جيت المكان اللي شهد يوم فرقاه

[سـَمآ ♪]

لك الله.. ياقصيدي لابديتك ... والدروب جـروح


ولي الله وابسط احلامي يموت براحة يديني !



على كثر ... ( الكلام ) اللي بصدري/ ماقدرت ابوح


اخاف انه يعنيني .. واخاف آطيح من عيني



رضيت بغربة جروحي ..على صدر الزمان تنوح .......
ورضيت اعيش بالواقع, لو انه مايعزيني .......






http://imagecache.te3p.com/imgcache/10bc4fd8a6e3e8a791a72191c380d343.png (http://imagecache.te3p.com/imgcache/10bc4fd8a6e3e8a791a72191c380d343.png)

للحين / وجهي منكسر في مراياه !
للحين / اذكر كيف ضقت وبكيته !

قبل الحنين يجيب دمعي من اقصاه
اخذت .. دمعي في يديني وجيته !

جيت المكان اللي شهد يوم فرقاه
معي كلام ( يموت بي ماحكيته ) !

كني طفل راجع لحضنه ومربآه !
يدوّر .. امّه بين ( حيّه وميته ) !

محروم .. الا من جروحه وذكراه !
( فقير ) الا من شموخه وصيته !

من يومها وانا ادوّر على اشباه !
ترد لي عمراً قضى , ما ابتديته !

ياكثر مافيني من الضيق وال ( آه )
اكثر من الحرمان , لامن طريته !

كثر الحزن اللي سكن في هداياه !
كثر الأمل ( لاقلت بأني لقيته ) !

رغم ( السنين ) اللي مضت اتحراه
عجزت اقول اني [ كبرت ونسيته ] !

مديت له قلبي .. وروّح وخلاه
الظاهر انه : ماعرف وش عطيته !

للشاعر المبدع : محمد العارضي




http://imagecache.te3p.com/imgcache/db2ea6acff0dc88f68cd6b3c1761439d.png (http://imagecache.te3p.com/imgcache/db2ea6acff0dc88f68cd6b3c1761439d.png)






يا خاطري أنا قصيدي من ( جروح )



أتعب وأتألم عشان .. أكتب احساس




( للحب ) سيرة عانقت صفحة البوح



وللدمع سرّاً ما درت .. عنه الناس




لو ما تركتك .. للمقادير ( مفضوح )



يمكن يطيح من التعب عز هالرأس




الله وكيلك ما بعد هالشقا .. نوح



الله وكيلك دامها ياس في ياس




الضيم رجّالً على دربي يلوح



وصلت له فاني وسلمته نعاس




وش ينفع ( المحروم ) لا قيل له روح



عندي تساوا كل عالي مع الساس




الحلم أكبر من مساحات وصروح



وأشيله ( بصدري ) ولا ينكسر باس




لو طلت يا صمتي ترى منت مسموح



ما دمت أحسّك داخل أعماقي ( أمواس )





ضاقت بعيني والحزن صدر ويفوح



والناس ما تدري بضيقات الأنفاس





لا صار ضحكي يطلع بطلعة ( الروح )



مالي ومال الناس وش تنفع الناس





للشاعر المبدع : محمد العارضي




http://imagecache.te3p.com/imgcache/8db1f7825e21c60ea0323b04173ab07f.png (http://imagecache.te3p.com/imgcache/8db1f7825e21c60ea0323b04173ab07f.png)





تعب.. كل السِنين.. اللي تمر.. / وخاطره .. مكسور .......
هَلك.. شاعر , على صمته.. يدآري غربة جرآحه .......
عَلى روح الفقر , يبكي / على ظلم المساء .. والنور .......
على موت الأمل ( عايش ) ! يشوف الفَقْر ذبّاحه !.......
تعب من قسوّة ايامه / يموت ..ومَانطق ( بالزور ) ! .......
[ يبي عقب التعب رآحه , لقى.. فيه التعب رآحـه] ! .......
رمآه البرد , مِن عين الدفا .. وآسترسل المقهور : .......
دخيل الله / .. يادنيا , عليها الناس [ شفّآآآآآآحه ] .......
انا مثل الوطن , ضيقي يحاصر .. موطني ( بالسور ) .......
وعلي ّ ( القلّ ).. بجيوشه يهد الصدر ... يجتاحه .......
تِجاعِيدي على وجهي.. , مثل دِيرة عليها , ..جور .......
مِثل كَف البخيل.. ( الشح ) .. صوبها , من سلاحه .......
دخيل الشيب / ياعمر ٍ قضيته .... مابقى به ..دور .......
دخيل ..( الفَرْح ) ياضِحك ٍ قِفَلته , وضاع مفتاحه ! .......
حكايا ( عجاف ) : ترسمني كبير , وخاطري مكسور ! .......
وانا شاعر.. على حاله !.. يداوي غربة .. جرآحه .......

للشاعر المبدع : محمد العارضي .......






ممـآآ لامس احسساسي ..


للمبدع محمد العارضي ..

[صانع الإبداع]

...
اختيار رائع وجميل جدا
ربي يعطيك ألف عافية يا مبدعة
وفي انتظار القادم
احترامي لك
..
:101:

[عاشق القمم]

* انتقاء مميز ..
لك الشكر ..
:101:

[سـَمآ ♪]

اشكركم ع التوااجد..

[أبو الوليد]

.
http://www.alraidiah.org/up/up/22951235720081217.gif






سلمت على الاختيار المميز



و الله يعطيك العافية







::

:101: وفقكم الباري :101:
http://www.alraidiah.org/up/up/22951247020081217.gif
:101: .. .. ومضـــــــــــــــــــــة .. .. :101:

لآ إله إلا أنت .. .. سبحانكـ .. إني كنت من الظالمين .....!!

[ابتسـ ألم ـامة]

http://www.alraidiah.net/up/ar/alm1.gif

:101: هلا وغلا :101:



اختيار أكثر من رائع



سلمت الأيادي



يعطيك العافية





دمتم بحفظ الباري
:101: وعلى الخير بإذن الله نلتقي :101:
http://www.alraidiah.net/up/ar/alm2.gif
كلمــات مـن ذهـب
قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ((أَكْثِرُوا ذِكْرَ هَاذِمِ اللَّذَّاتِ يَعْنِي الْمَوْتَ)) .
إنّه أمرٌ نبويٌّ ، أكثروا ذكر هاذم اللذات ، مفرق الأحباب ، مشتت الجماعات .
عش ما شئت فإنك ميت .
وأحبب ما شئت فإنك مفارقه .
واعمل ما شئت فإنك مجزي به .

[سـَمآ ♪]

اشكركم ع التوااجد...

[الدووووخي]

كلماااات راائعه ..

صح لساانك يامبدعه ..

[دانة الكون]

صح لسان الشاعر

اختيار راائع

الله يعطيك العافيه.

[سـَمآ ♪]

اشكركم ع التوااجد..

[شمس الرائدية]

.
الله يعطيكِ العافيه على الآختيار الجميل

[بشاش]

سلمت على موضوعك

ألف شك/:/:ر لك
:101: