الى متى باصات مدرسة المستقبل ؟؟؟؟

[ha11]

الباصات تتاخر على عيالنا وتجيهم الساعه7 وربع او 7ونص ويوصلون على نهاية الحصه الأولى طيب وبعدين إلى متى يا المستقبل والمشكله في الباصات حالتها حاله والسر في التأخير هو شي يضحك يستنا السواق أي باص يرجع بعد ما يوصل دفعه من العيال للمدرسه وبعدين ياخذ السواق الثاني الباص ويوصل العيال متأخر وتروح عليهم الحصه الأولى طيب ليش احنا ندفع أقساط المدرسه ونسوي اللي علينا طيب من حقنا ان باصات عيالنا تكون حالتها زينه وما يأخرون عيالنا على المدرسه لأن هذا من أبسط حقوق الطلاب الباصات تكون جديده او حالتها زينه وإذا بغت المدرسه أقساط المدرسه ترسل المسج ويطالبون بفلوسهم من حقهم طبعا واحنا من حقنا نطالب بباصات جديده احنا من حقنا نطالب لعيالنا الأفضل يا ليت يوصل الكلام لان العالم يشتكون ولا مجيب ....................الله يحفظ عيالنا وعيالكم جميع. ملاحظه :أنا بغيت أنقل عيالي بسبب مشكلة الباصات لكن عيالي يبغون المدرسه لان معهم عيال يعرفونهم من اول ما بدو الدراسه.:mad::mad:

[ha11]

السلام عليكم ورحمة الله وبركاته أشكر كل شخص قرأالموضوع بس كنت أتمنى يكون في ردود وتعليق

[slr]

امممممممممممم
قربْ النصف الثاني اصبرو وانقلوهم الى مدرسة حكومه افضل > يجون ويرحون كعابي :d
> شي جميل تتأخر وتلفالك عذر:biggrin:
صبآحكم جمعه

[دانة الكون]

قدموا شكوى لإداره المدرسه
و إذا ما فيه استجابه
لا تدفعون رسوم التوصيل الخاصه بالباص
و دوروا سواق يوديهم للمدرسه
"و اعتقد انه بتتم الاستجابه بسرعه
علشان ما يخسرون طلابهم"

او انقلوا عيالكم لمدرسه قريبه من البيت
و مثل ما تعودوا على اصدقائهم بيتعودون على غيرهم
او انقلوهم مع بعض لمدرسه ثانيه

المشكله مو بالتاخير
المشكله بالدرس اللي يفوقتهم
هل يعاد شرحه لهم او لا :confused:

[ام بسام]

السلام عليكم ورحمة الله وبركاتة نفس معاناتنا فى الاجيال الثانوية الله يصبرنا عليهم

[ولد البلد]

اخوي عزيز وغالي
والله انك جبتها على الجرح
وياليت على كذا بس
وحتى انا احاول في اولدي اني انقله
بس مو راضي علشان ربعه الي معااه
ايام المطر يومين ما جاء الباص حق ولدي
وبعدين كلمة مشرف الباص وقال انه يجي 6 وربع
وانا ساكن في عماره
وباصهم حتى بوري ما فيه اشلون ان اعرف ان الباص جاء
وقال كل يوم 6 وربع لازم ينزل تحت العماره
صار الولد ينزل من 6 وربع يتنظر الى 7 او 7 ونصف في هالبرد والمشكله اني اروح العمل
المفروض ادارة المدرسه توفر باصات احتياط للضروره
واذا دقيت المدرسه والله الباص حقهم متعطل وبيجي لهم باص ثاني
الى متى يا مدرسة المستقبل
ومو بس في الشتاء حتى بالصيف الباصات غير مكيفه ولا يجي اولدي الا وجه احمر والعرق في ملابس
ويقولون مدرسه اهليه
واهي اغلى مدرسه الحين تعتبر في الخفجي
الابتدائيه ب7500
وجميع المدراس الابتدائيه الموجوده بالخفجي لا تتعدى ال 7 الاف
...............................................
والمشكله نايمين حدهم حتى تقويم الفتره الاولى اولدي ما استلمه
وكل ما دقيت ابي استاذه حق اساله عن التقويم قالو الاستاذ عنده حصه اذا تبي شي قول واحنا نقول له
ويوم قلت لهم عن التقويم ما عطوني غايه وقالو بيسالون الاستاذ

[ابوبندر 1]

أنا لا انصح الاخوان بان يمتنعون عن دفع قسط توصيل الباص المتفق علية لانهم بهلحالة يكونون اخلو بالاتفاق ويعطون ادارة المدرسة الفرصة للتنصل من الاتفاق المبرم بينهم وهذا سوف يكون مكلف خاصة الان , بل عليهم ان يدفعو القسط ويطالبون الادارة بشكل جدي وان كانت المدرسة لا تستطيع عليها احضار البديل
وعلى ذكر كلام احد الاخوان ان الباصات مافيها بواري ! فواحد من سواقين الباصات يقولي أن اولياء الامور ما يطلعون ابناءهم على الوقت ويقول انهم يدعون عدم سماع البوري ويضيف " ماعاد الا نعلق لهم قواطي ونسحبها بالسيارة حتى يسمعونا !! ":d

[ولد البلد]

أنا لا انصح الاخوان بان يمتنعون عن دفع قسط توصيل الباص المتفق علية لانهم بهلحالة يكونون اخلو بالاتفاق ويعطون ادارة المدرسة الفرصة للتنصل من الاتفاق المبرم بينهم وهذا سوف يكون مكلف خاصة الان , بل عليهم ان يدفعو القسط ويطالبون الادارة بشكل جدي وان كانت المدرسة لا تستطيع عليها احضار البديل
وعلى ذكر كلام احد الاخوان ان الباصات مافيها بواري ! فواحد من سواقين الباصات يقولي أن اولياء الامور ما يطلعون ابناءهم على الوقت ويقول انهم يدعون عدم سماع البوري ويضيف " ماعاد الا نعلق لهم قواطي ونسحبها بالسيارة حتى يسمعونا !! ":d


ابو بندر
انا ما جبت شي من عندي
نزلت انتظر الباص مع ولدي وقلت له ليش اذا تجي ما تضرب بوري حق نعرف انك جيت وبلسانه المشرف قال لي خربان البوري