مواطن يبلغ عن مطعم بالخفجي .. والبلدية تغلق المطعم وتسفر العامل !

[..* الغ ـــــريب *..]

اشتكى مواطن بالخفجي على إحدى مطاعم محافظة الخفجي

بوجود مخالفات نظامية داخل المطاعم وتأتي تفاصيل الحادثة

بمحادثة المواطن عامل المطعم وطلبه منه إزالة المخالفات وحيث قابله العامل بلا مبالاة فهدده المواطن برفع شكوى إلى بلدية محافظة الخفجي

فلم يكن من العامل إلا أن قال " رووح بلغ البلدية "

وبدوره خرج المواطن إلى البلدية ورفع شكوى ضد المطعم وقد باشرت لجنة من البلدية المطعم ومعاينة الأمر وبعد ما تبين صحة البلاغ قامت البلدية بإغلاق المطعم وبترحيل العامل بـ خروج نهائي إلى بلده



نشكر البلدية على حرصها ومتابعتها و الله يحفظ بلادنا من كل سوء

[لحن الحزن]

هلا بك اخي الكريم

شئ طيب وهذا المواطن المفروض يتم تكريمة لانه مواطن صالح جزاه الله الف خير

ويجب التشهير بالمحل وبالعامل

شوف اخي الكريم سوالف في مطعم وكذا من هالامور مالها فائدة

بعد شهر بيرجع العامل ويفتح بدل المطعم اثنين

المفروض البلدية تشهر في هؤلاء بالصحف لكي يكون هناك رادع


والله يستر علينا ويوفقنا الى الافضل يارب

ولك التحية

[من عالم اخر]

وكذلك ولد خالتي , المسكين بليلة عرسه

طلب من احد المطاعم المشهور على شارع [ ..... ]

والرجال توه جاي من القاعه وعلى اساس جو رومانسي

وطالب طلب حلو , والمسكين تسمم على طوووول ههههههه >> اللهم لا شماته

والله يكرمك جلس يطرش وحالته حاله وعلى المستشفى على طول

ما طلع الا ثاني يوم المغرب , واحلى صباحية عرس >> الى الله المشتكى

ومدري عنه , على اساس انه بيشتكي ومدري وش صار بعد

يا الربع , اللي مو متوازي على المطاعم بليييييييز لا يطلب

وربي مشاكلهم كثرت الله يكفينا شرهم ,

والف شكر يا حلوين

[حوراء العبدالله]

أعتقد انه لمن الجيد أغلاق المطعم ورحيل العامل !!
هنآ بالضبط تكمن قُدرة البلديه !
تسفير عامل + أغلاق مطعم = عمل جليل
,
نحن نناشد ببذل المزيد من النواحي العمرانيه ,
فهذا الأمر , في الدول المتقدمه , يُحل من طرف أصغر موظف ,
ولا تعد مشكله ! لسهوله التعامل معها ~

,
نحن نفتخر , لأن بلديتنا انجزت هذا العمل المتعب !
لا حقاً
يستحقون التكريم :101:

[جوري نجران]

هالحين ياكثر مانسمع مثل هالكلام طيب ليش ماتقولون اسم المطعم المخالف عشان الناس تدري ليش التعتيم على الاسماء وش الفايدة من الخبر...وبعدين هذاقرارملكي التشهير بالمخالفين...عشان اللي عندة شي يتعدل ويمشي صح

[يّ ربٌ]

اللحححين حنآ وش بنسستفيد كذآ ...!!

يبقى السسؤآل المهم وش آسسم هالمطعمَ :rolleyes:


زهقنآ من هالأخبار اللي بدون فائده دآمهم مو مآشين ع نظآم التششهير :biggrin:

[فاصل]

حسب معلوماتي لم يتم اغلاق اي مطعم هذا الشهر

[أيمن البلوشي]

اللهم آآآآآممممميييين

[المعقب]

طيب ياليت تعطينا اسم المطعم واسم العامل واتاكد هل فعلا تم تسفيرة او لا

[الدووووخي]

اغلاق وتسفير العامل .. قرار سليم ..

وياليت غرامه بعد ..

الف شكر اخوي ..

[goree]

:)

والله قرآر سليم
وهذآ شغلهم اللي المفروض يعملونه ..
فـ الله يجزآهم خير

:101:

[أدم]

والله مشاء الله خبر بصراحه يفيد الناس ... ياخي اتق الله في ما تكتب واحترم عقول البشر ... اولا الخبر غير صحيح وانا اعمل بصحة البئيه ولا يوجد شكوي بخصوص المطاعم ولم يحصل ... مجرد مطعم رفع سعر الشاورما ريال فقط .. وتم اغلاق المطعم صباحا واخذ عليه غرامه 1000 ريال . للتجاوزه برفع الاسعار بدون اذن مسبق من البلديه ورجع فتح المحل ..
اما بخصوص العامل هل يعقل انك تطلع رخصه قيادة من مكتب العمل ...

هذا مو عمل البلديه التسفير .. ولا حصل هذا الكلام اساسا .. ولا يوجد صحه له مجرد افتراضيات فقط وتخمينات

وعلي فكره المطعم هذا من افضل واقدم المطاعم بالخفجي واجودهم .. للامانه فقط

هذا للتوضيح فقط

ارجو ا من الاخ ابو رائد .. وضع ظوابط على الاخبار ويتحرى من الفئه العمريه للكاتب الخبر وتعبنا من وكاله الاخبار يقولون

وتقبلو اصدق تحياتى ... :101:

[شذى العبير]

ممــــــتاز

[طيوفه]

طالما انه لم يذكر اسم المطعم والا اسم الرجل والا حتى اسم العامل
فالخبر قد يكون ملفق لكي نقول ان البلدية ادت دورها

[البدرالطيب]

ألف شكرا للبلديه وللمواطن الصالح

[طهماز باشا]

عجباً يا أخوة لتبجح العامل التركي بقوله بأننا أحضرنا واسطة للبلدية ونزلنا الغرامة من خمسة آلاف ريال إلى الف ريال.
المطعم مطعم الشفاء اللي موجود في شارع 25 الشمالية، حيث كثرت الشكاوى حول هذا المطعم والواسطات تركض له من كل حدب وصوب. حيث تم اغلاقه من فترة بسيطة بسبب القذارة التي يتمتع بها هذا المطعم والتي اصبحت صفة ملازمة له.

[البحيري]

هذا هو عين العقل بلغ المختصين ولا تسكت عم اي غلط تراه

[ياحبنيلكـ]

ولا زااااال الشعب السعودي
يركض وراى اشاعات وكلماات>>> يقوولون
ياليت
ننتظر اسم المطعم......

[طهماز باشا]

يا ليت قومي يقرأون ما يكتب، وليس الرد فقط لمجرد الرد!!!!!

يا الطيب اسم المطعم موجود بردي السابق

وللمرة الثانية اسم المطعم: مطعم الشفا، شارع 25 الشمالية

[ياحبنيلكـ]

عجباً يا أخوة لتبجح العامل التركي بقوله بأننا أحضرنا واسطة للبلدية ونزلنا الغرامة من خمسة آلاف ريال إلى الف ريال.
المطعم مطعم الشفاء اللي موجود في شارع 25 الشمالية، حيث كثرت الشكاوى حول هذا المطعم والواسطات تركض له من كل حدب وصوب. حيث تم اغلاقه من فترة بسيطة بسبب القذارة التي يتمتع بها هذا المطعم والتي اصبحت صفة ملازمة له.

زبدة الموضوع كله ان المطعم ماسكر للحين
ولا تسفر العامل
اذا انت تقوول ان فقط اخذ غرامه:rolleyes:

[عبدالعزيز الحاوي]

مصيبة هالمطاعم ومن هم قائمين عليها يوما من الايام صرت تاجر قلت ياولد عليك بالمطعم الشامي ليش ماتسوي واحد يخدم ويخدمك برضة وتوكلت علي الله وفتحته وجبت عمال من مطاعم معروفة مو تحت كفالتي وشوية ابي اسوي كروت صحية لهم قال السواق عندي مافية مشكل بابا انا يجيب بطاقات صحية قلت كيف قال 50 ريال للواحد هههههههههه طبعا البطاقات تجلس شهر راح الاخ وبعد الظهر كلهم معهم بطاقات بس اخذو التطعيم طبعا بس هل فحصوا عليهم والله مادري وكان المدير يقول الله يخليك لاتتدخل بالشغل كذا مانقدر ندخل رواتبنا وفايدتك في المطعم الخسارة والله هتقفل المطعم اذا بتشتغل بالهطريقة لحم طازج وكل شي بالدرام حرام ياعم بعدها حسيت بالخسارة سلمتهم المطعم بنسبة يعطوني اخر الشهر راتب ثابت ياسلام لي الان سنتين وانا استلم راتبي ويعطوني بونص يومني قدمت الشي الزين والطازج وتابعة المطعم بنفسي ماجوني الزبائن يوم استلموا المطعم الاجانب مايلحقون اقسم بالله قهر يعني الزبدة اغلب المطاعم يضحكون علي العالم واكلهم وسخ وبايت عندهم الله يكفينا من شر المطاعم واكلها وتحياتي

[سعدناجع]

السلام عليكم
لو سمحتوا ماله اي داعي نشهر بالمطعم
قولوا ليه ؟؟؟؟



(قطع الاعناق ولا قطع الارزاق )
وشكراً

[سعدناجع]

هههههههههههههه
ضحكتوني تدرون ان ميزانية الشفاء خلال شهر يطلع 60 الف ريال
بما يعادل 2000 ريال يوميا
ورواتبهم ثلاث الااف ريال للشخص الواحد والباقي ببضاعةالمطعم
وهذا الكلام من مصدر موثوق