المساعد الشخصي الرقمي

مشاهدة النسخة كاملة : رزقنا المقفي

مسفر اليامي
21-03-2005, 01:03 PM
فهقتك يالرياض ولاحصللي من طرفك قصور=لك الله يارياض الخيرمالي بالبقى حيله
سريت ودمعتي تذرف عليك وخاطري مكسور=انا وشلون بافارق حبيبٍ دوم مشفيله
تجاوزت المباني والقصور وشيخنا المقبور=وودعت البطوله والزعيم ودرهمت خيله
اي والله يوم شفته بالمرايه مغتشيه النور=شهقت ولازفرت اللا عقب هزيت راسي له
سقى الله خمسة اعوامٍ تهجتني كبر وغرور=ماقد كدرتني يومٍ ولافرطتبك ليله
عقب ودعت لي خلٍ مضالي في غرامه دور=اجيه من الوله ضامي ولا اروى من شهاليله
اجي مثل النسيم اللي تجاز للحدايق سور=اجيه من الشتات اركض واخذ شكواه واشكيله
توادعنا وخلينا سواليف الغرام تثور=تفارقنا ولافكت خيوط شماغي الشيله
سقى الله قبل لاتاقف بي الغصه على الحنجور=قبل لاتركي الدنيا علي وتثقل الكيله
قبل قولة فمان الله مشينا والدروب عثور=بنطرد رزقنا المقفي عسى الله يعدل الميله
انا يوم اقحم ركابي على درب الوعر معذور=بعوض وقتي الضايع قبل لاروح كلي له
انا عبدٍ خلقني الله مثل باقي البشر مامور=طموح ويكدح ويعمل ويبغى الله يسوي له
يضيق الدرب في عيني والوذبحالي المستور=اشوف الموت يقصدني وابيع النفس وامشيله
وانادي فزعت المولى لاضاقت بالهموم صدور=واوطي له شموخ الراس واهلله واصلي له
واقول الله يعين اللي سرى من ديرته مجبور=في كفه ذا دركسونه وفي ذالكف منديله
عبدالعزيز الجلعود
21-03-2005, 04:56 PM
اي والله يوم شفته بالمرايـه مغتشيـه النـور
شهقت ولازفرت اللا عقب هزيت راسي لـه

الله عليك

مسفر الله عليك


واقول الله يعين اللي سرى من ديرته مجبـور
في كفه ذا دركسونـه وفـي ذالكـف منديلـه

رااااااائع

مسفر رااائع


جميل ,,,,,,

وصفت فأبدعت

هنا الوصف بكل صدق وبدوووون تكلف


تقبل تحياتي

وحبي
سامي الشمري
21-03-2005, 07:28 PM
وانادي فزعت المولى لاضاقت بالهموم صدور
.........................................واوطي له شموخ الراس واهلله واصلي لـه


صح لســـانك يا مسفر ..

و أقول ..

و أعبر له مشاعرِ عز والقلب له مسرور
.............................................. و أحيي به سمو المجد رياضً جيت و أمشي له


ــــ

لا تنــسانا مسفر :redface:
ابتسـ ألم ـامة
22-03-2005, 02:02 AM
http://www.7zen.net/a/abtsamh%201.gif

هـــلا وغـــلا
أخوي مسفر اليامي


اجي مثل النسيم اللي تجـاز للحدايـق سـور
اجيه من الشتات اركض واخذ شكواه واشكيله

الله عليك

ما أروع تلك الكلمات

تجمعت تلاحمت لتكون أجمل المشاعر وأصدقها

صح لساااااااانك

سلمت يمنااااااااك

حضور يأسر القلوب

يأخذنا مع سحر الكلمات لأبعد مدى

بانتظار جديدك

سهل الله دروبك وأسعد قلبك

مع أصدق الأمنيات بمزيد من الإبداع

دمت بخير

http://www.7zen.net/a/abtsamh%202.gif
كلمــات مــن ذهــب
لا تدفعن عملاً عن وقته فإن للوقت التي تدفعه إليه عملاً آخر
ولست تطيق ازدحام الأعمال لأنها إذا ازدحمت دخلها الخلل
توتي
22-03-2005, 03:33 AM
واقول الله يعين اللي سرى من ديرته مجبـور
في كفه ذا دركسونه وفـي ذالكـف منديله

قصيده في قمة الروعه
أبو فهاد
22-03-2005, 08:54 AM
مسفر الياااااااااااااامي ....



آآآآآآآآآآآآآآآآآآآآآآآه ... وصح لسانك من مشيت من الرياض لما تآصل الديرة اللي تبيها .....



ماشاء الله عليك ... ماشاء الله ماشاء الله ....












والله إنك أبحرت بنا ... وضيعتني بهالقصيدة الرااااااااااائعة فعلاً ....
نواف الفهاد
22-03-2005, 11:02 AM
هلا وغلا ....

يالله حيه ...

مسفر اليامي ....

غالي ... ولا تجيب .. إلا .. غالي ...

قصيدة ... تشعلل ليالي المنتدى ....

وش لك بالحزن ؟؟؟

مسفر .....

وربي .... عارفين الغلا ... مايرحم ...

والشوق ... يذبح .....

أبحرت بنا .... بعيد .. والله بعيد ...

ولا أقول .. إلا ...

فهقتك يالرياض ولاحصللي من طرفك قصور
لك الله ياريـاض الخيرمالـي بالبقـى حيلـه !!!

:

:

سلالالالالالالالالالالالالام ,,,
أبو رائد
24-03-2005, 01:05 AM
رائعة رائعة رائعة


يا مسفر اليامي



صح لسانك .. ولا هنت


انتظرت هذه القصيدة كثيرا


حتى تشرفت بها الرائدية



الله يعطيك العافية
فـتـــــــــون
26-03-2005, 01:37 AM
يضيق الدرب في عيني والوذبحالي المستـور
اشوف الموت يقصدني وابيع النفس وامشيلـه






صح لسانك ياولد اليامي


مبدع


في مصاف المبدعين


في الرائديه




لك حبي وتقديري
مسفر اليامي
28-03-2005, 01:22 PM
اخواني واخواتي الاعزاء///
عبدالعزيز الجلعود/تسلم وماعليك زود وانا صدقني ما وصلت اللا من بعدك
سامي/ الله يخليك وما راح انساك لاني اتشرف باللي مثلك وشرواك
ابتسامة الم/ تسلمين وكلك ذوق اختي
توتي/الله يسلمك ولا اروع من القصيدة اللا انت
ابو فهاد/صح بدانك وشهادتك وسام اعتز فيه
نواف الفهاد/الله يحييك والحزن والفرح لابد منهما وانا احزن حتى اميز طعم الفرح...تحياتي لك
ابورائد ((الزعيم)) الشكر لله ثم لك ولا اقول غير بيض الله وجهك على جهودك اللي ماراح ينساها اي نسان شريف وفيه لو نسبة 1% من الاحساس وصدقني يابو رائد انك من اساسيات كتابتي للشعر وعودتي للنشر من جديد (عساك على القوه )
مناي /صح بدنك يامناي.... والابداع لايراه الاالمبدعون امثالك......لك حبي ايضاً
فهدالقحطاني
30-03-2005, 03:59 PM
الله يسعد قلبك علي هذه القصيدة الرائعة ....................


وهذا الي تعودنة منك ياوجه محلف.............


وتقبل تحياتىىىىىىىىىىىىىىى...........