياب ماغير ولاشي للحين :
__________________ زاد الوله .. والشوق فيني تجيّر !

عليك متغيّر ؟ من مفارق سنين !!
__________________ القلب { قلبي } بس ، وجهي تغيّر .

اللي بـ عمري ؟ شافوا الهم [ بعدين ] ..
__________________ لكن أنا .. شايف همومي صغيّر !

حبك خذاني من شبابي على وين ؟
__________________ مشيت لك مغصوب كني مسيّر !

عايش على الأحلام وبيوت من ( طين ) ..
__________________ وأيّام معدوده ... و قلبٍ تحيّر !

ياما فقدت أرواح ناسٍ عزيزين ،
__________________ و دنياي أسايرها وماني مخيّر .

واقف على أطراف { باب الثلاثين } :
__________________ والشيب ضيفٍ ما دعيته و سيّر !

وجهي تغيّر من [ تجاعيد لسنين ] ،
__________________ بس إنت قلبك ليش .. فجأه : تغيّر !

[الدووووخي]

http://el9ane3.jeeran.com/photos/194872_l.jpg



:


جيتني " نادم " من الدنيا تصيح
ما تنام الليل وأدري ما , ربحت !

شوف وش سوى عنادك ؟ يا جريح
لا [ مريِّحني ] .. ولا حتى إسترحت !

من فتحت الباب .. جاني منْه ريح ..
طرت من إيدي وأشوف إنِّك ( فرحت ) !!

لا تصدِّق .. كل من جاك بـ " مديح " ..
من عدوي , ياما واللــه إنمدحت ..!

شمعة الفرحه من أخطائك ..- تسيح !
( الغَرَق ) محتوم لك .. مهما سبحت !!

منظر " الفرقا " .. ترى جداً [ قبيح ] !!
مو نصحتك ؟ ليه يعني ما إنتصحت !!

صرت في وصلك عن عيوني شحيح ..
إنعمت عين الوصل ..
وينك !
سرحت ؟!

إعترف في غلطتك ..خلك " صريح " ..
لا تكابر بـ الخطا دامك جرحت !!

كان ودِّك في فراقي . . تستريح ؟
بسمَع الموضوع كامل لو سمحت !

خنتني ! وشلون ؟! علِّمني الصحيح !
وين عنِّي رحت / عنِّي وين رحت ؟

كنت أظنِّك ..
من عيوني ما تطيح
لين في " عيني "..
إرتفَع غيرك ,
و ..
طحت !!


:


http://www.shathaaya.com/vb/images/smilies/i.gif
أحمد الصانع

[الدووووخي]

دخول :

ما مرتاح من ربعي ..
ولامرتاح !
نادوني ..
وركضت بـ ليل
إيد " الرسن " بيها ..
وإيدٍ بها " سلاح " ..
عثرَتْ مُهرتي ..!
و ..
" ربعي " قبل ماطيح
واحد قال للثاني :
" أبشرك " طاح
أبشرك " طاااح " ..!!!

لـ كاظم إسماعيل الكاطع


http://el9ane3.jeeran.com/ABshreeck_2.jpg


وأنا مثلك مع ربعي يا [ كاظم ].. حيل مو مرتاح ..!
كأنهم بيد عطشانه .. وكأني بينهم [ واحه ] !

خذا بعض الأسى بعضي وبعضي وين منِّي راح ؟!!
وقلبي قاتله حزنه ( سَ قَ ط ) .....
مقتوله أفراحه !!

أجيهم .. نيِّتي بيضا ويجُوني في شكل أشباح !
لأجل راحتهم أتعذَّب ..
عذابي عندهم راحه !!

تصدِّق ..؟!
حيل متضايق ( خساراتي ) لهم " أرباح " ..!
ضحكت
وكانت الضحكه من الصدمات و [ السَّاحه ] ..!!

إذا ربعك مثل : ( غابه ) .....؟!
أنا ربعي مثل : [ مسباح ] ..
وأنا شخصٍ .. عجز يجْمَع ( نَثِر ) حبَّات مسباحه !

وإذا صارعت من أجل القرايب / قوَّة التمساح .....؟!
أنا حتَّى البعيد اللِّي يجيني / مااات تمساحه !!

زرعت الطيب في قلب " الحجر " وإستغرَب الفَّلاح ..
قفل حظي مع ( الفرحه ) .. ألاقي ويييين مفتاحه ؟!

تعب : لا كنت في ظلم السجون وضايع المفتاح !
معاك الحق لكن [ العدل ] .. ما فاد مصباحه !

عتب : لا صار يتبشَّر صديقك .. والألم صدَّاح
وعدوِّك كان في لحظة سقُوطك , تنزف جراحه !!

بحر ..
يا موج ..
يا شط الصداقه .. كنت لك ملاَّح
سفينه كان لك قلبي .. ولكن غدرك إجتاحه !

حرام : إن كان لي واحد وأناديه بـ إسم يا صاااح
مدامه " صاحبي " بإيده سقاني .. السِم بـ قْداحه !

سمعت إصياح من عين المراجل ...؟!
إي / سمعت / إصياح ..
و [ طير المرجله ] في هالزمن متهلهل جناحه !!

( صديقي ) صار معناها بـ عيني .. واحدٍ " سفَّاح " ..
لأنهم أغلب أصحابي .. على الطعنات ذبَّاحه ..!

وفا شنهو الوفا ....؟!
[ شَمعٍ ] كثر ما يشعلونه ساح !!
ورمحٍ يصنعه وقتي ( وربعي ) حيل رمَّاحه !!

يجي واحد مُنى قلبه .. يشتت فيني [ الأفراح ] !!
وواحد ضاق لو يلمح عيوني .. تنام " مرتاحه " !!
و
واحد قال للثاني : من المُهرهـ أبَشْرِك طاااااح
كأن بـ طيحتي يلقى السعاده .....
و طفرة أرباحه !!

:

[الدووووخي]

■

تمنّيت [ الذنوب ] تروح ، منّي
.................... أبي , أحسن .. من الأول { حياتي }

مدام الخير .. في شهر ؟ التمنّي
.................... ياليت الذنب ؟ ، " أبعَد " شي لـ : ذاتي

( نويت ) أتوب - من ذنبٍ < سكنّي >
.................... لأنه التوبه ؟ هي [ قارب نجاتي ] ..

في هذا الشهر .. أبارك لي ؟ وأهنّي
.................... عسى ؟ ، " الله " يقبل الدعوه بـ : صلاتي !

■

http://shathaaya.com/vb/images/f12.gif

مصباح سحري [ 2 ]



■

الشوق مثل [ الفصول ] وهالمسا ، ماطر
.................... أعوذ بالله , من .. شيطان إلهامي

مبطي نطرت التلاقي .. وعادني ؟ ناطر
.................... والعمر يمشي ، " على " ماتكره : أيامي

أهم الأشياء .. إللي تراود [ الخاطر ]
.................... مصباح سحري , يحقّق .. كل أحلامي

( الحُب ) له وقت ، مو كل وقت يا شاطر
.................... وماأظن ترضى حبيبي ؟ أجرح [ صيامي ] ..

إن مَر .. طيفك فبالي ؟ أعتبر فاطر !
.................... وشلون لاصرت " واقف " إنت قدامي ؟

■

http://shathaaya.com/vb/images/f12.gif

[الدووووخي]

الصوم نعمه [ لكن ] العيب ، فيني
.................. يطري عَلَي هالعيب , قبل .. الفطاير

ودّي أمتِنع عن مَسْكَهَا .. في إيديني
.................... ودّي ، " ولكن " عكس هالوِد : صاير

أدري ( بلا ) وأدري ، تقصّر سنيني
................. وأدري سبب لأمراض وأدري [ خساير ] ..

ياكثر ماردّدت .. بيني ؟ وبيني :
......... اللـه يقطَع .. " مخترع " ، هـ الزقاير

■

http://shathaaya.com/vb/images/f12.gif



وجهة نظر [ 4 ]


■

ماحشِمت فلان لأجل أرضي ( فلان )
...................وماإحترمت إلا الذي كفو [ إحترامي ] ..

ياصديقي شوفني بـ نفس المكان
................. يوم ، " تتساقط " من عيوني : أسامي

وما أتابع [ أيّ حلقه ] من ، زمان
................. للنظر وجهه , أعبّرها بـ .. كلامي

ليه أضيّع وقت من يومي .. عشان
............... شي ، " مايسوى " وأرخِص : إهتمامي

خايف .. أطالع مسلسل ؟ بـ رمضان
...............وألقى به أشياء .. تجرَح لي صيامي

■

http://shathaaya.com/vb/images/f12.gif

[الدووووخي]

عالم الجمرهـ


http://graphicz.jeeran.com/Maire.jpg





أشيلكْ منْ وسط نارْ الهموم وعالم الجمرهـ
وسقيتك من غلاي وما نفَعْ طيبي وتقديري

مثل زهره قطفْها الوقت وقلبي شالَها حسرهـ
لأني شفْتَها تَحْتي وأخافْ يدوسها غيري

رسمتك لينْ ما شفتك مثل صوره بلا فكرهـ
ألوّنها ولا يبيّنْ بـ عينْ الصفحه تصويري

أكلّمْ صفحتك / عيّتْ تدور ونهتني بكرهـ
وعاف القلب هالصفحه , وأيّدْني بتدويري

وغلاتك مو أنا إللي تهزّه , غلطة البذرهـ
صعب أتأثر بغيري / وغيري فيه تأثيري

إذا راحوا جميع الناس عنّي وهانتْ العشرهـ
أضل الشامخ بدمعي وأقول لضحكتي صيري

أنا مثل الذي يمشي بغابه و خطوته خطرهـ
أكمّل خطوة دروبي , ولا توقَفْ خُطا سيري

أنا ما همّني حكي الجهال / أعوذْ منْ شرهـ
ولي غيره على ديني ولا أسْمَحْ بتكفيري

أجي للحاقد مواجه ويجيني من ورى وكرهـ
يقول: وما صدقْ قوله وهمّه بس تصغيري

كثر ما كنت أنا أسولف عليك وبحّة النبرهـ
كثر ما رحت ناكرني .. ولا تفكّر بتفكيري

أنا شمسك / وإذا إنتَ لقيت بغيبتي قمرهـ
مردّكْ لي وإنْ طالت بكْ الدنيا مع غيري

تبشّرني بـ أفراحك ولا لك بـ الحزن ذرهـ
عساها دوم ضحكاتك وتحراها تباشيري

بلا مِنّه عطيت وما أبي من هالعطا نظرهـ
أنا طبعي كذا دايم / وكافي شرّي وخيري

وخلْها قصةٍ عندك وإخذها بـ دنيتك عبرهـ
أزيدك خير بـ أفعالي وينقص كفْ تقصيري

لقيتك طايح ودامي وجبرته ساقك وكسرهـ
نطرته لينْ ما ورّدْ وسقيته من تعابيري

مدامك طبتْ منْ جرحك وصارتْ صحرتك خضرهـ
أمانه في السما / خلّه يطير ويلمحك / طيري





أحمد الصانع http://www.shathaaya.com/vb/images/f12.gif

[الدووووخي]

■

العدو لو يعجبه حالي ( خذا )
.................... بس يدري بيني وبيني [ خلاف ] ..

لو يشوف الغير ماشفته هذا
.................... مايحس ، " البرد " من يحضن : لحاف

صاحبي و [ النفس ] ماليها ، الأذا
.................... والعمر وصّل , إلى سنينٍ .. عجاف

بعز حزني .. قلت مرتاح ! ولذا
.................... ماشكيت لـ غير " ربّي " لااا تخاف

■

http://shathaaya.com/vb/images/f12.gif


الشهاده [ 6 ]


■

( معزوم ) ما أفضى مثل ماتشوفون
.................... ماني من إللي يكبّرون [ الوساده ] ..

الصوم .. مو للنوم يإللي ، تنامون
.................... قوموا إوصلوا " الأرحام " زيدوا العباده

وإعلامنا يا [ للأسف ] صار ، فرعون
.................... الخير لايُذكَر , وسايد .. فساده

أدعي بصلاتي وإدعوا وياي تكفون
.................... الله يحب ، عبدٍ دعاه بـ | إراده |

يستر على أُمة ( محمد ) بـ هالكون
..............ومايموت مُسلم ما " نطق " بـ الشهاده

■

http://www.shathaaya.com/vb/images/f12.gif

[الدووووخي]

■

أدري لو قلبي [ يخونك ] ماتحس
.................... عـ القليله , إنجرح .. { مجامله }

كيف .. أغدر فيك ؟ مو طبعي الغدر
.................... وبـ الغدر ؟ ، حتى " اخوك " تعامله

( الخيانه ) فيك - مو عاده < مرض >
.................... ونظرتك بالناس ، دايم [ شامله ] ..

إنت . . . ماتفرق معاك | محبتي |
.................... ودنيتك مهما [ جرحتك ] .. كامله

مايصاب المرء .. في الداء ؟ وهو
.................... ( المرض ) " نفسه " معاه ، و حامله !

■

http://shathaaya.com/vb/images/f12.gif





قولي لها [ 8 ]


■

قولي لها ..
لا تعتذر عن ماسلف قلبي عفى
قولي لها ..
لا تنتظر من باقي أيامي " وفا "
قولي لها ..
كلّي فرح ماني مثل أول ، حزين
لا تكذبين ..
لا تسكتين ..
قولي لها طيّب و : زين
وإن الحنين فْداخلي منها تلاشى و إختفى
ترجف وبردانه كثير
وصارت تبي قربي كثير
من الأخير :
" القرب مني مايصير "
توها صحت توها تحس !
قولي لها مافيني { خير }
وقولي لها في غيبتي مافيه شي إسمه | دفا

■

http://shathaaya.com/vb/images/f12.gif

[الدووووخي]

■

ليش الدقايق بوقت [ الوصل ] تتخطّر
.................... والساعه , في اليوم هذا .. ماهي عاديّه

سولف حبيبي .. ترى لي قلب ؟ متنطّر
.................... مشتاق ، و " ياليت " هالأشواق : مُعديّه

من فرحتي .. في وجودك ماني [ متفطّر ]
.................... أخاف آكل , تضيع .. أحلام ورديّه

من قلت ( جايك ) وأنا ، كاشخ ومتعطّر
.................كنّي طفل عيد ؟ وكنّك إنت [ عيديّه ] ..

■

http://shathaaya.com/vb/images/f12.gif



اُنثى الشُفَق [ 10 ]


■

[ زنبقة عمري ] ترى قلبي خفَق
.................... ماقويت أعيش , من هذا .. الفراق

كل أشيائي .. تدوْرك ؟ بـ التّفَق
.................... طالعي وجهي ، " ملاه " الإشتياق

الزمن .. قاسي علينا ما [ رفَق ]
.................... كل ماقلنا , السعه .. نلقاه ضاق

جيتي مثل الطهر ، يا ( أُنثى الشُفَق )
................ والسما من رحتي ؟ مافيها [ زراق ] ..

■

[الدووووخي]

■

كل ما ناديت [ وصلك ] تمتنع ! ....................... لاتظن الغيبة ، عن قلبي .. شجاعة








إسمع اللي صار .. يا قليّل [ سنع ]
....................... صرت متعوّد على هذي القطاعة








لاتجي مشتاق .. شوقك ؟ مُصطنع
....................... ما يبيك " القلب " لو زاد إلتياعه








لازم إنّك ، في ( النهاية ) تقتنع
....................... القناعة كنز .. ماعندك [ قناعة ]؟






تراب [ 12 ]

■

إكذب على[ غيري ] لأني ، نصفتك
.................... لا تعتذر مني , ترى خاطري .. { طاب }

حاولت .. تتحايل علي ؟ وكشفتك
.................... إحساسي ؟ ، مايكذب " علي " وإنت : كذاب

فرشت لك أرضك ( ذهب ) يوم شفتك
.................... سويت لك .. قدر وحشيمه و [ أحباب ] ..

لك عين تسألني .. أنا ، ليش ؟ عفتك !!
.................... بكل بساطه " الموت " له عدّة أسباب

عرفت عينك وش تحب .. و عرفتك
.................... مايترس عيونك " أحد " غير لـ : تراب !

■

http://shathaaya.com/vb/images/f12.gif

[الدووووخي]

http://el9ane3.jeeran.com/Ya_shthaya99.jpg

:

قبل الجراحه :

العين ما عادت تشوف المُنافِس
ما هو غرور وربِّي .. هذا " عمايا " !

الوقت في جُود النظر حيل / خافِس
أعمى وطاحت من إيديني عصايا !

وتخيَّل الموضوع : " ساحه وخنافِس "
وإنتَ عيونك .. ما تشوف الحيايا !

مثل " الطفل " في بطن أمه يرافِس
ما يدري عن دنياه وشكل " الزوايا "

برحل أنا ما دامه الوقت عافِس
ترتيب " عيني " صار همِّي وشقايا

مع السلامهـ
وبـ الإيراني خُدافِس
يعِز علي توديعكم يا " شظايـا " !!

:

بعد الجراحه :

سِته على سِته عيني والنظر يفرق
وبعد الجراحه أحس شويَّه في حرقا

ما كنت أدري الشظايا لونَهَا أزرق
إلين سوِّيت عيني .. وشِفتَهَا زرقا

:

الحَمد لله .. , أبَشْرِك .. . طابت عيوني !
ولو تِرجَعْ الدنيا فِيني والله مَـ أختارك

تِسْألنِي عَنْ حَالِتِي وفـ البُعد وشلوني ..!
آنا سَعِيد بغيابِك ..! وإنت شخبارك ..؟

شخبار جرحي معاك ؟ وآخر طعوني ..?
عطني جديدك .. وعلِّمني عن " أفكارك "

مجنون خِلقهـ وإنت .. تزوِّد جنوني !
محروق قلبي وإنت .. تزيد في نارك !!

مِنْ رحت عنِّي ولهيت بدنيتك دوني
ما عاد قلبي ( مُكانِك ) لا ولا دارك

علي تسأل غريبه ..!! ومنِّك " شجوني "
إنتَ " الوفا " مقاطِعِك , ما أعتقد زارك

يا كِثْرهم من نسوني .. واللِّي يطروني
وإن كان حبِّيت غيري ..؟ جِعْلَهْ مبارك !

إنت وحبيبك .. وربعك / ما تهموني
وفِّر كلامك ..
وأحاسيسك ..
وأعذارك

ما عدت أفكِّر بِوَصْلِك وأتْعِب ظنوني ..
هذاك أوَّل .. يِهمْنِي / أسْمَع أخبارك

وإن كان ظنِّك تِمِس بـ غيبتك " كوني " ؟
أعيش في الظلمه " شامخ " مابي أنوارك

ولو رجلي تعجز تشيل الهَم ومتوني
أموت ظامي .. ولا أترجى أمطارك !

راجع لي تسأل بـ كيف الحال وشلوني ..؟
تحسبها فرصه تقدِّم عذرك .. أزهارك

الحمد لله ..
بخير ونامت عيوني ..
وشلونك إنتَ وبعد فرقاي
...... شخبارك !؟
:

[الدووووخي]

وجع راس [ 13 ]

■

اليوم [ راجع ] صاير إنسان ، حساس
................ ودّك تعوّضني , وتاخذ .. بيديني

لاصرت .. ميّت قلب ؟ مافيك إحساس
.................. حرام أضيّع ، في غرامك " سنيني "

مَلِيت صدري ( هَم ) وأهديتني ياس
................رغم إني أهديتك .. هناي و [ حنيني ] ..

لو هي صحيحه .. كلمة ، الناس ؟ للناس
..................كان إنت أوّل من " مسح " دمع عيني

إذا مرضت .. بـ غيبتي ؟ ألف لا باس
.................... وإذا تعبت ، فـ غيبتي لا " تجيني "

وفّر على نفسك .. ولابي , وجع راس
..................الفرق واضح كان .. بينك و بيني

لاتتْعِب إحساسك ، يابو قلب حساس
...................لو القلوب " تحس " حسّيت فيني !

■

http://www.shathaaya.com/vb/images/f12.gif


ما أحبك [ 14 ]

■

[ ما أحبك ] لأني أصلاً صرت أكثر من أحبك
....... ناوي أكتب لك كلام كثير عنّك , بس .. خايف

أفقدك .. وإلا عيون الناس تحسدني ؟ بـ قلبك
......ليش أفكّر في وصوفك ، وإنت " تمليك " الوصايف

إحتريتك .. في منامي [ حلم ] وألقاني بقربك
.......فرحتي بشوفك , تشابه .. فرحة أعمى صار شايف

ما أحبك ، يعني [ ضامي حُب ] وإنت الماي أحبك
.......وما أخاف الموت لكن ؟ من فراقك حيل ( خايف )

■

http://shathaaya.com/vb/images/f12.gif

[الدووووخي]

دمعه حزينه [ 15 ]


■

[ تروح اليوم ] أيامك يا غالي
.................... ولا تبقى , سوى .. دمعه حزينه

إذا تقدر .. تعال ؟ وشوف حالي
.................... مثل ، إنسان " فاقد " نور عينه

حبيبي [ بغيبتك ] كل شي جرالي
.................... أدوّر , بين ناسي .. والمدينه

نصيبي ، روح وإرضى في بدالي
.................... وقلبي إجرحه .. والله ( يعينه )

■

http://shathaaya.com/vb/images/f12.gif


من بعيد [ 16 ]


■

بالفراق القلب [ شمعه ] تحترق
.................... وبْوصاله , يمرّني .. كل يوم " عيد "

أجمل اللحظات .. مني ؟ تنسرق
.................... وإن لقيته ، أطمع بـ " موعد " جديد

فجأه [ قلبه ] صار قاسي مايرق
.................... إفترقنا , وهذا هو بيت .. القصيد

كان ودّي ، للأبد - ما نفترق
.................... صار ودّي .. نلتقي لو من ( بعيد ) !

■

http://shathaaya.com/vb/images/f12.gif

[الدووووخي]

حي ما مات [ 17 ]

■

مهما طعنت القلب .. من قلب ؟ مسموح
.................... ما فيه غيرك ، إحتمَل " منّي " طعنات

صحيح أهدينا [ بعض ] واجد جروح
.................... وثنينا , فينا عيوبٍ .... وغلطات

لكن نحب وعندنا [ إحساس ] وطموح
.................... مانفترق , مهما حصل غير لحظات

للحين باقي ، في جسَد حبّنا " روح "
.................... نموت ويبقى حُبّنا .. حي ما ( مات ) !

■

http://shathaaya.com/vb/images/f12.gif

إيه راضي [ 18 ]


■

إيه راضي [ فيك ] لو زدت العنا
.................... صرت لي , هالناس كلْها وآنا .. صرت :

كل ما أنساك .. ينساني ؟ الهنا
.................... وكل ما ، تنساني " عنّي " ماصبرت

إحنا أصلاً [ إنخلقنا ] لـ بعضنا
.................... منبهر فيني , وأنا فيك | إنبهرت |

إنت ، ماتقدر تحب غيري و " أنا "
.................... لو نويت .. أحب غيرك ما ( قدرت ) !

■

[الدووووخي]

صورتك [ 19 ]

■

إمش [ قدامي ] ولا تمشي وراي
.................... وكون يمّي , لا تباعد .. خطوتك

ماني مصدّق .. لقيتك ؟ يا غلاي
.................... عيني { مرتاحه } حبيبي : بشوفتك

من تروح شوي ، حاصَرني عناي
.................... أكتب أبياتي , وأطالع | صورتك |

صار عندي ، كل شي وإنتَ " معاي "
.................... يعني .. أفقد كل شي ( بروحتك ) !

■

http://shathaaya.com/vb/images/f12.gif


عساك سالم [ 20 ]

■

مليت أسأل [ عليك ] الغير
.................... طمنّي , عنّك .. وش علومك

في غيبتك .. موحش ؟ التفكير
.................... عكس ، الشعور إللي : بقدومك

يا الغالي ، مسموح هالتقصير
.................... لكن , على غيابك | ألومك |

أتمنى ، إنك تكون " بـ خير "
.................... ياجعل .. يومي قبل ( يومك ) !

■

http://shathaaya.com/vb/images/f12.gif

[الدووووخي]

حظي الردي [ 21 ]

■

ننتهي أحسن [ لنا ] من هـ الخلاف
.................. روح , عن عيني .. وفرحي يبتدي

روح ولك منّي .. تحيّه ؟ وإعتراف
..................عمري ، ماحسّيت إن إنت : سْندي

قلبي من غيرك ، كثير جروح شاف
.................... مو عليك , الدنيا توقف يا | بْعدي |

ما أقول ، العيب منّك " لااا تخاف "
................. راح أقول العيب .. من حظّي ( الردي ) !

■

http://shathaaya.com/vb/images/f12.gif


صغير السن [ 22 ]

■

كثير أيّام راحت وإنت [ ساهي ]
.................... بهذا الوضع , مايرتاح .. قلبك

سواهي ، تحْتَهَا " تِطلع " دواهي
.................... صغير السن .. ياهو كبير ( ذنبك ) !

حياتك .. لا تعدّي . . . مثل ماهي
.................... نصيحة قلب ، لك من قلب | حبك |

حرام ، يروح عمرك ؟ وإنت لاهي
.................... وش إللي شاغلك ، عن ذكر : ربك ؟

■

http://shathaaya.com/vb/images/f12.gif

[الدووووخي]

:

يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ....
أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .
ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله
رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه
تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه
وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه
ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأعشق وصاله . . .
كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله .
أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه
لي قلبٍ من كثر حُبه على : فراش التعب : مطروح ,
لا هو " ميت "..ولا " عايش " .! ووالله إن مـااات أشواله .
وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!
شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه
وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .
في جياته ...... . يروح الهم , ويبدِّل ( دمعتي ) بـ فروح
تمنيت البشر مثله . . . وكل من حولي أمثاله .!
من الله حُبه في قلبي حشى مالي ترى مصلوح ,
عسى يكبــر ويذكرني ويسمِّي بـ " إسمي " : إعيالـه .

:

[الدووووخي]

شيل من راسك [ 23 ]

■

تنتظر من [ شاعرك ] كلمة عتب ؟
.................... يا تجي من طيب , وإلا .. ما طلبت

روح ، سولف " عنّي " وقول السبب :
.................... إنّي خاين .. وبـ أحاسيسك ( لعبت ) !

قول حامض .. كان ماطلت ( العنب )
.................... سو نفسك ، فايز وإنت | إنغلبت |

ما أجيلك ، حتى لو قلبي ؟ تعب
.................... شيل من راسك ، أجي لامن : تعبت

■

http://shathaaya.com/vb/images/f12.gif


يا حنيّن [ 24 ]

■

يا صاحبي .. بعض [ المواقف ] تبيّن
.................... منهو يخون , ومنهو لك كان صاين

في عز ماكنت لـ " طعوني " تزيّن
.................... أكرِم أنا .. من أجل عينك ( مداين ) !

علي خايف ! أشكرك .. يا ( حنيّن )
.................... الحقد واضح ، في عيونك و | باين |

لو خان ، محبوبك ؟ ترى الوضع هيّن
.................... كل البلا ، لا صار صاحِبْك : خاين

■

http://shathaaya.com/vb/images/f12.gif

[الدووووخي]

مثل السراب [ 25 ]

■

وقت ضيقك صرت لـ عيونك كتاب
..................ووقت ضيقي { شي عادي } تعدّني !

إنت وينك ؟ " أطردك " مثل السراب
.................... وكل ما أحلم .. معاك ( تهدّني ) !

رحت عنّك وإنفتح .. مليون ( باب )
.................... وقلبي لك ، رغم الجروح | يشدّني |

كل ماسلّمت ، نفسي ؟ للـ غياب
.................... شي لك بالذات ، غصب : يردّني

■

http://shathaaya.com/vb/images/f12.gif


تركي الحربي [ 26 ]

■

لا تنشغل لو قلت لك إنّي [ ضايق ]
.................... يمكن يكون الضيق , سبّة .. ضلوعي

مرات .. أحس الحزن لي ؟ حيل لايق
.................... ومرات ، أدندن له : ولي في ربوعي !

كل ما ألدّ ( عْيوني ) أكشف حقايق
.................... ضويت أصحابي .. وطفّوا [ شموعي ] !

ماطقْت .. حِمْل الجرح ، وآقول ؟ طايق
.................... هزّيت جذع " العين " طاحت دموعي

هذا رماد القلب .. عقب ؟ الحرايق
.................... مرتاح ، مستانس وهدّيت " روعي "

يا ( تركي الحربي ) ترى البال رايق !
.................... وأبشّرك .. شبعان من بعد جوعي

مثلك .. ليامنه فقدني , { دقايق }
.................... أجيه .. لو ماكنت ناوي رجوعي

لا تنشغل لو قلت لك ، حيل ضايق
.................... الضيق " ضيفٍ " والمراجل ضلوعي !

■

http://shathaaya.com/vb/images/f12.gif

[الدووووخي]

أعايد [ 27 ]

■

مشتاق لك ، والشوق ؟ فالقلب زايد
.................... وش مستفيده ، من غيابك و بعدين ؟

مو قادر إني .. في فراقك ( أعايد )
.................... وينك " عشان " يصير هالعيد عيدين !

■

http://shathaaya.com/vb/images/f12.gif


فاقد العيد [ 28 ]

■

آنا ؟ على حطّت إيدينك < وضايق >
.................... كل عام وإنت بعيد وأكثر من بعيد

العيد فرحه .. في عيون ( الخلايق )
.................... لكن أنا ، في غيبتك فاقد " العيد " !

■

http://shathaaya.com/vb/images/f12.gif

■

[الدووووخي]

http://graphicz.jeeran.com/tdre.jpg





تدري وش سوَّى غيابك ؟!
مـوَّت غيابك سوالف ..!


ما يخوِّفني زماني
بس من فرقاك خايف ..!



فجأه أصحـى ومـا أشوفك ..
لا تهددني ... ظروفك


إعتبرني .. حلم / واقع
وإلاَّ ظلٍ ما يطوفـك


ضاميٍ عطشان .. جيتك
لا يعشمني سرابك ..!



تسمح بكلمه ؟! بغيتك
قبل لا تبدي غيابك ..!

[الدووووخي]

..~[ آلآطــلآل ]~..

إللي شفته في وصالك مو شويّه ..~
كيف أصبر وآنا في وصلك أعاني ..}

جيت لك شآيل خفوقي بين إيديّه ..~
مآبغيت إلا من أيآمك ..~ ثوآني ..}

مآهقيت الدنيآ في قربك رديّه ..~
وقلبك إللي لو طلبته مآعطآني ..}

البُقى مآباقي في ..~ قلبي بقيّه ..!
مدري منّك طعنتي أو من زمآني ..}

لاتْرجآني وأعدّي لك ..~ خطيّه ..!
وكل مآ أزعل ، تسمّعني أغآني ..}

(( أعطِني حُريّتي ..~ أطلِق يَدَيّه ..!
أنّني أعطَيْتُ )) لكنّك ..~ أنآني ..}

بس تبي تآخذ ولآ ترد " آلعطيّه " ..~ !
وغيرك أعطا / بس منّك مآخذآني ..}

مآ أبي منّك ..! عطورآت وهديّه ..~
كنت أبي قلبك يبآدلني ..~ حنآني ..}

غيرك أصلاً إحتِرَق .. قلبَه عليّه ..~
بآع عمره وكل مآ يملِك عشآني ..}

قلبي [ تفاحه ] .. وحبّك جآذبيّه ..}
مآنِطَرْني أستوي ، فجأه كلآني ..~

لآتجيني تعتذر ..! عينك قويّه ..}
لأنه قلبك من عذآريبه ..! ملآني ..~

غلطتي حبيت .. وكلّي عآطفيّه ..}
مآ أشوف العيب وإحسآسي عمآني ..~

وإلا أنآ لو صآر ضدّي .. ألف وميّه ..}
مآيهزّ إنسآن في لحظه ..! كيآني ..~

يآحسآفه بسبّتك شفت ..! آلمنيّه ..}
كنت أظنّك شي .. وشفتك شي ثآني ..~

إنت قلبك كان ..~ مجهول آلهويّه ..}
وعآدي عنده لو خذآ غيري مكآني ..~

صارت جروحي من أسبآبك : نديّه ..}
وإصرخت لك بس يآ جآرح كفآني ..~

( قصتي ويآك ) جدًا ..~ وآقعيّه ..}
مآهي حلمٍ .. مَر في بآل آلأمآني ..~

مآمدآني .. أكتب أبيآت آلوصيّه ..}
والكلآم ، ثقيل أحسّه من لسآني ..~

القصيده : خانتك ماهي ..~ وفيّه ..}
صرت أكتِب فيك وما ألقى آلمعآني ..~

بـ النهآيه تكفى ، إطلِق لي يديّه ..}
هل رآى آلحبُّ مثل قلبك .!! أنآني ..~

يآ مُحآمي روح إرفع لي ..~ قضيّه ..}
قلبي مجني .. وهذآ في إيده ، نهآني ..~

[الدووووخي]

ياحادي الحلم .. .
عندي مانقص [ قدرك ] ،
في البال تبقى /
وهـ النسيان ..
مو حولك !

لازلت واقف بـ وجه الريح ..
و ( أنتظرك ) ،
لو كنت عايش شعوري ؟
طحت ،
من .. . طولك !






إفترقنا ..
وإنقطع حتى السلام !
إنت متغيّر علي من ..
جيتهم ،
أدري مو منّك حبيبي هـ الكلام
[ خرّبوك ] !
الله يخْرِبْ بيتهم :
من يفسر حلم تاليه " الخصام " ؟
ليتني مانمت .. .
وإلا ليتهم !
طيّحوك شلون من عيني ؟
- حرام ..
كل جروحي النايمه /
صحّيتهم !
السما صدري يا أسراب الحمام ..
يا حسافه .. طرت ،
من طرّيتهم !
ألفظ أنفاسي ..
ويخنقني [ ملام ] :
هم هذول !
إللي علي بدّيتهم ؟
السنين عجاف وأيامي ~ سقام ..
________ و الدموع [ تطيح ] ما ردّيتهم ،
كان حلمي .. لابس ثياب الظلام /
________ وأدري مو واقع .. . وما حبّيتهم !
كان حلمي .. طفل في حزة فطام ،
________ وداخلي أشياء لك .. خلّيتهم !
كان حلمي .. إنك تخون الغرام !
________ وإللي أكره [ طبعهم ] ، أغليتهم !
كان حلمي .. يوم عن مليون عام :
________ والثواني < تشِيب > لو / عدّيتهم ..
كان حلمي .. فيك يا عالي المقام ،
________ وقمت أخاف الحلم يخْرِبْ بيتهم !
كل من بـ قلبه شقى الليله ينام ،
________ إلا أنا .. عيوني عليك ~ أبكيتهم .





إنت إيدك " كريمه " ماترد الطعون /
وآنا قلبي يردد ... { المسامح كريم } :
تدري ماكنت أحاتي لاتطيح العيون ،
خوفي لاتطيح منْها إنتْ والله العظيم !

[الدووووخي]

هذي الرساله لك من القلب للقلب
عسى دروبك .. تمتلي ( خير و ورود )
غيّرت إسمك ياحبيبي من : الحب
خلّيته ، غير الناس كلْهُم [ دهن عود ]






http://www.shathaya.com/go/dir/22/dhn-3od.jpg

:

بخير عايش و أحمد اللـه ~ طيّب ،
__________ من وقت مازارتني أحلامي السود . .

يرعبني < كابوس > الفراق ، ويهيّب . .
__________ أصحى ألتفت . . وأتمنى ألقاك موجود !

إنت [ المدينه ] في عيون الغريّب . .
__________ ولما أشوفك فرحتي مالها حدود !

ليتك مثل ما < غبت عني > تأيّب ،
__________ لأني وعدت القلب - أيام و تعود .

أخاف راسك من غيابك " يشيّب " . .
__________ تعال لي ، وكلّي لك سهود ومهود .

مو كل [ قريّب ] ياحبيبي .. قريّب :
__________ عندي على ماأقول إثبات وشهود !

منت الحبيب الأوّلي يا { حبيّب } ،
__________ لكن ~ أحس القلب ، مجنون بك زود . .

خيّب ظنون " العاذل " | ولا تخيّب
__________ ظنّي | وأنا اللي فيك بالحيل محسود .

حُبك تعتّق داخلي وصار ( طيّب ) . .
__________ وتلومني إن قلت لك يا [ دهن عود ] !



http://www.shathaaya.com/vb/images/smilies/i.gif

[الدووووخي]

دارت الدنيا وتبيني [ أعذرك ] !
______________ نامت عيوني وعينك > ساهره

إنت لي ماضي ومابي .. أذكرك
______________ و الغلط وياك ... ماني مكرره

قلت لك إحذر غرورك يكسرك
______________ ومن يحبّك واجب إنت تقَدّره

قبل لا تفكّر تهاجر ب أهجرك
______________ وعدّني غيمة حنان .. مهاجره

مثل ماجَمّعتك أقدر أن ث ر ك
______________ يعني راسك لو رفعته أكسره

كنت لك مثل المواني ~ أنطرك
______________ لين طاحت من عيوني الباخره

لا تظن أبكي عليك وأخسرك
______________ إللي مثلك ( لازم ) إني أخسره

يا القليل الباقي طاحوا أكثرك !
______________ في بحر - دمع العيون - الطاهره

أبقى أكبر شخص مر ب ناظرك
______________ وتبقى أصغر <~ من نويت أكبّره

في فراقك ماحزنت آآبشرك :
______________ وكانت الفرحه معاك مسافره !

كيف ألوّح لك وأجبُر خاطرك
______________ وإنت إحساسي مكسّر خاطره

أشكر أعدائي كثير ~ و أشكرك
______________ من سبايبكم .. فقدت الذاكره .

دارت الدنيا وتبيني [ أذكرك ] !!
______________ شفت منّك خير لأجل أتذكره ؟

إكتب الشطر الأخير بـ دفترك ،
______________ القلوب البيض .. جداً نادره !



http://www.shathaaya.com/go/dir/22/mowani.jpg



http://www.shathaaya.com/vb/images/smilies/i.gif

[الدووووخي]

http://el9ane3.jeeran.com/OOO333.jpg

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت

[الدووووخي]

الإهداء إلى الصديق :
- سابح دهام .





من يا صباح الخير عـ الحقد صابح
بعض الوجيه الصبح : ماهي مُريحه

صرت أفقد أعدائي بـ رغم المذابح
هُم في حياتي صاروا أكثر ، شريحه

مثلي .. ليامنه خسر .. تم - رابح
ومثله وهو ربحان : يشعُر بطيحه

ياصاحبي آحس فـ القلب : كابح
راحت على وين الوجيه الفليحه ..؟

أشياء صارت عيب والله يـ " سابح "
في مُجتمع مابه [ أسامي صريحه ] ..

مذبوح ~ وإلاّ - صير غدّار / ذابح
و اللي على النيّه .. يكون الذبيحه

في غيبتي ، لـ كْلاب قامت تنابح
اللــه يبلاهم في ~> أكبر فضيحه





http://www.shathaaya.com/vb/images/smilies/i.gif

[الدووووخي]

مات قلبك وآنا أبيك تكون ~ حي ،
من كتب فرقاك في الصفحه الأخيره ؟

قصتي المفروض تتركها [ علي ] !
مو على كيف الفراق يكون خيره !

كنت لك مثل الغريب و إنت لي :
الحياة / الناس / يعني كنت ديره !

صرت مثل إللي فقد له كل شي
ضاعت أحلامه عشان عيون غيره






http://www.shathaaya.com/go/dir/22/keTaB.jpg


ماعرفتك ! وشفتك مثل : ريم الفلا ،
الكبر شين .. وإلا نور عيني ~ بخيل ؟

إي عرفتك ! حبيبي الأولي { يا هلا } ..
مرحبا فيك من بعد الغياب الطويل ،

فاتك الفوت ولما فات ، صوتك علا ..
لا تنادي المحبه { رجعتي } مستحيل !

ماتفيدك حلاتك .. ما يدوم [ الحلا ] ،
ليت روحك جميله دام وجهك جميل

قلت لك ياتحبْني حيل ~ وإلا - فلا
إللي مثلي ( أناني ) مايحب القليل

إنت هَمٍ { ثقيل } ومن حياتي إنجلا ،
صرت هَمْ بحياتك وأدري همّك ثقيل !

دايم اتقول ~ إنك ( غير كل الملا ) ..
وآنا قايلك إني شخص ماله : مثيل

الدليل : إنه قلبي ~ في غيابك سلا ،
يوم غيري عيونه من فراقك تسيل !

إنت غلطه بحياتي في [ كتاب الغلا ] :
مامحيتك ولكن .. منجبر ع الرحيل

لا هلا ترد { قلبي } لا ولا مسهلا
شفت قاتل بعمرك يرضى عنْه القتيل !

رحت عنك وباقي لي أثر و البلا :
أدري دورت مثلي وما لقيت البديل ..



http://www.shathaaya.com/vb/images/smilies/i.gif








ماطفت ناري .. من أعذارك ( أبد )
لا تحاول إني أرجع لك ~ وأهدي

فوق شينك / عينك تخون الوعد !
غلطتك في حقي لا يمكن تعدي

ماني ناقص جرح من إيدك بعد
كل شي .. يصير لي ما كان ودي

فيه غيري - وفيه غيرك : فـ البلد
مو معاي تكون يعني إنت ضدي

لو أعد جروحك أخطي بـ العدد
ولو تحس شوي ما بيّحت سدي

روح دور لك .. على غيري .. أحد
دربك إللي جابك لــ عندي يودي

{ خالد } { محمد } وناصرْك وسعد
عندهم قلبك .. مثل ~ ماكان عندي

ما إعجبك ردي ! ومن يزرع حصد
بذمتك ~ وش كنت ؟ تتوقّعْه ردي

منت قدي !! .. روح عني ~ وإبتعد
فكني من جرحك لأنك منت قدي

لا كبرت وشفت نفسك ( مستعد
للمشاكل ) إرجع / ونبدي التحدي

[الدووووخي]

.......... قومي : نامي .
لي متى ! , تقري | كلامي ؟؟

ماتعبتي من " السهر " ؟!
يـ الله
قدامي

وإلا ( لأ )

ما أبي – قدامي !
أبيك { تتغطي } بـ جفني
و / بـ عيوني . . . تنامي

كل شي " فيني " , يهمك
أدري
ودّك ~ كل لحظه ~ آكون : يمّك :
يـ إللي | إسمك |
غير .. عن كل - الأسامي !

تاخذين ( القلب ) منّي ! و تاخذيني !
وإنتِ < فيني >
شلون لو ودّي / ألمك ؟؟
قومي نامي ......... .
إسمعيني ,
مايطوفك " شي " لا نمتي بـ :: عيني






من متى ؟ وعيوني [ عنّك ] .. صايمه
..................... من متى ؟ وإنتِ ( تبين ) و ~ ما تجيني !!

يا " حمامة بيت " فيني , حايمه
..................... أفقدك ... دايم ... وأدري ! - تفقديني

صرت أحس . . . ! إنك ( مشاعر دايمه )
..................... مهما غبتي بـ / المسافه ؟؟ : تسكنيني

لو تجين أجوائي ؟؟ صارت [ غايمه ]
..................... تجمعين << إحساسي فيك >> و ~ تمطريني

إحلمي بـ . . . الحُب . . . | طفله هايمه
..................... و إن صحيتي ؟؟ تسبّحي بـ ( دموع عيني )

موتي فيني .. دام عشتي ! : ضايمه
..................... وعيشي عمرك ... يا حياة ... القلب { فيني }

يـ الله نامي .... . لك ( عيوني ) عايمه
..................... إنعمت , عن [ شوف غيرك ] صدقيني !!

راح ’ أغَمّض ’ طول منتي – نايمه
..................... و " السهر " موضوع بين / العين و / بيني

يا { صباح الخير } و إنتِ :: قايمه ::
..................... هو صباحك ليه يفرق ؟؟ علميني ..!

يا بعد قلبي , و كل من لايمه ,
..................... تصبحين بـ - خير و أكثر " تعشقيني "








النوم | ميّت عليك | و ماخذا ~ ديّه .
و أحلامك ؟ , ليا " سهرتي " تكون ( ولهانه )

{ وجهك } مثل – عيد و البسمات – عيديّه
فديت ! نظرة " عيونك " و إنتِ / نعسانه

أقول ( عاديه ) . لكن منتي : عاديّه !!
ملآك , نازل عليّ في صورة , إنسانه

نامي , , , وتشوفين أحلى أحلام ’ ’ ’ ورديّه
النوم < سلطان > و إنتِ ؟ [ بنت سلطانه ]





http://www.shathaaya.com/vb/images/smilies/i.gif

[الدووووخي]

http://el9ane3.jeeran.com/Ma_e8e8e8e8.jpg

:

تدري وش ناتج غيابك ؟
زادت بـ قلبي الهموم !
[ الفَرَح ].. عنِّي مسافر
وحزني ضيفي كل يوم
صرت أسأل
صرت " ضايع "
حلم هذا أو حقيقه ؟!
كنت شاري وإنت / بايع
به مثل هـ الضيق ضيقه ؟!
عطني من وقتك / دقايق
شوف وش فيني
و روح !
يا حبيبي حيل ضايق
حس مرَّه بـ الجروح
يعني جرحي ما يهمِّك ..!؟
وعادي عندك لو [ أضيق ]
إنسى إنَّ إسمك .. حبيبي
صير لي عون وصديق
ليه قلبك .. ما يبالي ..؟
وقلبي " محتاجك " يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك .. تعب
إيه محتاجك وشوقي
نار وغيابك " حطبــ " !

:

[الدووووخي]

حقوق إنسان ،
وأطفالٍ نردد داخل الطابور :
[ تحيا الأمة العربية ] .
/
/
[ تحيا الأمة العربية ] :
ولا تحيا سوى الأحزان !
إذا كنا نبي نلعب . .
ركضنا داخل البستان
ونكبر دون ما ندري عن الحرمان !
عن المعنى الحقيقي لكلمة : الأوطان
/
/
نسمّي دون ما ناكل . .
نخاف نموت !
ومن منكم ما يخاف الموت ؟
يموت اللي يروح المسجد يصلّي ،
ونصلّي أحيان :
[ تحيا الأمة العربية ] .
/
/
[ وين الأمة العربية ] !
عن المسجد
نقول اللـه أكبر كل لحظه ،
ونستشهد قبل ما نسجد . .
كان ياما كان في مثل الزمان ،
مدرسه وأطفال ناقصهم حنان !
كثير أموات في غزه ،
وقليل أكفان !
/
/
مثلكم دايم نردد :
[ تحيا الأمة العربية ]
[ تحيا الأمة العربية ]
ومتنا من سبب ( تحيا . .
. . هالأمة ) وأخرس الشيطان .


http://www.shathaya.com/go/dir/91/0908867-ii.jpg



إيه يا فصل ( الإهانه ) و البرود ،
___________ المطر . . طق المطر من غير حزّه !

تلعَب الأشبال في ساحة أسود . .
___________ يا طهر أرواح تتساقط ~ بـ عزّه

الغضى : يشبه رصاصات الجنود ،
___________ وريحة البارود ، هذا جو { غزّه } !

شفت ساقي الورد في إيده قيود . .
___________ ودمعة الأطفال موقف وإستفزّه

جاه جندي وقال أحس إنك : حقود
___________ ما خذيت من العرب إلا [ المفزّه ] !

لو يغز الشوك شخص من اليهود . .
___________ نحرق { البستان } و كل اللي يعزّه !

( الوجود ) .. إنك تصير : بلا وجود ،
___________ مافهمت الدرس ؟ والساقي يخزّه . .

{ لك حدودك } بس أنا مالي حدود ،
___________ وأي مُسلم يوقف بدربي أهزّه !

من رفعت الراس يا ساقي الورود ،
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .


http://www.shathaaya.com/vb/images/smilies/i.gif






تعليقات الزوار ( 14 )

[الدووووخي]

http://el9ane3.jeeran.com/photos/117754_l.jpg

:

تدري وش ينهي غيابك ؟!
ينهي أحلامي و [ طموحي ]
ويبتدي مشوار حزني ..
وتنتشر فيني جروحي !

ما بقى للشوق حاجز
من كثر ما عاش فيني
كيف أقول : إشتقت لك ؟!
وصورتك دايم بـ عيني !

كيف أضحك ..
كيف أنسى ؟!
وإنت غايب عن مكانك
لو يخون الكل ويقسى
قلبي لك عمره ما " خانك " ..

ما قدر يترس عيوني ..
من بعد عينك عيون !
ليه مستغرب جنوني ؟
يا موصلني الجنون ..

شفت كل الدنيا هذي ؟!
ما تساوي أي شي !
قمت أسأل نفسي [ وييينك ] ..
من معاي ؟
ومن علي !

وبالنهايه لا تحاتي ..
تبقى في دفتر حياتي :
أغلى كلمه ..
وأحلى كلمه !
إنطقت فيها " شفاتي " ..!

:

http://www.shathaaya.com/vb/images/smilies/i.gif

[الدووووخي]

لأنّك ... : لص .
سرقت القلب من ( داخل ) ضلوعي ,
دون ما أدري !
و تزعل لو أقول إنّك – حرامي ؟!

ولا تزعل
حقيقة إنّك "
|
حرامي و " نص "

أبي لي قلب من عندك . . . عديم إحساس
و أبيك . . . الناس .
أبي لا نمت في محجر [ عيونك ]
تنكتِم أنفـاااااااااس
وأبي لا قلت لي : شلونك ؟ :
و أنا أشوفك , أقولك .. / أصصصـ .. ..

حبيب الروح
تعال
و – روح
لكن !
لا تخليني في " هذي " الأرض ,
ألملم قلب من شافك ؟
يقول إنّك { هدية حظ } .!

أنا ما أبيك في قلبي | معاهم |
بغيت ~ الكـــل
من حولك . . . في قلبي
وحضرتك
بـ :: النص .!



.
.


http://www.shathaaya.com/go/dir/22/aLfara7.jpg

.

كنت أظن الحظ جابك و | إبتسَم
أثر أنا و ( الحظ ) . . . مانواطن بعض !!

الأمل في دنيتي .. يامـا .. إنهدَم .
و " الفَرَح " ما يوم في عمري – ومَض

جرح ( غيري ) بـ إختياره : إلتئَم !!
و آنا جرحي ؟ ليه عـ القلب / إنفرَض ؟!

ليت قلبي من جروحه , إفتهَم ,
غيري عـاش الجرح .. مرّه .. و إتّعَض

مايحس [ القلب ] من كثر | الألَم
راحت الراحه . . . وعلى اللـه العَوَض .

جيت من أقصاي وماكان العشَم
تصدِم إللي صوبك إحساسه - رِكَض ،

من يعلّم { طيبتي } :: درب الندَم ::
دام صارت " نيتي البيضه " ~ مرَض !

ما ألوم القلب عايش في وهَم
يكفي .. يثبت لي [ حياتي ] لا نُبَض

قلبي من دنياي " عمره " ما : سلَم
.. كل ما زانت .. لي الحظ - إعتَرَض !

كنت أظن الحظ جابك و | إبتسَم
قبل مايقفي بك و ( نخسِر ) . . . بعض !!





http://www.shathaaya.com/vb/images/smilies/i.gif

[الدووووخي]

مدخل :

بـ إسم ثاني تناديني تقول المخطي لسانك ،
حسافه .. كيف ما قدّر " لسانك " قلبي العاني ؟
تقول إنّه خطا منّك تذكّرت أكبر إخوانك !
وأنا إللي من كثر حُبي أنادي بـ إسمك إخواني !





http://www.shathaaya.com/go/dir/22/m09.jpg


خل نفترق تكفين .. و إحنا عزيزين
مدام قلبك صار ( قاسي و جاحد ) !

ماكنت لك [ واحد ] أساوي ملايين ؟
وشلون خنتيني على شان [ واحد ] !


الحين .. وش بعد الخيانه و بعدين ؟
شفتك معاه بعيني واللــه شاهد !

و مدام ( قلبك ) قادر يحب شخصين
ماهي غريبه .. لو تحبين { واااجد } !

تقولين لي : راشد ! بـ إسمي تغلطين
وتنادينه : أحمد ليه ؟ هو إسمه : راشد !


مثلك يشوف الحُب لعبه وتخمين ،
ومثلي يحب ، وعنده الحُب خالد !

إنتي الوحيده وسط قلبي ، وتدرين ..
ما فيه [ غيرك ] داخل القلب قاعد !

كتبت " أشعاري " لأنك : بـ تقرين ،
وإلا شعوري من هـ الأبيات زاهد !


يالله ، فمان اللــه ما أبي تردين
إنتي { خطايا } والخطا منّي - وارد

إنسانه حلوه صح .. بس ، ما تحسين !
وطبيعي [ قلبي ] من - جروحك . يباعد ..

صيري فـ مكاني وشوفي شنهو تسوين ؟
ياللي في قلبك [ شوق ] الأحباب ، بارد !

رايح أنا .. ولا تسأليني على وين ..
منّي لك أقرَب صار " كوكب عطارد " !


http://www.shathaaya.com/vb/images/smilies/i.gif




مخرج :

بعد لا تنطق بكلمه ولا تورّيني : [ برهانك ] ،
يا خوفي تغلط بـ إسمي وتزوّد ثورة أحزاني
أنا ملّيت أطوّف لك وأقول المخطي لسانك ..
بغيّر إسمي من : أحمد ، إلى : مجنونك الثاني

[الدووووخي]

http://www.shathaya.com/go/dir/22/0-1el3eed.jpg


مثل ذيك السنه وأكثر أنادي والنِدى : ما يفيد
بـ قلبي شوق لو حسّيت به .. يقلب موازينك

أردّد " عيدك مبارك " عسى كل عام وإنت سعيد
وقلبي يرتجي وصلك . . . يا غالي ، وفاقدٍ زينك

حبيبي هالزمن يضحك ، على جرحي . وإنت بعيد . .
وجيت من الشتات أسأل بعد جرح الزمن . . وينك ؟

أنا ما جا على بالي غيابك إنت بـ التحديد ،
{ عنادك } . .
ليش ضيَّعني ؟
وقف ما بيني وبينك !

لك الله ، كل ما أضحك ألاحظ هـ الجروح تزيد !
تصدِّق [ ضحكتي ] صعبه علي , وسهله بـ إيدينك . .

أقول إن الأمل : باكر ,, يجي بكره ، بجرح جديد !
ورغم كل السنين اللي مضت لي . . { تكرم سنينك }

أنا ما جيت أبي منِّك , بعد جرحك . . تفك القيد :
أبيك تحس في ( قلبٍ ) . . رفض ينساك ويدينك !

إذا يرضيك تستقبل بدوني . فرحتك بـ [ العيد ] ؟
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !

إذا عادي الزمن يضحك على جرحي وإنت بعيد ؟
على هذا البرود اللي تعيشه . . .
( الله يعينك ) !




http://www.shathaaya.com/vb/images/smilies/i.gif





دايم تفارقني قبل حزّة العيد . .
وأقول صدفه يعني هالشي [ وارد ] !

توّي عرفت المسأله بكل تأكيد :
ما يجتمِع عيدين في وقت واحد !

[الدووووخي]

http://el9ane3.jeeran.com/photos/319365_l.jpg

:

تدري وش بكَّى غيابك ؟
موق عين اللي تحب !
مهتني حضرة جنابك
والمشاعر " تنتحب " ..!
المطر من غبت ينزل
إمتلت عيني وخدِّي !
ما رضى قلبي يعزِّل
رغم إنِّك صرت / ضدِّي !

إستحَت منِّك [ طعوني ] ..
وما قويت أصير ضدِّك !
ليت ما شافت عيوني
من يذمني [ ضيف ] عندك !

إنسَحَب فرحي / وطموحي
ويني عنِّي ؟
- ما دريت !
صرت أضحك من جروحي
وداخلي ياما ( بكيت ) .. !
صارت الراحه / ألَم
واللي باقي ..
ما سَلَم !!
" التَعَب " واقع أعيشه
قلبي بـ الفرحه حَلَم ..!

دمعتي تمشي تسولف
وإنعَمَت عين الشفايف
وكل دمعه تطيح منِّي
إنكتَب فيها " حسايف "

مو غريب أبكي عشانك
الغريب إنِّك .. تخوِّن !!
ويبقى مثل أوِّل مكانك
وأعتبر هـ الجرح ( هيِّن ) ..!

فدوه لك جرحي ..
وضيقي
المهم قلبك يحب ..
تدري وش موتي الـ حقيقي ؟!
[ من حياتي تنسحب ] ..

:

http://www.shathaaya.com/vb/images/smilies/i.gif

[الدووووخي]

1 ] ..

أهني الشهر هذا فيك عسى الله - يقبل صيامك
وأشوفك مثل " ثوب أبيَض " من التدنيس متنقي

عليك اللـه يستر من " عيون " تشوف قدامك
و بإذنه تنجى من بحر الذنوب وأنجى من غرقي

عسى الراحه تجي عندك ، ترافق .. دايم أيامك
ومدامك إنت محبوبي تصير الراحه - من حقي

كريم الشهر .. يا أكرَم بشر شفته ، ومن لامك
على الطيبه يكون أصلاً عن الأخلاق هو طرقي

[الدووووخي]

[ 2 ] ..

ما يجي منّي الردى لو شفت أنواع الطعون
أبقى عاقل .. رغم كل إللي حصل وجنونهم

يا مشاري قلْ لهم مرتاح ما أبي يرجعون
وإن - بكوا فرقاي ، عاد الله يكون بعونهم

ناس أنصحهم ولكن للأسف ، ما يسمعون
ولما طاحوا من عيوني شوف إنت شلونهم

كنت أفزَع لا طلبني واحد ، وما يفزعون !
ما ألاقيهم .. وإذا إحتاجوا ترست عيونهم

قبل لا أشد الرحال شفت من ربعي طعون
وإستحيت أروح وما أحضن جميع طعونهم

[الدووووخي]

[ 3 ] ..

مدخل :

مشتاق هذا اليوم - لك ، لااا تأجّل
أبي تقابل شوقي بـ شوق .. { عاجل }
[ فارِسْك ] . . من ظهر السعاده ترجّل
صدره " سما " وأحزانه طيور " زاجل "

:

أجيك تروح !!
أغلّف لك فَرَح عمري هديّه ، وتنعسِف لك روح
- على النيّه ولا أدري { تخيّط } من وفاي جروح
وألبس ( ثوب أحزاني )
وألقاني - أنا : ثاني !!
تصوّر فوق كل هذا على كل ماحصل مسموح

بعد ما غابت أفراحي . . . عن عيوني ، ولا ردّت
أحس الموت وأتعايش ، وأقول لْـ غلطتك : عدّت
أعديّها على شانك وأسامح . . كل شي و أنسى
وأنا عندي كثير جروح
أحن لـ فرحتي - تقسى !
و أجيك تروح !

:

مخرج :

لا تلوم القلب وضلوعك سجن
فرحته .. تسأل عليه وما جته
من يبي حاجه على ربه " يحن "
في دعائه لأجل يقضي حاجته
:
- سواد قلوب ،

[الدووووخي]

[ 4 ] ..

مَرَض ما غاب عن دنياي لحظه
سواد قلوب ونيّة قلبي ، " بيضه "

حَسَد - غِيره ، جهل كلمة يا حظه
طويل الوصل - والفرقى عريضه

عِجَز ( قلبي ) على تفسير نبضه
وكل ما إرتاح نبضاته ~ تغيظه !

رفضها فرحتي و أسباب رفضه :
- كثير عقول في عمري مريضه

عطيته كل { كلّي } وين بعضه ؟
أحس الجرح في سلمه فريضه

سكوتي من ذهب ما كان فضه
عزيزة نفسي والنيّات ( بيضه )

:

- تكرم عيون القلب ،

[الدووووخي]

http://el9ane3.jeeran.com/photos/515575_l.jpg

تدري وش وقَّف غيابك ؟
وقَّف غيابك [ سنيني ] !
نبض قلبي ..
ليه ساكت ؟
والدموع اللي تباكت ؟
كل هذا صار فيني !!

يعني معقوله تغيب
وما تراجع بـ القرار ؟

منظر غيابك كئيب !
واقف بـ " سكة قطار " !

في قفص صدري ربيت
كيف أحس الطير طار ؟

لا نهاري هو نهار ..
وفيك أسهى ما دريت !

ومن يكلمني يقول :
يا بخت من به سهيت

إنت ما حسيت يمكن
والغياب أكبر دليل ,

دايم يردد لسانك :
" لذة الشي القليل "

راضي قلبي في قليلك !
المهم ألمح وجودك

تحترق أعصاب قلبي ..
وإنت غايب !
يا برودك !!!
:

[الدووووخي]

[ 5 ] ..

اليوم خامس يوم ، من فرقاهم
و البال مشغلني على - طاريهم

" القلب " عيّى يا بشر ينساهم
( تكرم عيون القلب ) وآداريهم

لأنْها - حياتي ، ضايعه ويّاهم
و إن بعت حُبهم خافقي شاريهم

عاف الحبايب لأجل من يهواهم
مسكين [ قلبي ] عايش يباريهم

قررت بيني وبيني - ما ألقاهم
لكني ببقى دوم .... في طاريهم

:

[الدووووخي]

http://el9ane3.jeeran.com/photos/540756_l.jpg

تدري وش بعثر غيابك ؟
قلب من تغليك عينه !

من بعد ما كان يشوفك
رغبته ومعنى سنينه

ليه يا عيني بكيتي ؟
قالت عيوني : حزينه !

قلت يرجع إن هديتي
قالت إبتنهيد : وينه ؟!

هذا " قلبك " بين إيدينك ..
وما أبيك ترده لي !

من كثر ما قلت : وينك ؟
صرت أسألني علي !

ضعت في زينك وشينك
مات قلبي وإنت حي !

ما تهم صارت سنينك
وما يهمني كل شي !

كل هذا وإنت باقي ..
مستغل نقطة فراقي !
ما لقيت بوقت همي " شخص " ..
وبـ الفرحه ألاقي !

http://www.shathaaya.com/vb/images/smilies/i.gif

[الدووووخي]

غيم وحزن ،

[ 6 ] ..

آنا أطالع للـ سما - وألمَح ضياع
و إنتْ أصلاً تنتهي مثل " الشموع "

إقنَع المجروح ، بادر في الدفاع
القناعه كنز وتدري إنّي - قنوع

بالكِذِب شاطر وبارع فـ الخداع
والضحيّه ( قلب ) أمّن للضلوع

يا حبيبي الحُب في الدنيا " متاع "
نوع واحد . . والخلايق كم نوع

لك أحاسيسي من اللهفه - جياع
وإنتْ تدري وعاجبك إنّي أجوع !

ما بكت عين السما ، وقت الوداع
غيم وحزن تصادموا طاحت دموع

[الدووووخي]

عَهَد .. يا هـ اللسان المبتلي في لدغة حروفه
لأطلق سرب من صدر المشاعر و الهدف بيتك

نَعَم . . يا قلب حاصرني غلاه ، وجيته أشوفه
لأنه الدين { وعد الحُر } .. أنا يا سيّدي جيتك

[ عيوني ] ما تبي غيرك تحبك ، حيل ملهوفه
ولو أقدر أخبّي شي في وسط عيوني " خبيتك "

حبيب القلب لك شاعر خذا من عينك وصوفه
تغزّل فيك - من بد الخلايق ، و إرتفَع صيتك

أنا .. يا ملهم أفكاري أشوفك مثل : معزوفه
وأمانه ، إعذر إحساسي إذا في يوم ، غنيتك

وعد يا " زهرةٍ "من جنة الأحلام .. مقطوفه
أصير الأرض وأنبت لك زهر عمرك وحنيتك
:

- متعب التركي ،

[الدووووخي]

عوّدتني . غير " قلبك " ما يسلّيني
وعلّمتني مهما شفت الهَم ما أحكي

تطمّن ، بخير ( عايش ) يا معنّيني
نفسي عزيزه لغير اللـه ما أشكي

إنت الوحيد .. إللي في إيدك تخلّيني
في وقت واحد حبيبي أضحك وأبكي !

تدري شسوّي بـ غيابك يا مبكّيني ؟
أشتاق وأقرا قصايد { متعب التركي }

[الدووووخي]

http://www.shathaaya.com/poem/folders/0022/H-2.jpg
:

مدام الشوق ما جابك
وبقلبي الشوق متنثر :
غيابك حيل يذبحني ..
ويخلي الحب يتعثر !

قليل إن قلت في حقك
ومهما قلت أنا مقصِّر !
كثير أشياء تدفعني
عليك ،
إعذرني ما أصبر !

أحبك ( لا ) ما أبيها !
أبي أكثر من [ أحبك ] ...
ومدامك دنيتي فيها
حبيبي ما أبي " أكثر " !

قدرت أنسى جميع الناس
وفعلاً صرت أنا ناسي ..!
يا ماخذ منِّي الإحساس
أبي أنساك ....
ما أقدر !!

معاي إنتَ أكون بخير
وقلبي حيل مستانس ..
عن العالم حضورك غير
وفيك [ الكل ].. متأثر !

تبي تقسى تبي تبعد ؟
وأنا أشتاق لك ويَّاك !
تعال إن جابك الموعد
أنا ما أبيك ( تتأخر ) !

حزين القلب بـ غيابك
وفيه الجرح ما يصغر
أقول أشفى مع المُدَّه !
وأشوفه يكبر ..
و يكبر .....!

:
http://www.shathaaya.com/vb/images/smilies/i.gif

[الدووووخي]

بحر الغياب ،

[ 9 ] ..

أساحلك
لا يجي طاري الفراق لـ ساحلك
قلبي سفينة شوق يا بحر الغياب
وكل مجاديفي [ ذهاب بـلا إياب ]
غرقان قلبي وصاحـ لك !

بس لقّني - الشهاده ،
وألفظ أنفاسي الأخيره
ما أبي منّك " سعاده "
في حياتي الموت خِيره
إعتبرني حلم تفسيره نهايه
وإلا واحد منتهي قبل البدايه
- عندك أعذارٍ كثيره

إختياري لك { خطا }
و إختيارك لي صواب
أسألك ، وين العطا ؟
وأدري ماعندك جواب
يا مطوّل غيبتك وين الغنايم ؟
حتي عنّك ياحبيبي كنت صايم
أطلب اللــه الثواب

:

[الدووووخي]

وجه اللقى ،

[ 10 ] ..

قالت الفرقى : أبيها ، وقلت : تَم
والله سوَّتها ! - و قالت : هاتَهَا ..!

قلت وينك يا المفارق قال : سَم !
وسلّمَتْ له . . - نفسَهَا و خطواتَهَا ،

قلت روحي دام لك هـ الحب غَم
و إستغلّت { كلمتي } بـ سْكاتَهَا

السعاده عند مثلي ، تعني - هَم
و الأماني . . ما تفوته ... فاتَهَا !!

ولْ . . يا وجه اللقى ما فيك دَم
و دمعتي - ما تستحي ، وحياتَهَا

راحت ، وباقي لساني يقول : تَم
حاجةٍ كانت [ تبيها ] و . . جاتَهَا !

[الدووووخي]

سراب التلاقي ،

[ 11 ] ..

أنساك قول شلون لا صرت الأعماق
شقيت . من حبك ، وللحين - شاقي

علّمني " نسيانك " وأعلّمْك - تشتاق
ظامي [ وصالك ] ، يا سراب التلاقي

ضيّعت عمري لك من فراق لـ فراق
في ذمّتك . . وش عاجبك في فراقي ؟

عشّاق ! حنّا بـ الإسم بس { عشاق }
خلّص - شعور الحُب ونقول : باقي !

[الدووووخي]

http://www.shathaaya.com/poem/folders/0022/tadree-15.jpg

:
تدري وش معنى غيابك ؟
يعني " الموت " المحقق !
عمرك إنتَ شفت [ دفتر ] ..
من غلا شخص يتشقق !

يعلَم الله .. وش [ ظروفي ] ..
يا بعد عيني .. وشوفي ..
مدري وش فيها حروفي !
ما تبي تكتب ( أحبك ).. !
ليتك .. الليله " معايه " ..!

ليمتى وهذي السوالف ؟
كل ما جيتك .. تخالف !
قول إذا عـ البُعد حالف
وما تبي ترجع لي ثاني !

قول ..
علمني ..
عشاني
لا تعلِّقني .. بـ دربك
بين قلبي .. وبين قلبك !
ما أبي أكثر .. أعاني ..
عـ الأقل , عطني [ نهايه ] ..!

من أماني لي أماني
في دقايق في ثواني ..
أحترق وأقول :
وينك ..؟
إيه وينك ..؟
وين عينك !
يمكن بـ لحظه أشوفك ..
ويمكن إنِّي ما أشوفك !
وبين كل يمكن ....
أموت !
وأرجع أرجع للسكوت
يعني أرجع للـ " بدايه " ..!

:

http://www.shathaaya.com/vb/images/smilies/i.gif

[الدووووخي]

أنواع الرطب ،

[ 12 ] ..

بداية :

من بعد غيبه تجي وتقول : وشلونك !
تحسبني ببقى أحبك دوم و " أحتاجك "
بـ كل صراحه ، أنا مرتاح من دونك
ما أبيك ترجع وتتأسف على إزعاجك

:

المشاعر لك حمَامه " مهاجره "
دام غيري تاه في أرضك و طَب

إللي باقي لي . لـ غيرك ذاخره
كان إسمك في حياتي و إنشطَب

قلبي شايل نخلتك ، من خاطره
لو هي تنتج أجوَد أنواع الرطَب

الزعل حاصر - حدود الذاكره
وما أظن في يوم بيطيح الحطَب

:

نهاية :

طاح " قلبك " من عيوني
وخفت أنا غيري يدوسه

[الدووووخي]

لا فات فوتك ،
[ 13 ] ..

لا تْحط إيدك بوسط الحريق
ولا تيأس إن شفت منهم ردا

الدنيا بك .. ما أبيها تضيق
عمري و حياتي ، لأجلك فدا

ياصاحبي لا أشوفك غريق
مايفيد لا فات فوتك [ ندا ]

فـ ( إمّا حياةٌ - تَسرُّ صديق
وإمّا مماتٌ . . يغيظُ العِدا )

[الدووووخي]

تدري وش يقهر غيابك ..؟
[ قلب ] في الغيبه سهر !
كل خلق الله إذكروني
وإنت ..
ما عندك خبر !

يعني ما هزِّك قصيدي ؟
كل ما تقرا ( جديدي ) !
ودِّي أسمع رَد / مُقنع :
وينك بـ عيد الفطر ؟

كيف من غيرك أعايد ؟
يـ اللي " متهنّي " بـ عيدك ..
عطني الحل المُحايد
فيدني ...
الله يفيدك !

لا حياتي /
هي حياتي ..
و الصبر ؟
وين الصبر !
راح مثلك يا غلاتي
وما بقى فيني [ عمر ] ...!

عيد ..
وإنت بعيد عنِّي ؟
بذمتك هذا إسمه ( عيد ) !
كل من جاني يهنِّي
قلت :
دونك مو سعيد ..!

بس ....
تذكَّرني بـ غيابك ..
والفَرَح يملي ثيابك :
عيدك مبارك حبيبي
وعيدي من غيرك ..
قهر !

:

http://www.shathaaya.com/vb/images/smilies/i.gif

[الدووووخي]

هذا وجه الضيف ،

[ 14 ] ..

جا يقول : آمر ، ومنّي وش تبي
خاطري .. تنسى همومك و الوجَع

قلت له قلبك : ( مناي ومطلبي )
شوف فرحي كيف بغيابك " هجَع "

بي خطايا ماني معصوم ونبي
و قلبي من ذنبي و أفعالي " فجَع "

لا تسمّي من وفا قلبه [ غبي ]
ولا تخون إللي بـ ألحانك سجَع

قال برجع لك : وأحقق ماتبي
وهذا وجه الضيف راح ومارجَع

[الدووووخي]

ريق الرجا ،

[ 15 ] ..

نشف ريق الرجا وجيت ظامي
أبي تسمَع ... يافاقدني كلامي !
غذاء الروح عنْك القلب صايم
أمانه لا تجي وتجرح صيامي

تبيني شلون أرجع - فيك أأمّن !
وسرقت القلب مّني يا " حرامي " !
كثير أشياء تمنعني ( أسامح )
تغيّر كل شي ، حتى " سلامي "

تقول الحُب : مات ! و لك أقول :
تموت قلوب ويبقى الحُب سامي
وقلبي صار من فرقاك { ميّت }
وطاري ( الحُب ) آخر إهتمامي

:
- هنيالك ،

[الدووووخي]

هنيالك ،

[ 16 ] ..

قدرت تعيش في حالك
ولا تتغيّر . . . أحوالك
و أنا - مو قادر الفرقى
- هنيالك - هنيالك -

هقيتك .. ما تخليني
لأنك - عايشٍ فيني
كفايه
إن طحت من عيني
نزل لك قلبي وشالك
- هنيالك - هنيالك -

تسوي في غيابي عرس !
ياسادس هالحواس الخمس
عجزت أستوعبه هالدرس
محد في الدنيا يصفالك
- هنيالك - هنيالك -

[الدووووخي]

بنات أفكاري ،

[ 17 ] ..

أدري بـ غيابي عايشه مقهوره
وأدري تتابعها جميع ( أخباري )

تقرا القصايد - تشتكي للصوره
أخطي وتخلق لي معاي أعذاري !

بعض القصايد عنّها [ محظوره ]
ويا كثر ما خانوا " بنات أفكاري "

خايف عليها من الشعر وشعوره
قولوا لها : لا تندمج بـ أشعاري

[الدووووخي]

http://el9ane3.jeeran.com/photos/964941_l.jpg
:

تدري وش غيَّر غيابك ؟
غيَّر " غيابك " نصيبي !
غلطتك سدِّييييت ( بابك ) !!
و غلطتي ويَّاك : طيبي !

زين ما فكَّرت ....
فيني ؟
قبل لا تترك سنيني ؟
وش أسوِّي في " إيديني " ؟
ما تبي غيرك حبيبي !

من يشاركني حياتي ؟!
و " نصّي الثاني " ....
خذيته !!!
وش بقالي من غلاتي ؟!
وقلبي من شفتك ....
نسيته !!

من يحب إنسان ناقص ؟
ما معاه إلا " الجروح "
إنت في الغيبات راقص !!
وآنا [ موتي ] من تروح !

ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!

:
http://www.shathaaya.com/vb/images/smilies/i.gif

[الدووووخي]

http://www.shathaya.com/go/dir/22/IOIOI-i.jpg

- تدري ليه أكره غيابك ؟!
...... لأني في الغيبه / أموت
" ضيقتي " بعدك تجيني ,
و ( البُكى ) من غير صوت !

اسأل [ الضيقه ] : بديتي ؟
قالت إنّك فيها .... راضي ! .
دام قلبك صار – بيتي
لا يصير البيت { فاضي }

في غيابك شوف وجهي . . .
أدري متغيِّر عليك ,
كل شي " منّك " وحشني
: كل تفاصيلي تبيك :

ليه أشوفك في ( منامي ) ؟
ودوم أحس إنّي بـ جنبك ؟
لو نويت / أقسى .... بـ كلامي .!
أفقدك أكثر , و أحبك

تدري لو بيدي ؟؟ .. : كرهتك
بس هـ الشي مو بـ إيدي !!
شوف بـ غيابك [ مدحتك ]
و – ما رضى . يذمِّك قصيدي

:

[الدووووخي]

حبيبي بـ الإسم ،
[ 18 ] ..

ترسم جروحي على قلبي - رَسِم
تسلم إيدك كنت قاسي يا الحبيب

كيف تجرحني وتبيني [ أبتسِم ] !
شي غريب إللي تقوله شي غريب

الألم بـ النفس ماهو بـ الجسِم
يعني أدري فيني ماينفع - طبيب

إنت ياللي إسمك حبيبي بـ الإسِم
كنت أظنك .... ما تخليني وتغيب

تدري ليه - القلب ممكن ينقسِم ؟
لأنه أعز الناس يطعن من قريب

[الدووووخي]

- قفص صدري ،
[ 19 ] ..

يا أوّل من خذا من " كف " خيري
مشى قلبي عشانك فوق ( جمرك )

قضى عمري أنا .. ضايع مصيري
ما بين : الشوق واللهفه وعمرك

- ضميرك ليش ما قدّر [ ضميري ] ؟
أبي منّك عذر مُقنع و .. أعذرك

أنا عطري ، يشمّه فيك " غيري "
وأشم إيدي ألاقي فيها : عطرك !

خلا بعدك قفص صدري ياطيري
وكثير طيور أدري وسط صدرك !

[الدووووخي]

برجع للحبيب ،
[ 20 ] ..

صاحبي المجروح يشكي للطبيب
عن وطن عمره و حياته والزمن

قال - يا دكتور : برجع للحبيب
ومستعد .. أدفع حياتي لك [ ثمن ]

قال له - يا سيّدي حالك : كئيب
كيف أعالج شخص لابس له كفن !

إسأل اللي جرّب الفرقى يجيب ،
مايحس الحزن إلا من ( حَزَن )

[الدووووخي]

- للحسن ناسه ، وشيخة الحسن : ندّوي


http://www.shathaaya.com/go/dir/22/ndoya2.jpg


الله يعين الشُوف يا ( عارف سرور )
تحتاج - نظاره { الكبر شين } يا أبوي

تبي تسوي ليزك ؟ آعرف [ دكتور ]
سوّى - عيون كثار وآخرهم " أخوي "

من قلت عنْهَا : جيكره ! قلت : بغرور
للحسن ناسه ، وشيخة الحسن : ندّوي

:

[الدووووخي]

:
- فطّومه ،
[ 22 ] ..

http://www.shathaya.com/go/dir/22/Ftoooma.jpg

يزيد حبي لها هـ البنت في كل يوم
عندي الأوادم في كف ، و كف فطّومه

أدعي لها ربّي يحميها في شهر الصوم
ومن الخطايا تكون - إنسانه معصومه

يكفي ليامن سألت و قلت : يا فطّوم
من هي : حبيبة أبوها ؟ تقول : فتّومه

:

[الدووووخي]

عيون أمّوله ،
[ 23 ] ..

http://www.shathaya.com/go/dir/22/amooola.jpg

كل شي أقوله : تحبه ومثلي تقوله
تسمع كلامي ، وتقعد دايماً " يمّي "

إن جيت تفْرَح وإذا غايب علي توله
هذي الأمل غير عنهم شايله همّي

الغالي يرخص عشان عيون أمّوله
يكفي إسمها خذيته من إسم : أُمّي

[الدووووخي]

http://www.shathaya.com/go/dir/22/98o8uo2w8-2.jpg


تدري وش " يحرق " غيابك ؟؟
إللي جايب لي / التعب ... ؟
( يحترق قلبي ) , لأنه :
قلب حبي .. من خشب !

لا تشب النـار فيني . . .
وتشعل , أيامي , و سنيني
يا حبيبي كنت : أبكي :
و ما تطفّي النار - عيني !

حبي لك مثل " السحابه "
أعشقك و أروي ترااابك
مادريت ( الحُب غــابه )
و إنت / ممنوع إقترابك

ما سمعت أصوات غيرك ... .
كنت أسمع بس [ صوتك ]
هذا شرّك , وين خيرك ؟؟
- ما تخاف إني أفوتك !

كلمة توصف لك عذابي ؟
يحرق إحساسي : غيابك
صرت أقرب من ثيابي .
و تحسد عيوني ثيابك !

صوتي , الباقي ( معايه )
و صوره { بروزها سكوتك }
إنت عايش ! في النهايه .......
و آنا بـ الفرقى : أموتك

http://www.shathaaya.com/vb/images/smilies/i.gif

:

[الدووووخي]

:

- ليلة القدر ،
[ 24 ] ..

مدام التوبه : مقبوله ، ( أمانه ) . لا يفوت الفوت
ومن يدعي في هـ الليله له الرحمه ، بلا مقياس

عيونٍ تبكي من كثر الخشوع وفي بُكاها : صوت
وعيون تغرّها الدنيا بِكَتْ ياما [ بدون إحساس ] !

قلوبٍ تطلِب التوبه - سخيّه ، ما تهاب ( الموت )
وقلوب ذنوبها { واجد } سِكَنْهَا الخوف والوسواس

طلبتك .. يإللي نجّيت النبي يونس في بطن الحوت
تبلّغنا - فضل [ ليله ] .. تحرّوها " قلوب الناس "

[الدووووخي]

عيدك مبارك ،
[ 25 ] ..

أبرك الساعات عندي ساعتك
قلبي بيتك والنظر في العين دارك

لي مشاعر ، وافيَه ما باعتك
مهما تبعد - ترتجيك وبـ إنتظارك

لا تخليني في يوم ( وداعتك )
العيد فرحه ودّي في عيدك أشارك

الله يتقبّل حبيبي .. [ طاعتك ]
وقبل كل الناس في " عيدك أبارك "

[الدووووخي]

فراشي ،
[ 26 ] ..

ممكن تحب غيري وتنسى مع الوقْت
لا صار صوبك كم [ حاقد ] و [ واشي ]

أتعَب و أسقي زهرة الحُب ما ذقْت
ويجي ، على الراحه .. وياخذ فراشي !

وممكن تجيك أخبار إنّي أنا : رقْت
مستانس بفرقاك .. و زادوا - معاشي

تدري إذا مرّيت في حلمي ، و فِقْت
أتعطّر بـ طاريك .. وأحضن ( فراشي )

[الدووووخي]

http://www.shathaya.com/go/dir/22/TadrY--.jpg

:

تدري وش شفت بـ غيابك ؟
شفت وش يعني { السواد }
تلبس إنت الثوب الأبيض
وألبس " ثياااب " الحداد !

ينتكس لـ إحساس فيني
- ما أشوفك ! وين عيني ؟
قلت يا فرحي : أجي لك ؟
قال آسف : لا تجيني !!

كنت أحلم في [ الخيانه ]
وصرت أشوف الحلم دايم !
يالله عاد / إكذب أمااانه
وقول إني كنت : نااايم !

الغياب . . . أثّر علي
ما أتحمّل . . أي شي !!
موتي كل لحظه أشوفه
ليه جبت الموت لي .؟

البقى براسك يا غالي
وعظّم الله فيك , أجري ..
في غيابك هذا حالي
في إيدي أحفر لي قبري !

:

http://www.shathaaya.com/vb/images/f12.gif

[الدووووخي]

ريشه ،
[ 27 ] ..

كثير أشياء تبْعِدْني ، ومنهم :
لِعِب قلبك - و كذباته وطيشه

رِجَع جيش المشاعر لْـ وطنهم
وسَحَب قلبي أحاسيسه وجيشه

كثير أحباب مثلي ، خاب ظنهم
معاي " الدُّور " تكفى لا تعيشه

مثل هـ الناس ومنتَ غير عنهم
على راسك ، ترى ما فيه ريشه

[الدووووخي]

العيد عيدين ،
[ 28 ] ..

فرقاك عندي [ عيد ] وقلبك خسرني
ما قلت لك لا تجرحي الجرح لك دين

شوفي على جرحك ضميري جبرني
وأبشّرك ، مرتاح .. وما أبي تردين

قلبك تحسّف .. إنْ طروني و ذكرني
وقلبي ليا صرت أذكرك قال : بعدين !

ماعاش منهو في " غيابه " كسرني
عيد { الفطر و فْراقك } العيد عيدين

[الدووووخي]

عيدكم مبارك ،
[ 29 ] ..

كما ختمتها معكم العام الماضي
سـ أقول أيضاً :

[ الجمر ] .. مهما طال وقته يرمِّد
وإذا طفت ناري أمانه .. إعذروني

كتبت ,, وغيري من وجودي تجمَّد
وكلَّه عشان ( عيونكم ) , صدّقوني

ما أتْعمَّد أخْسِر شخص لو هو تعمَّد
وكثير من حولي خطوا وخسروني !

لو جا رمضان الجاي من غير " أحمد "
أقل شي .. بـ ( الخير ) بس إذكروني

:

[الدووووخي]

http://www.shathaya.com/go/dir/22/tadry-wsh.jpg

:

تدري وش قوّى غيابك ،
" قلب " عذّالي . . علي !
يا هواي إللي بـ صدري
أختنق - لو فيك شي !!

لا يموت "الحُب" فيني
وإنت في غيابي تعيش !
بس أبي عينك بـ عيني
وقول : هذا صار ليش ؟

من خذاك ومن خذاني !
من بكى لي ومن بكى لك !
إفهم الجمله : عشاني ،
يحكي عنّك من حكى لك .

أدري تسأل وش بسوّي ،
{ كل حادث له - حديث }
ما يعكّر - صفو جوّي :
لا ( خبيثه ) ولا ( خبيث )

إنت في الغيبات تَلهو !
وآنا في قلبك - فخوراً
فاز بـ اللذات ، منهو :
كان يا عمري " جسوراً "

:

[الدووووخي]

http://www.shathaya.com/go/dir/22/aTnfsek.jpg

:

أتنفّسك
وأحلم بـ أنّك لي : هوى
- ماسك يدي -
نمشي سوى ..
عطرك على ثيابي نوى ،
وإيدك ، تبيني ألمسك !

هذا العطر إللي أحب
صدرك رحب !
ما تزعل عيونك علي
شاريني بايع كل شي
كنّي مطر
وإنت [ السحب ]
أدعي لك : الله يحرسك

غمّضت عيني فـ المنام
ما به ظلام !
نورك يخليني أشوف
أحبك بـ كل الظروف
أشعل أحاسيسي كلام
أقطِفْك ،
وفيني أغرسك

نايم وما أصحى { ياليت }
يـ إللي بغيت ،
ما فيه " غيرك " يا غلاي
في حلمي ويومي معاي
وشلون أتنفّس ؟ نسيت !
- علمني كيف أتنفّسك

http://www.shathaaya.com/vb/images/f12.gif

:

[الدووووخي]

مدخل :


هذا وإنتَ إسمك : {حبيبي} إبتعدت !!
كيف لو إنّك " عدو " وإلا " غريب " ؟
لما في جرحي على قلبي إجتهدت
شي أكيد الجرح لك منّه " نصيب "

قلت لك بنسى المحبه " ما وعدت "
وإنْ تراجعت بـ كلامي ماهو عيب
كنت أحزن لك ، وأفرح لو سعدت
طول عمري كنت من عينك قريب

وحدك إللي في وسط قلبي : قعدت ،
صرت تجرحني وعلى إيدك أطيب
يسألوني الناس عنّك - من بعدت ؟
عطني { حلٍ } يقنع العالم ، وغيب





http://www.shathaya.com/go/dir/22/canary.jpg

:

زعلان مني حبيبي والسبب : [ غِيره ] !!
عَلْمُوه عن حالتي . . إنْ كان مو داري

الحاله حاله . . . وشفت الموت من غيره
- أعيش كّني { غريبٍ في عُقر داري }

مرات .. أقول - المفارق : أحسن وخيره !
ومرات .. أكره فراقه ، والألمـ .. طاري

مفروض إنْ شفت شرّه .. ما أنْكره خيره
ومفروض إنْ شاف شرّي ، يذكِر أمطاري


{ الناس } غيري وغيره ، ما لهم سيره
يتابع الكل . . . . أخباره مع أخـباري

" جناح " قلبي - في إيده ، تم تكـسيره
و دعيت له في السلامه ويشهد الـباري

إحساسي ديره .. وهو إللي يَحْكُمْ الديره
( ولاء مطلق )
له :
شعوري و أشـعاري

وجهي . ليا من لمحته ، مـ أقْدر آآديره
سترت جرحي ،
ويقول القلب : أشش عاري !!

عيني بصيره و إيدي كانت : قصيره ،
أشوفه قدام عيني . . و الجفن ذاري !

يبقى حبيبي " حبيبي " رغم : تـقصيره
وأبقى حبيبه غصب عن عين أعـذاري

:

الجار له حق ، إذا هو وجّب : الجيره ،
وخل يذكر إنه حبيبي وأغلى من جاري

إنْ كان رايح مع [ العذال ] .. تفكيره :
بـ أروح جزر الكناري ، أكتب أفكاري

:

مخرج :

عليك إنْ شفتك " أسمّي "
عسى تبقى . . وأدعي لك ،
لأنك نعمه من ربي :
حمدت الله على النعمه !



أ/ص

[الدووووخي]

http://www.shathaya.com/go/dir/22/ya_2admy.jpg


:

في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني .؟؟ . . . . و فيني تحتمي !

حِسْ مَرَّه وحدَه في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !

كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّك } - تفكّكْه لْـ حمي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي

آهِ مِنْ قِيدِكْ . . . . وماهو قِيد كنت
آهِ مِنّك , كِيدِكْ ( أَدْمَى مِعْصَمي ) !

[الدووووخي]

http://www.shathaaya.com/go/dir/22/tdree099.jpg

:

تدري وش يكتِب غيابك
صفحة أيامي : الأخيره :
إستخار القلب بُعدك بس ،
ما حسيّت خيره !

إنت راضي !
وإلا قلبك من شعور الحُب فاضي ؟
ما أبي أكثر أحبك ،
وما أبيك تصير ماضي

إعترافي
لك حقيقه ما يخون الجرح ، وافي
جرحي من غيرك رفيقه ؟
يا حبيبي [ بس كافي ]

شفت ناتج هـ الخطايا ؟
كل شي ميّت : بـ عيني
ما أبي منّك ( هدايا )
لأني أصلاً .. ما أبيني

سافَرَت عنّي عيونك
وصوتي يبكي من سكوتي
يوم ميلادي بدونك
صار عندي [ يوم موتي ]

:

[الدووووخي]

يوم ضاقت ،
قلت وينك يالــ ( فرج ) ؟
قال جيت وشفت حولك ألف صاحب ..
وخفت أسبب لك { حرج } !



صالح الشادي :



http://www.shathaya.com/go/dir/22/saleh.jpg

:


وين الحروف إللي ممكن يوم . . تسلبني ؟
الأشعار كلْهَا بـ{ وادي } وآنا في وادي !

ناديت , ويرجع صدى صوتي و يطلبني !
يا الذائقه . . . لا حياة / لـ منهو تنادي !

من كثر .. ما شفت حظّي { يَهْدِم و أبني }
أحس إني بـ " أموت " بـ / يوم ميلادي !

يا - صالح - أسهَر , وأحس النوم يغلبني ..
أعتِب على عيني / ما أعتِب على رقادي !

لا قلت : وين الفَرَج لي صاحب أتعبني !
إشرَه على { نيّتي } ولا تْقول من بادي ؟

أكبر دليل , إنه هذا " الحظ " . . غرّبني :
إحساسي إنّي غريب بـ داخل بلادي !

- فوضة مشاكل . . كثيره . . لا ترتبني ،
وبـ الرغم من هـ البلاوي كنت أنا هادي !

مشكلتي والله " صعب أي شي يعجبني " !
وكل ماقريت القصايد قلت : شي عادي ,

الشخص هذا من ( الله ) , شفته يحبني ..
وفـ الله أحبه . . . وإليه الشوق متمادي !

دكتور يكتِب عن إحساسه , ويكتبني ..
يلوي ذراع المشاعر { صالح الشادي } !!


:

[الدووووخي]

:


غيمه مرَّت في حياتي .. والرَعَد خوَّف غزال ..
وضاقت الدنيا بـ عيني يا بعد كل " الغوالي " ..!

رحت أدَوْرِك في جنوبي لين وصَّلت الشمال ..
والمصيبه .. إنَّ { قلبي } ما هَرَب منّك وجالي !

هذا آنا .. اللي دوَّرتك وعاااندت " المُحال " ..
ما لقيتك ! وينك إنت ؟! ما لقيتك يا منالي !

إيييه [ ضايق ] من غيابك ومات فيني الإحتمال ..
بس تأكَّد هذا حظي .. وهذا في دنياي فالي ..!

ما شكيت إلا لـ حالي يوم عذَّبني الوصال ..
لمَّا دمَّرني غيابك .. جرحي الأسود طرالي ..!

أدري إنِّك ما تبالي .. و " غيبتك "أكبر مثال ..!
وشي طبيعي لو جرحني قلبك اللي .. ما وُفالي !

وتدري إنِّي مآتحرَّك شامخٍ مثل الـ " جبال " ..!
وماخضعت إلا لـ ربٍ وقت هالضيقه صفالي ..

ياللي تسأل عن جديدي و وين ودَّاني الخيال ..
تحسِب إنِّي بالقصايد أكتب إحساسي .. وأبالي ..

ما دريت ..! إنْهَا حرُوفي كلَّهَا ظيييم الليال ..
وكل قصيده في غيابك قلتَهَا , وآنا لـ حالي ..!

ما سمعها غير " قلبي " .. والله يا ولد الحلال ..
وإلا أنا ما جيت أكتب وآنا في دنياي سااالي !

جيت إلى شاطئ خيالي . . . زايرٍ قصر الرمال ..
وإنصدمت إنَّه تهدَّم ! لاحَرَس يحميه ..و والي !

ودِّي أكتب لك قصيده و ودِّي أرسم لك هلال ..!
صفحتين بـ إيد شاعر مُرهف إحساسه خيالي ..!

القصايد يا حبيبي هي ترى مثل : [ العيال ] ..
ومن رحلت بعيييد عنِّي .. قمت أتفقَّد عيالي ..!

وين ودَّتك الليالي ؟! هذا هو أصعب سؤال !
وما لقى قلبي إجابه . . . وين ودَّتك الليالي !

ترجف أيامي حبيبي وصارت الفرحه " محُال " ..!
بردك اللي ما رَحَمني.. شوووف منّه وش جرالي !

ما بقى أي شي [ غالي ] .. وضعت في كلمة ( تعال ) ..!
وما ذبحني غير إنِّك . . . . . يا بعد دنياي " غااالي " ..!

لا بغى يتركني قلبك .. تكفى وصَّهـ بالعدال !
إبعد شويَّه .. وإرجع .. وإبعد .. وإقطع وصالي ..!

ليه يعني في البدايه جيت . . يسْبقْك الدلال ؟!
وليه [ تتقهوى ] غرامي وتنثر بـ إيدك " دلالي " ..!

قلت لك : إنَّ المحبه , ما تْحشِم قَدر الرجال ..
لـ إستوى بعين { المحبَّه } الثقل ويَّا هبالي ..!

وقلت لك : نظرة عيونك من علامات الجمال ..!
إستغفر الله .. لا نظرت المُر صار المُر " حالي " ..!

وقلت لك : ما أبي أحبك .. وإنثنى راس العقال !!
قلبي عاندني وحبِّك ..وطااح من راسي [ عقالي ] ..!

تَحْسِب إنَّه زال حبك ؟! لا يا عمري " ما يزال " ..!
صعبه يتغيَّر مكانك . . . وإنت لي أوَّل وتالي ..!

الغنى .. ماهُو حصيلٍ من . . . دنانير ومال ..!
الغنى .. معناه شوفك يا حبيبي وراس مالي ..!

كيف أعزِّل عن ديارك وما قوى قلبي الرحال ؟!
ما صمل قلبي فراقك .. وكانت ديارك " رحالي " ..!

كيف أجاوب من سألني وآنا في حالة .. ضلال ..
وينه عنّك من تحبه ؟! والسؤال بصوت عاالي ..!

قلت ما أسمَع .. وعاد الكلمه مرَّاتـٍـ وقال :
لا إتّهَرَّبْ من سؤالي .. لا إتّهَرَّبْ من سؤالي ..!

وين ودَّته الليالي ؟! حيييل يحرجني [ السؤال ] ..
والمُصيبه إنِّي مدري ..! وين ودّتك الليالي !!

:

[ أحمد الصانع ] ..
http://www.shathaaya.com/vb/images/f12.gif

[الدووووخي]

http://www.shathaya.com/go/dir/22/897.jpg

:

تدري وش مّوت ....... غيابك ؟ .
موّت غيابك | بشر |
إنت " أجمل " شي كتبته ,
غير – صالح للـ نشر

كنت أنا مثل ( المسافر )
وغيبتك دربٍ : وعر
كيف أكتب لك . . . شعور ؟؟
ومابقى عندي { شعر } !

/ السواد / أدري كثير
تحت عيني ’ يا سهر ,
كيف أقول إنِّي [ بـ خير ]
وعيني . يمليها – القهر !!

عطني " عذر " , وأعذرك ! ,
حتى لو ~ كذب .. العذر ..
قول :: صارت لك ظروف ::
وغايب | زيادة ( حذر )

وضعي من بعدك ........ تغيّر .
و إنت وضعك ؟؟ / مستقر
كنت أغنى شخص < فيك >
وصار يهددني – الفقر !

:

[الدووووخي]

http://www.shathaya.com/go/dir/22/qrab.jpg

:

تدري وش قرّب غيابك ؟
- قرّبك منّي ... [ كثير ]
يا أقرَب إنسانٍ علي ،
لو حضنتك ، راح : أطير !

ما تفيد الغيبة , " عني "
.. غالي حتى وإنت { غايب }
صرت ( أحسّك ) | قطعة مني
يعني . . . مو مثل الحبايب .

شفت لك إنسان : غيري :
بس أنا ما أشوف . ........... - تايب .
يكبر < الحُب > و < مصيري >
صار قلبي ؟ منْك / شايب !

تدري إني .. . [ مبتلي ]
منجرح وأقول : طايب
كنت أظن تشتاق لي ~
وكل ظن يكون خايب !

قلت لي | أنساك , يمكن :
يوم ~ غبت و صرت ~ ذايب
المصيبه !! فيني " تسكن "
بس أنا ؟ .. أحب .. المصايب

:

[الدووووخي]

المدخل :

آآآحبـك .. من هنا .. لـ أرضك .
ياليتك " ساكنٍ " / أرضي
أنا ما أقول [ يا حظّك ]
بـ حبك قلت : ياااحظّي !

تقول إنّي مثل { ومضك }
و أقول إنّك , أنا ونبضي ,
إذا في مسألة - رفضك ؟؟
قبل [ رفضك ] يجي / رفضي

فديته " طولك , و عرضك "
أحسّك .. من هليّ و - عرضي
أنا راضي ترى فـ بعضك !
وإخذني ( كلي ) مو بعضي .

أنا مو قادر : آفضك :
يا " سيرة " حُب . . . ماتقضي
أنا عايش على - نبضك
حبيبي والعمر يمضي ... .





.
.



:

شاعرك .. من يوم " شافك " ؟ مستقر , وضعه كثير
مايبي غيرك ولو فرشوا له الدنيـا ( ذهب )

ما أبيك تقول : ودي ... بس ... خايف مايصير !
دام أنا عايش / تمنى . راح يصير الشي [ غصب ]

ما هو لايق .!! ألمح أحزانك على " وجهك " .. وأدير !!.
راحتك في ( المرتبة الأولى ) , و - إترك لي , التعب

[ إربط حزامك ] حبيبي . باخذك منهم . و أطيير
: تصدق إني .. طول عمري .. ما أحب إلا { الصعب ..! . :

أعترف " مجنون " في حُبك . . . رغم عقلي الكبير
ما إعْجبك غيري ! أنا إللي راح أوريك - العجب .

للـ فعل ( ردّة فعل ) إلا أنت !! , مالك أي : نذير
فجأة من الله " أحبك " بليا أفعال و سبب .

قلبي - طفلك , إللي مهما يكبـر , بـ عينك : صغير
يعني " قلبي " لو ما إنتَ ؟؟ كان عمره [ ما لعب ]

إن خطيت - أسامحك .. لأنه . . يجمعنا ( المصير )
و إن خطيت بـ يوم ؟ - تقبل زلتي , بـ صدرٍ رحب .

ربّي إللي ميّزك فيني . . . . وخلاك ( إنت غير )
و :: نرجسيتي فيك :: لأني بس أنا , طلت العنب

يا " عسل دوعان " من شفتك أحس إنّي : بخير
{ نخلةٍ } . . جتني / وتنتج أجوَد أنواع الرطب

للحلا .. عندك // بدايه // بس , ما فيها أخير
وشاعر إلهامه عيونك . . لا تلومه لو كتب

القصر [ قلبي ] وهذا التاج و توّجتك / أمير
ولا تحاتي شي ..... . دامك فيه . وإحساسي الشعب

:


.
.



- المخرج :

عطني " القيادة " , وإنت .. : غمّض عيونك
وتمتع بـ رحلة غرامي . . . على الهون . . .

عجزت أعيش بـ عمري هذا / بدونك !
ويّاك أنا إما ( أكون ) أو فـ ( لا أكون )

موشرط من صان الأوادم ؟ " يصونك "
مافيه بـ قلوب البشر { قلب مضمون }

بعض الكلام إن جاك . . . سكّر أذونك
لو خان تعبيرك ترى الصمت :: ملسون ::

عني الكثيير يسولفوا و / يسألونك
قالوا لك إني ~ ساحرك وإنت مجنون ~

من خان لـ أجلك ,’, مو ضروري ,’, يخونك
لـ أني لـ أجل [ عينك ] أنا خاين – عيون !!





:

[الدووووخي]

:

ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه

[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليه أعطيك الأمان ؟؟
وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )

والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمَح الزلّه - عشانك .. وأكتِم أنفاس .. الغبينه

كنت أحبك ’ كنت أعزّك ’ والغلا فيني جبان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظرة حنينه . .

ماني أوَّل من يحب ..... . ومنتَ آخر شخص . ..... خان !
المحبه في زمانك ؟ بحرها ^ من غير مينه ^

الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشان :
" يبكي قلبك لا فقدني والندم .. يملي سنينه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .

قلت لك قلبي [ مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه

[الدووووخي]

( مرثية شاعر ) ..!

http://el9ane3.jeeran.com/Wddy_998k.jpg

:

ودِّي أمُوتْ اليُوم ... وأعيش [ باكر ]
ـــــــــــــــــــ وأشوفْ مِنْهو .. بعد مُوتي فقدنِي ..!

ومِنْهو حَمَلْني لِين .. ذِيكْ .. " المقابر "
ـــــــــــــــــــ وأشْكرْ أنا .. كِل مِنْ دِفنِّي و كَرَمْنِي

وبشُوفْ .. يرثيني أنا كَمْ [ شاعر ] ..؟
ـــــــــــــــــــ ومنهو [ يذم ] فيني .. ومِنْهو [ مِدَحْنِي ]

شِخصٍ تعنَّى لي .. مع إنه .. مسافر
ـــــــــــــــــــ وشِخصٍ قِريبٍ ، في طعونه ، خَذلنِي

وشِخصٍ يمثِّل دمعِتَه .. ما هو قادر !
ـــــــــــــــــــ وشِخصٍ تِطيح دموعه كِلْ ما ذِكَرنِي

ومِنْهو مِنْ أهلي فـ العَزا كان حاضر
ـــــــــــــــــــ ومِنْهو دعى لي في " صلاته " ورحَمنِي

ومِنْهو بنى [ بإسمي ] سبيل ومنابر
ـــــــــــــــــــ ومِنْهو يفز قلبه .. ليا مِنْ [ لِمَحنِي ]

ومِنْهو عشاني : طُول الأيام ساهر ..!
ـــــــــــــــــــ ومِنْهو ثلاث أيَّام .. راح / وتركنِي ..؟

ومِنْهو يرتِّب .. غرفتي .. / والدفاتر
ـــــــــــــــــــ وإن شاف لي ( صوره ) بكى قال : شِفنِي

يالله عسى تعلّمني .. عن هالمشاعر
ـــــــــــــــــــ منهو : رُبَح موتي . . ومنهو : خسرنِي ؟

خايف يروح العُمْر .. وأكُونْ خاسر
ـــــــــــــــــــ وإن طار طيري .. يخلف إللي وعدنِي

وخايف يجيني وقت : أكْسِر خواطر
ـــــــــــــــــــ إن دارت الدنيا .. وزماني .. كِسَرنِي

ومدام هذي الدنيا .. صارت مظاهر
ـــــــــــــــــــ وكِلْ مَنْ على كيفه ، وجوّه ، نصحنِي

[ صحيح مُسلم لكن : الهَم كافر
ـــــــــــــــــــ والوقت قصّر ، والبَخَت ماخِدَمنِي ]

الضيق : وافي . والحزن : حيل وافر
ـــــــــــــــــــ والجرح : أكثر شي شفته ، يحبنِي !

عايش وميِّت بين .. ماضي وحاضر
ـــــــــــــــــــ والصبر [ مفتاح الفرج ] ماشملنِي

قل وش تبي وتتركني ياحزني : آمر ؟
ـــــــــــــــــــ مسكين فرحي ، تصدِّق إنَّه : وحشنِي !!

( شاعر ) ولكنِّي .. ماني بـ [ شاعر ]
ـــــــــــــــــــ ودِّي أموت اليوم .... باكر صدمنِي !!

:

[الدووووخي]

http://www.shathaya.com/go/dir/22/tadre1-.jpg

:

تدري وش معنى غيابك ؟!
يعني عايش في ( خطر )
إرجع بسرعه عشان ~> القلب
متشفِّق . . . نطر /

ودي أكتب لك ~ أحبك :
كل ما أبدي ( شطر ) ..!
شفت هالكلمه الصغيره ؟
ما ~ يكفّيها - ( سطر ) -

{ غيمة أشواقي } كبيرة ،
ممتلي صدري ~ مطر ~
ماخطر ع البال غيرك
وإنت !! مو حاس بخطر ؟

شخص يطلبني الفَرَح !
حافي .. من حافي يطر
صار لي صايم [ كثير ]
هو متى - عيد الفطر !؟

:

[الدووووخي]

أنا أدري إنّي وطن بس إنتْ ما تسوى
_______ أعطيك عمري وتفكّر في ( وطن ثاني )
سوّيت لك كل شي ‘ لكن .. بلا جدوى
_______ لي يوم بلقى مواطن .. يشبه أوطاني
ما أخذت حبّك تسلّي وينها السلوى ؟
_______ خلّيتني في مُسمى الحُب « وحداني »
بنساك ‘ من قبل ما تنقل لي العدوى
_______ لأن الخيانه مرض لا تَعدِي أحضاني

ما أشتكي لك جروحي للـــه الشكوى
_______ كيف أشتكي منْك يا سجني وسجّاني
عافت بلادك وجودك ياللي ماتهوى ،
_______ ما أبيك لو كنت آآخر شخص يهواني !
الهقوى إنّك "تِحِب" وخابت الهقوى :
_______ كافي هقاوي ! أمااانه روح و~ إنساني .

إن كان باسك قوي ؟ حيل الله الأقوى !
_______ ضيّعتني .. وخل أدورني أبي ألقاني |
فرقاك بلوى ؟ بعد لي عشرتك بلوى .
_______ وضعين فيهم أكون بْـ قمّة أحزاني .. .

قلبي بلادك ولكن [ إنتْ ما تسوى ] ،
بِتْحس في قيمته ؟
• جَرِّب بَلَد ثاني !

[الدووووخي]

http://www.shathaya.com/go/dir/22/ana-ely-knt.gif

:

كذبت وقلت لك جرحك : صغير ،
ومنْه راح { أشفا } !
سوالف قالها لساني بغيابك ..
وأعظم الأخفى ،

أنا إللي كنت ..
أحطب لك شجر
من قلبي و تدفا ..
أنا إللي كنت لك موطن ،
إذا حسيت بك منفى

أنا السهران لعيونك ومجنونك
- أنا [ قيسك ]
حشى ماكنت أنا نفسك !
لأني ( مِتْ ) من دونك .

أنا إللي كنت في عِزْ الظلام الحالك" سراجك "
وأنا إللي كنت أحتاجك !
ولا ألقى حاجتي وأغفى .

أنا إللي كنت ..
أشعل لك أصابيعي شمع
وأطفى !
أنا إللي من النهر أصفى
وتسألني من الأوفى ؟
لأنك خنت ..
من حقي
أقول إنّي : أنا إللي كنت .

:

[الدووووخي]

http://www.shathaya.com/go/dir/22/Mwwat8.jpg

:

كل هذا الحزن [ منّك ]
والهموم ... وكل شيّ

المشاعر لك .. لأنّك :
قلب شاعر كان : حيّ ،

صرت أبعد شخص عنّك !
خفّف | غيابك ... شويّ

ما صدمت بـ يوم ظنّك
ليه ?? تصدمني ياخيّ !!

صعب أستوعب بـ أنّك
( صرت )
ما . ........... - تشتاق لي !!

صرت .. [ ما ]
.................. [ تشتاق ]
............................... [ لي ] !!

:

[الدووووخي]

[ تواضع ]

( 4 )

إذا ضايق على الضيقه تصبّر
ـــــــــــــ فرج يأتيك من بعد ~ المواجع

عليه الله .. كل منهو [ تجبّر ]
ـــــــــــــ ووقت حسابه ماتفيد المدامع

أمور الدنيا يا قلبي ، إتدبّر
ـــــــــــــ وكل إنسان عن نفسه يدافع

ترى مايدخل ( الجنّه ) مْتكبّر
ـــــــــــــ تواضع .. يابني آدم تواضع

[الدووووخي]

http://www.shathaya.com/go/dir/22/3321.jpg



من غيابك
كانت أفراحي " سفينه " وإغرقت ،
وكانت أحلامي ( مدينه )
غير واقع !! ما لقت
في غيابك . .
شفت عيني ؟ غورقت
وكانت أكثر من : حزينه
ماهي بس تْضايقت
إنت ماتدري ؟ عن أعراض " الحنين "
[ إنت ] قاسي ، ماتلين
وآنا أحبك حيل وعيوني أمينه
ماسرقها إنسان ( غيرك )
وماتخونك . . وإنت أكثر من يخون !
أدري تغليني ،
وأدري نفس الوقت عندك أهون !
روحي من حُبّك ؟ شقت
والقصيدة [ تشقّقت ]
وطاحت دموع السنين
ومابقى عندي عيونٍ لأجل أشوفك
ومابقى عندك عذر وافي لظروفك
كيف أسامح ؟
تكفى علّمني ؟ وصدّقني بسامح
من كثر ماصار في وجهي ( حزن )
صارت أحزاني -> ملامح !
يا ( أناني ) . .
كنت آخر شخص حبّك
وإنت أوّل من نساني !!
آنا كاني ،
إنت وين ؟
قلت : أحبك . . والسعاده ، فارقت !
والسفينه . .
هاجرت كل [ المواني ]
يضرب الحب وسنينه .
يضرب الحب وسنينه .
يضرب الحب وسنينه .
:

[الدووووخي]

[ وقت السجود ]

( 5 )

النصيحه فيك ، أتمنى " تجود "
ــــــــ لانفعت الناس .. ومنتْ المنتفِع

في وجودك إنتْ ماتمْلِك وجود
ــــــــ [ غافل ] وجاي لْـ ذنوبك مندفِع

إنخفِض للـه في وقت السجود
ــــــــ وعن جميع الناس قدرك يرتفِع

[الدووووخي]

[ إذكر الله ]

( 6 )

إذكر الله .. وينفِرج كل ما حـ " صَل "
مهما حزنك داخل أعماقك و ( صَل )
إترك همومك ورا ظهرك ، و [ صَل ]
وإبشر بـ [ جنة ] من الواهب ، هديّه

لا تقول الحظ . . عن دنياك " مَال "
راحتك تسوى ترى كنوزٍ و [ مَال ]
نيّتك صفها وتصفى هـ ( الرمَال )
وإبشر بـ فرحك .. ترى النيّة مطيّة

[الدووووخي]

http://www.shathaya.com/go/dir/22/Naa22.jpg

:

ما تدري وش سوى الفراق ؟
أثّر على فصل [ الشتا ] !
لك عندي غيمة إشتياق ،
غيمه على كلمة : متى ؟


مامر بـ غيابك مطر !
كل شي على بالي خطر
حتى حروفي عابره ،
أكتب سطر وأمحي سطر

قلبي طفل توه صغير
بردان بفراقك كثير
وشلون قلبك يتركه
يا صاحب القلب الكبير

خايف عليك من الغياب
الدنيا ~ مليانه [ ذياب ]
و أدري بأنْها ~~ نيّتك
رحلة فراق بْلا إياب

إرجع ولك عندي غلا ،
غيمه على كلمة : هلا
أشتاق لك ، بس السؤال
مشتاق لي ؟
إي وإلا لا ؟

:

[الدووووخي]

[ بعد الفطور ]

( 7 )

بعد الفطور تصيبني حالة إغماء
ـــــــــــ والوَضع مُزري .. بعد أوّل " زقارة "

لحد يكلّمني .. أبو | وأُم | وأبناء
ـــــــــــ و ( لَبيبكُم ) منهو فَهَم . . بالإشارة

لأن السوالف عندي تصير ضوضاء
ـــــــــــ والخِلق ( ضيّق ) في صريح العبارة

[الدووووخي]

[ نومك عبادة ]


( 8 )

نومك عبادة ..
وياعسى تلقى السعادة
ياحبيبي منت ظالم ،
إنت ذابحني وزيادة

كل يوم تشك فيني !
ولو تحبْني ، ماتشك
الثقة ضاعت وعيني :
للأسف .. ما توحشك

إنت .. متغيّر كثير
لا تْعذّر بـ رمضان
كل شي يشغلْك عنّي
هذا حالك من زمان .


http://www.shathaaya.com/vb/images/smilies/i.gif

[الدووووخي]

[ موضه ]


( 9 )

البعض .. حتى أخوه يكيد و يحفر له
ـــــــــ اللــه يستر علينا ، صايره ~ ( فوضه )

واحد يصلّي [ عشان الله ] ، يغفر له
ـــــــــ وواحد صلاته عشان الناس والموضه

[الدووووخي]

[ الكفن ثوبك ]


( 10 )

يعينك اللــه ياقلبي . . على ذنبك
ــــــــــ والله يغفر خطاك وجُملة ذنوبك

الناس صيّام صوم وخاف من ربك
ــــــــــ بشهر العباده أمانه إستر عيوبك

طول السنه عيش أوقاتك مع حبك
ــــــــــ الوقت هذا ترى مو وقت محبوبك

لا مت ، مايفيد منهو كان في قربك
ــــــــــ ودينك يفيدك إذا صار الكفن ثوبك

[الدووووخي]

[ الصاحب ]

( 11 )

خذ ماتبي من عيوني عـ الأقل واجه
ـــــــــــــ إطعنّي بس إبتسم ليش الوجه شاحب

القلب قلبي .. وأنا ، ملزوم بـ علاجه
ـــــــــــــ ماراح أنطق بكلمة [ صاحبي ساحب ]

لا تعتذر لا تقول آسف على إزعاجه
ـــــــــــــ مشكلته قلبي .. يسامح طعنتك لاحب

الصاحب إللي يجي من مبدأ الحاجه
ـــــــــــــ ما أبيه لو كان عمري ينتظر صاحب

[الدووووخي]

http://el9ane3.jeeran.com/a_le3ba_j33.jpg

:

جديدهـ [ لعبتك ] هذي ..
رجُوعك , ليه أبي أفهم ؟!
ترى ما جيت في وقتِك / أنا مُو حاسِب حسابك

نسيتك أو تناسيتك .. ( دخيل اللـه ) لا تهتم
وأبشرك .. وجه أحزاني ضحك لي , وإنقفل بابك

وبسيطه جات مِن صالح حياتي .. طعنتك , للعلم
قريتك , وإستفد قلبي مِن المضمون .. بكتابك

تَعَلَّم قلبي مِنْ إيدك على كِل ما مضى [ يندم ]
زرعتِك شُوق .. أتحرى حضورك , وأثمر غيابك

تِحَمَّلتِك / ولكنه .. جُبرني الجرح : أتكلم
خيانه شِفتها مِنِّك .. عِطِرهَا , تارس ثيابك

[ بنيتِك ] حُب في قلبي وإنتَ .. حضرتِك .. تهدم
كرهتِك حيل صدقني .. وكِل هذا مِن أسبابك

تقول : آسف ..؟! يا خلف الله !!
بقى بـ ( وجه ) التسامح / دم ...؟
أسامح كِل شي إلا الخيانه , ونشوة إعجابك

أنا .. يا لِكْ أجي واحد يساوي في عيونك كم
وإلا . . . . ما أجي عندك وأغيِّر , ناتِج أحبابك

تجيني .. والندم واضح ولا أقدر أقولك : سم
لأن الجرح من شافك تضايق قال : وش جابك

وإذا تحسبني برجع لِك .. بلاش تفكِّر وتحلم
لأني مُو مثل أوَّل . . . أحقق , رغبة أهدابك

قديمه لعبتك هذي .. وكفايه .. ما أبي أفهم
[ رجاءاً ] ..
إبتعِد عنَّي أنا مُو ناقص ألعابك
:

[الدووووخي]

:
يا ( سيِّدة شعري ) أنا .. قومي إرقصي بين السطور
في داخلي شوق / وعذر .. والله يعين المبتلي ..!

زعلانه مني ! وتنهدم فيني ملايين القصور
لأنك طموحي .. ورغبتي .. وتخطيطي لـ مستقبلي !

" بركان " شعري .. ما هدى وخايف مع المُده يثور !
في غيبتك .. شفتي الشعر وشلون فيني ينغلي ؟

زعلانه أدري .. وضيقتك في داخلك أربع شهور !
وتأكدي إنَّ إزْعَلِك .. هو يُعتَبَر نفس إزعَلي

يا زهرةٍ وسط العمر مو مثلَهَا , باقي الزهور
يطاوعك قلبك كذا ؟ - عن زارعك ما تسألي !

ما كني إلا لك سما .. وفي هـ الفضا إنتي طيور !
يعني وجودك زينتي .. ولزوم فيني [ تمتلي ] ..!

من يوم ما غبتي وأنا : ضايع بلا قلب وشعور !
تايه ولا عندي أمل .. في آخري وفي أولي

يا أطهر اللي قابَلَت عيني على مر العصور
تعالي عندي وإسكني فيني .. كفى لا ترحلي !

يرضيك أقابل هـ البحر وأرمي من الضيقه صخور ؟
وأذكر سوالفنا بـ وَلَه .. وش قلتلك / وش قلتِلي !

في غيبتك حالي تَعَب ..وصرت ما أحب الظهور
ما غير أتمتم في نِدَم : يا وَيْلَ لي يا وَيْلَ لي !

إيه أعترف خنتك , ولكني رغم هذا غيور
أرفض تخونيني .. وأدري فيك ما ترضي علي !

شاعر .. وأكتب ما أبي وأقولها في كل غرور
إنك تحبيني غصب وسِمْعي الكلام اللي يلي :

كان القصايد مطلبك ؟ وهي اللي بتحل الأمور
بكتب قصيده أحلى من .. " صَوتُ صفير البُلبُلي "

:

[الدووووخي]

قالوا ( بلادك ) قلت قلبه : بلادي
يعني أحبه ومن دواعي سروري

قالوا الركاده قلت مجنون : غادي
عقلي يحبه , ورايكم مو ضروري

قالو تبيه ..؟ وقلت حتَّى : فؤادي
طاريه دهن العود .. وطيفه بخوري

آنا بـ وادي وهـ الخلايق بـ وادي
أغيب عن هـ الناس أخفي حضوري

جيتك .. رغم طبعي وكل المبادي
عنِّك نهيت القلب ما طاع شوري !!

فيني سجنتك .. والسجن إنفرادي
وغيرك عجز ويَّاي يرضي غروري

يا مزعج أفكاري ترى البال هادي
طوَّلت لك بالي .. ورتَّبت أموري

إنتَ الوحيد اللي , خضع له عنادي
من كثر ما أحبك وفت لك سطوري

وينك ..؟ تعال الحين .. ملِّيت أنادي
إن ما سمعت الصوت إسمَع شعوري

كل الأصايد (http://www.6rb.com/song1/Leb/marwan/marwan_kl-alksyd.ram)في عيونك .. [ تمادي ]
إهداء منِّي بـ صوت : مروان خوري

أسأل متى بتروح وأقول : عادي !!
وإنتَ وجودك في حياتي ضروري ,

:

[الدووووخي]

http://el9ane3.jeeran.com/photos/482691_l.jpg

:


قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك

لا تنصدم من عزلتي , حالي كما : أبو العلاء
عندي سبب : ما تستحق إنِّي أجيك و أوصلك

لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !

هذي القصيده صُنِّفة في دفتري قصة " رثاء "
حبٍ يموت وتنولد .. وحبٍ يعيش ويقتلك !

ناديت لك ياما .. ولا لبِّيت لي , وضاع النداء !
إنبَح صوتي والصدى من كثر ما ناديت لك !

أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..

ما كنت لي الداء وأنا ما كنت لـ جروحك " دواء " ..
ما عشت في دنياي لي !!عايش ولكن عشت " لك " !

علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!

علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !

علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !

ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !

ما كان قلبي بس لك ؟ يا لاعب أدوار الدهاء !
وما كنت لك أقرب من أنفاسك وأقرب من هلك ؟!

ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !

لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من ( ملك ) !

إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !

قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز علـى " مستقبلك " !

:

[الدووووخي]

:

قلت:
" أحبك " .
من بعييد و ...... / ضعت !
شوف , لو هي من قريب ؟؟

ماتغيب
أحلام ( قلبي ) في وجودك
لك - أسلِّم نفسي
- أربطني بـ قيودك

...... جابك الله
مدري لي جابك : نصيب :
المُهم أسمع " أحبك " .

,

من لسانك . . .
غير [ صح الله لسانك ]
هو { مكانك .!
ليه يبكي ؟؟
كل ماتترك مكانك ؟!
إحتملت . . . وقلت / ما أسمَع :
قوووول من ثاني , " أحبك ..!"

رحت ساعتها من الدنيـ يـ يـ يـا
إلى ......... ساحل عيونك .
و
ما رجعت !

( الوطن ) , حضنك ,
وأنا .. من غير أحضانك – غريب

يعني من صجِّك ؟
......... سكوت ..!
ما أبي أكثر ألجِّك ,

قول بسمعها : " أحبك "
وبعدَهَا يمكن ... أموت

.

قلت : ساهي
قلت : لاهي
وآنا ساكت ..!

عاجز / أستوعب كلامك
وماهو ( تقليل إحترامك ) !
بس - عيونك
من عيونك -
[ ما قدر أي شي ياخذني مِنْهَا ]
^ الملاهي , رمش عينك
والطفل ..
كان ^ إنتباهي !

ايه داخل في عيونك : ما طلعت :
الله لا يبعدني عَنْهَا . . .
جاع شوقي ,
لكن بشوفك , شبعت !

منجرح صبعي وإذا " ودِّك " يطيب ؟؟
بطلبك بس شي واحد ما ( طمعت )
قول
:
" أحبك " .

بصوت عـاااااالي
ما سمعت ..!

:

[الدووووخي]

http://el9ane3.jeeran.com/photos/629763_l.jpg

:


إيه { ضامي } وقلت أرجع في شظَايا : أرتوي ..
من سما الزرقا أبشرب .. دام أنا قلبي " شظَاوي " !

لأني أفهم بالمواقع . . . ولأن لي : عقلٍ سوي ,
أدري إنْ بس الشظَايا راح يظلمها التساوي !

ما طَعَنِّي شخص عادي الغدر جا من ( خوي ) !
صرت مَـ أسْتغرب تجي الطعنات من كف المداوي !

الضعيف : اللي يسولف من ورى ظهر القوي !
قال : آسف ..
قلت : يكفي " ما أبي أسمع رجاوي (http://songs.6arab.com/rashed..rejawee(3ood)1.ram) " !

صفحه سوده في حياتي ،
وصار لازم تنطوي !
معرفة بعض الأوادم ..
ما وراها ..
إلا البلاوي !

إيه أنا واضح ولا لي . . . . بالطريق الملتوي ..
و " الخبيث " اللي بدربي راح تتعِبْه الخطاوي !

ايه أنا فكري حضاري ،
بس لي قلب " بدوي " !
حيل مرتاح بحياتي ..
بس لي حظٍ شقاوي !

من كثر ما شفت غيري . . . من وجودي / منكوي ..
كنت بكتب هالقصيده حصري في ( قسم الشكاوي ) !!

جيت مو قصدي نصايح ماني مُرْشِد تربوي ..
ما أقول إنِّي مِثالي .. وإسمعوا منِّي الفتاوي !

جيت .. , للي كان ودَّه يلوي ذراعي لوي
مات في عيني وجوده والبقى براس الهقاوي !

لا يسوّي نفسه بارع في جروحي " الفهلوي "
وإن طروا إسمي أمامه لا يزوِّد بـ الحكاوي !!

هذي لك مني رساله رغم إنِّي منطوي
ما أحب أكتب رسايل أو ألَمِّح بـ الغناوي ....

( يا تصير إنسان ناضج وعقلك إنتَ يستوي
وإلا صير إنسان غايب ولو بتتكلَّم حياوي ) ..!


الإسم : الصانع أحمد
الهوايه : فوضوي
العمر : سنتين وأكثر
واللقب : شاعر شظاوي

:

http://www.shathaaya.com/vb/images/smilies/i.gif

[الدووووخي]

http://www.shathaaya.com/poem/folders/0022/ana_.jpg



:


شِرَق هذا الفراق اللي كِسَرني حزَّة غروبك
________ بغيتك وإستحَت عيني من الغلطات صدقني !

كتبتك من قبل لا تجرح الكلمات مكتوبك ..
________ إذا عندك عذر باقي على التقصير إعذرني !!

كثير الهَم متعوِّد علي .. وإنت يا دوبك
________ وكافي الحزن لو عنَّه أغيب أيَّام " يفقدني " !

حبيبي ليه متضايق وعلي متغيِّر إسلوبك ..؟
________ يبيِّن لو سِكت قلبك .., بأنْهَا ضيقتك مني

غيابي كان مو بيدي خذاني الحظ من صوبك !
________ وقلبي هذا هو حظه غريبٍ , من صغر سني ..

أبيك وما أبي غيرك .. وتأكد قلب محبوبك
________ جبره الوقت يتناسى لأجل بالخير تذكرني

إذا ردَّت علي أبقى معاك وثوبي من ثوبك
________ ولكن [ الزمن ] .. لمَّا أقرِّب يبعدك عني !

غصب رايح ولا برجع لأني أبرز عيوبك
________ حرام إنَّه يجي واحد يلومك من كثر " حزني " !

ترى ما رحت من كيفي عشان أتحمَّل ذنوبك
________ أنا شفت الزمن ناوي علينا وقلت له : خذني ...!

واذا قالوا : رَحَل عنِّك حبيبك ، فتِّش جيوبك
________ تطمَّن قلبي بـ جيبك حبيبي لا تدوِّرني !

لذلك قلت في نفسي أبي أبعد عن دروبك ..
________ تأكد غيبتي هذي عشانك إنت ... صدّقني !


:


http://www.shathaaya.com/vb/images/smilies/i.gif

[الدووووخي]

[ 1 ] ..
:

هذا أوَّل يوم من شهر رمضان
وراح أكتب لي قصيده كل يوم

عن مواقف صارت بنفس المكان
عن همومٍ ما تشابه أي " هموم "

عن حياة إنسان عايش من زمان
بين نار , وبين شوق , وبين لوم

عن طفل ما يجذبه ( وادي الأمان )
وعن رَجُل دايم يتابع له رسوم !

يا صديقي صارت الساعه ثمان
إنت وينك مختفي بين الغيوم ؟

إنت لك عندي ترى قدرٍ وشان
شاعرك ما يفضحك طبعه كتوم

ما لقيتك .. رغم إنَّ الجَو زان
شفت كل الناس وهنّوني النجوم

الشهر جانا .. وقد آن الأوان
إنتقرب فيه للـ رب الرحوم

من طلوع الشمس لي وقت الأذان
كل ما فيني عن ذنوبي [ يصوم ]

:

[الدووووخي]

[ 2 ] ..





مدخل :

تدري وش يجرح غيابك ؟
ღ يجرح [ غيابك ] صيامي



هذا " ثاني " يوم عدِّى
كنت نايم ..!
بـ الإسم : إنسان صايم
ليت يومي مثل أمسي
وليت أمسي كان دايم ..!
أعترف إنِّي مقصِّر
يوم ضايع من حياتي
كنت في نفسي أفكِّر
وين سجادة صلاتي ..؟
ليه يا عيني تنامي !
وينجرح منِّك صيامي
أشعر إنِّي بلا وجود
شخص منفي من بلاده
( كلمه ) وبليا قيود
" الله وأعلم في عباده "


مخرج :

كل [ ضيقه ] من دعاءك تنفرج
ومن صلاتك تلقى كل اللي تبيه

شفت رقمه جاني وكان المسج :
جيت قبل الناس أبارك لك عليه

[الدووووخي]

[ 4 ] ..


:

يا رَب , عبدك طلب من عفوك التوبه
[ فقير ] يرجي الغني في يومه الرابع

شخصٍ طلق لحيتة .. ومقصِّرٍ ( ثوبه )
وشخصٍ لهى عن صلاته لأنه متابع !

المرء يخطي وكل غلطاته محسوبه
جوعان يبقى ولو عاش الدهر شابع

واللي مسك رغبته ويحاسب ذنوبه
سماه في وجهه تلقى الخير به نابع

أعوذ منِّك من الشيطان , وإسلوبه
هذا كلامي .. ولك آخر سطر تابع



يا رَب كلِّي خشوع وأطلب التوبه
أستغفرك كل لحظه بيومي الرابع

:

[الدووووخي]

:

هذا خامس يوم من هذا الشهر
يعني ( + ) يوم من فرقى الخليل

مو على كيفي ترى إخترت السهر
ياللي تسأل .. ليه أنا نومي قليل

حظِّي اللي ما يكسِّر لي " صخر "
والنصيب اللي موريني الرحيل

قلبي عايش , بس ميِّت من قهر
ترمِش جروحي ولا عندي بديل

الحزن : أبرز صفه لي من صغر
كنت أوظِّف لي أماني و تستقيل ..!

الصبر ! هو باقي في عمري صبر ؟
بين جرحي وراحتي , دربٍ طويل

يا خطا .. ما له في قاموسي عذر
كيف يقتلني ..؟ وأنا بليا قتيل !

صاحبي إن كان لي عندك قدر
أدري والله فرحتي شي مستحيل

رغم هذا قول حالي : [ مستقر ]
لا تبيِّن .., إنِّي بـ الفرقى عليل

لو سأل عنِّي أبي تقول : الظهر
كنت أنا ويَّاه نضحك عـ البخيل

جيب طاري بـ أي طريقه للسفر
وقول في غيابه أنا : وقتي جميل

وإن تعجَّب قول له : لا تنبهر
سفرته " لبنان " هي أكبر دليل

:

[الدووووخي]

[ 6 ] ..


:

هذا سادس يوم ماني بالكويت
بس ما حسيت بـ الغربه " هِنا "

ضيف يا لبنان ناديتوا وجيت
ومن كرمكم صرت لبناني أنا ..!

والله يا بيروت في شعبك لقيت
شنهو يعني تضحك وتنسى العنا

كنت ذاكر صدمتي .. لكن نسيت
بدَّل الله حالتي .., وشفت الهَنا

يعني عال العال حالي يوم جيت
والسعاده ما هي لي وحدي .. لنا

بس أمانه حب لي راس الكويت
ولا تحاتيني .. أنا ببقى " أنا "


:

[الدووووخي]

:

هذا سابع يوم , والراحه تعب
المرض جاني وأنا .. هلِّيت فيه

يا حبيبي .. وقتي في قلبي لعب
ورغم هذا قلت يـ الله ما عليه

في غيابك شافت عيوني العجب
حيل محتاجك , وإحساسك أبيه

لك أقول بخير وماليني التعب
الأهم .. قلبك ,, تطمني عليه

[الدووووخي]

:

[ 8 ] ..


:

اليوم ثامن يوم لا يطفي سراج
في شي صاير لي ( معكِّرمزاجي )

قصة حياتي قصه تبحث عن إنتاج
وإسمع نهاية - قصتي و إنزعاجي

يا سيدي , جيتك وآسف عـ الإزعاج
صحيح كنت أغلى البشر يا سراجي

مثل الغريق اللي نجا وقابل أمواج
تشبيه منِّي .. والمفارق .. نتاجي

دام " الوقايه " قالوا خيرٌ من علاج
ببعد .. رغم حبي وزود إحتياجي

أدري مريض وقلبي لك حيل محتاج
وتدري [ أموت ] وما ترجَّى علاجي

:

[الدووووخي]

9 ] ..


:

اليوم هو يومي " التاسع "
ورغم المرض كنت أنا صايم
الفرق .. يا سائلي شاسع
والجو هذا المسا .. " غايم "

[ تعبت ] من حظي الكاسع
صاحي .. وفيني البخت نايم ؟
أصبر على جرحي اللاسع
و ( الجرح ) عاشقني وهايم

القلب , ما عاد لي ياسع
وفي داخله .. الحزن عايم
الكون ما ضاق بي واسع
اللي يضيق ( الصدر ) دايم

:

[الدووووخي]

[ 10 ] ..


:


" عشر" أيَّام مرَّتني سريعه
ولا جاني خبر يروي إنتظاري

شريت الحُب ومو قادر أبيعه
غريبه كيف أنا ضايع قراري !

مثل طيرٍ .. نطر موسم ربيعه
يبيه القلب وما كان إختياري

وقلبي رغم هالدنيا الوسيعه
يشوفه زهر والعالم صحاري

أنا لو هـي عليَّه ما أطيعه
ولا أحبه ولا أبي منْه طاري

عشر أيَّام .. والفرقى فظيعه
بدونه إختلط ليلي بـ نهاري !

:

[الدووووخي]

:

[ 11 ] ..


:

- طنِّش ..
- تعش ..
- تنتعش ..

لا تنقهر
ما على قلبك أمر
ولا تنصدم إن لقيت
أقرب أصحابك يحش !
سافِر " مصر "
وتالي إرجع للـ كويت
..
طنِّش , تعش , تنتعش

لا تناقش من يذمِّك
واللي حاصل - لا يهمِّك
لو يهمِّك شفت قلبك
من [ همومك ] ينفرش !
..
طنِّش , تعش , تنتعش

وقبل كل هذا نسيت
تدري لو تعطي جروحك " وجه "
والله تبتلش !
الغضب باين على إيدك
تكلِّمني وترتعش !
..
طنِّش , تعش , تنتعش

شوف يا قلبي وتعلَّم
دام هـ الدنيا تجارب
هذا كل عمره مسالم
وذاك كل لحظه يحارب !
ربِّي حسن الخاتمه ..
كل هذا صار في يوم ( 11 )
..
طنِّش , تعش , تنتعش

[الدووووخي]

[ 12 ] ..

:


سلِّم عليه .. وقِلَّه إنِّي " مسافر "
وقِلَّه [ فمان الله ] من قلب مجروح

خلَّه يذوق الشُوق , لا رحت باكر
يمكن يحس بـ قيمتي بعد ما أروح

بـ أكون غايب حتَّى لو كنت حاضر
ممنوع يسمع صوتي لو كان مسموح

ماني على بعضي مثل ما هو خابر
من كثر غلطاته إطلعت منِّي الروح

إن قال برجع قول ناوي : أهاجر
قلبي تسكَّر " بابه " ما عاد مفتوح

علَّمته درس الحُب وما كان شاطر
وسافرت يمكن يفتهم بعد ما أروح

:

[الدووووخي]

[ 13 ] ..

:

" الثالث عشر " هجري
وميلادي ..
شهر تسعه
سنة ( 2007 )

إبتدى يوم [ المواطن ]
في تمام الساعه سبعه
صح قدر يصحى ولكن
هو يحب النوم , طبعه

" الثالث عشر " هجري
وميلادي ..
شهر تسعه
سنة ( 2007 )

كان يقول إنَّه : سليم ..
ومنتشر فيه المرض !
من تَعَب والله العظيم
ما يداوم " يُفترض "
المواطن .. هذا وضعه !

" الثالث عشر " هجري
وميلادي ..
شهر تسعه
سنة ( 2007 )

كان يراجع , ذكرياته
" مركب " بليا مواني
الأمل .., فاقد حلاته
شخص ما عنده أماني !
المواطن .. وين ربعه ؟

" الثالث عشر " هجري
وميلادي ..
شهر تسعه
سنة ( 2007 )

:

[الدووووخي]

[ 15 ] ..

:

مدخل :

تعال لا ضقت من همِّك وأحزانك
دنياك هذي إذا شانت .. تحايلها

تعال ماهو على شاني
.. على شانك
قبلك , همومي الثقيله كنت شايلها

لا تستحي وإعتبرني أكبر أخوانك
مدام كلمة " حبيبي " , منت قايلها


:

يا ويل حالي صار لي قلب مطفوق
يا عيني من هذي الكوابيس , فوقي

إنسان من كُتلة أحاسيس مخلوق
لكنِّي مالي حظ .. ضاعت حقوقي

راسي رغم كل التَعَب مرتفع فوق
أشتاق , وأكتم داخل القلب شوقي

أختار لك , أجمل هديَّه من السوق
وإنتي هديتي من ..[ تحبيه ] ذوقي !

:

مخرج :

" الحلم " هذا حلمتـه .. ليلة البارح
شفتك عروسه ,, وسال الدمع من عينك

وقفت أسأل عن اللي .. يُعتبر جارح
مخلوق جالس معاك .. ويمسك إيدينك !

اللي صدمني بـ حلمي كنت أنا سارح
وقلتي لي :
من رحت عنِّك تضحك سنينك !




:

[الدووووخي]

[ 16 ] ..
:

" السادس عشر " هجري
وميلادي ..
شهر تسعه
من هذي ( السنة )

الشوارع شي غريب
ذاك يبحث عن حبيب
وهذا ماله خلق يمشي
" العقل " عنَّه يغيب !

" السادس عشر " هجري
وميلادي ..
شهر تسعه
سنة ( 2007 )

لا تكلِّم .. أي أحد
حتَّى , لا تسلِّم بعد
ناس زحمة بلا عدد
منظر الشارع كئيب !

" السادس عشر " هجري
وميلادي ..
شهر تسعه
سنة ( 2007 )

ثارت أعصاب الشوارع
لا تسولف .. لا تطالع
إنتهى , وقت التواضع
[ التكبِّر ] .. له نصيب !

" السادس عشر " هجري
وميلادي ..
شهر تسعه
سنة ( 2007 )

:

[الدووووخي]

[ 17 ] ..


:



( مو قهر ) ..؟

لما أزرع طيب بـ عيون البشر
وما ألاقي ناتج أخلاقي " شكر "
كل عيون الناس نامت
وآنا عيني بس هامت
بـ " السهر "


( مو قهر ) ..؟

لا صار ما عندي [ مَفَر ]
يا أتم صاحي مع جراحي
وأعتب عـ النظر
وإلا ..
أحسب حاصل أرباحي
ويطلع الناتج " صفر " ..!


( مو قهر ) ..؟

إن كنت جالس أنتظر
يا يجي أو ما يجي
ما يجي ويمكن يجي
والصبر وين الصبر
وأعتبر إنَّه " مسافر "
ضاع في زحمة سفر !


( مو قهر ) ..؟

من بداية .. أوَّل أيام رمضان
كنت أتمنى يمر وكنت أحتريه
لأنه قلبي يُعتبر " فاقد حنان "
وحضرته لاهي ..!
وأنا مشغول فيه
كل هذا صار فـ السابع عشر ..!

:

[الدووووخي]

[ 18 ] ..
:

الحكي من فضَّه لو تسألني ليش
لأنه يبقى من ذهب هذا السكوت

إن خذاني الموت ما ودِّي تشيش
وما أبي تبكي على موتي بصوت

يعني لمَّا تبكي راح أرجع أعيش ؟
ما أبي الدمعه .. على خدِّك تفوت

صير عاقل حتى لو فكرك يطيش
دعوتك , تبني لي بـ الجنه بيوت

ما يموت .. إلا الذي ودِّك يعيش
وما يعيش إلا الذي , ودِّك يموت

[الدووووخي]

[ 19 ] ..
:

الموت حقٍ ,, والمفارق ,, بعد حق
ما دام مخلوقٍ .. إلى ( قلب ) مخلوق

تتعَدَّد الأسباب و العشق هو : عشق
واحد سرق له قلب , والثاني مسروق

القلب .. واقف في فراقك , ولا دق
وآخر كلامه قال : " ميِّت من الشوق "

وينك ..؟
تعال وشوف في عينك الفرق
وجهي , من غيابك ترى حيل مصفوق

على القليله مرِّني , بـ سرعة البرق
من فتره لـ فتره ( تجيني ) من الذوق

أشواقي تحرقني , لا يا سبَّة الحرق
كل يوم تبعِد تصعَد " النار " لي فوق !

:

[الدووووخي]

:
[ 20 ] ..
:

تبين الحين ..
بعد هذا الفراق أرجع ؟
تبين أسمع ؟
وأنا صوتك نسيته من غياب سنين !
أنا من عشت لي قلبين
أنا شخصين ..
وحبيبك قلبي الأول , ولكن مات
من أسبابك
وأنا في قلبي الثاني
أعيش بـ دنيتي تدرين ؟

أنا لو كان في إيدي أسامح
- كان
[ سامحتك ] ..
وذكَّرتك بـ غلطاتك
ولكن ..
" صج " .. ما أذكر
ولاني قادر ,,, أتذكَّر
أقول أحسن ترى تنسين
وعيشي مثل ما كنتي
إذاااا إنتي هذيك إنتي
وطلبتك لا تقولي وين
كفايه إحراج
وجودك واقفه بدربي
زعجني ..
وما أحب لـ إزعاج
دخيلك بس أبي تمشين

أنا يا .. بنت
ما أنسى ولا أقسى وتقولي : إنت !
أخاف مضيَّعه فيني
أنا مرتاح شوفيني
وتقولي : إبتسم لا هنت !
وسامحني أبي أرجع !
حسافه الحين ما ينفع
لأني كنت ..
أحب وحده مثل زولك
مثل لونك , مثل طولك
وهي خانت أنا ما خنت
ترى بعض المواقف دين

[الدووووخي]

[ 21 ] ..
:

دنياك .. يا [ قلبي ] تبي شوي تفكير
تكشف لك الدنيا .. خلايق و أخلاق

واحد يجي وتلقى مع " شوفته " خير
وواحد يجيك الخير من بعد لـ فراق

ما أبي ألاقي من عطاياك ,, تقصير
اللي يحبك صير له ( سرب عشَّاق )

أدري صعب لكن مع الوقت بـ تصير
أبيك ترضي بـ دنيتك , كل الأذواق

إفرد جناحك ,, في سما دنيتي طير
ما دام غيرك للـ [ معاليق ] ما لاق

في واحد وعشرين هجري , أنا غير
شقَّقت , من دفتر أحاسيسي أوراق

:

[الدووووخي]

:

[ 22 ] ..
:

لا تناقشني ,, ولا يطول [ الجدال ]
يا غلط , متغلِّف بـ كلمة " صحيح "

التفاهم .. بيني وبينك ,, مُحال
لا مريِّحني .. ولا إنتَ , مستريح !

يا تعلِّمني المشي ,, وأصعَد جبال
وإلا إسكِت ... لا تعلِّمني , أطيح !

إما تمسَح هـ الدَّمِع لو يوم سال
وإلا إتركني .. على كيفي أصيح

لا تجاوب عن سؤالي , في سؤال
لا تذمني .. وما أبي منِّك ,, مديح

ما فهم قلبك ..؟
أبضرب له مثال :
.. الصراحه
" إنت واحد مو صريح "

:

[الدووووخي]

[ 23 ] ..
:

هذا قلبي وهذا نبضي
صاحي مثل أوَّل ضميري

في غيابك وين حظي ؟
وأوِّلي " يشبهـ " أخيري

بسألك وشلون أرضي ؟
هي تَعَب , عمري وخيري

كيف أنا ويَّاي بعضي ؟
وبعضي الباقي لـ غيري !

العُمر ,, أيَّامه تمضي
وفـ السما ما شفت طيري !

السنه ماأبيها تقضي
وإنت [غايب] يا عشيري

:

[الدووووخي]

:

[ 24 ] ..
:

مو ضروري ..
أسْمَعْ أعذار الوداع
قلبي في حُلو الحَكِي لا تِخدعه

فِكرة غيابكْ تِجي بليَّا إجتماع
وين ما طيشك يسافر تتبعه !

وإنت رايح خذْ أساليب الخداع
وهم لا تنسى .. جميع الأقنعه

جيتني ناوي .. رحيلك بإندفاع
وإنصدَم قلبي , مِنْ اللي يسمعه

سَدِّدْ جُروحِكْ وأنا مِنِّي الدفاع
طِفِّي أفْراحِي .. وحِزني ولِّعَه

مِنْ كلامك كِلْ شَيْ أغْلِيهْ ضاع
وإنتَ في إيدكْ .. تِشِدْ الأمتعه

ليه نِتْلاقى..؟ وتِخليني بصراع
يعني قِصْدِكْ قلبي جَاي تودعه..؟

رُوحْ .. مُو إلاَّ إنتِلاقى بالوداع
خَلْ قلبي لِكْ .. ما أبي ترجعه

:

[الدووووخي]

[ 25 ] ..
:

حبيبي والزمن يرقص , على جرحي وإنت بعيد
وجيت من الشتات أسأل بعد جرح الزمن وينك ؟

أنا ما جا على بالي غيابك ,, إنت بـ التحديد
عنادك .. ليش ضيَّعني ..؟ وقف ما بيني وبينك

لك الله , كل ما أضحك ألاحظ هـ الجروح تزيد
حبيبي ضحكتي صعبه علي , وسهله بـ إيدينك

أقول إن الأمل باكر ,, يجي بكره بجرح جديد !
ورغم كل السنين اللي مضت لي .. تكرم سنينك

أنا ما جيت أبي منِّك , بعد جرحك .. تفك القيد
أبيك تحس في ( قلبٍ ).. رفض ينساك ويدينك

إذا يرضيك , تستقبل بدوني فرحتك بـ " العيد "
شسوي بـ قلب متعوِّد يشوف العيد , في عينك !

إذا عادي الزمن يرقص على جرحي وإنت بعيد
على هذا البرود اللي تعيشه [ الله يعينك ]

:

[الدووووخي]

[ 26 ] ..
:

مدخل :

من المفروض يزعل ويتضايق ؟
[ أنا ] ,, لكن فراقك ما أطيقه
إذا تصبر .. على بُعدي دقايق
أنا ما أقوى , على بُعدك دقيقه !


:


كنت أشوفه في حياتي كل شي
الهوى والماي وأكثر من وطن

كنت ميِّت فيه , وفيني كان حي
بأختصر كل الحكي عين وجفن

هو جرحني وكنت أظن قلبه علي
ياحسافه ضاع عمري بكنت أظن !

صدمتي ,, ياقوَّها ما هي شوي
وما يعبِّر .. عن معاناتي ( حزن )

( روح في فالك ) كلام وقاله لي !
كني شفت الموت ,, وكلماته كفن

:

مخرج :


كنت هادي ..
ومن هدوئك كنت خايف
كنت عادي ..
لا شعور ولا عواطف
وقتها حسيت إن هذا الهدوء
مستحيل يكون ما يسبق عواصف

صاب ظني .. ليت ظني كان خايب
غاب صوتك .. وإبتعدت وصرت غايب .. !
غبت عني ,, وغابت أفراحي معاك
ليه غبت وكيف .. ما عدنا حبايب ..!

:

[الدووووخي]

[ 27 ] ..
:

http://www.shathaaya.com/poem/folders/0022/a-8.jpg

:

( 20 ) ( + ) ( 7 ) هو كم , ( = )
وش يطلع الناتج أبي تَحْسِبْ الحين ؟

[ سؤال ] .. ماهو لغز وإلا غطاوي
شاطر عرفت الحل : سبعة وعشرين

للحين قادر ..! عـ المفارق وقاوي ؟
عفيه على قلبك .., حبيب الملايين

منتَ على النيَّه .. ولا إنتَ حياوي
عايش حياتك , في غيابي بو قلبين

لا تقول : ما أدري ولا كنت ناوي
إلعَب على غيري و عندك كثيرين

ياما وياما .. راح أشوف البلاوي
دام إختلط في دنيتي الشين بـ الزين

:

[الدووووخي]

[ 28 ] ..
:

ماهي يوميَّات , أكتبها و أروح
هي مواقف .. عشتَهَا يومٍ بـ يوم

مرَّه عن فرحه ومرَّه عن جروح
مرَّه من راحه , ومرَّه من هموم

إسمَع اللي لك بقوله في وضوح
صوم عنِّي مثل ما عنِّك : أصوم

خل في قلبك سوالف ,,, لا تبوح
بس في هذا الشهر , خلِّك كتوم

شوفتي بـ النسبه لك خلْهَا طموح
وصوتي ممكن تسمعه عند اللزوم

عفيه عـ الشاطر أبي عنِّي تروح
وعن وجودي عوِّد عيونك تصوم

:

[الدووووخي]

[ 29 ] ..
:

من رُبع قرن وعليها ,, كم عام
نفس هذا اليوم .. من هذا الشهر

أطفي شمعه بـ آخر أيَّام الصيام
ويكتمل في عيد ميلادي " القمر "

[ 11 / 10 ] ,, وما فيها كلام
لازم أكتب ,, هذي الليله شعر

إنولدت بنفس هـ الساعه تمام
يعني من صغري أنا غاوي سهر

يا عيوني تسمحي لي ما أنام ؟
القصايد ماتْحلا غير " الفجر "

كيف ما أصبح مُمَيَّز في الأنام ؟
ويوم ميلادي قبل [ عيد الفطر ]

:

[الدووووخي]

[ .. ] ..
:

[ الجمر ] .. مهما طال وقته يرمِّد
وإذا طفت ناري أمانه .. إعذروني

كتبت ,, وغيري من وجودي تجمَّد
وكلَّه عشان ( عيونكم ) , صدّقوني

ما أتْعمَّد أخسر شخص لو هو تعمَّد
وكثير من حولي خطوا وخسروني !

لو جا رمضان الجاي من غير " أحمد "
أقل شي .. بـ الخير , بس إذكروني

[الدووووخي]

:
اللـه يفعل كل شي ,,, إن شاء
والشاعر اللي يصنَع : الجمهور
أسْمَاء , مَرَّتْ وإنْمَحَتْ أسْمَاء ..!
والقلب لو يخطي , ترى معذور
واللـه صارت لي ,, كثير أشياء
ومن هذي , " الدنيا " أنا مبهور
مو كل قصيده , تستحق إطراء
ومو كل شاهد إن شَهَد مو زور
بعض القصايد للـ صحاري ماء
تروي الضماير , ما عليها قصور
والبعض الآخر للـ مُتابع " داء "
لا فِكْر .. وحتى وزنَهَا مكسور !!
واحد يقدِّم .. حُبَّه لي بـ ( إناء )
وواحد يمثِّل لي ,, وعاش الدور
أصحاب كانوا وأصبحوا أعداء !
والحظ ما قصَّر بعد , [ مشكور ]
والغايب اللي من بَعَدها " جاء "
زعلان منِّي .. وخاطره مكسور
( سَافَر ) وضاقت فيني الأجواء
وأدري حبيبي عـ السفر مجبور
أموات كنَّا وبـ الإسم : أحياء
مقهور في غيابي , و أنا مقهور ,
في غيبته [ قلبي ] غدى أجزاء
بُعده ظلام ,, ورجعته لي نور
أسْمَاء غابت , وإرجَعَتْ أسْمَاء
والقلب إن حبْهَا .. ترى معذور
:
تعليقات الزوار ( 15 )

[الدووووخي]

:

كل يوم قلبي يفكِّر , داخل الـ " حصَّه "
يا إستاذة الحُب وش تفسير أحلامي ؟

فيني من الحظ .. يا , إستاذتي : غصَّه
خِتَمْت كل " الدراسه " بمنهَج آلامي

ياليت بعضي معاي و عندي الفرصَه
أنساها , وأقدر أعيش فـ باقي أيَّامي

في فَتْنِي [ البنت ] هذي حيل مختصَّه
من أعلى راسي لأسفل واطي أقدامي

تدخل حياتي , بلا إستئذان أو رخصَه
حتَّى ولو هي سبايب / جرحي الدامي

يا إستاذه .. قولي لها الشَّعَر لا تْقِصَّه
طويل يبقى , وقولي لـ عينها : نااامي

القلب نصَّه غلا والـ " ها " في نصَّه
يعني [ غلاها ] على النصين مترامي

تسرق قلوبٍ ولكن ماهي بـ ( لِصَّه )
غريبه .... لكنَّها تستوطن أوهامي ..:

في عينها تقول : تسمَح لي بهالرقصَه ؟
ومن [ وجهها ] صرت ألمَح كل إلهامي

يغار قلبي عليها ,,,,, وإفهموا القصَّه
ما أبي يسولف معاها .. شخص قدامي

:

[الدووووخي]

http://el9ane3.jeeran.com/photos/996137_l.jpg

:

تعال الشوق دمَّرني حبيبي والصبر ذايب ..
______ حطبت الحُب من قوّة غيابك و إنكِسَر لي فاس !

تعال وقول يا ماخذ جميع أشيائي وش جايب ؟!
______ ترى ملّيييت من حبر القلم و معاند القرطاس !!

عيونك نامت بـ عيني وظنِّي للأسف / خايب !!
______ أظن ترجع وما ترجع أظن وما يجيني نعاس !

أنا ما قلت لك مخطي ولا هم قلت لك صايب
______ أبيك الحين ترجع في حياتي .. شمعة الجلاس !!

مريض وأرفض الراحه لأنك لو تجي طايب ..
______ علاجي بس لو أسمع من لسانك [ عسى لا باس ] !

أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!


:

http://www.shathaaya.com/vb/images/smilies/i.gif

[الدووووخي]

1 ) :

كِذَبْ .. من قال : مـا أحبك .! , وفيني ( ما أظنَّه ) حس ......
كأنه حْبَّنا : جيشٍ كبير : وحضرته / جاسوس !!

حبيبي . . .
طالبك لقِّن عذولي , و , حاسدي كم درس .....
أبي ترجع و تقراني من " عيوني " بلا قاموس ,

يا غالي . . .
وش تبي أكثر ؟ يا (( سادس )) هـ الحواس الخمس !
فراقك حلم أزعجني ويجيني دوووم هـ الكابوس ,

غيابك : ليل : يا وجه القمر , وإلا , يا طهر الشمس .....
سواد / وظلمةٍ عيَّى يفيد ..... ويضوي الفانوس

كِسَرني البُعد , و , أشواقي !! رغم إنِّي " عزيز النفـس "
حبيبي . . .
كل ما أنسى ! يذكرني بك الطاووس

[الدووووخي]

http://el9ane3.jeeran.com/photos/1060940_l.jpg

:

ما أبي من زود حُبي .../ أربكك !
_______ لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
_______ أدري إنِّك واقع / وتطري البيوت ..

يا عيون الريم وشلون أشبكك ؟!
_______ من يشوفك قال : ما شا الله توت ..!

إنت فكره و ماني قادر أحبكك
_______ فوت في قلبي .. بلا إستئذان فوت !

في حياتي ,, صرت دايم ( أدركك ) !
_______ أشبعك وأجوع لك وأعطيك " قوت "

لو طريقك يتعِب القلب أسلكك
_______ بعد صوتك ما يعوِّض أيّ صوت !!

أدري يا قلبي .. غيابه / يهلكك ..
_______ داخلك عايش .... وفي حالة ثبوت !

كيف أعبِّر عن شعوري و " أملكك " ؟!
_______ خايف أتكلَّم .. يداهمني .. السكوت !

لو يقولوا .. [ يا أموت أو أتركك ] ....؟!
_______ والله إنِّي من غلاتك .. راح أموت !!

[الدووووخي]

( 2 ) :

موَّت غيابك سوالفـ في [ حشاي ] !
كيف ترضى غيبتك تقسى علي ؟!

ماني متخيِّل أشوفك مو معاي !
ياللي تسوى في عيوني " كل شي " !

الشتا , فرقى عيونك يا دفاي !
ما يموت الحُب ونبض القلب حي !

[الدووووخي]

[ ممنوع ] ..!


:

تعال , دامه [ صعب ] قربك / دخيلك
وإلا السهل من حضرة الحُب ما أبيه
أقول أبيك ,, وقلت : ممنوع أجي لك
ما تدري كل ممنوع / لي رغبةٍ فيه

:

http://el9ane3.jeeran.com/MmNo3.jpg


[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )

[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .

[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك

[ ممنوع ] أقول : القلب / شيٍ يعيقه
قهوة ( ظروفي ) .. حَلَّهَا , زعفرانك

[ ممنوع ] أقول إنَّ الزمن ما أطيقه
لأنه زماني صار " صدفه " زمانك !.

قلبي ( ذَهَب خالص ) , وحُبك بريقه
وكل ما أسوِّي في حياتي [ عشانك ]

دام .. المشاعر .. يا حبيبي , رقيقه ؟
و القلب خان أحبابه اليوم / .. صانك .

بردان ؟؟ شبّ إحساس " قلبي " حريقه
إدفا عسى تكسب ( دفاك , و رهانك )

" سيفك " إذا خان الرفيق بـ رفيقه ,
يعني أشيلك , لو تعثَّر .. [ حصانك ] .. .

لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :

دام " القوافي " في بحورك ../ غريقه
( شاعرك ) يبدع و إنت إطلق عنانك

بـ أكتب قصيدي فيك وهذي الحقيقه
ياللي تِهِز [ أبيات شعري ] .. كيانك

:

مسموح كل إنسان يقرا المعاني
لكن شعور القلب يا ناس محفوظ
ما قلت من ( حظَّه ) لأنه لقاني
أقول أنا من يوم ألاقيه : محظوظ


:


http://shathaaya.com/vb/images/smilies/i.gif

[الدووووخي]

:


{ .. مدخل ,



http://up.eqla3.com/up/get-1-2008-g7dcbz0y.gif (http://up.eqla3.com/up)






,/ الشاعر ( أحمد الصانع ) ..

http://up.eqla3.com/up/get-1-2008-akxm8w2h.gif (http://up.eqla3.com/up)


. * . * . * .


http://up.eqla3.com/up/get-1-2008-47yaq2e6.gif (http://up.eqla3.com/up)

ما أبي من زود حُبي / أربكك !
لمَّا تسألني أحبك ؟! قلت " أموت " !!

إنت مثل " الحلم " ولمَّا أمسكك
أدري إنِّك واقع / وتطري البيوت

يا عيون الريم وشلون أشبكك ؟!
من يشوفك قال : ما شا الله توت ..!

إنت فكره و ماني قادر أحبكك
فوت في قلبي / بلا إستئذان فوت !

في حياتي , صرت دايم ( أدركك ) !
أشبعك وأجوع لك وأعطيك " قوت "

لو طريقك يتعِب القلب أسلكك
بعد صوتك ما يعوِّض أيّ صوت !!

[الدووووخي]

http://up.eqla3.com/up/get-1-2008-johaekdh.gif (http://up.eqla3.com/up)

جديده لعبتك , هذي !
رجُوعك ليه أبي أفهم ؟!
ترى ما جيت في وقتِك
,/ أنا مُو حاسِب حسابك

نسيتك أو تناسيتك !
.. ( دخيل الله ) لا تهتم

وأبشرك !
وجه أحزاني ضحك لي
. . . . . . . . , وإنقفل بابك

. . وبسيطه }
جات مِن صالح حياتي / طعنتك , للعلم
قريتك وإستفد قلبي مِن المضمون .. بكتابك

[الدووووخي]

http://up.eqla3.com/up/get-1-2008-xag2ii52.gif (http://up.eqla3.com/up)

صدقيني حيل .. [ أحبـك
. . . . . والوعـد يوم القيامه
ويل من هو كان يكْذِب
. . . . . وكانت ذنوبه جريده

إتركيني لجل عينه ..
كان لك حُبه إبتسامه
المهم إنك تكوني يا بعد ( .أحمد. ) سعيده !

إنسي اللي صار كله
وصيري له منبع هيامـه
وإن ذكرتيني بغيابي
قولي عن روحـي فقيده !

ما أبي من قلبك إلا / طول عمره والسلامه
~ خَلِّي بالك من زمانك دنيتك هذي عنيده ..

[الدووووخي]

http://up.eqla3.com/up/get-1-2008-udkhwwqk.gif (http://up.eqla3.com/up)

المشاعر من غيابك يا دفا إحساسي
. . . . . . . . . . . . . . . . . , جليد !
طحت من عيني لـ / قلبي
وما قدرت إنِّي أشيلك !

يشهد الله ..
من رحلت وفي حياتي ، لا جديد ..

وكل ما ألمَح سرابك ..
,/ أرتِبِك
الله وكيلك !

[الدووووخي]

http://up.eqla3.com/up/get-1-2008-w1pzs4oa.gif (http://up.eqla3.com/up)

تصدق حيل أنا تعبان
. . . . . . , ولكن ( ماأبيِّنلك ) !
أبيك تحس من كيفك . أنا مابي ألمِّحلك ,

ترا المفروض تتكلَّم ؟!
,/ عن اللي فيني تسألني . .
إذا إنت إنسان ماتفهم , شسوي فيك علمني ؟!

بديت أخاف أنا منك ,
أحس إنك سهل تنسى !
شقول أكثر بعد عنك / وإنت من الصخر ( اقسى ) !

أنا غصبٍ علي عايش
. . . . , غصب متحمِّل طعونك
يجيني سهمك الطايش و أضمه لـ خاطر عيونك !

[الدووووخي]

http://up.eqla3.com/up/get-1-2008-7lck7p3o.gif (http://up.eqla3.com/up)

حالتي صعبه / بدونك ..
وكيف حالك يا بعيد ؟!
أشتكي منِّك إليك ..
ومن جروحي , أشتكيلك !

والله ما قصرَّت فيني بس ..
,/ ودِّي لو تزيد !

يعني " إذبحني "
وكمِّل يا بعد قلبي / جميلك !

[الدووووخي]

http://up.eqla3.com/up/get-1-2008-q4uv5dd9.gif (http://up.eqla3.com/up)

قلتي ..
" أحبك "
من بعيد و . . . . ضعت
شوفي عاد , لو من قريب ؟!

ما تغيب أحلام قلبي في وجودك
لك أسلِّم نفسي , أربطني بقيودك

جابك الله ..؟
مدري لي جابك نصيب !
المُهم أسمع / " أحبك "



http://up.eqla3.com/up/get-1-2008-k3cmr764.gif (http://up.eqla3.com/up)

[الدووووخي]

http://up.eqla3.com/up/get-1-2008-7lck7p3o.gif (http://up.eqla3.com/up)

حالتي صعبه / بدونك ..
وكيف حالك يا بعيد ؟!
أشتكي منِّك إليك ..
ومن جروحي , أشتكيلك !

والله ما قصرَّت فيني بس ..
,/ ودِّي لو تزيد !

يعني " إذبحني "
وكمِّل يا بعد قلبي / جميلك !

[الدووووخي]

مــدخــل{

من يحب إنسان ناقص ؟
ما معاه إلا " الجروح "
إنت في الغيبات راقص !!
وآنا [ موتي ] من تروح !



http://www.7c7.com/vb/imgcache/b480f2d56373fe7e9bf94d859b603506.gif (http://www.moq3.com/img/)

شــاعر آعشـق كــلمــاته

فــا أحببت ان تشــاركــوني

تذوقــها

http://www.7c7.com/vb/imgcache/6aab634f0f59bd3887dae93cc6324ca8.gif (http://www.moq3.com/img/)


...مــوَّت غيـــاابك ســـوالف !...




تدري وش سوَّى غيابك ؟!
مـوَّت غيابك سوالف ..!


ما يخوِّفني زماني
بس من فرقاك خايف ..!


فجأه أصحـى ومـا أشوفك ..
لا تهددني ... ظروفك


إعتبرني .. حلم / واقع
وإلاَّ ظلٍ ما يطوفـك


ضاميٍ عطشان .. جيتك
لا يعشمني سرابك ..!


تسمح بكلمه ؟! بغيتك
قبل لا تبدي غيابك ..!



/

/
.
.

تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ كيفكْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بكيفكْ جروحي

وإشْطبْ آمالي وطموحي
وإعْتبرْ قلبي كتابكْ !!


/

/
.
.
تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!



/

/
.
.
تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت

/

/
.
.



مــخرج }
ما رضى قلبي جروحك
ليه ترضى لي جروحي !
إنت " أحزاني " طموحك !
وآنا أفراحك [ طموحي ] !!

[الدووووخي]

••



http://www.mr-adobe.com/vb/uploaded/8033_11200592662.gif (http://www.mr-adobe.com/vb)


ما أبي من زود حُبي .../ أربكك !
_______ لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
_______ أدري إنِّك واقع / وتطري البيوت ..

يا عيون الريم وشلون أشبكك ؟!
_______ من يشوفك قال : ما شا الله توت ..!



••

[الدووووخي]

http://www.mr-adobe.com/vb/uploaded/8033_11200593586.gif (http://www.mr-adobe.com/vb)


موَّت غيابك سوالفـ في [ حشاي ] !
كيف ترضى غيبتك تقسى علي ؟!

ماني متخيِّل أشوفك مو معاي !
ياللي تسوى في عيوني " كل شي " !

الشتا , فرقى عيونك يا دفاي !
ما يموت الحُب ونبض القلب حي !


••

[الدووووخي]

http://www.mr-adobe.com/vb/uploaded/8033_11200593667.gif (http://www.mr-adobe.com/vb)



قلتي ..
" أحبك "
من بعيد و ....... ضعت
شوفي عاد , لو من قريب ؟
ما تغيب أحلام قلبي في وجودك
لك أسلِّم نفسي , أربطني بقيودك
جابك الله ..؟
مدري لي جابك نصيب !


••

[الدووووخي]

http://www.mr-adobe.com/vb/uploaded/8033_11200593753.gif (http://www.mr-adobe.com/vb)



إختلفنا
وماعرفنا شنهو الراي السديد ..
يا تضحِّي في عنادك ..!
أو أضحِّي في سبيلك !

ليه كل عيد إنتْـفارق ؟!
صرت أكرَه كل عيد !
وإنتْـ فارق .. في [ غلاتك ] ..
وقلبي ما عنده مثيلك !

[الدووووخي]

••




http://www.mr-adobe.com/vb/uploaded/8033_11200593847.gif (http://www.mr-adobe.com/vb)



[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )

[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .

[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك


••

[الدووووخي]

••


http://www.mr-adobe.com/vb/uploaded/8033_11200593941.gif (http://www.mr-adobe.com/vb)


فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذاني المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]


••

[الدووووخي]

••


http://www.mr-adobe.com/vb/uploaded/8033_11200594009.gif (http://www.mr-adobe.com/vb)


قالوا ( بلادك ) قلت قلبه : بلادي
يعني أحبه ومن دواعي سروري

قالوا الركاده قلت مجنون : غادي
عقلي يحبه , ورايكم مو ضروري

قالو تبيه ..؟ وقلت حتَّى : فؤادي
طاريه دهن العود .. وطيفه بخوري

آنا بـ وادي وهـ الخلايق بـ وادي
أغيب عن هـ الناس أخفي حضوري

••

[الدووووخي]

••


http://www.mr-adobe.com/vb/uploaded/8033_11200594177.gif (http://www.mr-adobe.com/vb)


لي الله صرت لطعوني ( هَدَفْ ) ولطيبتي الرامـي
أنا [ لا طاعني هذا الزمـان ] , ولا بعـد طعتـه !!

حبيبي صَعبه أتحَمَّـل جُروحـي وعظَّـة إبهامـي
قضى صبري وكل حَـلٍ عشـان الحُـب ؟ جرَّبتـه

إذا لِك يُوم مِتضايـق ..؟ أنـا الضِيقـات أيامـي
وإذا لِك يُوم تذكِرنـي ..؟ أنـا النسيـان زعَّلتـه



••

[الدووووخي]

••



http://www.mr-adobe.com/vb/uploaded/8033_11200594271.gif (http://www.mr-adobe.com/vb)


أنا عقلي على درب الجروح فـ غيبتك سايب ..!
______ أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
______ تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
______ أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
______ أنا من وين ما أطالع , أشوفك إنت كل الناس !!


••

[الدووووخي]

••


http://www.mr-adobe.com/vb/uploaded/8033_11200594519.gif (http://www.mr-adobe.com/vb)


تعبتْ / وما صِدَقْ حَظي وفوق الهم أشيل .. الهَم
صغيرٍ في العمر آنـا .. وكبيـره حيـل مأساتـي

محدْ يدري عن أخباري , محد ../ في دنيتي مهتم
وحيدْ أمشي مع همِّي وكبيرْ " الحزْن " فـي ذاتـي

سِمَعْ قلبي عَنْ الراحَه { واهيَّه مِنْ الوهـم } أوهم
أعيشْ آنا بوسط واقعْ .. نهاياتـي فـي بداياتـي


••

[الدووووخي]

••



http://www.mr-adobe.com/vb/uploaded/8033_11200594591.gif (http://www.mr-adobe.com/vb)


ليه أحبك وأدري إني في بحر غدْرك غريـق ..؟
وليه أتصفّح حياتـك؟ دام عذّبنـي الغـلاف ..؟

إن عشقتك صدقيني كني عاشقْ لـي حريـق !!
الحَطبْ عمري ..{ وناركْ بس تاكلْ ما تخـاف }

قلبي إختـارك وجيتـك / طايـرٍ حـرٌ طليـق
ما ملا غيرك عيونه .. وياما , في دنياه شاف

إحتمَل قلبي وجودك وإحترى يصبح عشيـق
ما لقا فيك المزايا وإسمحي لـه " الإنصـراف "

[الدووووخي]

••


http://www.mr-adobe.com/vb/uploaded/8033_11200594669.jpg (http://www.mr-adobe.com/vb)


••




مسموح كل إنسان يقرا المعاني !
لكن شعور القلب يا ناس محفوظ
ما قلت من ( حظَّه ) لأنه لقاني
أقول أنا من يوم ألاقيه : محظوظ

[goree]

http://el9ane3.jeeran.com/photos/1260465_l.jpg

:

إللي علَّمني " الوقوف " أشوى ما و..صـا/حبي
_______ و إنت واقف ليه تَحْبي ؟ آخر دروبك : رجوله !

كنت ساكت . . . لين جرحي من إيدينك . . . صـاح/بيّ
_______ و الله مو لايق عليك , تلبس ثياب الـ [ رجوله ]

بسألك .. قبل النهايه يا مُمثِّل ( صاحبي )
_______ إللي مثلك كيف يخدع ؟؟ والأوادم يخـ - رجوله !!

:

[goree]

:

لك بقول إللي بقوله .... و أنتـَ حر !
.............. ( ما لفت " غيرك " من الناس / إنتـباهي )
يا [ أحبك موت ] . . . و إلا [ أنتحر ]
.............. يعني إفهَم , يا بشر إن إنتـ : بـاااهي !! .

:
http://www.shathaaya.com/vb/images/smilies/i.gif

[goree]

http://el9ane3.jeeran.com/photos/1266928_l.jpg

:

يا ضمى " غيري " أشوفك / إنتـــ ! مائي .
.............. و إللي ودَّه ( ياخذك ) ؟ ياكل هوى
يا وطن . . . أعلنت حبي , و إنتمـائي
.............. و دنيتي : تفداك : يا - كل الـ هوى .... !

:
http://www.shathaaya.com/vb/images/smilies/i.gif

[goree]

http://el9ane3.jeeran.com/photos/1271253_l.jpg

:

- كتابي .... غيرها محدٍ ( قرا / به )
................. مريض إن جيتَها ؟ ألقى , " الدوا " : هي
تسولف لي عن [ جروح الـ قرابه ]
................. ! سواهي تحتَها . . . تلقى . . . الدواهي !

:
http://www.shathaaya.com/vb/images/smilies/i.gif

[goree]

http://el9ane3.jeeran.com/photos/1293124_l.jpg

:

إيه – شاعر . تعشق الكلمة : حروفي :
و المشاعر ما بكت ! إلا بـ قصيدي ,
من خلقني الله و أنا .. [ حرّ / و وفيّ ]
لو " صبع " إيدي ( غدر ) ؟؟! آآ قصـ إيدي !

:

http://www.shathaaya.com/vb/images/smilies/i.gif

[goree]

http://www.shathaaya.com/poem/folders/0022/0-64H.jpg

:

يا قلبي ........ شفت هـ الدنيا . ترى فيها " حزن " و / أفراح
و كل واحد على كيفه ! { يحس } بـ أحزانه و أفراحـه ......
هذا . . إللي ( منصدم قلبه ) وقال بـ حسرته : [ أففــ رااااح . ]
و . . . ذاك إللي بعد ( مايروح عنَّه ) يقول : - أففـ راحـه !! -

:
http://www.shathaaya.com/vb/images/smilies/i.gif

[goree]

http://www.shathaya.com/poem/folders/0022/088-999.jpg

:

- كيف " أحللها ! " على نفسي و ..... هي
: طاهره : و تِحْرَم على ( كل الوجود )
ليتها الدنيا على ماتشتـ/هي . . .
من كثر ما تدعي في [ وقت السـ جود ]

:

http://www.shathaaya.com/vb/images/smilies/i.gif

[goree]

http://www.shathaya.com/go/dir/22/0-97T.jpg

:

نعم ....... . دوّختني !! , قول : اشبلاهم ؟! :
" ترى " الراحه " من الحسَّاد ( راحت ) .... .
أبيك , الحين تسكِت - أششـ / بلا : هم ! -
أنا من وقت . . . عيني . . . ماستـ[ راحت ]

:

[goree]

:

في البدايه .. قلتي : والله إنتـ فاارق
وللـنهاية " درب موحش " , و إختـصرتي .
كان ما دمتي [ حبيبه ] ؟ لا إنتـفارق
يعني لو ما صرتي / حُبي ؟ .. إختـ صرتي !

:

http://www.shathaaya.com/vb/images/smilies/i.gif

[goree]

http://www.shathaya.com/go/dir/22/aLkLmaT.jpg

:

أنا للحين أقول إنك " حبيبي " .. وما أقول ( الحق ) !
وكل ما أحبس الضيقة بـ صدري ؟ - أفرج الكلمات .
أشوف [ الموت ] وما أقدر بـ هاللحظة أقول : إلحق
أنا وقلبي وأحاسيسي . . . عشانك . . . عشنا والكـلـ / مات

:
http://www.shathaaya.com/vb/images/smilies/i.gif

[goree]

http://www.shathaya.com/go/dir/22/.jpg
:

قول الـ ألمـ : سافر
قول الـ ألمـ : طار
كرهت المسافر ؟؟
وش ذنب المطـار !!

:
http://www.shathaaya.com/vb/images/smilies/i.gif

[goree]

http://www.shathaya.com/go/dir/22/aaa4.jpg



" المطر " يا حلوتي - رغبة زهور
والهوى [ يولـه عليك ] .. يداعبك

كل ما عندي من إحساس .. وشعور
من حناني { شيك حب } يداع ـبك

:
http://www.shathaaya.com/vb/images/smilies/i.gif

[goree]

http://www.shathaya.com/go/dir/22/ward.jpg

:

كلام الحق .. من عندي ( وُرَد لك )
أنا زعلان ، خل هذا الـ ( وَرِد لك )
نجوم الظهر طلّعها . . ( وَرِد لك )

أمانه - روح ... لا تسأل عليّه

أصب فيك الغلا وإنشَق [ جيبك ]
خذيتك ؟ عافيه ما أقول [ جيبك ]
تجاوبني عن جروحي ؟ و[ جيبك ]
إذا بك زود . . علّمني ( ورد لك )

:
http://www.shathaaya.com/vb/images/smilies/i.gif

[goree]

أموت إن طاح منّك [ مايـ عينك ] ..
وقلبي يحترق لو . . [ مايـعينك ] ..
أحاسيسي شموع و [ مايعينك ] ..
لأنك : نور .. . هـ الدنيا عليّه .


http://www.shathaaya.com/vb/images/smilies/i.gif

[goree]

مدخل :

على طاري . هذاك الباب !
و جرح أقراب ......
و دمعة / طاحت / تسولف
من : الضيقة و : أشق ثياب
أنا ( ما أهاب )
و قلبك ما يهاب " الموت " مثلي ,
[ أجيك أحبـاااب ]
تجي – واحد ! شَرَب فنجال قتلي
...... أصك الباب
تفتح باب !!
تبيني للـ جروح ,’, أحكي ,’,
عن جروحي . . . و عن . . . روحي
وأبكي !
{ ليه ما أبكي ؟! }
مدامك للـ دموع – أسباب !

.


:

http://www.shathaya.com/go/dir/22/aLshmaQ.jpg

:

ما على " قلب " الرسول إلا / البلاغ
و إنت لك عندي ( رساله ) و كلمتين

قلبي المرسل ؟ .. محاك من الدماغ
طحت من عيني !
و طاحت دمعتين .

ما أطوّلها عليك , بْلا صياغ -
هي قصيره بس ! تجرح حبتين

: يوم قلبي ذاب في حبك , و زاغ ..
ليه قطَّعته بـ [ إيدك ] قطعتين ؟! :


ما مسح لي دمعتي غير .. الشماغ ! .
غلطتي ؟ / طيبي , و غدرك / غلطتين

بيت صغته . . . وبيت " لا يمكن " يصاغ
شي كتبته , وشي مكانه نقطتين (..)

قلبك أستخسر عليه اليوم ساغ .... .
وعندي كلك
ما تساوي – بيزتين

آخر حروفي الصدر فيها بـ " آغ "
و إنتهى عجز الصدر فيها بـ ( تين )

إللي فيني الحين ؟ ما جا من فراغ
صدمه .. وحده .. تكفي / ما أبي صدمتين /

ما عليك من الرسول , إلا البلاغ ,
[ صعب تلدغني بجحرك : مرتين ]

:

.


مخرج :


أزفر قليل / وأكثر الوقت أشهق ..!
ولـ كل قلب إنسان قُدره و طاقه
قلبي من أحزاني أشوفه توهق ..!
المشكله بـ إيدي [ نهيت العلاقه ]

.




http://www.shathaaya.com/vb/images/smilies/i.gif

[goree]

المدخل :

أجيك .. أسأل .. أحبك ! .. وإنت ماتدري
أشتاق / أوله عليك / و أكتم أسراري ,

( أراقبك ) من بعييد آحسّك بـ صدري !
أسولف لـ " صورتك " عن : آخر أخباري

أشاورك باللي يطري . و إللي مايطري .
- أشتتك – أجمعك – تتشتت أفكاري !

..... ساعات أزعل عليك و ينكسر صبري
و ساعات ..... أخطي بـ [ حقك ] و أنزف أعذاري ,

بيني وبيني . . . ولادة حبي . . . العذري
عني وعنك ؟ تسولف دايم / أشعاري

ما أبيك تدري بـ غلاك و : ينكشف أمري :
حلاته إني – عشقتك . وإنت مو داري !


.
.

[goree]

http://www.shathaya.com/go/dir/22/a3da2e.jpg

:

المُحال / الصعب , يعني : وضعَنا
إنتثرنا . . . و الأوادم , يجمعون .

يشهد الله , بس ( طمعنا فـ بعضَنا )
يوم خلق الله
بـ - كل شي يطمعون !

يا حبيبي .. هـ التعب , إن هزَّنا ؟؟
بلّغ { أسراب الغلا } ...... لا يجزعون

الفراق .. الضيق , الحظ .. العَنا ,

- الجروح إللي تجي بليّا ( طعون ! )

.. الظروف , الموت , الحزن , الهَنا ..
الدموع .. الصوت / خلْهُم : يسمعون

دام ندري الـ " بُكى " ما فادَنا !

[ ليه ما نرحَم قلوبٍ يدمعون ؟؟! ]

إن بقينا ( ثنين ) . وكل شي – ضدَّنا !
: الصبر . . . كثر الأمل : ما ينفعون .

النصيب / الناس / قسوة وقتَنا :

مو بـ إيدينا هـ الثلاثه , يخضعون

العواذل ........ { عيدهم } بـ فْراقَنا
" فرصة " أعدائي فـ غيابي / يطلعون

راقبونا . . و إتعبوا . . . في قربَنا
و
من يشوفـونا " تصدّق " يفزعون !

- صابنا إللي كاتِبَه [ اللـهُ ] لَنا -
لو مشاعرنا .. حبيبي يفجعون .. !

إنت ((( ضقت ))) فـ غيبتي لكن , أنا : إنَّا للـه . . . وإليـهِ راجعون .

:

http://www.shathaaya.com/vb/images/smilies/i.gif

.
.

[goree]

المخرج :

في دنيتك غصبٍ عن [ الكـل ] : ببقى !
" الموت " أهوَن .... من حياتي بدونك .
خايف عليّ من قسوة الوقت / أشقى ؟!
- مافيه أقسى من ( مفارق ) عيونك -


.

[goree]

" عُذرًا بيروتـــ " ..
....... لسنا رجال ..!!

http://el9ane3.jeeran.com/Bai_30.jpg

:

قُوم دافع ..
الوطَن مِحتَاج صُوتــ
قُوم دافع ..
صارت الساعـه ثمان ..!!

ليه خايف ..؟
قبل يُومك / ما تمُوتــ !
ليه ترجف مِنْ كلامي يا " الجَبَان " ..!

الشجاعه في الفعِل ما هِي سكوتــ
إمسِك سلاحِك .. وخل عندك لسان

( اليهُودي ) كيف مِنْ جنبك يفُوتــ ..!!
يعني راضي فيه . . و مَعطيه الأمان ؟

ليه يأكِل خيرك ويعطيك .. قُوتــ !
وليه صُوت النار أقوى مِنْ الأذان ؟

إيه يا " لبنان " ما عِدْنا بـ شوتــ
كان .. يعني كان . . في ذاك الزمان

[ الطفل ] ما عاد يسْمَع غير صُوتــ
إنفجار .. وطايره .. و مُسلم ( يُهَان ) ..!!

وإنتي صرتي جوهره في بطن حُوتــ
يعني يا " بيروت " ..
الله المُستعان ..!!

:

" العَرَب "
تَبني مِنْ الطِين البيُوتــ
و [ اليهُودي ]
صَار هو راعي المكان ..!

:



أحمد الصانع!

[goree]

http://el9ane3.jeeran.com/briefing_pic2.jpg

:



لا إلـهَ إلا إنتْ .. الحَيْ .. . ومِنَّكْ يرزقون
يا شديدٍ فالعِقَابْ ..ويا غَفُور .. ويا رَحِيم

آنا عَبدٍ مِنْ عبادكْ شِفتْ شَعبٍ يكفرون
أحمدكْ ياربْ وأمشي عـ السِّراطْ المستقيم

المصيبه عَنْ نبيِّكْ يكتبون . .. ويضحكون
ما هو حَيْ الله بَشَرْ .. جَدْ هالموقفْ أليم !!

كيف تتجرأ إيديهم !! كيف صاروا يرسمون :
صورة محمد حبيبك واقِفْ وحُولَـه حريم

قالوا حريَّه ومِنْ يِرسِم .. يِعبَّر عَنْ فنون !
كابروا في هالخطيئه وقالوا فنان ووسيم

وإنتْ عَالِمْ بالخفايا .. وكِل ما لا يعلمون
يا رؤوف ويا عطوف ويا عزيز ويا حكيم

يومْ شِفتْ إنِّ النصارى في نَبيِّكْ يسخرون
ضاقتْ الدنيا وقِلتْ : إستغفر اللـه العظيم

قاطعوهم .. يا جماعـه جِعْلهم ما يفلحون
وفي جَهَنَّم يا عسى مِنْ يتْبَع الكافِـرْ يقيم

القَهَرْ بَعضْ الآوادِمْ كِنَّهُمْ .. ما يشعرون
سَاكِتِينْ ! ومِنْ سِكَتْ عَنْ حَقْ شيطانٍ رجيم ..!

:




أحمد الصانع!

[goree]

http://www.alqnas.com/vb/attachment.php?attachmentid=110973&d=1194194785



إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي ..
ما اخونك لو تجافي
ما هو آنا اللي إن ضاقت
علي الدنيا / خنت

[goree]

http://www.alqnas.com/vb/attachment.php?attachmentid=110972&d=1194194638




إنتَ [ أكثر ] مِنْ حبيب
إنتَ لي .. معنى ( وطن ) ..!!
يعني مِنْ غيرك " غريب "
ما أساوي .. أي ثمن..!!
وإنتَ أقرب مِنْ / قريب
[ رمش ] وشعوري جفن
ولما عَن عيني .. تغيب
لا مدينـه .. ولا سكن..!!
مااااتــ .. إحساسي العجيب
وصرت أبحَث عَن كفن.!!
ما هو كل جرحٍ يطيب
وما هو كل حزنٍ : " حزن " ..!!

[goree]

عليك شلون ما أزعل؟
وتسوِّي أشياء تجرحني !
تضايقني بـ أفعالك ..
وتظن إنِّك مفرحني ؟
تسوِّد وجهي بـ طعونك ..
وتبيِّض ( وجه ) أحزاني ..!
[ ياليت ] اللِّي حصل منِّك ..
حصل من واحدٍ ثاني !
مثل غيرك ومنتَ غير ..
جرحت جروح ما طابتــ ..!
هقيته فيك يطلـع خير ..
ولكن هقوتي " خاااابت "
صدمني الكل ..
ومو ناقص !
بعد منِّك تجي صدمه
تحطْها بذمِّتك ( عادي )
وسيعهـ صارت الذمه !
بسيطه كانت أحلامي ..
توقعتك تحب لي الخير
وتدوِّر .. راحة أيَّامي !
وأشوف إن الحقيقه غير ..
تحب الخير لـ جروحي ؟
حبيبي الوقت ما قصَّر
وكلمة حق .. يا روحي :
( جميع الناس تتغيَّر ) !!!

[goree]

تدري وش ناتج غيابك ؟

زادت بـ قلبي الهموم !


[ الفَرَح ].. عنِّي مسافر

وحزني ضيفي كل يوم


صرت أسأل

صرت " ضايع "

حلم هذا أو حقيقه ؟!


كنت شاري وإنت / بايع
به مثل هـ الضيق ضيقه ؟!


عطني من وقتك / دقايق

شوف وش فيني
و روح !


يا حبيبي حيل ضايق
حس مرَّه بـ الجروح


يعني جرحي ما يهمِّك ..!؟
وعادي عندك لو [ أضيق ]


إنسى إنَّ إسمك .. حبيبي

صير لي عون وصديق

[goree]

المدخل :

يحس فيني ... قبل لا أحكي ! ... عن إللي بـ خاطري و فيني
وكل ماجيت أبـ تكلم , عن " الأحزان " ؟ هو / يبكي !

غريبه ! كيف يفهمني ؟ ويقراني ؟ وأنا عيني :
- أغمّضها إذا شفته . . . و أحاول . . . إنّي ما أشكي

عليه شلون أخبّي شي ؟؟ وأشوفه ( حافظ سنيني ) !!
إذا بـ أضحك قبل لا أضحك ...... تسابق ضحكته ضحكي .

لأنه عارف أحوالي قبل لا يسأل [ شـ فيني ]
لزمت " الصمت " في لحظة سؤاله . و أتركه { يحكي .}






.
.

[goree]

.
.



:


قلت .. أبحكي .. ما رأيته .. وما سِمَعتَه للذينه /
يسمعُونِي , و يفهمُونِي , دَام خفَّاقِي كفَلها

" قصةٍ " صَارت و عِبرَه و " نُور دَرب " العارفينه
وإستَحَت ( كِل القِصَايِد والكُواكِب ) مِن خَجَلها

شاعره . لا يُمكِن إنهَا تِعترف مِثل : السفينه
لا بَغَت تغرق ؟ تِكابِر ! حتَّى تتناسَى خلَلها

, السهل فيها صَعَبهَا , وما تبي تِرسى في مينه ,
أبحَرَت رَغم العَواصِف . . . والصَّعَب فِيها سَهَلْها . . .

مِن تِغزَّل ؟ ما عِجَبهَا ... لو مِسَكهَا في يمينه .
ومِن عَرَفهَا ؟ ما فَهَمهَا . لو قراها في غزلْها ...

تكتِب " اللي صار فِيها " و " الجُروح المستكينه "
و القوافي / صَارت أجمَل ! لا بِدى فِيها زعلها /

ولو يكذِّب ؟ ما تِصَدِّق لو يقول إنْهَا : ثمينه
ولو وصَفهَا ؟ مِن خياله ؟ ما وصِفهَا في مثلها ,

تِنْصِدِم لا شافَت إنهَا - هَزَّت قِلوبٍ رزينه
صارت الوردَه ..الوحيده.. و النَّحَل ناوي ( عسلها )

مِن سَألهَا عَن خَبَرها قالت [ أشوى صِرت زينه ]
وإهيَه تدري في النهايه ؟ إنْهَا في قِمَــة مللها !

ما شِكت تكْسر خواطـر . . . وما بِكَت دَمع المهينه . . .
ما رجت { رغـم المصايب }, و إنْعَدَم فِيها جهلها

ويُوم خان الحُب ؟ قالَت : ِيلعَـن الحُب وسنينه :
نفسها نفسٍ - عزيزه و " ما إنوَلَد " مِن هو يذلها

ما بقى للِّيل داعـي .... . بعد ما راحت حزينه
وما بقى للحب معنى . .... بعد ما حُبها خذلها

مِن قِدَر قلبه و جَرَحهَا ؟؟ مِن ذِبَحهَا في إيدينه ؟؟
ما عَـرَف ( " قِيمَة وفاها " ) لِيته والله ما وصلها !

كِلْ شَي فِيهَا . ! يحبَّه ! . و ما تبـي إلا / حنينه
كامله و الكامِل الله يـا كِثِر و الله , خِصلها

... الأصيله يوم صَارت في وسط عينه رهينه ؟؟
قام - يضحَك مِن غلاها عِند ~ كِل اللي عَذلها ~

ويَسرِد القصَّه الطويله ــــ و يقلُب الزينه بشينه !
والخطا ؟ سوَّاه مِنْها . ما رَحَم " طِيبَة أصِلْها "

ولو أحَد عَنَّه سَألْهَـا ؟؟ قالت : الله بَس يعينه :
مـا تبي تحكِي , و تِذِمَه , لو سَألها مِن سألها ,

كانت ( أكبَر ) مِن جحُودَه يُوم عاشَت له سِجينه .
ما خَطَت مَرَّه !! في حَقه و - يا كبر والله عقلها

وكان ( أصغَر ) مِن صِغيرٍ عِندَه سِكينٍ سنينه ...
و لما صارت في إيدينه ؟ مادرى إنِّه [ قِتلها ]

عِزِّتي لِك يا وُفاها ,., مـا رَحَمهَا مِن مدينه ,.,
كِل مِن فِيهَا " جَرَحهَا " و إنطُفَت شَمعَة أملها

ما عطاها الحَظ مَـرَّه .! عَاشَت و مَاتَت / حزينه
والمشاكِل ؟ مـا تِجيهَا إلاَّ مِن { أقرَب أهلها }


:

.
.

[goree]

في البدايه .. قلتي : والله إنتـ فاارق
وللـنهاية " درب موحش " , وإختـصرتي .

كان ما دمتي [ حبيبه ] ؟ لا إنتـفارق
يعني لو ما صرتي / حُبي ؟ .. إختـ صرتي !

[goree]

دام الصداقه مشكله . . .
يا صديقي ؟
خلاص أنا . . .
ما عدت ،
غاوي مشاكل !



قمّة طويق :




http://www.shathaya.com/go/dir/22/kaNaT.jpg



لا تهمّك . .
عيني لو يوم : إغرقت
لأني كلّي - قبل لا أعرفك . . . . ( غريق ) !

كان فيني " روح " كااان وفارقت

الحزن مثل : الحَطَب . . . وآنا الحريق !

كل ما شفت السما فيني إبرقت
تمطر عيوني . . . . و إحساسي رقيق !

إنت وإلا الناس عندي ما إفرقت
وقت أحزاني . . . محد غيري [ يضيق ] !

كانت الفرحه { هنا } وين إزرقت ؟
في طريق أمشي وهي تمشي بـ طريق !

الطعون ضيوف ويوم إنْهَا إطرقت
باب قلبي أفتحه . . . . و ألقى صديق !!

الصداقه شمس . . . ولكن ما إشرقت !
كل ما أبني " رفيق " . . أهدم : رفيق !

ناس ماتسوى على أكتافي رقت . .
وإنت غااالي . . مرقبك : قمة طويق !
إيد غيرك ياما من فرحي إسرقت . . . .
وإنت عااادي . . شف لإيدك وش يليق !!

منت آخر شخص . .
والله :
ما إفرقت !
ومنت أول . . من جرحني ,
لا تضيق !


http://www.shathaaya.com/vb/images/smilies/i.gif

[goree]

[ ممنوع ] أحب غيرك لأن الحقيقه ؟
مـافيه " أحد " يسوى يجي في / مكانك .

[ ممنوع ] أنام إلا بـ هذي الطريقة :
( أنام أنا ويَّاك .. و أحضن حنانك )

[ ممنوع ] أنا أنساك لو في – دقيقة - !
لازم ( أفكر فيك ) , و ( أعز شـانك ) . . .

[ ممنوع ] أسمع : صوت : كل الخليقة ..... .
ويا زين كل كلمه تجي من { لسانك }

[ ممنوع ] أحس إنْ كنت ويَّاي ضيقه
ياللي خدمك الحظ .../ فيني و عانك

[ ممنوع ] أقول : القلب / شيٍ يعيقه
قهوة ( ظروفي ) .. حَلَّهَا , زعفرانك

[ ممنوع ] أقول إنَّ الزمن ما أطيقه
لأنه زماني صار " صدفه " زمانك !.

قلبي ( ذَهَب خالص ) , وحُبك بريقه
وكل ما أسوِّي في حياتي [ عشانك ]

دام .. المشاعر .. يا حبيبي , رقيقه ؟
و القلب خان أحبابه اليوم / .. صانك .

بردان ؟؟ شبّ إحساس " قلبي " حريقه
إدفـا عسى تكسب ( دفاك , و رهانك )

" سيفك " إذا خان الرفيق بـ رفيقه ,
يعنـي أشيلك , لو تعثَّر .. [ حصانك ] .. .

لو خان { كل } معشوق مرَّه عشيقه ؟
: مايخون قلبي لو خطا الكل و خانك ! :

دام " القوافي " في بحورك ../ غريقه
( شاعرك ) يبدع و إنت إطلق عنانك

بـ أكتب قصيدي فيك وهذي الحقيقه
ياللي تِهِز [ أبيات شعري ] .. كيانك

[goree]

http://www.3tt3.net/up4/get-5-2008-3y8t726l.gif








http://www.3tt3.net/up4/get-5-2008-eqfdb5tv.gif


تعال الشوق دمَّرني حبيبي والصبر ذايب ..
حطبت الحُب من قوّة غيابك و إنكِسَر لي فاس !

تعال وقول يا ماخذ جميع أشيائي وش جايب ؟!
ترى ملّيييت من حبر القلم و معاند القرطاس !!

عيونك نامت بـ عيني وظنِّي للأسف / خايب !!
أظن ترجع وما ترجع أظن وما يجيني نعاس !

أنا ما قلت لك مخطي ولا هم قلت لك صايب
أبيك الحين ترجع في حياتي .. شمعة الجلاس !!

مريض وأرفض الراحه لأنك لو تجي طايب ..
علاجي بس لو أسمع من لسانك [ عسى لا باس ] !

أنا عقلي على درب الجروح فـ غيبتك سايب ..!
أنا فيني التعب عايش من رجولي إلين الراس !!

قوي قلبي ,, ولكني أحس / بـ غيبتك هايب !
تخيَّل كل ما أصبر على غيابك , تضيق أنفاس !!!

أتوب شلون عن حُبك وغلاك بداخلي شايب ..؟
أحبك كل يوم " أكثر " وفيني لك كثير إحساس !

حضورك كان في قلبي جميع الوقت يا غايب ..
أنا من وين ما أطالع , أشوفك إنت كل الناس !!

[goree]

http://www.3tt3.net/up4/get-5-2008-0wmnykcw.gif

شِرَق هذا الفراق اللي كِسَرني حزَّة غروبك
بغيتك وإستحَت عيني من الغلطات صدقني !

كتبتك من قبل لا تجرح الكلمات مكتوبك ..
إذا عندك عذر باقي على التقصير إعذرني !!

كثير الهَم متعوِّد علي .. وإنت يا دوبك
وكافي الحزن لو عنَّه أغيب أيَّام " يفقدني " !

حبيبي ليه متضايق وعلي متغيِّر إسلوبك ..؟
يبيِّن لو سِكت قلبك .., بأنْهَا ضيقتك مني

غيابي كان مو بيدي خذاني الحظ من صوبك !
وقلبي هذا هو حظه غريبٍ , من صغر سني ..

أبيك وما أبي غيرك .. وتأكد قلب محبوبك
جبره الوقت يتناسى لأجل بالخير تذكرني

إذا ردَّت علي أبقى معاك وثوبي من ثوبك
ولكن [ الزمن ] .. لمَّا أقرِّب يبعدك عني !

غصب رايح ولا برجع لأني أبرز عيوبك
حرام إنَّه يجي واحد يلومك من كثر " حزني " !

ترى ما رحت من كيفي عشان أتحمَّل ذنوبك
أنا شفت الزمن ناوي علينا وقلت له : خذني ...!

واذا قالوا : رَحَل عنِّك حبيبك ، فتِّش جيوبك
تطمَّن قلبي بـ جيبك حبيبي لا تدوِّرني !

لذلك قلت في نفسي أبي أبعد عن دروبك
تأكد غيبتي هذي عشانك إنت ... صدّقني !

[goree]

http://www.3tt3.net/up4/get-5-2008-l3nnzmp5.gif

قلتي :
" أحبك " ..
من بعييد و ...... / ضعت !
شوفي عاد , لو من قريب ؟؟

ماتغيب
أحلام ( قلبي ) في وجودك
لك - أسلِّم نفسي
- أربطني بـ قيودك

...... جابك الله
مدري لي جابك : نصيب :
المُهم أسمع " أحبك " .

,

من لسانك . . .
غير [ صح الله لسانك ]
هو { مكانك .!
ليه يبكي ؟؟
إن مشيتي من مكانك ؟!
إحتملت . . . وقلت / ما أسمَع :
قلتي من ثاني , " أحبك ..!"

رحت ساعتها من الدنيـ يـ يـ يـا
إلى ......... ساحل عيونك .
و
ما رجعت !

( الوطن ) , حضنك ,
وأنا من غير أحضانك – غريب

يعني من صجِّك ؟

......... سكوت ..!

ما أبي أكثر ألجِّك ,

قولي بسمعها : " أحبك "
وبعدَهَا يمكن ... أموت

.

قلتي : ساهي
قلتي : لاهي
وآنا ساكت ..!

عاجز / أستوعب كلامك
وماهو ( تقليل إحترامك ) !
بس - عيونك
من عيونك -
[ ما قدر أي شي ياخذني مِنْهَا ]
^ الملاهي , رمش عينك
والطفل ..
كان ^ إنتباهي !

ايه داخل في عيونك : ما طلعت :
الله لا يبعدني عَنْهَا . . .
جاع شوقي ,
لكن بشوفك , شبعت !

منجرح صبعي وإذا " ودِّك " يطيب ؟؟
بطلبك بس شي واحد ما ( طمعت )
قولي
:
" أحبك " .

بصوت عـاااااالي
ما سمعت ..!

[goree]

http://www.3tt3.net/up4/get-5-2008-xdcgxjnb.gif

ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه

[ كان ]
لك قلبي
- مدينه
ولاحظ إني قلت : كان !
يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليـه أعطيـك الأمـان ؟؟
وليه تَكْذِب في كلامك ! العـذر وينـك ووينـه ؟

ما ألومك .. كان " قلبك " ثارت أمواجه و / خان
الخطا منَّي , لأني صرت فـي بحرك ( سفينـه )

والسؤال اللَّي كتمته ..؟ وما نِطَـق فيه اللسان
{ كيف إيدك إطعنتني وآنا أحْسِبْهَـا أمينـه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينـه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / ربِّي . . بفراقك يعينـه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمح الزلـه عشانك .. وأكتـم أنفاس .. الغبينـه

كنت أحبك ’ كنت أعزك ’ والغلا فيني جبـان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظـرة حنينـه . .

ماني أوَّل من يحب ..... . ومنتَ آخر شخص . ..... خـان !
المحبه في زمانك ؟ بحرها ^ من غيـر مينـه ^

الفشل .. كان النتيجه وأعتقـد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشـان :
" يبكي قلبك لا فقدني والندم .. يملـي سنينـه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينـه .

قلت لك قلبي [ مدينه ] فيها لك :: حشمـه وشـان ::
لكن إنتَ الحين – أغرب .. شخص ! في هذي المدينه

[goree]

- المدخل :

آآآحبـك .. من هنا .. لـ أرضك .
ياليتك " ساكنٍ " / أرضي
أنا ما أقول [ يا حظّك ]
بـ حبك قلت : ياااحظّي !

تقول إنّي مثل { ومضك }
و أقول إنّك , أنا ونبضي ,
إذا في مسألة - رفضك ؟؟
قبل [ رفضك ] يجي / رفضي

فديته " طولك , و عرضك "
أحسّك .. من هليّ و - عرضي
أنا راضي ترى فـ بعضك !
وإخذني ( كلي ) مو بعضي .

أنا مو قادر : آفضك :
يا " سيرة " حُب . . . ماتقضي
أنا عايش على - نبضك
حبيبي والعمر يمضي ... .






.

[سـَمآ ♪]

ما تغيَّر شي . . . لكن ! صار " فاضي " هـ المكان .
يعني إنتَ شفت قلبي ؟ طحت مِنْ عيني و / عينه

[ كان ]
لك قلبي
- مدينه
ولاحظ إني قلت :
كان !
يعني إنتَ الحين واحد :: خارج حدود [ المدينه ] ::

ليه مستغرب كلامي ؟؟ وليه أعطيك الأمان ؟؟
وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )

والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }

جرحي .. ما يرضيه قلبك .. لو يجي كلِّه حنان !
لو - تبوس الجرح فيني . ولو - تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمَح الزلّه - عشانك .. وأكتِم أنفاس .. الغبينه

كنت أحبك ’ كنت أعزّك ’ والغلا فيني جبان
خاف تزعل لو , ألومك , ضعت ما بينك وبينه

في عيون الناس " عادي " بس في عيني ؟ / جنان
وكان قلبي من يشوفك تفضحه . . نظرة حنينه . .

ماني أوَّل من يحب ..... . ومنتَ آخر شخص . ..... خان !
المحبه في زمانك ؟ بحرها ^ من غير مينه ^

الفشل .. كان النتيجه وأعتقد آن الأوان ,
أبني - مستقبل حياتي . و - أنسى قصتنا الحزينه .

خطوتي الأولى ( غيابك ) راح أطبّقها عشان :
" يبكي قلبك لا فقدني والندم .. يملي سنينه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .

قلت لك قلبي [ مدينه ] فيها لك :: حشمه وشان ::
لكن إنتَ الحين – أغرب .. شخص ! في هذي المدينه

[سـَمآ ♪]

http://www.3bir.com/web/a/36422_31205705403.gif

ماني أول من يحب ومنت آخر شخص خان
المحبه في زمانك [ بحرها ] من غير مينه

[ الفشل ] .. كان النتيجه وأعتقد آن الأوان
أبني مستقبل حياتي وأنسى قصتنا الحزينه

خطوتي الأولى غيابك , راح أطبقها عشان
يبكي قلبك لا فقدني والندم .. يملي سنينه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لك رهينه

قلت لك قلبي [ مدينه ] فيها لك حشمه وشان
لكن إنت الحين أغرب شخص في هذي المدينه

[goree]

:

شاعرك .. من يوم " شافك " ؟ مستقر , وضعه كثير
مايبي غيرك ولو فرشوا له الدنيـا ( ذهب )

ما أبيك تقول : ودي ... بس ... خايف مايصير !
دام أنا عايش / تمنى . راح يصير الشي [ غصب ]

ما هو لايق .!! ألمح أحزانك على " وجهك " .. وأدير !!.
راحتك في ( المرتبة الأولى ) , و - إترك لي , التعب

[ إربط حزامك ] حبيبي . باخذك منهم . و أطيير
: تصدق إني .. طول عمري .. ما أحب إلا { الصعب ..! . :

أعترف " مجنون " في حُبك . . . رغم عقلي الكبير
ما إعْجبك غيري ! أنا إللي راح أوريك - العجب .

للـ فعل ( ردّة فعل ) إلا أنت !! , مالك أي : نذير
فجأة من الله " أحبك " بليا أفعال و سبب .

قلبي - طفلك , إللي مهما يكبـر , بـ عينك : صغير
يعني " قلبي " لو ما إنتَ ؟؟ كان عمره [ ما لعب ]

إن خطيت - أسامحك .. لأنه . . يجمعنا ( المصير )
و إن خطيت بـ يوم ؟ - تقبل زلتي , بـ صدرٍ رحب .

ربّي إللي ميّزك فيني . . . . وخلاك ( إنت غير )
و :: نرجسيتي فيك :: لأني بس أنا , طلت العنب

يا " عسل دوعان " من شفتك أحس إنّي : بخير
{ نخلةٍ } . . جتني / وتنتج أجوَد أنواع الرطب

للحلا .. عندك // بدايه // بس , ما فيها أخير
وشاعر إلهامه عيونك . . لا تلومه لو كتب

القصر [ قلبي ] وهذا التاج و توّجتك / أمير
ولا تحاتي شي ..... . دامك فيه . وإحساسي الشعب

:


.
.