كليتنا لكم الخيار منهج القذافي ولا عطونا حقوقنا..

[صدمات]

من مبدأ الساكت عن الحق شيطان اخرس تكلمنآ

وم تكلمنا من فراغ سكتنا لين تماديتو..

العام تطردونا من11وتحشرونا بالساحه الخارجيه وحنا علينا محاضرات ولاقلنا للامن م يتفاهمون

اسم الله عليهن ثقافتهن غير ثقافتنآ..

ثقافتهن بنفخ الصدور وتطيير العيون <<تقعد تقز قز لين تحرقك>>الله يخلف..

ومع هذا سكتنا وانكتبنا غياب والشكوى لله مو لكم..

بس هالسنه زادت السالفه حيييييييييييييل وم ينسكت عنه صبرنا وحتى الصبر مننا مل

الساحه تسكرت والقاعات تعذرتنا بسببكم والاسياب ننطرد منها والكفتريا <<ي عيني ع الكفتريا

من كبرها تصدقون نتصل ع بعض عشان نعرف وين صديقاتنا قاعدين!!!!!!

الكفتريا حشره حشره حشره ولا مع البنيان اللي صاير والله والله والله اننا نهتز تحسون ان المكان فيه زلزال

حنا بالكفتريا نقعد فوق بعض ومو كافي انها حشره بعد الامن يطردونآ!!!!

نطير مثلا ي فريده؟؟؟

حتى لو بنطير سكرتي كل مكان ي امنا الغايه..

م اعظم حنانك وي دفئ حسك واحساسنا بالامان ببيتك

هذا شي..

الشي اللي يقرف والله معاملة الامن..

يعني جمله وحده بس انا بحطها بين قوسين وماراح اقول شي غيره عن معاملتهم..

{{{حرمتونا من التلمس والتهمز}}}

اللبس ..

بس بقراراتكم الصارمه واللي اشك انها من راس كل وحده تقولون جامعه والاشياء الثانيه لا!!!

قراراتكم طبي وتخيري اللي يخطر واللي م يخطر..

مو تقولون جامعيات نبي نلبس بكيفنا..

الجامعات الثانيه اللبس بكيفهم..

حنا لبسنا محتشم..م تدرون وش تسوون منعتو الجمل الانجلش والرسومات والسكيني

الباب الطلعه مو تقولون جامعيات..

خلو كل وحده تخلص تطلع ليه السجن لا وي ليت في مكان للقعده

ووين م رحنا ممنوع

يعني صعبه اني اجي من الصبح عشان محاضرة الساعه10

واتنقع لل12!!!!!!!!!!!

والقبول والتسجيل حدث ولا حرج!!!!!

هذولي يبون لهم مقاله خاصه..

والتعارض بكل مكان له حل هالمشكله إلا عندنا تنتظرين لين السنه الجايه وتدرسين الماده

انا بسبب هالمشكله بدال ما اكون متخرجه العام اتخرج بعدسنتين زياده!!!!!!!

الله المستعان والله نتعب وحنا نتكلم بس م يحس الا اللي يعيش في هالكليه..

وحتى اعضاء الاقسام نفسياتهن زفت هذاك اليوم انا وخويتي موجودات عند قسم التربيه ساعتين

عشان ناخذ نص ورقه!!!!

يعني وش اقول..

ع العموم حنا سوينا حمله ونشرناه..


ومطالبنآ اللي هي حقوقنا اللي سلبتوها مننا..

كالتالي..
1/سآحه تطرد فيها الخيل لاننا اكثر من3000طالبه..

مانبي بقايا الساحه القديمه اللي صارت اسياب بتسكرينها من فوق وتحطين مكيف..

حنا عددنا كثير ماتنفع لنا هالاسياب..

الاراضي اللي محوطها سور الكليه كثير ..

2/ نبي مكتبه نصور فيها..

3/نبي الباب يبقى مفتوح لنهاية الدوام..
والاسباب شرحناها فوق..

4/نبي امن مثقف يعرف حدود مهنته ويخاف الله..

5/ نبي لبسنا بكيفنا وحدود لبسنا الاحتشام..

6/ مشكلة التعارض تحلونها حالكم حال كل كليه..

7/ الاحترام اللي للاسف مو موجود عند اكثر المسؤلات..

8/تعاون رئيسات الاقسام واتخآذ الدكتوره منى فتحي قدوه بالاحترام ووساعة الصدر والتعاون وكل ابو شي..

جزاه الله خير..


وبالنهايه حقوقنا ان م رجعت لنا حنا بنتبع نهج القذافي لاننا سكتنا بالبدايه وماحصلنا من سكوتنا الا تماديكم بظلمنا..

ووبس..

[أبو رائد]

وعليكم السلام ورحمة الله وبركاته

الأخت / صدمات

صوتكم وصل للعميدة وكل ما يكتب بالرائدية يصل إلى المسؤولين بالكلية

وقد طلبنا من الكلية الرد على كل طلباتكم واستفساراتكم

ووعدوا بأن يكون يوم الاثنين أو الثلاثاء رد على الاستفسارات التي طرحت في منتدى الرائدية


نسأل الله العلي القدير

أن يحسن النيات ، وأن يوفق الجميع لما يحبه ويرضاه .

[عاشق 11]

الله يعينكـن ... ولا تسكتن
اتمنى ان مشكلتنا توصل للمسؤالين عن طريق اولياء اموركم

فيه ناص مايمشون الا بشكاوي والظهر ادارة الكليه لازم تشتكون على شان تسنع هالكليه العميـدهـ

[صدمات]

يعطيك العافيه..

وبنشوف ,,

[كلية العلوم والآداب بالخفجي]

لا أرى داعي لتكرار المواضيع

فجميع المواضيع المطروحة أصبحت تحمل نفس المحتوى

ولا أعلم ماهو المقصود من هذه الحركة

فإن كان المقصود أن يصل صوتكن لإدارة الكلية

فأود إبلاغكن أن المواضيع يتم متابعتها أولاً بأول

وقد سبق وأن تم افادتكن بأنه سيتم الرد على جميع ماتم طرحه

لذلك نأمل منكن عدم التكرار في الطرح بلا فائدة

[يّ ربٌ]

الله يصصبر قلبي ع هالكليه آلين اتخرج و افتك منها قبل لآ آنجلط yd.885

انآ مآ آصصدق متى تخلص محآضرآتي بس و آنححآش للبيت عشآن آقدر آتنفسَ :rolleyes:

وربي حآلتنآ من سيء لأسوأ :|

و مو معقدني ف حيآتي الآ الأمن و همجيتهم و قوآنينهم اللي من روسهم تطلع و حسب المزآج :redface:

يعني مو كفآيه السآحه الوحيده اللي كآنت مونستنآ شوي و نقدر نتنفس فيهآ سكرتوهآ وكأنكم تعآندون :biggrin:
لا و آذآ جت السآعه 12 آشتغلوآ الأمن العزيز بالطرد و الركض ورآء البنآت زي ......
عشآن يحشرونهم تحت بالجحر اللي ينقآله له سآحه حتى سآحتنآ آيآم الأبتدآئي آكبر :rolleyes:

الله يعيننآ ع هالكليه و يصبرنآ بس </3

[يّ ربٌ]

لا أرى داعي لتكرار المواضيع

فجميع المواضيع المطروحة أصبحت تحمل نفس المحتوى

ولا أعلم ماهو المقصود من هذه الحركة

فإن كان المقصود أن يصل صوتكن لإدارة الكلية

فأود إبلاغكن أن المواضيع يتم متابعتها أولاً بأول

وقد سبق وأن تم افادتكن بأنه سيتم الرد على جميع ماتم طرحه

لذلك نأمل منكن عدم التكرار في الطرح بلا فائدة




:biggrin::biggrin::biggrin::biggrin:



مآشفنآ شيء من هالمتآبعه آلآ التطنيش لموآضيعنآ اللي ع قولتك كررنآهآ ودبلنآ تسبدكم فيهآ !!!

متى بنشوف الرد آن شآء الله آذآ تخرجنآ مثـلآ :rolleyes:

الله يعينآ بس و لا آنتم وش عليكككككم مو مكروفين زينآ :redface:

[صدمات]

ي عزيزتي ..

حركتنا نبي اهتمام ونبي من يعطينا حقوقنا..

ومتابعتكم تطنيش ليس الا..

تقولين نرد عليكم وم تردون..

بموضوع التحويل والحين بهالموضوع..

ع العموم بنصبر ونشوف صبرنا سنين نصبر لثلاثاء ونشوف..

[كلية العلوم والآداب بالخفجي]

تم سؤال وكيلة الكلية للشئون الاكاديمية

وأفادتنا بأن حالات الطالبات يتم دراستها حالياً مع عمادة القبول والتسجيل بالدمام ولم يصدر بحقهن أي قرار حتى الآن

بالتالي / القرار صادر من عمادة القبول والتسجيل بالدمام لا من الكلية ولا زال وضع الطالبات غير واضح





السلام عليكم ورحمة الله وبركاته


على جميع الطالبات اللاتي لديهن مشكلة بسجلاتهن الأكاديمية تعرضهن للتحويل من خطة التربية القديمة إلى خطة العلوم والآداب سرعة التوجه إلى أقسامهن مع إحضار سجلاتهن الأكاديمية للنظر في حالاتهن وذلك في موعد أقصاه يوم الاثنين الموافق 28/10/1432 هـ

أما بالنسبة للطالبات اللاتي يراجعن الكلية بعد هذا التاريخ فلن يتم النظر في حالتهن وسيتم تحويلهن مباشرة إلى الخطة الجديدة .







مكتب وكيلة الكلية للشئون الأكاديمية





لا أعلم عن حد المواد فعدد الساعات مختلف بين قسم وآخر

لذا تم الاعلان لجميع الطالبات لمراجعة أقسامهن مع إحضار السجل الأكاديمي وذلك لمعرفة حالتهن هل يتم تحويلهن أو لا

أما بالنسبة للقرار فهو صادر من عمادة القبول والتسجيل بناءً على توجيهات الجامعة

ولا يد للكلية به , وقد تم فرضه علينا كما هو الحال مع الطالبات


ومن المفترض تطبيقه على جميع الطالبات اللاتي صدر بحقهن العام الماضي تحويل إلى نظام العلوم والآداب ( خاصة بعد توقيعن تعهدات بالموافقة على تحويلهن العام الماضي في حال لم يجتزن عدد ساعات معينة حددتها العمادة لهن )

ولكن إدارة الكلية سعت جاهدة لمحاولة الحصول على استثناءات من العمادة لعدد كبير من الطالبات اللاتي انطبق عليهن نظام التحويل من تربية إلى علوم وآداب ممن اجتزن عدد ساعات معينة وذلك حتى لا يتم تحويلهن ( وهذا هو سبب الإعلان أعلاه )

وحتى لو تم تطبيق النظام عليهن فهذا لا يعني أن الطالبة ستعود للدراسة للمستوى الأول

بل سيتم معادلة المواد لهن وسوف تقوم بدراسة المواد اللتي لم تقم بدراستها بالخطة الجديدة ( ربما تكون عدد من مواد المستوى الاول وبعض من مواد المستوى الثاني وهكذا )

وقد سبق للطالبات سؤال د. سعيد آل عمر ( وكيل جامعة الدمام سابقاً ) عند زيارته لمقر الكلية العام الماضي عن سبب تحويل الكلية من نظام التربية إلى نظام العلوم والآداب

فأجاب أن مستقبل كلية العلوم والآداب أفضل من مستقبل التربية

حيث أن المجال مفتوح للطالبات بنظام العلوم والآداب للتوظيف في جميع القطاعات بعكس التربية التي ليس لها مستقبل إلا التدريس

كما يمكن للطالبة خريجة نظام العلوم والآداب الراغبة بالتوظيف في مجال التعليم دراسة سنة اضافية في التربية في إحدى الكليات أو الجامعات لتصبح شهادتها تربوية لكن لا يمكن لخريجة نظام التربية تحويل شهادتها إلى نظام العلوم والآداب










أعتقد بأن الرد كان واضحاً بشأن التحويل

ولم يتم تجاهلك حسب ماتفضلتي به

[مريم الشمري]

السلام عليكم ...
بصراحه ياأختي إنتن ماتردن علينا إلا بعد طلعة الروح ...
لو ماتكلمنا هنا كان مارديتن ولا تسنع اي شي بالكليه ..
وصح نبي الباب يفتح متى ماخلصنا نطلع .. وحتى بوقت الامتحانات ماتحشرنا بالساحه االصغيره حتى يالله نتنفس ترا حنا بشر والدنيا دواره ياخيتي ..
وعلى سالفه التحويل للاداب .. وش ذنبنا حنا نوقع تعهد عشان مانسقط ليه نعلم الغيب حنا ..
بعدين إذا الكليه صارت جامعه وصارت نظام اداب ننظلم حنا عادي تزيد السنين عندنا عادي مو مشكله .. طيب حلو لنا التعارض وابد مانصير كذا .. بعدين شلون اصلا انا بس عندي ماده وحده بالترم الثاني مادرسته شلون اتحول اداب وانا ماخلصت متطلبه الللي هو الترم الاول ..؟

ع الاقل انتظرونا نتخرج وسكروا االتربيه ...
اصلا كل شي غلط بغلط بالكليه مافيه احترام ابد ...
نبي نحس صدق اننا بكليه رجعولنا المكتبه ع الاقل ...
بصراحه ننتظر هالاشياء .. اتمنى تتحقق .. الشكوى لله بس .

[ألى متىَ]

* هذا اقتباس و جزء من رد ومعاناه طالبه مستجده :




كله كوم وبرنامج التهيئه اللي خبونا فيه وماشفنا منه اي شي
ومنزلينه بالمنتديات بالتاريخ واليوم واللي يقهر بالدقيقه بعد < <<يعني شوفونا نقدس الوقت
وهم حاطيناه بس كذا قدام الناس والمسؤلين يعني سوينا شي
وبالنهايه ماشفنا شي انتم بس القوا نظره على البرنامج اللي حاطينه وتشوفون النفاق
والكذب عيني عينك


عيب لاتوعدون الناس وانتم مو قدها، خلوكم قد كلمتكم
حللوا فلوسكم ورواتبكم اللي تاخذونها
والله العظيم اقسم برب الكعبه اني ماكذبت بحرف واحد


______________________


- السؤال هنا :

هل أطبقون كل ما يكتب ب الاعلانات
اللي تنزلونها بالمنتديات !

* صح آنتم َ ما تقصرون و تنزلون اعلانات
بكل مكان بالمنتدى ( طيب وين التطبيق ) ليه ما اتسون اللي مكتوب بالاعلانات ... ؟؟

[ألى متىَ]

* هذا رد معاناه طالبه مستجده , ف اول اسبوع لها :




السلام عليكم ورحمة الله وبركاته


شخباركم بنات وشخبار الهمه انشاءالله عاليه

انا كنت اتصفح هالمنتدى بس عشان اشوف اخبار الكليه

طبعا ماكنت ادري ان المنتدى هو متنفس لللطالبات يطرحون فيه مشاكلهم وهمومهم
بكل شجاعه ومسؤليه عشان كذا تشجعت اني اشارك واعطيكم-او بالاحرى اعطى المسؤلين- نبذه
عن اللي شفته من كليتنا الموقره باول اسبوع لي بالكليه

طبعا اول صدمه هو الامن
انا كنت احسب نفسي نظاميه باللبس، تنوره سوداء وبلوزه بنيه , وبكل ثقه كنت اتمخطر ومشووووته للامن عديت الاولى ماقالت شي الثانيه قالت لا هذي مخالفه http://www.alraidiah.com/vb/images/shrqwea/000.gif
طبعا انا من الصدمه عليت صوتي قلت انااااا ؟؟؟
قالت اي البلوزه عليها كتابه http://www.alraidiah.com/vb/images/shrqwea/000.gif
قلت طيب انا مستجده وماادري عن قوانينكم خليني ادخل بشوف اسمي موجود ولا لا وباخذ الرقم الجامعي والجدول وابي اطلع قالت لا-وعنطت

طبعا صفيت مع اللي صافات واللي كانوا اكثر من اللي دخلوا وبعد دقايق جت وحده وقالت ادخلوا يالله عشان اول يوم http://www.alraidiah.com/vb/images/shrqwea/mh001.gif

قلت الحمدلله دخلنا مابغينااا

الزبده
الصدمه الثانيه المبني الخرااابه

كله غبار وحوسه وحدايد طايحه ع الارض و اعمال بناء

السؤال اللي يطرح نفسه

ليه مانسقوا اعمالهم هذي بالعطله اللي امتدت اكثر من 3 شهور

وسؤال ثاني

ليه مااعتذروا عن قبول الطالبات بهالاجواء الغير مناسبه لهم ابدا ؟؟؟؟

السؤال الثالث



وين الساحه ؟http://www.alraidiah.com/vb/images/shrqwea/(107).gif




الصدمه الثالثه
مافي احد يجاوب على اسئلتنا ، خبركم حنا مستجدات نبي نعرف وضعنا ونظامنا وضحوا لنا القوانين اللي من ظمنها اللبس وغيره -عمك اصمخ

والله ماتشوفونا الاوحنا نطارد من مبني لمبني ماندر شسالفه ندور احد يعطينا وجه
مااقول الا حسبي الله ونعم الوكيل فيكم كانكم مصخرتونا

الصدمه الرابعه ؛ ( ليلكم طويل )

الجداول

طبعا الحمدلله لقينا اسمائنا وجداولنا بس اليوم التالي لقينا كل شي متغير اقصد الجدول
واليوم الثالث تغير للمره الثالثه
مدري شقصدهم ؟http://www.alraidiah.com/vb/images/shrqwea/(107).gif يمصخروننا مثلا http://www.alraidiah.com/vb/images/shrqwea/g2.gif

سلمنا امرنا لله قلنا الحمدلله لقينا جدول وعليه مواعيد المحاضرات و ارقام القاعات لكن ......
نوصل للصدمه الرابعه

الابواب ماعليها ارقام http://www.alraidiah.com/vb/images/shrqwea/017.gif
يعني تخيلوا ياناس ياعالم يابشر مكتوب بالجدول المحاضره الفلانيه بالقاعه رقم مثلا 113
ندور هالقاعه ندور لفينا لين طاحت رجولنا وبالنهايه تخلص المحاضره وحنا مالقينى قاعتنا
ونلقى ان المحاضره كانت بغرفه ماعليها رقم اصلا -والله العظيم
وهذا اللي فعلا صار
وثاني محاضره كانت بالقاعه رقم 134

رحنا للدور الثالث والحمدلله لقيناها والله العظيم كاننا مستكشفين كنز ولقينا بنات قبلنا محضرات بس الحمدلله تو المحاضره باولها وقلنا الاستاذه بتعذرنا للاننا مستجدات ، بسم الله طقينا الباب فتحت المعلمه
http://www.alraidiah.com/vb/images/shrqwea/cool.gif : هلا
http://www.alraidiah.com/vb/images/shrqwea/119.gif استاذه نبي ندخل
http://www.alraidiah.com/vb/images/shrqwea/cool.gif: اممممم انتم ثالث ؟
طلعت القاعه غلط مع ان الرقم اللي مكتوب بالجدول هو نفسه اللي مكتوب ع الباب

انا هنا بالذااات http://www.alraidiah.com/vb/images/shrqwea/Cry111.gif انسدت نفسي عن هالكليه
شلون لو اقعد فيها 5 سنين والله لتجيني امراض الدنيا http://www.alraidiah.com/vb/images/shrqwea/mh12.gif


كله كوم وبرنامج التهيئه اللي خبونا فيه وماشفنا منه اي شي
ومنزلينه بالمنتديات بالتاريخ واليوم واللي يقهر بالدقيقه بعد < <<يعني شوفونا نقدس الوقت
وهم حاطيناه بس كذا قدام الناس والمسؤلين يعني سوينا شي
وبالنهايه ماشفنا شي انتم بس القوا نظره على البرنامج اللي حاطينه وتشوفون النفاق
والكذب عيني عينك


عيب لاتوعدون الناس وانتم مو قدها، خلوكم قد كلمتكم
حللوا فلوسكم ورواتبكم اللي تاخذونها
والله العظيم اقسم برب الكعبه اني ماكذبت بحرف واحد
نبي اهتمام على الاقل جدول واحد
على الاقل قاعات معروفه ومكتوب عليها ارقام عشان مايروح الوقت وحنا ندور عليها
يكفي اسعار الكفتيريا الخرافيه تدبلون السعر 3 مرات -والله ماودي ادعي عليكم
يكفي دورات المياه اللي حدث ولا حرج
يكفي المحسوبيه عند الامن -تدخل اللي تبي وتمنع اللي ماتبي - وهذا شفته بعيني محد قال لي
يكفي محد عطانا وجه ولا وجهنا ولا عرفنا باي شي



بأسمي وبأسم جميع الطالبات وبالذات المستجدات

ارجوكم ارجوكم ارجوكم

نبي احترام
نبي اهتمام
نبي نحس اننا نستفيد بدل هالمشوار اللي نطقه كل يوم على ماميش
نبي نرتاح نفسيا
نبي احد يوجهنا
نبي احد يكون مسؤل عنا فعليا مو بس نعرفها بالاسم ووجهها ماشفناه


يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي يكفي

[لاتنسى ذكر الله]

ارجع واقول الامن


كليتنا الموقره

محنا صغار في امهات يدرسون بالكليه
وفي حريم كبار يدرسون فيهاا

عيب والله اسلوب همجي ، ماحيلتي الا الدعاء عليكم عام
وعلئ الامن خاص