الخفجــــــي تنافس دبـــــي

[أبو زيدان]

السلام عليكم ورحمة الله

صباح ../ مساء الخير للجميع
:101::101::101:


نعيش هذه الأيام حُمى الأنتخابات في جميع مدن المملكة وأصبح أغلب حديث المجالس والمنتديات عن الحملات الأنتخابية وماسوف يفعل فلان وماخطت المرشح الفلاني وغيره من الأحاديث ... غير الأعلانات اللي تملى الشوارع والصحف والمنتديات


وفكرتي من هذا الموضوع وماأود الحديث عنه وهي وجهة نظري الخاصة

هو أنه يُخيل لك أنه ما أن تنتهي الأنتخابات إلا وسوف ترى الخفجي وجميع مدن المملكة لايوجد لها منافس في جميع دول العالم من التطور والجمالية والتقدم

اللي بأوصله هو أنه لماذا نحب أن نبالغ بالشيء ولماذا لانعيش واقعنا ؟؟؟؟ ولماذا نستغفل الناس ؟؟؟

اللي بتكلم عنه وهو الاغلبية اللي أنا شفتهم ولا أحب أعمم


واحد يقول يبي يحارب الفساد الأداري !!!!! :eek:

وأخر يقول يبي ينهي مشكلة البطالة :confused:

وأخر يبي يحل قضية البنية التحتية :cool:

إلى غيره من الشعارات اللي ملوك ووزراء عجزوا عنها وماقدروا يفعلون شيء

مرشحينا الحبايب يبون يسونها وأكثر لكن عطوهم فرصة :wink:

اللي أحب أوصله

أجزم أن الأغلبية من المرشحين لايعرف مهام عضو المجلس البلدي

وإذا كان يعرفها فهو يستغفل الناس بشعاراته :mad:

لاني ماشفت اللي تكلم عن مهام عضو المجلس البلدي بشعاراته


وأكثر شيء تعجبت منه هو شعار نوصل صوتك للمسؤلين

أنا بسأل على نطاق الخفجي بس

منهو أكبر مسوؤل ماأقدر أوصل صوتي له ؟؟؟؟

المحافظ أي مواطن عنده مشكلة يروح يدخل عليه بدون عضو المجلس البلدي

وكذلك مدير البلدية

وأكبر من ذلك الوزراء

والملك أبو متعب الله يحفظه تدخل عليه بدون أي واسطة



ختاماً ياليت نعيش واقعنا

وألا نستغفل الناس فالكثير عرف حقيقة المجلس بعد دورته الأولى

وكل رأس ماله مجلس بلدي لايقدم ولايأخر من وجهة نظري

بل هو فائدة للعضو نفسه ووجاهة له بها المنصب


كل ما أتمناه أن يعطى المجلس البلدي الكثير من الصلاحيات

وأن يكون من شروطه الشهادة الجامعية مهم هالشرط بنظري


شطحة

الأنتخابات الحالية مثل الحروب الجاهلية واللي مابه خير لأبن عمه مابه خير لأنفسه

ولابها غير الوجاهة والمصالح الشخصية فيأخذها ابن عمك أولى من غيره :biggrin:

وأذا تغيرت الصلاحيات في مستقبل الأيام ممكن نقول نبحث عن الأفضل واللي يستاهل :wink:



أتقبل الرأي الأخر والمناقشة برحابة صدر ووسع أفق

وأتمنى ألا تصادر وجهة نظري


*** أحس أني تعبت ع الموضوع عسى بس قدرت أوصل الفكرة

ولكم مني التقدير

:101::101::101:

[عـــهود]

كلام حقيقي وضروري ,يعطيك العافية وسلم اليراع .. خاصة مبدأ :" اللي مافيه خير لاهله مافيه خير للناس " والتي أُقحمت من الكثير في مسألة تولي المناصب .بطريقة تدل على جهل أو تعمد للجهل..فهذه المقولة تتحدث عما يُخص هذا الشخص نفسه ويملكه . وليس حقوق الناس ووتوزيعها على الجماعة والأهل ..الحقيقة لا أعلم هل هو فعلا فهم خاطيء للقول ام تعمد لتسييره بهذا المعنى ..

فأين أصحاب هذه العبارة من عمر بن عبد العزيز حين انتزع التفاحة من فم ابنه حين كان يقسم فيء المسلمين -والذي كان تفاحاً -..حتى عاد ابنه لامه واشترت له تفاحا من مالها ..وحين سألته زوجته عن فعله قال: "والله كرهت أن أضيع نفسي بتفاحة من فيْء المسلمين يأكلها"

ما أريد قوله أن من ليس فيه خير لدينه وذلك بإحقاق الحقوق للناس ..لن يبارك الله فيه ولا له ولا لجماعته .

.

[خالدالقباني]

كلام عين الصواب

اهنيك على الطرح المتميز

تحياتي

[slr]

وصــلْ,يـأ بطـل
عـاد يتكلمون عن البطاله وبنيه التحتيه
خـلـهـم يتكلمون عن شي مغقول مثـل المطبات (العقبات) (ال مكسرات السيارات) (ال كسرت ظهور الشيبان)> أهم الشيبان
حرام عليكم يا بلديه بكل مكان مطبه >واللّه حآله
حتى الطوال هربوا عن الخفجي ليه ؟ بسبب المطبات الي توجع الراس > طخ طخ طخ
والي كثرتها مالها داعي .ماقلنا شيلوها عدلوها على الاقل .

[slr]

تعبك ماراح هدر

[الدموع تنزف]

كلام في محله

[ابراهيم الشمري]

اهنيك على الموضوع يالغالي

[المــســافــر]

كلام رائع ،،،، لكن نتمنى أن تنجح هذه الإنتخابات ،،،، وتحقق المأمول ولو 10 % ،،،

يعطيك العافية ( أبو زيدان )

[حترش]

نعم كلامك صحيح ولكن لأي شخص اعتقد عندما يفوز يعطونه مهله !! لمدة 4 سنين اعتقد ويغيرونه !! شالفايده !! اكيد يبي يقول انا افيدهم واخر شي يشيلوني خلني استفيد مايصير دفعت اكثر من مية الف ريال للصالات والعزايم والخ واخر شي مااستفيد , نعم كلامك صحيح ,

[عبدالعزيز الحاوي]

موضوع متميز
ومعك المصلحة للشخص فقط لانه ماعنده اصلا سالفة
المشكلة أن اغلب هاللي شايفهم وافدين للخفجي يعني ماهم من اهل الخفجي يعني جائين يبون الخارجية
والرزه والتميلح بالبشت واغلب مستفيدين اي مكافحة الفساد بالله شف بس كم عنده ارض ههههه
اذا كان المجلس البلدي له صلاحيات وله مكان ياخذ ويعطي يجب ان يكون بشروط
اولها ان يكون جامعي او ان يكون من ذو الخبرات الكبيرة في الادارات المختلفة يعني يجي موظف عادي ويرز نفسة
والله مهزلة سبق ان هناك كاتب ارشيف رشح نفسة وحارس وووووالخ
عموما دمت بكل ود

[ستروبري]

الوضع مثير للضحك قال ايش قال انتخابات وهي كلها على بعضها لاتهش ولاتنش يقال لك ديمقراطية!!

والله من الفضاوة والدجة
او من زين هالمنصب اللي بيسوون عليه انتخبات..
ماعندهم شغل طول السنة
قالو شنسوي ؟؟
نسوي انتخابات وزحمة.. والفاضي يعمل قاضي..
ابي اعرف وش شغلة اللي بيفوز ؟
المشرشح البلدي اذا فاز بالانتخابات وشبيقدر يسوي ؟؟ وش شغلته بالضبط ؟

[الـزعـبـي]

كــلام في الـصميـم .... تـسـلم على هاالـموضـوع الممـيــز

[لطيفة]

الإنتخابات الحالية مثل الحروب الجاهلية واللي مابه خير لابن عمه مابه خير لنفسه


ولابها غير الوجاهه والمصالح الشخصية فيأخذها ابن عمك أولى من غيره :biggrin:


::

صادق ومعك حق بكل كلامك
يسلم فكرك ووعيك
/
مع اني مو من الخفجي لكن اللي عندكم عندنا وياقلب لاتحزن ..
والله اللي محتاجينه قبل الإنتخابات وكل هالحكي الفاضي

ـ نحتاج ـ رجال افعالهم أبلغ من أقوالهم ..
نحتاج لإنسان مبني صح وواعي ومخلص ويخاف الله قبل كل شئ
وقادر على حمل أي أمانة توكل إليه مهما كانت بسيطة
نحتاج لبشر يمثلون خلق الإسلام قولا وفعلا وفي كل مجال
ساعتها كل شئ راح يتعدل ..

أما جماعة الحكي والهياط وانتخب ولد عمك
عزا الله مافلحنا .. ولا بنستفيد شئ

ما أقول غير الله يصلح حال الأمة
وربك يفرجها ويعين
كل الشكر لك
بارك الله فيك وحفظك

احترامي وتقديري



,

[أبو زيدان]

كلام حقيقي وضروري ,يعطيك العافية وسلم اليراع .. خاصة مبدأ :" اللي مافيه خير لاهله مافيه خير للناس " والتي أُقحمت من الكثير في مسألة تولي المناصب .بطريقة تدل على جهل أو تعمد للجهل..فهذه المقولة تتحدث عما يُخص هذا الشخص نفسه ويملكه . وليس حقوق الناس ووتوزيعها على الجماعة والأهل ..الحقيقة لا أعلم هل هو فعلا فهم خاطيء للقول ام تعمد لتسييره بهذا المعنى ..

فأين أصحاب هذه العبارة من عمر بن عبد العزيز حين انتزع التفاحة من فم ابنه حين كان يقسم فيء المسلمين -والذي كان تفاحاً -..حتى عاد ابنه لامه واشترت له تفاحا من مالها ..وحين سألته زوجته عن فعله قال: "والله كرهت أن أضيع نفسي بتفاحة من فيْء المسلمين يأكلها"

ما أريد قوله أن من ليس فيه خير لدينه وذلك بإحقاق الحقوق للناس ..لن يبارك الله فيه ولا له ولا لجماعته .

.

للأسف غابت الأمانة إلا مارحم الله

والله يرحم عمر بن عبدالعزيز


وشاكر لك مرورك

[أبو زيدان]

كلام عين الصواب

اهنيك على الطرح المتميز

تحياتي


هلا بك أخوي

وأسعدني مرورك

[:: ابو مشاري ::]

يعطيك العافيه يالغالي على الموضوع اللي من زمان تكلمنا فيه وكلنا عارفين وش نهايته
لاكن دامك بديت بالموضوع هذا ناظر فوق المنتدى كم فيه بنر ؟؟؟ نبي واحد منهم يرد وبس ويقنعنا

شكري لك

[ام علوي]

شكرا لك ياابوزيدان على هذا الموضوع الرائع وفعل كلامك صحيح انا ابى اسال سوال واحد لااحد المنتخابين ماذا سوف يفعل لمجتمع الخفجي....؟! وارجو من احد المنخابين رد غلى موضوعك وعلى سوالي

[Saad Mohammad]

كلام ميه ميه ابو زيدان ولكن كلنا نعرف انها النسخه الثانية من انتخابات المجلس البلدي ومفروض تكون افضل من اللي قبلها اقصد ان تكون هناك اليه وشروط للترشيح مو كل من اشتهى الترشيح رشح نفسه

الاكيد يبي لنا 50 سنه قدام عشان نفهم ثقافة الانتخابات سواء مرشحين او ناخبين

اجل هوشات وضرب بالعقل وفزعه بالسكاكين بمدرسة الخالديه عشان تصويت

وسلم لي عليه سلم

[كلي حلآ]

اهنييك على الكلام
يعطيك العاااافيه