@ مواقف مطبخيـــة (( خطرة 000 مضحكة 000 محرجة 000 مسلية )) ههههههه @ [الأرشيف]

ابتسـ ألم ـامة

28-05-2005, 10:31 PM

http://www.7zen.net/a/abtsamh%201.gif

هـــلا وغـــلا

هذا الموضوع هدية خاصة

للغالية حنين

محاولة لتفعيل منتدى مطبخ الرائدية

فكرة متواضعة وأتمنى أن تعجبكم

الفكرة باختصار

نعرف أن المطبخ ركن من أركان المنزل لا يمكن الإستغناء عنه

وطبعا أكثر الحوادث تحدث فيه

بعض تلك الحوادث تكون خطيرة :frown:

والبعض منها محرج :confused:

وآخرة تكون مضحكة :rolleyes: :biggrin:

مواقف مختلفة ولكل منا موقف وذكرى

أتمنى من الجميع المشاركة

بكتابة تلك المواقف

اتفقنا يا غاليين 000!!!!

إن شاء الله تعجبكم الفكرة ويتفاعل معها الجميع

دمتم بود

http://www.7zen.net/a/abtsamh%202.gif
كلمــات مــن ذهــب

قل للذي يَدعي بالعلم معرفة ؛؛؛ عَلمت شيئاً وغابت عنك أشياء
ليس من مات فاستراح بميت ؛؛؛ إنما الميت ميت الأحياء

ابتسـ ألم ـامة

28-05-2005, 10:45 PM

http://www.7zen.net/a/abtsamh%201.gif

هـــلا وغـــلا

سأبدأ بأول مشاركة وموقف حصل لي

من الحين أقول لكم

استعدوا للضحك لأني للحين كل ما أتذكره أضحك :biggrin:

0

00

0

كان ياما كان وليس بقديم الزمان ههههههه

في مرة كنت أسخن حليب على الغاز

والمعروف أن الحليب عندما يصل لمرحلة الغليان

يفور ويطوش ويبهدل الدنيا

خصوصاً ريحته عندما يحترق

المهم يا غاليين

واقفة يم الغاز علشان أمنع تلك الكارثة

ما أدري شنو شغلني

وفجأة سمعت أختي تصرخ

فــــــــار :eek:

فـــــــــــــــــــار :eek:

فـــــــــار :eek:

حضرتي بكل قوتي

ركضت برى المطبخ وأنا أصرخ

وين الفـــــــــار 000؟؟؟

ماسمعت جواب لهذا السؤال

بس سمعت أختي تضحك بصوت عالي

وتقول يا مجنونة

الحليب فـــــار

ههههههههههههههههه

<<<<<<<< :mad:عصبت وانقهرت وكانت راح تنقض على أختها كالأسد

نتيجة هروبي كانت مآسات

الحليب فار واحترق

والريحة ملأت المطبخ

وأخذت محاضرة محترمة :frown:

وعقابي كان أنظف الغاز :frown:

والسبب كله من الأخت اللي حبت تتغشمر معاي

هههههههههههههههه

موقف ما أنساه وكل ما أحب أغلي حليب لازم أتذكره

0

00

0

بانتظار مشاركتكم

دمتم بود

http://www.7zen.net/a/abtsamh%202.gif
كلمــات مــن ذهــب

قل للذي يَدعي بالعلم معرفة ؛؛؛ عَلمت شيئاً وغابت عنك أشياء
ليس من مات فاستراح بميت ؛؛؛ إنما الميت ميت الأحياء

سامي الشمري

29-05-2005, 01:03 AM

فار :eek:

فـــــــار :eek:

فـــــار :eek:

قسم المطبخ :biggrin:

ابتسـ ألم ـامة

موقف حلو .. و عِـقاب تستاهلينه :biggrin:

أما أنا ...

لي مواقف .. يوم كنت عزوبي بالبيت لحالي :biggrin:

و الموقف هو ..

أتصل بي واحد من ربعي .. و قالي ..

أبي أسير عليك بالبيت .. الرجال هذا .. أول مرة بحياته يجيني ..

ويسير علي ..

عاد لازم أشد الهمه شوي .. و أضبط له فنجال يعدل راسه و يبيض الوجه :cool:

رح للمطبخ .. و أول مرة أفسر ذرعاني ... أدور القهوه .. ولقيتها

و الهيــل .. يمين .. يسار ... فوق .. تحت .. مالقيته :biggrin:

قلت الرجال مايمديه الحين يوصل .. ولا يمديني أروح للبقاله و أجيب هيل ..

قلت مالي إلا شغله وحده بس ..

أني أطلع برى لولد جيراننا .. و أنا ألقاه .. قلت تعال ..

رح لأمك قل أمي تبي منكم هيــل :biggrin:

<------<< الغبي نسى أنه لحاله بالبيت :biggrin:

وش سوى الولد .. فهم السالفه .. أنتظرته ربع ساعه ولا جاء ..

و بعدها إلا جايب لي قهوه وشاهي .. وقالي أمي أتصلت على أمك وقالوا أنهم مسافرين

و راحت سوت لي قهوه :mad:

أهم شئ أني ما تعبت نفسي :biggrin:

شكرا ً فار على الموضوع ..

أقصــد ابتسـ ألم ـامة على الموضوع :biggrin:

عــازف الكيبورد

29-05-2005, 03:36 AM

هههههههههههههههههااااي

يعطيكم العافيه ابتسامه الم + سم سم

مواقف رائعه جداً

ابتسـ ألم ـامة

29-05-2005, 04:06 PM

http://www.7zen.net/a/abtsamh%201.gif

هـــلا وغـــلا

أخوي sami

ياربي كل هذا كسل هههههههههه

راح أوصي جارتكم ماتسوي لك قهوة

ورينا شطارتك :smile:

شكرا ً فار على الموضوع .. :eek: :confused:

<<<<<<<<< بتحاسبك عليها بعدين :rolleyes:

ياويلك مني :mad:

<<<<<<<< قررت تاخذ عيونك تسوي فيهم بيض عيون

بس أخاف اللي يأكلهم يغص :tongue: :biggrin:

:tongue:

هـــلا وغـــلا

أخوي عازف الكيبورد

سعدت بتواصلك وأتمنى أن تكتب لنا مواقف حصلت معاك

بانتظارك

0

00

0

موقف جديد والمرة هذه مع براءة الطفولة

كنا في اجتماع عائلي وطبعا حوسة وصراخ

كبار وصغار

المهم رحت عند الأطفال :smile:

وسألتهم تبون بيض حق العشا

استانسوا وانهبلوا وكل واحد يطلب له طبق مختلف

<<<<<<< خبيرة بأطباق البيض المتنوعة :smile:

أمممم تذكرت بيض عيون وقلت خلني أسألهم

من يحب بيض عيون 000؟؟

وبعد احصاء العدد رحت المطبخ أسويه لهم

وشوي وقفت طفلة أمورة سنيورة حلوة وعسل

وقالت لي من وين تيبين العيون علشان تحطينهم مع البيض

طالعتها وبنية خبيثة قلت ههههههههه

بآخذ عيونج

فجأة صرخت الصغيرة

يمــــــــه عيــــــوني :eek:

بس مابي بيض عيون :confused::frown:

وركضت عند أمها تبكي من قلب

ههههههههههههههههههههه

<<<<<<< شريرة :tongue:

تعقدت الصغيرة ومن يومها إذا قلت لها

بيض عيون

قالت

لا مستحيل الا عيوني هههههههههههههههه

وسلامتكم

اشكر من شاركني متصفحي المتواضع

وانتظر تفاعل الجميع

http://www.7zen.net/a/abtsamh%202.gif
كلمــات مــن ذهــب

قل للذي يَدعي بالعلم معرفة ؛؛؛ عَلمت شيئاً وغابت عنك أشياء
ليس من مات فاستراح بميت ؛؛؛ إنما الميت ميت الأحياء

حنين

29-05-2005, 11:51 PM

http://www.alraidiah.com/vb/uploaded/mals.gif

ههههههههههههههه

مواقف حلوه و رهيبه بسومه

يعطيك الف الف عاافيه

سااامي :biggrin:

اما بالنسبة لموقفي:biggrin:

طبعا مثل ابتسامة الم مع البيض:biggrin:

مره من المراريت كنا بنكشت بالبر من الفجر

وطبعا لازم نجهز الفطور بدررري

طبعا قلت لهم انا علي اسلق لكم بيض:biggrin:

لانه صعب:biggrin:

المهم اخذت طبق كااااامل:cool:

حطيته بقدر و حطيت عليه ماء و ولعت عليه النار

جلست انتظر و انتظر لحد ما يستوي:biggrin:

مليت قلت بروح اجلس شوي على الكمبيوتر:cool:

:rolleyes:

:rolleyes:

:rolleyes:

عااادي من الساعه12 بالليل الى 5 الفجر وهو يطبخ على النار:cool:

<<< ماجابت خبره:biggrin:

رحت بشرب مويه الا والريحه تقابلني

تحول البيض الى بيض بالشوكولاته:biggrin:

طبعا كللله احترق:cool:

و الغريب ان البيض احترق من جوى... قلت والله لاخذه معي و ااكلهم اياه غصب:biggrin:

بعد ما رحنا و جهزنا الفطور قلت لهم... وخروا عن طريقي بيض ما حصلش:biggrin:

بيض مظلل:biggrin:

واعطيهم و اقولهم بالله كلوا منه لا تفشلوني .. و الكل طبعا قام يتتريق علي

و يقولون لي بيض وما تعرفين تصلحينه:confused:

قلت لهم هذا بيض 2005 وش عرفكم:biggrin:
<<<< ترقع

طبعا لحد الان و الكل ما سك السالفه علي :mad: كل ما جينا نطلع لاي مكان قالوا لي .انتي عليك البيض

المهم هذا مو قف من عدة مواقف ساوافيكم بالبقيه لاحقا:biggrin:

اشكرك اختي بسومه على فكرتك:wink:

http://www.alraidiah.com/vb/uploaded/mals2.gif

ابتسـ ألم ـامة

30-05-2005, 11:47 PM

http://www.7zen.net/a/abtsamh%201.gif

هـــلا وغـــلا

أختي حنين

يووووووه

ياما حرقنا البيض :biggrin:

مشاركة رائعة وحضورك عطر متصفحي

وأتمنى من الجميع المشاركة

لي عودة بإذن الله تعالى

لمزيد من المواقف

دمت بود

http://www.7zen.net/a/abtsamh%202.gif
كلمــات مــن ذهــب

قل للذي يَدعي بالعلم معرفة ؛؛؛ عَلمت شيئاً وغابت عنك أشياء
ليس من مات فاستراح بميت ؛؛؛ إنما الميت ميت الأحياء

ابتسـ ألم ـامة

06-06-2005, 02:59 AM

http://www.7zen.net/a/abtsamh%201.gif

هـــلا وغـــلا

قهوة ملح زيادة :rolleyes::biggrin:

باختصار

وبسبب طيش الخادمة وتغيير مكان الملح والسكر

سويت قهوة

وحسب طلب الأهل

المفروض تكون

سكر زيادة

ولكن

طلعت

ملح زيادة :redface:

بعدها تغير الوضع

صار ما ينطلب مني إلا

قهوة سادة :tongue::biggrin:

*
**
****
**
*

بانتظار مواقفكم الطريفة

دمتم بود

http://www.7zen.net/a/abtsamh%202.gif
كلمــات مــن ذهــب

أفضل العلم معرفة الإنسان نفسه

بركـ الحب ـان

06-06-2005, 03:48 AM

موضوع جميل وبالتأكيد الغالبية هنا لهم مواقف في الطبخ والنفخ

فمثلااا انا مرة من المراااارريت
طلعت للبر مع بعض الشباب ومسوين فيهاااااا راعين براااري

وشمرت عن ساعدي للطبخ في الليل وطبعا على القمرا ليلة 1 من راس الشهر يعني ( خرمس ) ما تشوف يدك
المهم ونقطع اللحم والخضروات واللازم منه

وبديت اطبخ واطبخ واطبخ لين وصلت مرحلة وضع الملح وهنا جاءات الكارثة

قبل اقول وش هي الكارثة

احيانا نضع الاشياء في غير أماكنها

مثلااا نضع البنزين في علبة ماء صحة
او نضع البهارات في علبة حلاوة طحينه
وهكذااا

واخوكم في الله لما حب يحط الملح على مرقة اللحمة احظر علبة الملح ( ساس ) وصار يدووور بالملح على ارجاء القدر الكاتم

المهم للحين ما حصل شي

وبعد ما حطيت الملح وضعت الرز فوقه
وقفلت القدر باحكام

وجلسنا نسولف وبعد خمس دقايق صار القدر يطلع اصوات غريبة وبخار غريب
وبعد عشر دقائق عينك ما تشوف النور

جلسنا ساعة ما ندري وش القصة
كل واحد فيه انواع الاعاقااات

اللي امتلى وجهه مرقة
واللي مخباته مليانه كوسة

واللي عيونه فيهااا حلقات جزر
واللي واللي
المهم صارت الدعوة حيص بيص ( لا تسألوني وش معناها )

احسن ما في الطلعة ان ريحتنا صارت صابون تايد

صاحب اغراض الطبخ الله يهديه معبي صابون التايد في علبة الملح يقول احسن ما تخرب مثل كرتون الصابون مع الشيل والحط
وانا على نياتي احسب الملح في علبة الملح
واثري حطيت تايد بدل الملح واللي زود الكارثة اننا نطبخ بقدر كاتم
والجو بارد ومزكومين

ورجعنا كل واحد يحمل اصابة وذكرى وجوع لا ينسى
وسلامتكم

حنين

07-06-2005, 08:25 PM

http://www.alraidiah.com/vb/uploaded/mals.gif

بركاااااااااااان الله يرجك

والله موقف رهيب

<------ على الاقل احرقت بيض مو تايد مع الطبخ اللهم لا شماته :biggrin:

http://www.alraidiah.com/vb/uploaded/mals2.gif

ابتسـ ألم ـامة

09-06-2005, 12:14 AM

http://www.7zen.net/a/abtsamh%201.gif

هـــلا وغـــلا
أخوي بركـ الحب ـان

تـايـــــــــــد :eek:

كان حطيت برسيل ترى أكثر فعالية وأكثر بياضاً :tongue:

موقف

رهيب والله رهيب :smile:

بانتظار موقف آخر

<<<<<<< حطت ملح بالقهوة ؛؛؛ أهون من التايد هههههههه

أختي حنين

ألف شكر لمتابعتك الرائعة للموضوع

وأتمنى أن لاتبخلي علينا بمزيد من المواقف

*
**
****
**
*

كيكة المعكرونة :biggrin:

لاتستغربوا

المفروض إني بسوي معكرونة بالفرن

وضعت المعكرونة بالماء ثم على النار

والمفروض طبعاً تحتاج عشر دقائق واشيلها

المهم

تركتها تنسلق ورحت أكمل شغلي

صار وقت وضع كل المقادير بالصينية

أول طبقة المعكرونة ((( كانت أشباه معكرونة :biggrin: )))

ثم باقي المقادير

ثم الفرن نص ساعة

ثم إلى طاولة الطعام

وقت الاستعداد للهجوم على طبقي المميز

والكل ميت من الجوع

قالوا : أكله غريبة

قلت : وأنا أبتسم ؛؛؛ هي من اكتشافي

معكرونة بالفرن

قالوا : ووين المعكرونة ما نشوفها

هذه كيكة :eek:

ههههههههههههههه

سر بيني وبينكم (( اصصصصصصص ))

المعكرونة ذابت من السلق

بس ما اعترفت لهم :biggrin:

ههههههههههههههههه

المهم أكلوا :smile:

الله يعافي الجوع اللي خلاهم يأكلون دون اعتراض:wink:

وهنى وعافية على قلوبهم هههههههه

دمتم بود

http://www.7zen.net/a/abtsamh%202.gif
كلمــات مــن ذهــب

ليست المشكلة أن تخطئ حتى لو كان خطأك جسيماً
وليست الميزة أن تعترف بالخطأ وتتقبل النصح
إنما العمل الجبار الذي ينتظرك حقاً هو
أن لا تعود للخطأ أبداً

بركـ الحب ـان

11-06-2005, 02:51 PM

بركاااااااااااان الله يرجك

والله موقف رهيب

<------ على الاقل احرقت بيض مو تايد مع الطبخ اللهم لا شماته

حنووووووووونه عن الشماته :mad:

الحين ما اطيق ريحة الصابون التايد ابد ابد للأبد :biggrin:

تـايـــــــــــد

كان حطيت برسيل ترى أكثر فعالية وأكثر بياضاً

وشووو برسل هذااا بعدددد شكله مرض معدي

الحمد لله الحين اذا طلعنا للبر
ما نغسل بتايد ابد

الله يسلم لنا الرمل :biggrin: ( أنواع امراض الحساسية )

واذا رجعناااا يحلها الف حلاااال

بقولكم موقف قديمممممممم أياااام الجهل بعد ايام القدر ما غيره اللي انفجر علينااا

حصل لي في البر بعد

بس ادعوا الله انه ما يواخذني

مرة انا وربعي ( ما غيرهم ) حقين التايد :biggrin:

طلعنا للبر وقلنا بنقير اللحم كل مرة ناكل لحم حاشي حاشي حاشي
زهقنا من الحاش اخاف يطلع لنا سنام مع الادمان

واقترحنا نجيب ارانب

واشترينا ارانب جوزين يعني اربع ارانب

وباعتباري شيف الرحلة المعرووووف ( الحمدلله مافنشوني بعد التايد )

قلت االيوم بعوضكم عن طلعتنا السابقة ( لاني استاثمت فيهم كل واحد في وجهه علامة فحص ( حروووق من الدرجة الخمسين ):biggrin:
المهم
واسن السكين ويوم جيت اذبح الارانب صارت تصارخ مثل صراخ الاطفال

وطبعااا في البر والليل حالك ( حلوة حالك ) وكأنك لحالك ما حولك أحد

فشيلة تبين لربعك انك تصافق ركبك

المهم عزمت اني اذبح الارانب لاننا جوعانيننننننن بالمرة

وكل ما قربت السكين صارت تصارخ الارانب واشوف عيون ربعي تتلامع من الخوف عاكسة نور الهلال لاننا بآخر الشهر

قلت بسوي نفسي شجاع بذبحها بسرعه وما اعطيها فرصة تصيح

وابتعدت انا واحد من ربعي عنهم ورحنا نذبحها بعيد عنهم شوي مع ان المكان مظلم بس وش نسوي لازم نذبحهااا

والله وبركان يقول بكل الارانب بسرعة البرق

ونجي ركض للمكان ( موووووووخوف ) بس تأخرنااااااا بالعشا ( ايه هين ) :redface:

ويوم جينا نسلخ الارانب وشششش نشوووووووف

والله فعلااا الله لا يواخذنااا

انا مع الاستعجال ذبحت الارانب باشكال مختلفة عن البشر

واحد قطعت راسة مع هامته يعني مع العيووووون :redface:

والثاني قطعت راسة مع البراطم :redface:

والثالث مع نصف وجهه بالطووول
والرابع الحمد لله هو السليم قطعته مع صدره

والله اننا فعلااا استاثمناااا بالحيوانااات معنا وبعدههااااا تبنااا ورجعنا

واحياااناا نأخذ معنا طيور الحمام بس مذبوووووووووووووحات ناقصين آثاااام :biggrin:

الغريب ان ربعي للحين ما فصلووووني من الطبخ والنفخ والذبح

أبو رائد

11-06-2005, 07:43 PM

ماشاء الله عليكم

والله مواقف فعلا رائعة جدا ومضحكه

وتعتبر الآن من الذكريات

شكرا لك ابتسامة ألم على الموضوع

ونشكر كل من تواصل وشارك

ديما

11-06-2005, 09:20 PM

السلام عليكم ورحمه الله وبركاته

الله يعطيكم العافيه على المواقف الجميله والذكريات الرائعه

الأخت أبتسامه ألم .. قهوة ملح زيادة

أنا شاي بالملح :redface:

اذكر من المواقف اللي صارت لي تقريباً كنا الساعه 3 الفجر

جاني أخوي وقال .. صلحي لنا شاي عندي ربعي

وانا اقوول له تعبانه بنام رووح لاختك الثانيه تلقاها تتابع مسرحيه

قال لا انتي تصلحينه.. المصيبه يمكن هذا رابع شاي لهم

<<< عاد عصبت قلت تم ( لانه اخوي اكبر مني ) :redface:

رحت للمطبخ وانا افكر بالنووم وشفت الملح قدامي وابتسمت ابتسامه خبيثه

المهم جهزت الشاي واكيد بتعمد الملح بدال السكر وقفلت غرفتي ورحت انام في غرفه اختي

لاني ادري إني بآخذ العقاب من آخوي وبخرب علي نومتي :biggrin:

المهم صار اللي صار

والحمدلله اللي كان موجودين اولاد خوالي واولاد عمي .. يعني ماهم غرب وضحكوا على الموقف

وواحد فيهم ذرع عن ساعديه ودخل المطبخ مع أخوي وسوا شاي وقهوه

وانتهت القصة :biggrin:

والمصيبه هذي السالفه صار لها فتره من الزمن

ولكن لحد الآن اولاد اعمامي يذكروونها :redface:

أمبيه والله احراج

ابتسـ ألم ـامة

12-06-2005, 01:06 AM

http://www.7zen.net/a/abtsamh%201.gif

هـــلا وغـــلا
أخوي بركـ الحب ـان

طباخ البر الرائع :smile:

بصراحة مواقفك رائعة

والغريب :confused: أنهم للحين متمسكين فيك ههههه

أممممممم :rolleyes:

أكيد طبخك رائع وساحرهم :smile:

<<<<<< تفكر تتعاقد معاك :wink: :tongue:

أشكرك لمشاركاتك الرائعة وتواصلك الجميل

بانتظار المزيد منك لاتبخل علينا

لاخلا ولاعدم

*
**
****
**
*

هـــلا وغـــلا
أخوي أبو رائد

شرفت المتصفح وعطرته بحضورك

وأنتظر منك زيارة أخرى

بمواقف صارت لك

ولا أنت مالك بالمطبخ وسوالفه :smile:

أشكرك على تواصلك الرائع

لاخلا ولاعدم

*
**
****
**
*

هـــلا وغـــلا
أختي ديمــــا

شـــاي بالملح

ههههههه

زين أنها عدت على خير :biggrin:

أحسن طريقة علشان ما ينطلب منك مرة ثانية

تسوين شاي ولا قهوة

من القلب أشكرك على تواصلك الرائع

أسأل الله أن لا يحرمني منه

دمت بود

*
**
****
**
*

انتظرونا

مزيد من المواقف الجميلة والطريفة

سـتأتي بعد الفاصل الإعلاني :wink:

دمتم بود

http://www.7zen.net/a/abtsamh%202.gif
كلمــات مــن ذهــب

الحب نعمة السماء الباقية.
حلوى الفردوس المنتقاة والمصّفاة في كأس الحياة المرّة

الريم

26-06-2005, 03:00 PM

خخخخخخخخخخ
بركان اما سوالفك عن البر فلا يعلى عليها
الا وش رايك تنضم الينا وتصير شيفه:biggrin:

الريم

26-06-2005, 03:02 PM

ابتسامه والله خوش موضوووع ولقينا فيه التفاعل
مشكووووووووره قلبوووو على الموضوووع:tongue:

بركـ الحب ـان

26-06-2005, 09:45 PM

الا وش رايك تنضم الينا وتصير شيفه

:mad: شيفة يالدبااااا :mad:

وش قالوا لك

الحييييييييييييييييييييييييييييييييييييييين يالله يمشي حالي وانا شيف

كيف اكوووون حته وحده شييييييييييييييفه :mad:

إن شاء الله اعلمك طريقة عمل المكرووونه بالفيري مو بالتايد

احسن حوبه فيك :biggrin:

همسـ مشاعر ـة

28-06-2005, 05:24 AM

هههههههههههههههههههههههههه
مواقف تجنن :biggrin:

لاحووووووووول طيب نقول الشباب مالهم ومال المطيخ ويش عذرنا أحنا :tongue:
بركان شيفه ههههههه :tongue:

أما مواقفي مع المطبخ فهي لاتحصى ولاتعد سويت عاهات في المطبخ :eek:

أمممممممم يالله أحكيكم عن وحده :rolleyes:
والبقيه في الطريق :biggrin:

هذا ياطويليييين العمررررررررررر
مره سويت نشميه ( يعني مو همسه :biggrin: ) وقلت لاهلي بكره غداكم علي ولايهمكم يحاولوو يابنت الحلال ويش يدريكي ....الخ مافي قلت أبي أسوي غدا يعني أبي أسوي :biggrin:
مو لو سامعه كلامهم أحسن لي
:biggrin:
قالو خلاص طيب
المهم هذا كان وقت الصيف وتدرون الصيف نوم النهار وصحيان الليل طيب قلت لنفسي ويش اسوي انا ما اصحى بدري لازم اسوي غدا
قلت مافيها الا اني ابدأ من الليل :biggrin:

وبس قررت أسوي كباب ورز كان شكلها في كتاب الطبخ يشهي :tongue:
تخيلو ماتعرف تطبخ لكباب ورز :eek:

المهم
وبدأت أحوس وأحط وأشيل وأنحرق ووو.....الخ :biggrin:

وجهزت كل شي وفي الصبح طبعا نمت :rolleyes:
وجاء وقت الغدا والا أسمع هالصريخ يلي يناديني انتي ويش سويتي :eek:
قلت ماسويت شي كنت نايمه كذابيين على طول الدفاع أشتغل :biggrin:
بس قالولي تعالي شوفي الغدا لقيت كباب ناشف كالصخر ولا أزيدكم من الشعر بيت
كانو 6 أصياخ هذه الـ6 تأكل مين وإلا مين نسيت أني بأكل عيله :biggrin:]أبوي يقولي ويش نسوي بهذه نشحت بيها :confused:
ولا الرز طلع ماصخ مافيله ملح بتاتاً البته ريحت نفسي ويشلي ويشل غثاه وقدره :biggrin:
وبس اللقيت الكل يضحك علي وابوي يقولي اشوفك تخشي المطبخ ثاني :biggrin:
قلت له أبشر مادري أنه ريحني
بس منظر أستغربت له :confused:

أخوي الصغير من جوعه لقيت معاه الملح ويحطه على الرز وياكل هالمنظر خلاني ادمع من الضحك :biggrin:
وبس قام أبوي يشتري غدا وانا رجعت لنومي ولا يكني سويت شي :biggrin:

:tongue:

وتوته توته خلصت الحتوته حلوه والا فتفوته :tongue:

:wink:

أبو رائد

28-06-2005, 07:38 PM

ماشاء الله

صراحه فعلا مواقف رائعة

ومواقف مضحكـــه

ننتظر المزيد

الجوووري

29-06-2005, 03:50 AM

هههههههههههههههههههههههههههههههههههههههههههههه
هههههههههههههههههههههههههههههههههههههههههههههه
ههههههههههههههههههههههههههههههههههههههههههههه
ههههههههههههههههههههههههههههههههههههههههههههه

تكملت الضحك بالشات اخمش :biggrin: :biggrin:

اما 6 اصياخ لوووووووووووول

<< ماعندها مواقف لانها ماتدخل المطبخ :biggrin:

همسـ مشاعر ـة

29-06-2005, 03:56 AM

ههههههههههههههههههههههههههه
هلا الجوري
مشكووووووره على المروووووووور الجميل :biggrin:

6 أصياخ ويش اسوي كنت اسوي الاكل لي هم يلي يبو ياكلون من اكلي :tongue:

************************************

أبورائد
مشكوووووووووووووووووووور على المرور :tongue:

بس مالك مواقف معقوله:confused:

:wink:

ابتسـ ألم ـامة

23-07-2005, 06:48 PM

http://www.7zen.net/a/abtsamh%201.gif

هـــلا وغـــلا
أحبتي الغاليين

ما أروعكم

وما أروع هذا التواصل والمشاركة الجميلة

لكل من شرفني بمتصفحي المتواضع

من القلب للقلب

أشكركم

ربي ما يحرمني منكم

أخوي أبو رائد

ننتظر مواقفك

أكيد تدخل المطبخ ههههههههههه

لاتخاف ما راح ننشر المواقف

هي

سر

بيننا

هههههههههههههههههههه

بانتظارك

وانتظار كل الأحبة لمزيد من المواقف الجميلة

حفظكم الله وسدد خطاكم لما يرضاه ويحبه

دمتم بود

http://www.7zen.net/a/abtsamh%202.gif
كلمــات مــن ذهــب

اترك المستقبل حتى يأتي ؛؛؛ ولا تهتم بالغد
لأنك إذا أصلحت يومك صلح غدك

http://www.alraidiah.com/vb/uploaded/signsubjects.gif

http://www.alshamsi.net/thekr.gif

عسوووووووووووله

19-08-2005, 07:06 AM

مشكور على هالموضوع الحلو يالغلا

الحمد لله لاتوجد لي مواقف طريفه او صعبه بالمطبخ

المطبخ ما هو المطبخ اذكر انى درست هذى الكلمه

فين . . . فين ... فين ياربي ما تسعفني الذاكره

ايه تذكرت مطبخ = kitchen

تعلمنا انه موجود في كل بيت

لحظه بشوف اذا في بيتنا مطبخ

طلع عندنا مطبخ

بااااااااركو لى

http://www.haridy.com/ib/images/smilies/p30.gif

بصراحه عسوووله شطوووره بالمطبخ وما عندها اي مواقف طريفه بالمطبخ

:biggrin: رد وحده بتنحااااااش من الفضايح :biggrin:

ليه بس اختى ابتســـ ألم ـــــــامه هذا الاحراج

لازم ننشر الغسيل

ولا يهمك

غسيل اليوم

كنت مشغوله بحل الغاز المنتدى

قلت كوب عصير أو شاى على الماشي

رحت للمطبخ لقيت كوب دافىء شربته

متعوده من زود النشاط اي كوب مصبوب اخذه

وانا طالعه اقول لصاحبه سوي غيره

بس هذى المره اللى كان بالكوب لاهو حليب ساده أو بنسكافيه

ولا حتى بنسكويك اشرب واقول ياربي وش هذا

قهوه مكسيكيه بالحليب أو حليب بقهوه برازليه

حتنشرب حتنشرب امممممممم حـ اشربك حـ اشربك

المهم وانا طالعه من باب المطبخ

اختى تدخل من الباب الثانى

طبعا كان على الطاوله طحين وبيض

كانت تعجن لنوع من المعجنات

واكتشفت بعد ما راحت تحوس وتدور على كوبها

اللى كان من المقادير المكمله للعجن

رجعت خطوتين واشرت لها

قالت لى غير صالح للشرب فقط للعجن :confused:

:eek: تخيلو ايش كاااااااان :eek:

كان يامكان في قديم الزمان

هههههههه

كان حليب دافىء + خميره

حتى تفوش العجينه

قعد افكر يعنى بعد ساعه أو اقل معتدى راح تنتفخ

الحمد لله ان عقلى انتفخ وما عرفت احل اللغز

وتوته توته خلصت الحتوووت

ابتسـ ألم ـامة

19-08-2005, 01:24 PM

http://www.7zen.net/a/abtsamh%201.gif

هـــلا وغـــلا
أختي عسوووووولة

نورتي مطبخي الخاص جداً

والله موقف لا تحسدين عليه

هههههههههههههههههههههههههههههه

وأنا أقول ذاك اليوم المنتدى انتفخ لحد الإنفجار

ورحت أبحث عن الأسباب

لقيتك موجودة فيه

هههههههههههههههههههههههههه

موقف واااااااااو :tongue:

الله لا يحرمني من طلاتك الرائعة

ولا تواصلك الأروع

وفقك الله وسدد خطاك لما يرضاه ويحبه

دمت بود

http://www.7zen.net/a/abtsamh%202.gif
كلمــات مــن ذهــب

قبيح من الإنسان ينسى عيوبه ** ويذكر عيبا في أخيه قد اختفى
فلو كان ذا عقل لما عاب غيره ** وفيه عيوب لو رآها بها اكتفى

http://www.alraidiah.com/vb/uploaded/signsubjects.gif

http://www.alshamsi.net/thekr.gif

بركـ الحب ـان

19-08-2005, 01:47 PM

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههه

عسووووووووووووووووله

الله يستر من الانفجرااااااااااااااااااااااااااااااااااااااار

اللهم حولينا ولا علينااا:biggrin:

ابتسـ ألم ـامة

20-08-2005, 01:21 AM

http://www.7zen.net/a/abtsamh%201.gif

هـــلا وغـــلا
أخوي بركـ الحب ـان

أجل

حوالينا ولا علينا

هههههههههههههههههههه

اشتقنا لسوالفك الحلوة

مواقفك لها طعم خاص

تدري ليه ..؟؟

لأنها من شيف متخصص ورائع

في طبخات البر العجيبة :tongue:

بانتظارك

وفقك الله وسدد خطاك لما يرضاه ويحبه

دمت بود

http://www.7zen.net/a/abtsamh%202.gif
كلمــات مــن ذهــب

قبيح من الإنسان ينسى عيوبه ** ويذكر عيبا في أخيه قد اختفى
فلو كان ذا عقل لما عاب غيره ** وفيه عيوب لو رآها بها اكتفى

http://www.alraidiah.com/vb/uploaded/signsubjects.gif

http://www.alshamsi.net/thekr.gif

عسوووووووووووله

20-08-2005, 01:23 AM

ههههههه

الله واكبر عليكِ اختى ابتســـ ألم ــامه

يعنى لازم تحرجينا

ولعيون بركــــــ الحب ـان اخر موقف من دقايق

شبكت النت

ومستعجله اشوف المشاركات والردود

طلبت اختى احمل صينيه الشاي

الحمد لله كانت جاهزه

اخذها من المطبخ وللصاله عدل

وهب ع السريع

احط الصينيه وللامام سر للكمبيوتر

اختى تحاول تصب ببياله الشاى مافي شي

تحاول يمكن زر الترمس ( ثلاجه الشاي ) معلق

يمين يسار فوق تحت

المسكينه

تحاااااول

ما درت لو تعصرها عصر ما راح تطلع ولا قطره شااااااي

والسبب

السبب

شااااااي مافي

لان

الشاااااااااي

كان

بالابريق

وكان المفروض اصبه قبل ما احمل الصينيه

اقووووول تفضلو عازمتكم على شاي

بدون شاااااي

ههههههههههه:biggrin:ههههههههه

ابتسـ ألم ـامة

20-08-2005, 01:33 AM

http://www.7zen.net/a/abtsamh%201.gif

هـــلا وغـــلا
أختي عسووووووووووولة

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههه

آآآآآآآآآه يابطني

هههههههههههههههههههههههه

أصلاً الغلط مو منك

من أختك ماحطت الشاي بالترمس :wink:

هههههههههههههههههههههههه

<<<<<<<<< تحاول تخفف عليها مصابها هههههههههههههههه:tongue:

والله موقف رائع

الله لا يحرمني من طلتك العسل يا غالية

انتظروا شوية مواقف شخصية :smile:

قريبـــــــــــــــاً

وفقك الله وسدد خطاك لما يرضاه ويحبه

دمت بود

http://www.7zen.net/a/abtsamh%202.gif
كلمــات مــن ذهــب

قبيح من الإنسان ينسى عيوبه ** ويذكر عيبا في أخيه قد اختفى
فلو كان ذا عقل لما عاب غيره ** وفيه عيوب لو رآها بها اكتفى

http://www.alraidiah.com/vb/uploaded/signsubjects.gif

http://www.alshamsi.net/thekr.gif

عسوووووووووووله

20-08-2005, 02:04 AM

انتظروا شوية مواقف شخصية :smile:
قريبـــــــــــــــاً

الله واكبر كل هذى طلعت مواااااااقف

ههههههههههههههه

ههههههههه

قولِ انتظرو مصائب شخصيه :biggrin:

:wink:

ليه

:biggrin:

مستقله بالموضوع ترى هذا ممممممممممطبخ

تعرفين شنو مطبخ

:biggrin:

نحن بانتظااااااارك

عسوووووووووووله

28-08-2005, 05:42 AM

كنا حواليكم بمطبخ الرائديه قلنا نمر ونسلم

:biggrin:

سلام حاااااااف ما يصير :wink:

اكيد راح اكتب لكم شي

:rolleyes:

راح اخبركم بهذا الموقف مضحك ؟ ؟ ؟ مسلى ؟ ؟ ؟

لا تستعجلو شوفو وقولو لي:cool:

من وين ابدأ :confused:

طاق طاق طاقيه

رين رين يافرن

اشوه انه الفرن مش الثلاجه

من كم يوم

فاتتنى وجبه العشاء

تعرفون المسافر يكون جيعااااااان نوم اكثر من الاكل

قعدت متاخره قلت اسمر بالمطبخ

الجوع كافر

نزلت ادور على اي شي أكله

وراح احشر راسي بالثلاجه أو الفرن

المهم ما توصل المواصيل للزباله

:biggrin:هههه:biggrin:هههه:biggrin:

ساعتها بستوى قطه من قطط الخفجي

ميااااو مممميييييياااوووووو

:confused:

ما علينا

لقيت الأهل قاعدين

قالو لى في فطاير ومعجنات بالثلاجه وورق عنب

قلت

ليه خير انشاء الله حايشتها سخونه حتى تفرزونها

كان يرد اخوي

صيف والدنيا حر لازم بتكون بالثلاجه

على بالك قاعده بسانتاكلوز ( مدينه بايطاليا )

رحت للمطبخ

الحمد لله انى عرفت الطريق ما ضيعته ورحت عند الجيران

هههه:biggrin:هههه

:wink:
عسوله شطوره حبت تكسب ثواب بالسهرانين

وتعد لهم شاي بنعناع وشويه مكسرات

على ما تسخن الفطاير

حطيت الابريق عـ النار

وقعدت استكشف مفاتيح الفرن وشولاته الخمس

هذى حقت اي عين وهذى للساعه وهذى للضوء وهذى للشوايه

كان درس هندسه تعلمت منه

بس لازم يكون الفرن مثل فرنا اذا كان غير بتوهق

حسبي الله ونعم الوكيل على الزمن والظروف

صرت غبيه بالمطبخ لهذى الدرجه

ما ادري ايش اللى نسانى المطبخ :mad: مع انى كنت شاطره فيه

http://www.mamarocks.com/jpaschf1.gif

المهم الفطاير قلت اسخنها بفرن الغاز طعمها بيكون ألذ من الكهربائي

صح بياخذ وقت لكن على ما اجهز الشاي بيسخن عشاي

تخيلو المنظر

الابريق فوق الفرن

الفطاير تحت

صرت اجهز الصوانى والصحون والكاسات

وبعدين سحبت كرسي وقعدت اتأمل مطبخنا العزيز

والله واحشنى موت خاف بعدك اجوع

صاير حلو مغيرين بالديكورات

هههههه

مرت 5 دقايق

6 دقائق

الـ 7 ما احبها مرت على وطرتها

8 دقائق

الدنيا ليل وهدوء الخفجي غير

الا واسمع الصوت

بمممممممممم وبعدها بــــممممممممم

http://www.mamarocks.com/flames.gif

وشويه الوان فسفوريه ونيونيه

احلى صوت انفجار سمعته بحياتى

:smile:فاتكم يا اعضاء الرائديه:smile:

وبلحظه

لقيت الاهل فوق راسي

وعسوله قاعده على الكرسي

الحمد لله ان طاوله الطعام بعيده كثير عن الفرن

:cool: :cool: :cool:

اختى تقول ايش صااااار ؟؟؟

اخوى ايش هذا الصوووووت ؟؟؟

وبكل هباله اوقف واقول ما ادري

وقعدت اضحكـــ:biggrin: والله منظر تحفه

الابريق طار لفوق

باب الفرن الزجاجي اندفع بشده رهيبه ورجع لمكانه

الجزء الالمنيوم اللى تحت يطير ويعطى احلى صوت على الارض

وتطلع الهب النار بالوان مختلفه احمر اصفر برتقالى بنفسجي

وتطلع نار من داخل الفرن غريبه أول مره اشوفها

تصدقون :confused: الفرن اهتز من مكانه

قام اخوي قفل الغاز ورجع القطع بمكانها

اشوه الاضرار ماكانت صعبه شويه خلخله وشديناها

ياحرام :frown: فرنا جديد ما يستاهل

بس الوالد الله يطول عمره وعد بفرن جديد برمضان 2005

اختى تقول الظاهر انكِ فتحت شبكه الفرن فوق وتحت

واشعلتِ اللى تحت

قلت لها ما افتي

بس بصراحه كان اخطر موقف لى بالمطبخ :biggrin: وليس بحياتي

وتوته توته خلصت الحتوته:tongue:

ابتسـ ألم ـامة

04-09-2005, 03:15 PM

http://www.7zen.net/a/abtsamh%201.gif

هـــلا وغـــلا
أختي عسووووووولة

تجمل الموضوع بحضورك الرائع

الله لا يحرمني منه

مواقف لا تحسدين عليها

ههههههههههههههههههههههههههه

رائعة

رائعة

رائعة

لاتحرميني من طلتك البهية

وموافقك الجميلة

يؤيؤيؤيؤ

أقصد

مصائبك الرائعة ههههههههههههههه

بانتظارك دائما

لاتغيبي ياغالية

وفقك الله وسدد خطاك لما يرضاه ويحبه

دمت بود

http://www.7zen.net/a/abtsamh%202.gif
كلمــات مــن ذهــب

لا تيأس؛ فاليأس كفر برحمة الله
و لا تغضب؛ فالغضب قتل لفضائل النفس
و لا تحقد؛ فالحقد تشويه لجمال الحياة

http://www.alraidiah.com/vb/uploaded/signsubjects.gif

http://www.alshamsi.net/thekr.gif

بركـ الحب ـان

07-09-2005, 12:19 AM

هههههههههههههههههه
عسووووولة

والله ان اسلوبك جعلني اعيش الموقف بمطبخكم
وكأني اعيش الحدث

رائعه استمري فاسلوبك تحفة

قد يكون لموقفك اثر في ابداعك ولكني لا اتمنى لك الخطر

ابتسـ ألم ـامة

07-09-2005, 12:25 AM

http://www.7zen.net/a/abtsamh%201.gif

هـــلا وغـــلا
أخوي بركـ الحب ـان

اشتقت لمواقفك وبصراحة لها طعم خاص

لاتحرمنا منها

سعيدة بتواصلك واهتمامك

بانتظارك دائماَ

وفقك الله وسدد خطاك لما يرضاه ويحبه

دمت بود

http://www.7zen.net/a/abtsamh%202.gif
كلمــات مــن ذهــب

لا تيأس؛ فاليأس كفر برحمة الله
و لا تغضب؛ فالغضب قتل لفضائل النفس
و لا تحقد؛ فالحقد تشويه لجمال الحياة

http://www.alraidiah.com/vb/uploaded/signsubjects.gif

http://www.alshamsi.net/thekr.gif

بركـ الحب ـان

07-09-2005, 02:47 PM

الحقيقة يا اخت ابتسامة المواقف كثيرة ولكن اكثرها غير قابل للنشر
ولكن بقول موقف صار قريب يعني قبل ايام :(

مرة من المرااااارريت قلت بوفر فلوووووس واصير هاموووور بورصة
واحوش لي كم قرش

وما اشتري فشااار
واصلحة انا بنفسي

والله من زين التوفير

المهم

طبعااا اشتريت حبوب الذرة من بندة
وبنده هذي للي ما يعرفها سوبر ماركت
بالكويتي ( جمعية )

اشتريت الحبوب
وطبعااا الطريقة ما تحتاج استشارة الموضوع بسيط
ذرة + زيت +قدر + شوية ملح بعد ما يخلص

اعتقد ان هذااا هو المفروووض

لكني قلت بتميلح واطلع طعم جديد ونكهههة جديده يمكن تسجل لي في كتاب الارقام القياسية

واضفت زيادة = رز+طحين + زبدة + زبادي + زعفران

المهم اغلقت القدر

طبعااا من المفروووض انك تسمع فرقعة الفشار وخاصة انه يتفاعل مع المكونات الجديده عليه
ماسمعنا شي ولا شمينا شي ولا كأن في القدر شي

وبعد ثلاث دقايق بالززززززززبط شمينا ريحة كفرات ( تاير ) وريحة قماش محترقه
وبالطبع بفتح الغطا ماقدرت ما ادري ليه

بالاول كنت اخاف يطير على وجهي فشار
لكن اصلا ما قدرت افتحة يالله بمفتاح الصلصة ( العلب )
وش اشووووف طبعاا بعد السحابة السودا

اللي يعرف طاقية الافغاني في عز الظهيرة مثلهااا

حشااا فرشة بسمك 10سنتي
شي غريب

رائحة مثل ريحة التفحيط

لون مثل لون طاقية المذكور اعلاااه ( اخونا الافغاني )
طبعاا ما فيه اي اغراءات للتذوق

طبعااا القدر للحين مغيب شمسة باللي فيه ولا من شاف ولا من درى :)

ابتسـ ألم ـامة

07-09-2005, 11:53 PM

http://www.7zen.net/a/abtsamh%201.gif

هـــلا وغـــلا
أخوي بركـ الحب ـان

واضفت زيادة = رز+طحين + زبدة + زبادي + زعفران

:eek:

أشك أنك كنت تسوي فشار

هههههههههههههههههه

هذه كبة عيش ههههههههههه

أمس بس سويت فشار

بدون إضافاتك

بس

النتيجة كانت

كنتيجة فشارك

ههههههههههههههههه

الله يخلف علينا

فشار مانعرف نسوي

خليها على الله

يسلمو أخي الكريم

الله لا يحرمني طلتك البهية

ومواقفك المطبخية الرائعة :wink:

وفقك الله وسدد خطاك لما يرضاه ويحبه

دمت بود

http://www.7zen.net/a/abtsamh%202.gif
كلمــات مــن ذهــب

لا تيأس؛ فاليأس كفر برحمة الله
و لا تغضب؛ فالغضب قتل لفضائل النفس
و لا تحقد؛ فالحقد تشويه لجمال الحياة

http://www.alraidiah.com/vb/uploaded/signsubjects.gif

http://www.alshamsi.net/thekr.gif

عسوووووووووووله

14-09-2005, 08:33 AM

هـــــ وغـــلا ــــــلا

اختي ابتسـ ألم ـامة

شفتى اشلون

مواقف لا احسد عليها

وانشاءالله لي عوده بمواقف جديده

:tongue:

:tongue:

يا هـــــ ومرحـــبا ــــــلا

اخوي بركــــ الحب ـــان

اسعدني تواجد معي بالمطبخ بس لايكون غطاء الابريق في جيبك

مشكور

بس ما قلت لنا عزومه الفشار الثانيه متى بتكون

هههههه :biggrin: ههههه

هههههههه

هههه

الحمد لله ما طبقت الوصفه السابقه لاعداد الفشار

كان بيصير المطبخ مكان للتفحيطات :cool:

ههههههههه

هههههههههههههه

ذكرتني بصاحب اخوي المسكين :frown: كان دلوعه الماما وما يعرف بالطبيخ شي

المهم حب يطبخ معكرونه

ياعيني اطربني باللى سوااااااااااه

:eek:

قام بغسل المعكرونه مثل الرز قبل سلقها

:biggrin: ههههههههه :biggrin:

مغامره رائعه اخوي بـــــركــــ الحب ــــان

يعنى لازم تتفلسف وتحط رز + طحين :confused: ايش دخلهم بالفشار

الزبادي حطه بعد ما ينتهي الفشار اعتقد بيكوووون شي

اما الزبده والزعفرااان < < < يمكن طبخه جاكرتيه

الحمد لله لا من شاف ولا من درى

ورمضان على الابواب روح اشترى قدووووووور جديده

قبل ما الأهل يستفقدون القدر المصاب

موقف راااااائع ولا ينحسد عليه

لا توووفير بعد اليوم

بركـ الحب ـان

16-09-2005, 11:05 PM

يعنى لازم تتفلسف وتحط رز + طحين ايش دخلهم بالفشار

يا بنت الحلال
انا قلت بطلع طريقة جديدة لعمل الفشار مو فلسفة ولا شي

وبعدين ترى فيه فشار يعمل من الرز او ما تعرفينة

وقلت يمكن الطحين يخلي نكهته زي نكهة البروست
لكن الحمد لله جت سليمة وما زال القدر مغيب شمسة على الاقل حتى الان
:)

ابتسـ ألم ـامة

16-09-2005, 11:35 PM

http://www.7zen.net/a/abtsamh%201.gif

هـــلا وغـــلا
أخوي بركـ الحب ـان

شوقتني

وبصراحة

ناوية أجرب طريقتك

وبسوي فشار بالرز والطحين

ههههههههههههههههاااااااااااااااي

ونقول على مطبخنا السلام :tongue:

وفقك الله وسدد خطاك لما يرضاه ويحبه

دمت بود

http://www.7zen.net/a/abtsamh%202.gif
كلمــات مــن ذهــب

لا تحزن؛ فالحزن إتلاف لأعصاب الجسم و الروح
و تحمل من الهموم ما لا يضينك
و ما لا ينسيك سلطان الله قضاءه و قدره في تصاريف الزمان

http://www.alshamsi.net/thekr.gif

حنين

22-09-2005, 11:31 PM

http://www.alraidiah.com/vb/uploaded/mals.gif

يا هلا بكم

بالنسبة للمواقف

فيه موقف حصل لبنت اختي

موقف طبعا صعب

ما راح اطول عليكم

" طبعا كلنا نعرف شقاوة الاطفال ..
كانت بنت اختي تعلب بالمطبخ و امها تجهز القهوه

كانت دلة القهوه تغلي وهي تلعب بالمطبخ و بدون شعور قربت من عند الفرن

:confused:

طاحت عليها الدله و انكب عليها الماء و احرقها

على الساق و البطن

جلست بالعناية المركزه حوالي الشهر

بس الحمد لله على كل حال

والحين حالتها عال العال والحمد لله

بس المفروض ننتبه لاطفالنا

صحيح انه مقدر و مكتوب بس الحذر واجب

http://www.alraidiah.com/vb/uploaded/mals2.gif

ابتسـ ألم ـامة

12-10-2005, 10:29 PM

http://ddmmdm.jeeran.com/114474.gif

هــلا وغــلا
أختي عسوووولة

يسعدني دائماً

أن أرى أسمك ينور متصفحي

سأكون بانتظارك

ومواقف مطبخية جديدة

لا تغيبي

ربي يسعد قلبك ويحقق لك الأماني

http://ddmmdm.jeeran.com/774414.gif
http://www.alraidiah.com/vb/uploaded/thekr.gif
كلمــات مــن ذهــب

اَللّـهُمَّ اِنَّ لَكَ حُقُوقاً فَتَصَدَّقْ بِها عَلَيَّ
وَ لِلنّاسِ قِبَلي تَبِعاتٌ فَتَحمَّلْها عَنّي
وَ قَدْ اَوْجَبْتَ لِكُلِّ ضَيْف قِرىً
وَ اَنَا ضَيْفُكَ
فَاْجعَلْ قِرايَ اللَّيْلَةَ الْجَنَّةَ
يا وَهّابَ الْجَنَّةِ يا وَهّابَ الْمَغْفِرَةِ
وَ لا حَوْلَ وَ لا قُوَّةَ إلاّ بِكَ

ابتسـ ألم ـامة

12-10-2005, 10:32 PM

http://ddmmdm.jeeran.com/114474.gif

هــلا وغــلا
أختي حنين

موقف صعب

وكثير من حوادث الأطفال تكون بالمطبخ

مهم جداً اتباع وتطبيق وسائل الأمن والسلامة

خصوصاً في المطبخ

الأطفال والمحافظة على سلامتهم

من مسؤوليتنا

أشكرك لتواصلك

لاخلا ولاعدم

http://ddmmdm.jeeran.com/774414.gif
http://www.alraidiah.com/vb/uploaded/thekr.gif
كلمــات مــن ذهــب

اَللّـهُمَّ اِنَّ لَكَ حُقُوقاً فَتَصَدَّقْ بِها عَلَيَّ
وَ لِلنّاسِ قِبَلي تَبِعاتٌ فَتَحمَّلْها عَنّي
وَ قَدْ اَوْجَبْتَ لِكُلِّ ضَيْف قِرىً
وَ اَنَا ضَيْفُكَ
فَاْجعَلْ قِرايَ اللَّيْلَةَ الْجَنَّةَ
يا وَهّابَ الْجَنَّةِ يا وَهّابَ الْمَغْفِرَةِ
وَ لا حَوْلَ وَ لا قُوَّةَ إلاّ بِكَ