نداء للشعراء .. بيت شعر ويحتاج الى رد

[العابر]

السلام عليكم ورحمه الله



شعراء الرائديه



تحيه طيبه وبعد



عندي اقتراح واتمنى ان يحوز على رضاكم واعجابكم

واشاهد مشاركاتكم



هناك بيت لسليمان المانع يقول فيه



يا شينها لاصرت بين اختيارين = مستقبلك والا حبيبٍ توده



نريد من الشعراء الرد على هذا البيت ببيتن من الشعر

كل على حسب فهمه للبيت ونتظرته لهذا البيت


انتظر تفاعلكم

[عبدالعزيز الجلعود]

العابر


شكرا

لطرح فكرتك هنا

وانتظر الرد

والمشار كه من الأعضاء

[أبو الهنـــــوف]

هلا و غلا

أخوي الغالي العابر


الله يعطيك العافية

و الله الفكرة حلوووووووووووه مره


و إن شاء الله أرد عى هذا الطرح بالقريب العاجل


الله لا يحرمنا من جديدك يالغالي

[ابتسـ ألم ـامة]

http://www.7zen.net/a/abtsamh%201.gif

هـــلا وغـــلا
أخوي العابر


فكرة رائعة


ياريت أعرف أنظم أشعار كان شاركت معكم


سأكون متابعة لكل ما يطرح


لاستمتع بالجميل والرائع من عذب القوافي


لشعراء الرائدية المبدعين




يعطيك العافية


دمت بود




http://www.7zen.net/a/abtsamh%202.gif
كلمــات مــن ذهــب

أكرم بعلم رائع يدعى الفلك ؛؛؛ من يدرك الأسرار فيه فقد ملك
يزداد إيماناً برب مبدع ؛؛؛ للكون من لا يتقيه فقد هلك
طوبى لمن جاب الفضاء بعلمه ؛؛؛ وبعقله درب الكواكب قد سلك

http://www.alshamsi.net/thekr.gif

[محمد المغيلث]

العابر شكرا لهذه الفكره الرائعه

ولكن وين البيت

[سامي الشمري]

مستقبلي يبطي و نبقى حبيبين = و القلب لا راح منهو يرده

القلب أليا خير بين أختيارين = يختار من حبه .. ولا يسده


هلا و غلا
العابر

هذا رد بسيط .. و على السريع

و ننتظر تفاعل الأعضاء

[عواد العنزي]

العابر

هلا وغلا أخوي

المعذره توني اطلع على الموضوع


وسوف اجاري البيت ببيتين على الطاير

وحاضر بحاضر لعيون العابر


في وقــتــهــا لا صــيــرانــا بــيــن نـاريـــن

كـل(ن) يــشــد الــحــبــل كـل(ن) يـــشـــدّه

لا راح خــلّـي كــيــف انا اعــيـش بــعـــديـن

ومــســتــقــبـلي لا راح مـنـهـــو يـــــردّه


شاكر اخوي العابر هذه الفكره الرائعه

وتقبل تحيتي وفائق احتراااااااااااااامي

[توتي]

ارجوووووو ان تعجبكم



مستقبلك غارق ف بحر المحبين *** مافيه غير الحب مافيه صده

يازينها لاصرت مع داعج العين *** اتناظر بعينه ويدينك لخده

[فـتـــــــــون]

ماني شاعره




بس يوم شفت البيت



<<<< شو جابج بين الشعراء:mad:




جا في بالي



أقول





الفكر احتار ... واحترت أنا بين الأثنين
فكر يودي خاطري لبعيد ... ويرده
مستقبل يرفع الراس وعالدنيا يعين
وإلا حبيب يعل قلبي ... ويصده









لاتطقون:biggrin:





بطلع:biggrin:

[أبو الهنـــــوف]

هلا و غلا

أخوي العابر

الله يعطيك العافية

وصح بدنكم محمد المغيلث

و سامي

و نايف العنزي

و توتي

وهذا اللي طلبته يالغالي

وإن شاء الله يعجب الجميع

يتقطع القلب بين أصعـــب خيارين ،،، قلت الأول مر و الثاني أمر منـــــــه

و لو خيروني بين الخيارين الحين ،،، قلت الأول و الثاني ما لي غنى عنه

ولكم كل الشكر على المشاركات الحلوه

[أبو رائد]

تسلم يا العابر


والله يعطيك العافية




ونشكر تفاعل الأعضاء مع هذا الموضوع



محمد المغيلث


البيت هو



يا شينها لاصرت بين اختيارين **** مستقبلـك والا حبيـبٍ تـوده







ننتظر مشاركتك

[مسفر اليامي]

العابر مرحباً بك

والله يحييك ويحيي مشاركتك انا اليوم شفت الموضوع
وحبيت اشارك بردي على البيت المطروح لسليمان المانع
اتمنى المشاركه تعجب الجميع

الله هدانا يالجاويد نجدين=واللي رحل يصعب علينا مرده
ولاصرت ياسليمان مابين نارين=عمرالرخاء ماجاك من غيرشده
الحب طيش ونكبة الحب بعدين=واوصيك انا مستقبلك لاتهده
كم واحدٍ ظيع حياته ورا الزين=ومستقبله كبر عليه المخده
ويوم انتبه للناس حوله سلاطين=وهو يراوح بين هاته ووده
اللي يحبه راح واقفى من سنين=ومستقبله صد وتطاول مصده

[العابر]

عبدالعزيز الجلعود

ابو الهنوف


ابتسامة الم

محمد المغيلث


سامي



عواد



توتي


فتون


ابورائد


مسفر




تسلمون على مروركم


وكلمات طيبه من ناس طيبيين

[توتي]

الى الغالي الاخ مسفر اليامي


قصيده رائعه


من شاعر رائع


واتمنى ان نرى جديدك في اسرع فرصه


واشكر الاخ العابر

على هذا الطرح الرائع وننتظر بيت اخر والا سوف اتعدى على الحقوق المحفوظه واطرح

بيت جديد

[نواف الفهاد]

هلا وغلا ..

العابر ..

فكرة حلووووة !!

/
\

جاي متأخر ..

بس .. حبيت أشارككم !!

/
\

من كثر .. صدمات القراب العزيزين ..
قلب الغلا معذور .. لو .. باح سده !!!
والصاحب اللي عشرته كانت سنين ..
صرح الغلا عقب الزيارات .. هــده !!!

/
\

العابر ..

/
\
/
\

مستقبلي يسوى .. جميع المزايين ..
من الساحل الشرقي إلى .. اطراف جده !!
وين الذي يستاهل التضحية .. وين ؟؟
وين الذي بالحب .. مافيه .. قـــده !!!!!!!!

/
\
/
\

هنا ..

بقايا .. بوح !!

/
\

سلالالالالالالالالالالالالام

[جوهر الراوي]

[quote] من العابر
السلام عليكم ورحمه الله
شعراء الرائديه

تحيه طيبه وبعد
عندي اقتراح واتمنى ان يحوز على رضاكم واعجابكم

واشاهد مشاركاتكم

هناك بيت لسليمان المانع يقول فيه




يا شينها لاصرت بين اختيارين
مستقبلك والا حبيبٍ توده




نريد من الشعراء الرد على هذا البيت ببيتن من الشعر

كل على حسب فهمه للبيت ونتظرته لهذا البيت

انتظر تفاعلكم

العابر

’،’،
’،’

’،،’
:101:
[/quote


المسأله ماهي بتوليف بيتين
ولا هي بطرق ٍ تكتبه أو تردّه

كل شي بالدنيا يبي له موازين
والأولويه حسب رغبتك عِدّه .!





’،



جوهر الراوي





كل الود والورد لك يالعابر



:101::101::101:

[سعود السهلي]

اقول يلي فيك ومافيك ****تبداء بشر وانا بدا فيك...


اشكرك اخوي عابر

بس احس ان البيتين جايات غلط صح:biggrin:

انتظر ردكم
.