مطلوب موظفين بالخفـجي

[خالدالقباني]

تطلب مكاتب التخليص الجمركي موظفين للعمل لديها بمهنه معقبين جمركيين برواتب مجزيه

المواصفات الطلوبه بالموظف

اولا : ان يكون حسن السيره والسلوك وهذا يظهر من خلال صحيفه سوابقه بعد التبصيم بالشرطه.

ثانيا : ان يتجاوز اختبار فحص السموم بالدمام ( فحص عن المخدرات بالقرب من المستشفى المركزي بالدمام)

ثالثا : ان يجيد القراءه والكتابه وان يتعهد باحترام القوانين المعمول بها بالجمارك.

على الراغب مراجعه مكاتب التخليص بمدخل جمرك الخفجي .


تقبلوا احترامي :101:

[وطن الشرقيه]

كم الراتب؟
ساعات العمل؟
وبالتوفيق للجميع

[ابوبيان]

هل هي وظائف رسمية

[خالدالقباني]

كم الراتب؟
ساعات العمل؟
وبالتوفيق للجميع

لكل مكتب راتب معين ماهو محدد

وساعات العمل من 8 الصباح الى 2 ظهرا

بالتوفيق للحميع

[خالدالقباني]

هل هي وظائف رسمية


للاسف لا ماهي رسميه !!

بالتوف يالتوفيق للجميع

[عقاري الخفجي]

السلام عليكم ورحمة الله وبركاته
اخواني اللي يسأل عن الوظايف رسمية ام لا الوظايف هذي غير رسميه
والرواتب من 1200 الى 2000 ريال وبالتوفيق ما نبي نقطع رزق احد اللي يبيها يروح يقدم عليها والله يوفقه

[خالدالقباني]

السلام عليكم ورحمة الله وبركاته
اخواني اللي يسأل عن الوظايف رسمية ام لا الوظايف هذي غير رسميه
والرواتب من 1200 الى 2000 ريال وبالتوفيق ما نبي نقطع رزق احد اللي يبيها يروح يقدم عليها والله يوفقه



صح كلامك اخوووي :101:

مشكور على مرورك الجميل

[المعقب]

صح كلامك اخوووي :101:

مشكور على مرورك الجميل



[size="4"]ماراح تحصلون شاب يشتغل بالراتب ولا بعد دوام متعب من 8 الى 2

زيدو الرواتب الى 4الاف الواحد يشتغل ويحس ان عملة جاب نتيجة


لاتنسا الحين حافز يعني العاطل 2000 وهو جالس فية بيتة


وانتم كرف واخر شي 1200 او 2000



وعندي خبر ان كل مكاتب التخليص مشكلتها خروج السعودين سريعا من العمل يعني مايطول 3 شهور او اقل

ويطلع

اذان الخلل وين ؟


تغير الوظع حبيبناااااااااااااااااااااااااااااااااااااااااا مو مثل اول

[صوت الأرض]

والله أقل عامل هندي كان يعمل لدي راتبه 1200 ريال بخلاف البخشيش يعني تقريبا شهريا 1500 ريال
ونقول للسعودي راتبك 1200 ومش رسميه ودوام 8 ساعات والطامة لجل يتوظف لازم يدق مشوار للدمام لجل يعمل فحص مخدرات والله متوظف بوظيفه راتبها 10000 ريال وحكومية وما عملت فحص
حدث العاقل بما لا يعقل فإن صدقك فلا عقل له

[مشعل السبيعي]

قمه الظلم..

أنا عندي سايس خيل في الاسطبل معطيه راتب 2000 ريال وأخاف يمشي بعد لو طلب 3000 بعطيه..

كيف سعودي وراتبه 1200الحين سائق عائله خاص لايقل راتبه عن 1500

ويجب على المكاتب الجمركيه ان تخاف الله في موظفينها وتعطيهم رواتبهم في وقتها

[بيسآن]

والنساء مالهم وظايف ؟ :)

[& خفجاوي &]

هههههههههه
استحلفك بالله كم هي الاجور المجزيه الى راح تعطيه للمتقدمين
وايش المميزات في وظيفتك على المدى البعيد ؟؟
هل فيه زياده فالراتب مع الوقت ؟ هل فيه عمولات ؟؟؟!
والاهم والادهى من هذا كله هل هناك احترام للمتقدم في التعامل بينه وبين صاحب الحلال على قولتهم

والله العظيم اني عارف كل شئ عن التخليص الجمركي وعن الشباب الى ما يأخذون لهم فتره طويله ويطلعون
انا لي صاحب يداوم فترتين من 8 صباحا الى 2:30 مساءا ومن 7 الى 10
واشوف كيف ينكرف ويتعب عشان مبلغ ما يستاهل كل هالتعب الى يسويه لكن لولا ظروف ما كان اشتغل هالشغله

اغلب اصحاب مكاتب التخليص مستعبدين موظفينهم ولو بيدهم يوظفون بنغالي كان وظفوه وخلوا السعودي

اتقوا الله في انفسكم

[الراهي]

..
>>
صح قبل لا أنسى ..؟!
تسلم يدينكـ خالد على الموضوع
ماشاء الله عليك
والله يعطيكـ العافية
وفعلاً أغلب المكاتب بـ حاجه لـ ( مخلصين )
والله يجزاك خير
.
وبالنسبة لـ وقت العمل
تقريباً من الساعه 8 إلى قبل آذان الظهر :biggrin:
< وبسسسسسسس
ومرة بـ الشهر تجلسس لـ الساعه 1 أو 2 الظهر فقط:biggrin:
وعافاك الله خيووو على المووضوع
والله يسعد أيامك
..
.

[أبو الهنـــــوف]

هناك امور تجبر الشخص على امور

لا يرضها العقل..!!
لكن يجبر عليها ... فالجلوس امر و اصعب بكثير
من تلك الرواتب الضعيفه ..!!
راتب ضعيف خيراً من جلوس بفلس ..!!

نتمنى ان ترفع رواتبهم لانهم يقومون بمعاملات

تدر على المكتب بــ ؟؟ من الريالات .. !!

[مدرع ـمه بشويش]

اللي اعرفه ان الملك عبدالله الله يطول بعمره

قال انو أقل راتب بـ3000

يعني هالاشياء من وراهـ ولا شنو ؟؟

يعطيك العافيه على الموضوع ..

تقبل مروري..

[نقش حناء]

الله الغني عنكم

خبر سيءويضيق الصدر

حرام زيدوا ع الاقل الراتب
لاحول ولاقوة الا بالله
كل ذا طمع ترى أبن الوطن يستاهل
محد راضي ب2000 واذا رضى شهر شهرين وتطلعون روحه وبيهرب
غصب عنه وهو محطم نفسيا

أتقوا الله فيهم
كل شخص يفرح بالوظيفه ومحتاج وظيفه لكن لاتحطمونهم

شباب ضاع عمرهم أعمارهم وصلت 30 و40 سنه وهم رواتبهم 2000او 1600 لاترسيم ولا زياده

كل شاب وشابه يبي يتأهل ويتوظف وظيفه محترمه ويكون له دخل معقول
ويبي أستقرار وأمان وظيفي وراتب محترم اقلها بالشهر 3000بالبدايه

مو معقول
تحرقونه وتستهلكون طاقته وجهده وبالاخير 1200 أو 2000

ماترضونها لنفسكم ولا لإخوانكم ولا لعيالكم
ماتسوى

والله شهر شهرين وبيهرب منكم بعد ماتحطمونه وتذلونه محد صابر على الظلم والضيم
وأنتم هذي شغلتكم كل شهرين موظف جديد ليش طيب ؟

أتوقع أنكم قبل توظفونهم عارفين انهم شهر شهرين وبيجي غيرهم مو خسرانيين شئ ...طبعا


يازين الترسيم بس والوظائف الحكومية

الله الغني عنكم

وأقول للأخوان العاطلين انتظروا حافز أبرك

الله يوفقكم ويغنيكم عن هالوظائف

[المعقب]

وينك ياخالد القباني رد على الناس ولاتنحاش

[خالدالقباني]

وينك ياخالد القباني رد على الناس ولاتنحاش
انا ما انحاش ولا شي وش تبيني ارد عليهم يعطيهم العافيه كلهم

وليش انحاش وش مسوي انا yd.885

انا حطيت الموضوع بعلم الشباب ان فيه وظايف بالتخليص الجمركي

واشوف الموضوع تشعب الى عده مواضيع كل واحد وحر في رايه

ويعبر عن رائيه بكل حرريه

ردي عليهم (ماقصروا الاخوان والاخوات على مرورهم الجميل

والمميز ويعطيكم الله الف عافيه ):101:

[الدلال كله فيني]

اللي اعرفه ان الملك عبدالله الله يطول بعمره

قال انو أقل راتب بـ3000

يعني هالاشياء من وراهـ ولا شنو ؟؟

يعطيك العافيه على الموضوع ..

تقبل مروري..


عذرآ الله يجزآ صآحب الموضوع خير
لآن في نآس محتآجه فعلآآ


بس تعليـقي إخوي ع كلآممك إنو الخفجي مومحسـوبه على السعوديه فـ اغلب الامور

على قولة وحده ( وتبــقى الخفجي في عآلم النسيـآن )

[خالدالقباني]

عذرآ الله يجزآ صآحب الموضوع خير
لآن في نآس محتآجه فعلآآ


بس تعليـقي إخوي ع كلآممك إنو الخفجي مومحسـوبه على السعوديه فـ اغلب الامور

على قولة وحده ( وتبــقى الخفجي في عآلم النسيـآن )


اللهم امين يارب وياك

بالفعل في ناس كثير محتاجه لو 1000 ريال

والخفجي المدينه او المحافظه (علشان لايزعلون بعض من الناس )

منسيه ويبيلها اشياء كثيره

شكرا لمرورك العطر

[خفجاوى جديد]

ياخالد القباني مشكور على الموضوع لكن ارجوك جاوب علي سؤالي

هل لديك علم عن متطلبات فتح مكتب تخليص جديد وماهي الشروط المطلوبه

انا ولله الحمد والمنه قادر على فتح مكاتب تخليص اذا سمحولي وسوف ارفع رواتب طالبين العمل الي 3000 ريال تحت ماامر به خادم الحرمين الشريفين
ولكن هل يسمحون لي بمزاولة هذا النشاط وماهي شروط ذالك الشروط الماديه موجوده ولله الحمد والمنه وشكرا للجميع

[خالدالقباني]

ياخالد القباني مشكور على الموضوع لكن ارجوك جاوب علي سؤالي

هل لديك علم عن متطلبات فتح مكتب تخليص جديد وماهي الشروط المطلوبه

انا ولله الحمد والمنه قادر على فتح مكاتب تخليص اذا سمحولي وسوف ارفع رواتب طالبين العمل الي 3000 ريال تحت ماامر به خادم الحرمين الشريفين
ولكن هل يسمحون لي بمزاولة هذا النشاط وماهي شروط ذالك الشروط الماديه موجوده ولله الحمد والمنه وشكرا للجميع
الله يسلمك ويعافيك

عساك على القوه يارب

[خالدالقباني]

السلام عليكم ورحمة الله وبركاته

الشروط هي

1- أن يكون من مواطني إحدى دول الخليج بالغا من العمر (21) عاما
2- الحصول على شهادة الثانوية العامة أو ما يعادلها
3- دورة في الأعمال الجمركية . ( الغرفة التجارية )
4- شهادة إدخال بيانات في الحاسب الألي . (معهد تدريب حكومي أو أهلي)
5- شهادة إلمام باللغة الإنجليزية . (معهد تدريب حكومي أو أهلي)
6- أن لا يكون المتقدم موظـــفا حـــــكوميا .
7- أن لا يكون موظفا في احد الجهات المرتبطة بأعمال التخليص .
8- أن لا يزاول تجارة الاستيراد والتصدير .
9- تقديم شــــهادة خـــلو ســـوابق .
10- اجتياز الامتحان التحريري ( في التعريفة الجمركية , مبادئ المحاسبة , مبادئ الإنجليزي , نظام الجمارك الموحد ولائحته التنفيذية ) .
11- تقديم ضمان مصرفي بقيمة (100,000) ريال غير مشروط بإسم مدير عام الجمارك لمدة ثلاث سنوات وستة اشهر (يقدم بعد اجتياز الامتحان) .
12- إرفاق عدد (4) صـــور ملونة مقاس (3x4) + مــلف افرنجي صغير + صورة البطاقة الشخصية .

[mr wolf]

ااااااااا
ااااااااا اماااااا الراتب 1200 لا ةتخيل متزوج

[المعقب]

اخي خالد هل انت مصري واظح جداااااااااااااااا من اسلوبك ياباشا


مع احترامي طبعا لبعض المصرواة

وعساك على القوة هاذي حلوة هههههههههههههههههههههههههههه

[ام نوف]

الملك الله يحفظه امر ان لا يقل راتب الموطن السسعودي عن 3000 الف ريال ؟فكيف تعلن وظائف ب 1200ريال ياللعجب ....

[خالدالقباني]

اخي خالد هل انت مصري واظح جداااااااااااااااا من اسلوبك ياباشا


مع احترامي طبعا لبعض المصرواة

وعساك على القوة هاذي حلوة هههههههههههههههههههههههههههه


حلوووه انا مصري يا خوي انا سعودي وش بلاكم تششكون بجنسيتي مستتعد اصور بطاقه الهويه الوطنيه واحطها هنا

انا معروف ويمكن اغلب الاعضاء يعرفوني

وكلمه عساك على القوه هذي كلمه كويتيه ماهي مصريه

الرجاء من الاعضاء الردود بحدود الموضوع وعدم التطرق او التشعب بمواضيع اخرى

احترامي للجميع

[خالدالقباني]

الملك الله يحفظه امر ان لا يقل راتب الموطن السسعودي عن 3000 الف ريال ؟فكيف تعلن وظائف ب 1200ريال ياللعجب ....

اختي ام نوف مشكوره على المرور الرائع

والله يحفظ لنا ابو متعب والمفروض يتنفذ قراره باسرع وقت لكن (لاتعليق)