المساعد الشخصي الرقمي

مشاهدة النسخة كاملة : شكوى للهيئة الامر بالمعروف؟؟

مشاكسmbcرومنسى
21-06-2005, 03:16 PM
يشهد كورنيش محافظة الخفجي هذه الأيام إقبالا كبيرا من الأهالي خاصة في أوقات الليل حيث تنخفض درجات الحرارة ويتلطف الجو الا ان (الحلو ما يكملش) حيث تصاعدت حدة الشكاوى من انتشار العزاب بشكل كبير أدى الى اختلاطهم بالعوائل وحدوث مشاكل شبه يومية.
وناشد كثير من الأهالي هيئة الأمر بالمعروف والنهي عن المنكر بالتواجد على الكورنيش لمراقبة سلوكيات الشباب التي تزعج العوائل, كما شكوا من انتشار التفحيط بين الشباب مما يمثل خطورة كبيرة على المتنزهين....



منقول ياسر عناد الخفجي 766,,,,
..
Power Speak
21-06-2005, 03:21 PM
هلا والله مشاكس


مشكور على هالنقل الحلو


بس فيه تعقيب


انا مره اتصلت على المرور لوجود على مقالو احداث شبه شغب وشباب الخفجي

مايقصر تتوقع وش كان الرد الرد كان والله ماعندنا غير دورتين وش تبينا نسوي ؟


اما الهئيه اتوقع يقتصر دوامهم على السوق والين الساعه عشره ما اتوقع بيسهرون

الى اكثر من هاذ الحد :wink:
مشاكسmbcرومنسى
21-06-2005, 04:25 PM
الله يهديك باور سبيك يالغالي في شئ اسمه الدوريات الامنيه هي المسؤله وعلى فكرة زين ردوا عليك وقالولك كذا في حوادث مايجونها المرور ....

ترى الله يعينهم لو تسأل احد بالدوريات الامنية يقولك ترى تعبنا من شباب الخفجي وياحظ اللي مرخوص خميس وجمعه من قده !!!


لأنها يمكن تطلع ارواحهم واغلبيتهم شياب وياليت يستبدلونهم بالشباب اللي دوبه متخرج احسن على الأقل يفهمون حركات الهجوله حقت الشباب ...

على العموم احنا طلعنا برى الموضوع شوي لاكن ياليت فيه اهتمام من الجهات المسؤله عن ذلك ...


لاهنت يالغالي على تعقيبك المميز!!!
أبو رائد
21-06-2005, 04:41 PM
هيئة الأمر بالمعروف والنهي عن المنكر


ما تقصر بكل تأكيد بهذا الشأن


وسوف اقوم بابلاغهم بهذا الشأن


إن شاء الله



ولك الشكر والتقدير يا مشاكس
مشاكسmbcرومنسى
21-06-2005, 06:27 PM
لاهنت يابو رائد بس ياليت بعد مايزعلو علي وبعدين يتحقطون لي في سوق الذهب ؟؟ مشاكل بمشاكل ياري أستر علينا...