المساعد الشخصي الرقمي

مشاهدة النسخة كاملة : ضاع عمري ....

غنوشه
31-08-2011, 01:42 PM
السلام عليكم ورحمة الله وبركاته ...

أول شيئ .... كل عام وأنتم بخير وعساكم من عواده ...
ضاع عمري وأنا أدور عن معاهده خاصه بالبنات
لأني تعبت وأنا أدور وكل ما أسأل يقولون لي المعهد الجمعيه الخيريه..
وبعدها يقولون لا تسجلين لأن مشاكله كثير وماهو معترف فيه ..
طيب ألي مثلي ماقبلتهم الكليه وين يرحون ....

أجوكم ساعدوني مابي عمري يضييييييييييييييع ...
كلي خفجاويه
31-08-2011, 10:59 PM
سجلي انتساب مطور في جامعة الملك فيصل ..


والله يووووفقك ويسهلك امورك
عقاري الخفجي
01-09-2011, 12:00 AM
السلام عليكم ورحمة الله وبركاته
اولا كل عام وانتم بخير
غنوشة اسال الله ان ربي ما يضيع عمرك الا بطاعته
غنوشة صحيح كلام اختنا كلي خفجاوية سجلي بجامعه الملك فيصل انتساب حاولي انك تسجلين قبل ما ينتهي التسجيل عن طريق النت
والله يوفقك يرب العالمين
محبكم ومغليكم عقاري الخفجي
دانة الكون
03-09-2011, 02:01 PM
وعليكم السلام ورحمة الله وبركاته
فيه معهد الموارد البشريه
و مثل ما ذكرت كلي خفجاويه
سجلي انتساب
الله يوفقك و ييسر امورك.
المعقب
03-09-2011, 04:00 PM
للاسف الخفجي مافيها معاهد خاصة للبنات عندكم يالكويت او الدمام
تشوف انت
03-09-2011, 06:10 PM
لا فيه معهد الموارد البشريه لكن هالمعهد بفلوس
يعني الله يعينك ويعين أخواتنا اللي مثل حالتك
غنوشه
06-09-2011, 10:15 AM
يعطيكم اعافيه أخواني وخواتي على ردودكم ....
أنا سجلت بالأنتساب المطور وأنسحبت بعد سنتين لأنهم بصراحه حراميه عيني عينك ...
كل ماده بفلوس ولا يقولون تخصوصات وكل الطلاب يدرسون نفس المواد وشلون تخصوصات مادري هذا غير المحاضرات المباشره إلي مالها داعي وأجباري حضورها ... بصراحه الطلاب مايستفيدون منه المستفيد الوحيد الجامعه الفلوس تنكب عليهم كب ...

على العموم دام الدعوه دافع فلوس الموارد البشريه أحسن ...

أكرر شكري لأخوني وأخوتي الأعضاء ...
eng_riy
06-09-2011, 11:01 AM
اخني العزيزه/ اذا تبيتن الفايدة وشهادة تنفعك انصحك تواصلين في جامعة الملك فيصل لان شهادتها معترف فيها اما معهد الموارد البشرية فهو للاستفادة فقط ( حاسب+انجليزي) وشهادته ماتوكل عيش.