الرز بالبهارات مع صدور الدجاج المتبله بالجتني(طبق هندي) راح يعجبكم

[الريم]

الرز بالبهارات مع صدور الدجاج المتبله بالجتني(طبق هندي)

المقادير:
ملعقة طعام زيت زيتون
بصله صغيره(80 جرام) مفرومه
فص ثوم مفروم
ملعقه صغيره حبوب الخردل السوداء
ربع ملعقه صغيره هيل
نصف ملعقه صغيره كمون مطحون
نصف ملعقه صغيره جارام ماسالا
نصف ملعقه صغيره كركم
كوب و نصف الكوب رز بسمتي
ثلاث أكواب مرقة دجاج
ربع ملعقه صغيره ملح
ربع أو نصف ملعقه صغيره فلفل أسود(اختياري)
ملعقتين طعام كزبره خضراء
ثلث كوب جتني المانجا(mango chutney)
ملعقتين طعام ماء
4 شرائح صدور دجاج(680 جرام)

الطريقه:
سخني الزيت في جدر تيفال, وظيفي البصل وشيطيه ويا الثوم و حبوب الخردل, واستمري بالخلط الين ما تبتدي تتناقع حبوب الخردل. ظيفي باقي البهارات و اخلطيهم مع بعض عدل.
ظيفي الرز, واخلطي عدل ويا البهارات الين ما يمتزجون عدل. ظيفي مرقة الدجاج و خليها اتفور, و عقب خفي عالظو و خلي الرز ينطبخ والجدر مفتوح لا اتغطينه, الين ما يستوي الرز و عقب ظيفي الكزبره و سكري الظو و غطي الجدر.
اخلطي المانجو جتني مع الماي و سخنيهم شوي عالظو.
اشوي الدجاج على الشوايه (يا إما تشوين في الفرن أوعلى شواية الباربيكيو) وانتي تمسحين الجتني بالفرشاة على صدور الدجاج من الجانبين الين ما تنظا. طبعا إذا استخدمتي الفرن, امسحي الصينيه بشوييية زيت لا تكثرين
قطعي الصدور الى شرائح و قدميهم ويا الرز بالبهارات... وممكن بعد اتقدمين الطبق هذا مع روب قليل الدسم بالخيار والبصل..
و بالعافيه عليكم

الدسم في هذا الطبق: 15,3 , و السعرات الحراريه: 2561
انشاء راح تجربونه وتقوولوون لي وش رايكم تيب؟؟؟ :biggrin:


تحياتي الشيفه ريوومه

[ديما]

تسلم الايادي ريوومه

الله يعطيك العافية

دمت بخير

[ابتسـ ألم ـامة]

http://www.7zen.net/a/abtsamh%201.gif

هـــلا وغـــلا
أختي الريم


نورت الرائدية بعودتك

أهلاً مليوووون


وإن شاء الله مافي غياب مرة ثانية :smile:


*
**
****
**
*


أكلة لذيذة


يمممممممم :smile:


سلمت الأيادي

يعطيك العافية


دمت بود

http://www.7zen.net/a/abtsamh%202.gif
كلمــات مــن ذهــب

الحب نعمة السماء الباقية.
حلوى الفردوس المنتقاة والمصّفاة في كأس الحياة المرّة

[أبو رائد]

الريم الله يعطيك العافية



وعودة طيبة إن شاء الله

[حنين]

http://www.alraidiah.com/vb/uploaded/mals.gif







يااااااااي


ياحلو كلمة الجدر :biggrin:


تسلمين الريم و باذن الله راح اجربه بالذات انك قلتي الجدر :biggrin:





http://www.alraidiah.com/vb/uploaded/mals2.gif

[الريم]

مشكوورين اووي على الرد وعسى الطبق اعجبكم :biggrin:


حنين اجل الجدر اعجبتس هاه:biggrin:

ابتسامه انشاءالله ماراح اغيب مره ثانيه عنكم :biggrin:
ابو رائد مشكور على المرور:tongue: