الطريق المؤدي لمدخل الخفجي [الأرشيف]

مشاهدة النسخة كاملة : الطريق المؤدي لمدخل الخفجي

ناون

21-10-2011, 06:09 PM

رساله موجه لمن يعنيه هذا الموضوع :-
لماذا وظعت مطبات عند تقاطع الطريق المؤدي للمدخل والاخر وانت طالع من مدخل الخفجي (مكان تجمع المفحطين) المفروض تكون المطبات على الطريق القادم من جهة اليمين وانت جاي من المدخل لنا رجاء من المسؤول
واخص قسم السلامه في المرور النظر في ذلك .

ملاحظه اخرى للبلديه:-
شارع 18 الببسي يمكن فيه اكثر مطبات على مستوى المملكه (اي رقم قياسي) شوفو لنا حل اختصروها علينا خلوها 2

خالدالقباني

21-10-2011, 10:01 PM

هذي تسبب مشكله كبيره لجميع الموظفين بالجمارك والجوازات او حتى المساافرين لاتنسى انه طريق دولي

يمر فيه جميع المسافرين من والى الكويت والمشكله ان المطبات مو مرتبه

لايجي احد ويقول علشان المفحطين بالعكس

ياخي هذا مدخل لمدينه الخفجي ومدخل للمملكه العربيه السعوديه وبهذا المنظر يشوهون كل شي

بصراحه لازم يشوفون حل للتخريب هذا

بدرانو

21-10-2011, 10:08 PM

احسن ماعملوه المرور علشان التفحيط يقل والشباب يعقلون ..
سبحان الله كنت اتكلم مع زميل ليش مايحطون مطبات مثل الدمام وبعض الاماكن ...اليوم الثاني وانا رايح الدوام اشوف المطب ,,
اللهم وفق رجال امننا واحفظنا بحفظك واهدي شبابنا خاصه والمسلمين عامه,,

عقاري الخفجي

21-10-2011, 10:52 PM

قسم بالله شي لا يطاق ليش سويتوا كذا بصراحة مطبات قويية جد ياخي وقف دورية او سوي نقطة تفتيش
والله حاله اررجووووا من المسؤلين النظر في هذا الموضوع

الهلالي2010

21-10-2011, 11:06 PM

ناس تؤيد وناس تعارض
عموما المطبات زينة ولكن ماهو بالشكل هذا
وبعدين انا ماادري منهو اللي يختار مكان المطبات ومنهو اللي يقرر وضع المطبة ويقرر شيل المطبة
فيه اماكن تستحق مطبات مايحطون فيها وفيه اماكن المفروض مايحطون فيها مطبات تلقاها مليانه
هي وش السالفة عناد يعني والا خبط عشواء
عموما الشكوى لله من قبل ومن بعد والخلف على الله
والله يعيننا على مطبات الخفجي وتصليح سياراتنا
ماباليد حيله

ف ف ف

21-10-2011, 11:10 PM

افضل حل براْيي وضع دوار عند التقاطع قبل الجمارك ..

ووضع عليه منظر جمالي وزراعته من الجوانب ..واستغلاله كمنظر جمالي رائع جدا

على مدخل المحافظه ..

بهذا يقللون من الحوادث ..ويضيقون الخناق على المفحطين

تخيلوا معي لو كان دوار وصمم بشكل هندسي رائع |.. اليس افضل بكثير من المطبات ..

قبل سنه تقريبا كان مخطط ان يتم وضع كبري هناك لا اعلم ماسبب تاخيره بهذا الشكل ..

((وين هاللي اجتهد وحط كل اشارات الخفجي دوارات ..مايلتفت لهاتقاطع ويحط فيه دوار ))

__________________________________________________ ______________

اما شارع البيبسي حكايته حكايه من ناحية المطبات والله يعنين اللي يبي يمشي فيه

كل واحد عنده واسطه عند فلان وعلان حط له مطب قدام بيته كانه شارع ابوه ..

ياخي استحوا على وجيهكم فكونا من هالمطبات ...

انا عارف المطبات لاتوضع الا عند المدارس والتقاطعات الخطره ... مو كل واحد عنده قرشين وواصل يحطون له مطب ...

مشعان مجول

21-10-2011, 11:13 PM

مساء الخير على الجميع

بصراحه الله يبيض وجه اللي سواها واللي جاب الرأي لأن بصراحه المفحطين مسببين ازعاج

وقلق .

بالنسبه انه مدخل المدينه ومدخل دوله .... عادي مو مشكله
أحسن من منظر المفحطين اللي بعملهم هذا يسئون للمدينه والبلد كامل

وبعدين بسألكم بالله كم حادث شنيع شاهدنا هناك وكم روح زهقت هناك

يعني بأختصار ( مطبات ولا مفحطين )

وجهة نظري الشخصيه ..
تقبلو مروري ولكم أرقا التحايا

خالدالقباني

21-10-2011, 11:16 PM

يانااس حطووا مطبااات مافي مشكله لكن مو بشكل عشواائي

والله والله ان شكل المطبات يفشل من جد مطبات متفرقه وغير متوازنه

مثل ماقال اخوي ف ف ف افضل حل يحطوون دواار ومنظر جماالي وهندسي

سيف الشمري

22-10-2011, 04:56 AM

حزن الأمواج

22-10-2011, 10:39 AM

والله ان الحلّ بسيــط ...لكن على قـولتهم ندوّر الرخـيص..والسريـع

الحل ..اذا لابد من مطبّـات ..

يحطون بدالها .. عيـون البـس (القطا) ..

هذي مايمدي الواحد يفحط ..ومنظرها حلو وعلى تقاطع ...اقسم بالله صرنا ندخل التقاطع يمين ويسار عشان ماتتكسر مواترنـا..

احبك الوفاء

24-10-2011, 09:47 AM

انا عندي اضافه ياليت لو يزيدون المطبات بعد في الشوراع كثيره حتى الواحد مايمديه اصرخ حركات الشباب 1 بعدين2

القناص2010

27-10-2011, 08:26 PM

السلام عليكم ...

انا اقووول اذا انها علشان المفحطين

علي فكره تراهم اللحين قاموووا يفحطون قبل المطبات وبعدها ...

يعني ما استفدتوا اي شي ....

وبعدين اكثر المفحطين يمسكونهم المرور ويقوله اللحقني لمرور ولما يوصل يحصل قدامه الواسطات ماسكه دور لهذا المفحط ............

ليش كذا ... وبعدها يطلع مثل الشعره من العجينه .....

سيف وش دراك شكلك مفحط ههههههه
عموما اذا كان كلامك صحيح فهي مصيبة
يعني المفروض ان اللي يتوسط للمفحط يدخلونه مع المفحط في السجن لأنه يشجع الشباب على التصرفات الخاطئة
شكرا