الى متى هاذ الجهل فيكم ؟ ؟ ؟

[Power Speak]

السلام عليكم ورحمه الله وبركاته


تحيه طيبه لى كل قدم تعشق اللعب النظيف . . .


ولا انسى ان احيي القله من عشاق اللعب ضد العنصريه .. .


دع العصافير تغرد ... وان جاز لك الوضع صيد في الماء العكر . . .

(تعليق خصوصي)


دخلت منذو فتره في هاذ المنتدي وشد اعجابي في المنتدي انه لى اهالى الخفجي

اعجبتني افكار الكثير من الكتاب واعجبني الكثير من الاقلام البيضاء..

قريت قريت قريت حتا وصلت الى منتدي الرياضي . .


ومن هنا بدا مسلسل قام بي العمل عليه بعض العقول العنصريه الجميله في

تعاملها خارج المستطيل الترابي ... (((( وافهم يافهيم))))


اسم المسلسل . ((((( العنصريه.. في زمن... المجاملات...)))))

ذبحنا الجهل الكروي في منطقتنا .. هل انتم معاي ؟ (((( محد ينكر)))

رايت من ياتيني من اقصى الدنيا ويسجل في هاذ المنتدي ويزاحم اخوانه

الاعضاء لى اجل(((((((((( كتابه اسم صديق عزيز على قلبه ))))) لايعرف سوا ان يركل

كره مستديره في مستطيل ترابي . .

ومن هنا نستنتج ان هناك عنصريه بحته قتلت الكثير من المواهب قتلت الكثير

من العقول الكرويه (((( طبعا موب زي ماردونا ))))

وعلى طاري ماردونا اذا قتل عقله الكروي فاهو المخدارت كفانا الله شرها

والى قتل الكره الجميله في منطقتنا .. العنصريه ... اللعب على الاقدام وليسا الكره

واذا بتكلم على العنصريه ... فاكلامي لان يتوقف ومشاهدي لان تتوقف لكن

لماذا هاذ التجريح ؟ او هاذ القذف الغير مفيد انا اقول اتكلم بشكل عام

لعلى وعسى ان نرجي خيراأ من خلف هاذ الكلام . . .

وياليت مايجيني واحد من خلف قضبان هاذ المنتدي ويبدى ويسجل في المنتدي

عشان يرد على موضوعي لاني بتهمه بي العنصريه . .

((( الى على راسه بطحاء يتحسسها))))


او يدخل لى كم عضو ويدافع عن شخص معين ؟

انا في كلامي هاذ شملت الجميع في الخفجي وكل من يداعب الكره حالياً

العنصريه ... قتلت نادي العلمين .. والى يقول لى الكلام هاذ غير صحيح

((((يرسل لى رساله خاصه)))


العنصريه . . . . فرقت كثير من الفرق

والى موب مصدق يروح ملاعب الخفجي كل خميس وجمعه

سوفا يرا انا كلها اصبحت مباريات ؟ ؟

وين اللعب كل يوم وين التقارب والتعارف وين الاخوه ...

العنصريه قالت لنا لا لا لا والف لا لى الوحده .. (((( الوحده ماهوب نادي)))

الوحده: التكاتف معا بعضنا البعض البحث لى الافضل


اشكر من سوفا يوجه لى دعوه ويقول لى تعال النادي وشوف انه مافيه عنصريه


(((((( احس كذا وصدقوني راح تسير)))))

على العموم لن اطيل عليكم اتمنى ومن كل قلبي اخذ الموضوع بعين الاعتبار

ولاحد يحط في موضوعي عنصريه . وياليت يكون كل رد احلى من الثاني

وياليت نشوف الى سجلو عشان يشكرون ويمدحون لهم كم واحد يكتبون معنا في

المنتدي لعلى وعسى نستفيد ونفيد . . .

تقبلو تحياتي


power speak

[أبو الهنـــــوف]

هلا و غلا

أخوي الغالي Power Speak

الله يعطيك العافية يالغالي

موضوع رائع و الله يالغالي

لو أعرفك يالغالي بس


أحب رأسك يالغالي تدري ليش ..؟

لأن أخوك شاف و عاصر الكلام اللي كتبته

و كلامك يالغالي كله صحيح


موضوع غاية في الروووووووووووووووووعه

وأخوك والله إنه يصفق لك يالغالي


الله لا يحرمنا منك يالغالي


ويسجل في هاذ المنتدي ويزاحم اخوانه

الاعضاء لى اجل(((((((((( كتابه اسم صديق عزيز على قلبه ))))) لايعرف سوا ان يركل

كره مستديره في مستطيل ترابي . .





ولك يالغالي



باقة ورد من أعماق القلب


ولك كل الشكر

[%الرمح%]

مــــــع أحترامي الشديد

أنتوا نــــــــاس مــــــــاتدورون لمــــــــــصلحة النـــــــــادي

لانكــــــــم تفتحون موضوع انــــــــــتهى!!

وتــــــحــــــاولون تقلبون المــــــواجع

وتحطــــــون على الجـــــــرح ليمون

العنصـــــــريه ليس لهــــــــا اي وجود الان!!!!!!!!!!!!

وأنـــــــــا متــــأكد وواثــــــــــق كـــــل الثـــــــقه انـــــــك فــــــاتح هذا الموضــــوع

مجـــــــرد تسلــــــيه ولا مبطي ماجتك ردووووود\\\\\\واتمنى تفرح بردي الصريح جــدا

ولاتـــــزعل مني


ابــــــــو الهنـــــــوف \ \ \ \على وين تـأيد الموضوع\\\\انت المفروض اكثر واحد يكون عارف وفاهم هالشئ

لــــــــــكن وافق شن طبقه

[Power Speak]

السلام عليكم ورحمه الله وبركاته . . .



ممكن اعرف ليه معصب ؟ . . .




ماعجبك الموضوع . . . اتركه . . . . عندك راي مقنع اكتبه . . . لا اقل ولا اكثر


ليه انتو كذا . . . كل شي يا بي العصبيه يابي الواسطه تجيبونه . . .

تصدق اتوقع لو عندك واسطه حذفت الموضوع . . .

الرمح حبيبي خلى صدرك رحب في استقبال النقد الاذع . . .

انا ماني في حاجه ردود اذا انت ماتعرف اني اكتب في كل المنتديات يومياً

شي ثاني واذا انت اول مره تشوف اسمي هاذ شي غريب ومتوقع .. . .

لانك من تدخل المنتدي تروح تشوف وش كتبو على النادي اذا انت مهتم في النادي

اكتب لى رد وسكتني ياخي مطلبت منك ليمون ولا جرح ولا كيس هموم

انا طلبت رد على الى قلته الموضوع هاذ موب قديم المووضوع هاذ حديث

وصدقني لازالت العنصريه موجوده . . . بغض النظر عن النادي في باقي الملاعب

وانا اتحدا احد يقول غير كذا ... عزيزي لو جيتني بي اسلوب راقي ومهذب

واقنعتني ان زمن العنصريه انتهى في النادي لا استبشرت خيراأ بي كلامك

لكن اسلوبك . .. . . . الى تهجمت فيه على . . اعتبره اصغر انواع العنصريه

اهم شي عندك محد يغلط على النادي ؟ صح ليه طيب مدام فيه غلط بتكلم

الين بكره وبعده وبعده يالغالى . . . ولا تزعل خلى صدرك رحب , . .

وشي متواقع انك بتقول زمن العنصريه انتهى . . . انا كل الى طلبته من اعضاء

الدائمين معنا . . . .ان يكتبو رايهم . . ماقلت لى .. . .. . .. ولا بلاش ياشيخ . .


تقبل تحياتي وارجو منك انك تحترم وجه نظر الشخص ممهما كانت الظروف . .

[نواف الفهاد]

حبيب قلبي ..

power speak ...

/
\

وربي ..

إنك كبير ..

كلام .. في محله ..

وعبارات صريحة !!

/
\

كلامك ..

يدل على خبرتك في حواري الخفجي <<< آآآهـ .. لو .. أعرفك !!

/
\

بلا جدال ..

راح يكون لي رجعة هنا ..

وراح .. أكون صريح بــ زيادة !!

/
\

بس ..

أعطني .. شوية وقت !!

/
\

وصدقني ..

إنك .. جبتها .. على الجرح !!

/
\

سلالالالالالالالالالالام ,,

[مشاكسmbcرومنسى]

وربي انك راعيها ياباور سبيك بجد هالشئ ملاحظ وانا سمعته من احد الاعبين اللي دائم يركض ورى الكورة ماتوقعت هالشئ لاكن ماليد حيله...

اشكرك باور بقووووووووووووووة


تقبل تحياتي واصل مسيرك من الابداع والتميز وتحية خاصة لقلمك المميز!!!

[nona]

أيه صح




power



انا معاك ... احنا عندنا بالكويت




جذيه بعد ..



بين .. (((( قدساوي - كظماوي - عرباوي ))))))





و بكل مكان جذيه ...






بس انشالله نفتك من هالمشكله ...




الصراااحه أنا أحي الكاظمه ....



عااااااادي .... مو لدرجه اعيب على الفرق الثانية




و استفز إلي يحييه ....




بس إذا فاز فريقي



ههههههههههههههههههه




الله لا يوريك شسوي ...:tongue:




موضوعك وااايد حلو ..





يا رمح



شوي شوي على


power


تراه غالي و ما نرضى عليه ...



و


power



امسك أعصابك شوي




هههههههههههههههه



هذه عجبتني



[line]


ممكن اعرف ليه معصب ؟ . . .




ماعجبك الموضوع . . . اتركه . . . . عندك راي مقنع اكتبه . . . لا اقل ولا اكثر


[line]





ههههههههههههههههههه






thanks



power


على الموضوع


الحلو




و الهادف



اختك




الدكتووووره نونه :tongue:

[بـــقـــايـــا حـــي]

اخوي power



موضوعك فيه شي من الصحة وشي مغلوط



بالنسبة لحواري مدينة الخفجي انا اتفق معك على كل حرف ذكرته عنها


لكن النادي ما اعتقد فيه سالفة عنصرية وخرابيط


يمكن اول صح اتفق معاك لكن حاليا ً تابع اي تدريب او اي مباراة للنادي داخل او خارج مدينة الخفجي راح تشوف ان اللاعبين واقفين مع بعض يد بيد



واتمنى منك قبل ان تكتب اي موضوع انك تتابع


والسوالف اللي تقول عنها بالدناي منتهية لها سنتين او اكثر




ملاحظة :



شكلك قديم عن الخفجي والله





تحياتي لك :)

[Power Speak]

هلا وغلا ليييه



اشكرك على المشاركه معنا في هاذ الموضوع المهم لى اهل الخفجي كثيراً



شوف حبيبي برد عليك وعلى اسئالتك . . .. ولان اطيل في الحديث خشيه

الصق فيني تهمه التعصب . .. . .


انا انسان من اهل الخفجي ومازلت في الخفجي ودربت في النادي فتره وطلعت . .

بس لى الصراحه انا اسمي مو في النادي . .. لكن اجي وقت التدريبات اشارك

وشاركت اكثر من مره وبصراحه معاد جيت .. . .


ثانيا. . . انا متابع لى النادي وصدقني فرحت لما النادي تاهل لى ادوار متقدمه

وانشالله انه يتقدم اكثر واكثر بي العكس انا نقدي هاذ جاء من العين الى ارى

فيهاا وتقدر انت تقول الى يعجبك والى تشوفه لكن في ناس معاي ويتفقون

نفس الاتفاق على العنصريه في النادي وارجع واقول يمكن السنوات هاذي

خفت قليلا لكن ليسا بمعنى انها انتهت . . . .


اشكرك يالغالى على احترمك لى وجه نظري واقدر لك حروفك واقف امامها


بمتهجاً لما يحمله رايك من احترام لى الراي . . . . ..

[الذهبي]

بسم الله الرحمن الرحيـــم

أشكـــــــــــر أخــــــــــــــوي العــــــزيز صـــــــاحب المــــقالات المميـــزه

power speak


لعـــــــــــبت مع النادي المـــــــــــوسم المـــــــــــاضي كـــأس ودوري!!!!

وســـــافرت مع النـــــــــادي لبيــــــــــــــــــــــشه!!

مــــــــاأشــوف للعنصريــــــــه أي وجــــــــــود

ولــــــــو كان للعنصـــــــــريه وجود لــــما تأهل نادي العلمين للتصفـــــيات المـــؤهله..

وتـــــأكد اني أكلــــمك وأنا من داخل النادي...يعني قريب جدا...


وهذا رأئي.....

تقبل تحياتي .. اخوك ذهب خالص

[ناصر الشمري]

بسم الله الرحمن الرحيـــــــــــــــــــــم

السلام عليكم ورحمة الله وبركاتـــــه
قبل كـــــــل شيء

الاخ العزيز ( باور سبيك ) اسمحلي باكتبها بالعربي :

لقد قلت للذي قبلك ان العنصريه انتهت ولله الحمد منذ قدوم الكابتن هشام للنادي قبل
حوالي ثلاثة مواسم من الآن واني اعلم انك تتمنى لنا الخير لاني اعرفك بصراحــــــه
خلوق ومحترم لا اقولها لان اتجنب حديثك ولكن اقولها لتعلم ان العنصريه انتهـــــــت
وانك تريد هذا الشي , كنت تتمرن معآ بالنادي وتقريبآ بشكل يومي واود ان اطــرح
عليك سؤال هام جدآ :
س / هل قال احد لك شخصيآ ماذا تريد بالنادي او شعندك بالنادي او او او ....الخ ؟
اتمنى ان تجوابني بكل صراحه ودقه .

ملحوظه : انا اتكلم عن نادي العلمين فقط اما الحواري فلا تشمل نقاشنا لاني النادي
بالنسبه لي اهم بكثير من اللعب بالحواري , وان النادي هو الواجها الحقيقيه
للمحافظه بالنسبه لمجال الرياضه ............... ودمتم بالف خير


والسلام عليكم ورحمة الله وبركاتــــــــــــــــه

[Power Speak]

السلام عليكم ورحمه الله وبركاته


اهلين وسهلين بي مرورك اخي الكريم ذهب خالص احترم رايك . . . ..


واشكرك على حسن ردك يالغالى . . ..




اهلا وسهلا بك يا ناصر الشمري . . . .

ااتمنى اولا ان لايوثر موضوعي هاذ على حكم المعرفه الى بيني وبينك لانك تقول

تعرفني وهاذ شرف لى اني اعرف امثالك يالغالى . .. . .


ثانيا . . بجاوبك وبكل امانه ليسا هناك صحه لما قلته بي النسبه اذا


احد منعني من الدخول او اللعب او التدريب بي العكس بيبان النادي مفتوحه . .

ثانيا انا لما تكلمت عن العنصريه اقصد فيها بين الاشخاص . . وهاذ شي اشوفه

انا يا ناصر بعيني مممكن انا رايته بعين اخرى لم تراها انت . . .

على العموم رايك صريح جداء واحترمه واحترم شخصك بعيداً عن المجاملات . .

ملاحظه : اتمنى زي ماقلت في الاول لى الاخ ناصر مهما كان موضوعي ذا

مايثر انشالله بين اي علاقه لاني انسان احترام اي علاقه ولا ارضى ان تتاثر

بي موضوع هو موضوع في الاخير واري شخصي . . .هناك من وافقني ايه

وهناك من عارضني ايه اتمنى لى النادي التوفيق من كل قلبي

واتمنى له الوصول الى المزيد من المراكز في الاخير فاهو نادينا لكن

لامانع من النقاش والاختلاف في الراي لايفسد في الود قضيه . . .

ناصر : اذا انت تعرفني شخصيا ياليت ترسل لى اسمي في الرسايل الخاصه

عشان اقول لك اذا انت غلطان ولا لا . . .

تقبلو احترامي جيمعا من المدرب هشام الين اصغر واحد في النادي . . . .

[%الرمح%]

تقنعني او اقنعك مايهم

المهم ان وقت موضوعك غـــــــــلط مع احترامي الشديد لحضرة جنابك

وموضوعك وقته انتهى......وكل شئ في وقته حلو يالغالي
نحن حاليا على مشارف الموسم الجديد يعني اللعيبه محتــــــــاجه رووح معنويه وكلام حلو

وبعدين اللعيبه ماتستـــــــــاهل مواضيعك هذي اللي جايه في الوقت بدل الضايع

لعيبه تتعنى وتطق المشاوير

ناس تجي من

الدمام

ومن الاحساء

ومن الجبيل

ومن الكويت

وراحت لبيشه رغم الظروف العائليه والمعنويه والماديه والنقص....

ودون مقــــــابل يعني لا رواتب ولا مكافأت

فقــــــط كان مقصدهم الاول والاخير

رفـــــع اسم الخفجـــــــــي.....
تتوقع انهم يستاهلون هالمــــوضوع اللي ينرفز ..او العنوان اللي ماأدري من اي شارع جبته...

مـــــــــــلوحظه...أنقــــــذ نفسك تـــــرى مــوقفك ضعيف جــــــــــــدا


((تدري وش الفرق ياعزيزي.. ناس تكرف من بداية الموسم في رطوبه وفي مطر وفي حر وفي برد..وناس على الكيبورد وتحت المكيف....وعنصريه..موجوده وغير موجوده..))
والله أنكـــــــــــــم رجال يالعيبة العلمين


وانا ادري ماراح تزعل من كلامي لان صدرك يستقبل النقد اللاذع على قولتك!! بصدر رحب

أخوووووووووووووووووك الصغير


ررررررررررررررررررررررمح

[Power Speak]

هلا وغلا. . . يا الرمح . .



ممكن سوال .. . . انت وشفيك مزلت معصب . . . .


تدري لو قالك الراي ذا صالح الحمادي . . . اتوقع بتوافق عليه معا احترامي لك ..



ثانيا عزيزي . . . ياليت تبتعد عن التعصب النفسي الى انت عليه


وبعدين عمر كلامي مكان من شارع . . ؟ ومدام موب عاجبك حضره جنابي ؟

وش جابك لى الموضوع ثاني مره . . . . شوف انا مراح اطول في الكلام

الى قلته لى لكن بقول لك شي يكفيك . . .

ان بليت بشخص لا(....) له . . . . فكن كانك لم تسمع ولم يقل . . . .

وعلى فكره اذا بتنتظر رد لاذع مني فا صدرك الرحب لان يتحمله . .

((((( قلمي لايرحم عزيزي )))))



عزيزي فتحت على نفسك باب جديد هو العقل الكروي . . .

تفتقد هاذ الشي كثيراأ عزيزي العقل الكروي الحديث . . .


ممكن سوال: ((( اذا انت في النادي كم مره اخذت كرت احمر ))))) ((((اتوقع كثير))))


وبعدين عزيزي موضوعي مكان لى هدف انزل عزيمه شباب العلمين . . .

لا بي العكس اتمنى الفائده . . من هاذ الموضوع فالربما . . . تصححت بعض الافكار

فالربما كنا . . اكثر حرصا على البعد عن العنصريه . . . اشياء كثيره ماموله من هاذ

الكلام . . . خذ الموضوع من الناحيه السليه اولا ومن الناحيه المخطئه اخيرا . .

اتمنى وقلته اكثر من مره لى النادي التوفيق . . .


واذا جينا على كلمه والله انكم رجال يالعيبه العملين ؟ تشوف اني قللت من رجولتهم

عمري ماتطرقت لى الشي هاذ بي العكس . . . رجال ونعم فيهم . . .


((((ابعد عن التعصب ذا الله يكفيك شره ))))))



على العموم لان اطيل معاك يارمح .. ما اقول الا الله يهديك . . .

[قسوره]

Power Speak


في البداية أحييك على موضوعك الهام, واللي طرحته وكلك أمل في وجود نقاش هادف يليق بالموضوع و والمنتدى على وجه العموم


بالنسبة لنادي العلمين والعنصريه <<< هذي أنا ما أدري عنها ولا أحب إني أتكلم عن شيء أنا ما أعرفه, لأني ماعاشرت اللاعبين ولا كنت منتظم بأي تمارين عشان كذا أغظ النظر عن هالنقطة



نجي للحواري والعنصريه <<< هذي أنا متأكد منها مليون بالمليون, العنصريه آفة مستعصيه يصعب فك طلامسها
بغض النظر عن ذكر أسماء أو أمصلة العنصريه في حواري الخفجي لا تزال موجوده, ولكن أبشرك هالأيام أقل حبتين من قبل ولكنها مع كل أسف لا تزال موجوده :cool:



المشلة ماهي بحواري الخفجي أخوي
المصيبه إن العنصريه موجوده في فرق الدرجه الأولى بالمملكه
يعني هالآفه منتشره وبقووووووة بين الفرق واللاعبين, ودائماً مانجد أحزاب في كل نادي, هؤلاء أبناء عم وهؤلائك جمعهم حي سكني واحد وكانت العنصريه هي أبرز أسباب تدهور الأندية وضياعها



أشكرك كل الشكر ياغالي على موضوعك, وأتمنى نلقى حل لهالآفة المنتشره بينا

[مشاكسmbcرومنسى]

يسلم راسك ياباور قنعته بقوووووووووة

[%الرمح%]

اللــــــــــــه يحييـــــــــــــك ويسلمـــــــك

تـــــــــــراك أدوختنــــــــــــــا أنت وقلمــــــــــــــك

كل دقيقه والثـــــــــانيه تهددنـــــــــا به!!!!!!

لايــــــــكون ســــــــــيف..بس!!!!!!!!

ياحبيبي هـــــــــذا رأئي وبس....
وبعــــــدين طالع لـــــــي فاهـــــــــم. أنك حـــــــق كروت حمــــــــر

تراك بــــــأسبابي في احد الدورااات أخذت كرت احمــر..تذكر؟؟؟أكيد بتجحد!!

يعنــــــي ناشب لك حتى في الملعب.....ويمــــكن تطلع من الــــرائديه بالاحـــــــــــمر

مـــــــــــــاتدري

أخــــــــــــوك

رررررررررررررررررمــــح

[Power Speak]

تدري وش المصيبه انك تعرفني . . . وانا ما اعرفك . . . .


ماهيب مصيبه . . . بس احسك منت فاهم قصدي من الموضوع . . .

على العموم قول رايك . . . . قلمي (ههههههههههههه موب سيف ) بس مايعرف

يسكت . . . .


واذا على قولتك في احد الدورات اخذت كرت احمر انا بسببك ؟

صدقني عمري ما اخذت كرت احمر الحمدلله . . .


واذا بسببك بترك الرائديه . . .( تبطي ) <<<<<<<<اول مره يقول كلمه قويه


لاني مااحب استخدم الاسلوب ذا . . .


وعلى فكره لو كلهم معارضين على الراي . . . بقول اني في خطاء فادح ارتكبته ..

بس فيه ناس معا كلامي ومن خيره الاعبين طبعا عرفتهم مواخراً . . .

لاني مكنت ادور على اسامي الاعضاء ومنهم . . . زي طبعا انت ماتفضلت

وشكلك شقيت لين عرفتني . . .

على العموم اذا انت تبي تعرفني مستعد ارسل لك رساله خاصه باسمي . . .

لان هاذ مجرد راي . . لا اقل ولا اكثر اعجبك ياهلا ومسهلا . . .

ما اعجبك شي راجع لك يالغالى . . . وتعلم ان الاختلاف في الراي لايفسد في

الود قضيه . . . .

[%الرمح%]

حبيبي.....

فيـــــه أحــــد مــــــايعرفك انت اشهــــــر من نـــــــــار على علــــــــم

وأنــــا أعرفــــك مضبــــــوط
لــــــذلــــــــك...

أنا تدخلت في الموضوع..

أعرف انك بعيد عن الخفجي للــــدراسه..يعني بعيد عن النادي

ومع احترامي الشديد كــــل اللي وافقوووووووك في الـــرأي من برا النادي

وبعدين الموضوع هــــــــذا تطرقنا اليـــــــــه وأخذ لـــــه اربــــــع صفحــــــات

وصـــــــار فيها بعض المشـــاحنات.......واليوم جاي تجـــــــــــدد المـــوضوع

واذا قلمـــــــــك مايسكــــــت...

أشكــــــر اللاعبين على مجهودهم

وبارك لهم علـــــى التــــأهل

وعطهم من كلامك اللي ينقط عســـــــــــــــــل..ولا نـــاس ونــــــاس!


شفت العنصريــــــــــــه عند من..........؟!!!حبيبــــــي..اذا قلمـــــــك مايــــــرحم

تـــــــــــرى صـــــــدام كــــــــان مــــــــايرحم

[Power Speak]

اوكيه رمح كفيت ووفيت بي الموضوع . .. ماقصرت


ثانيا انا والله مدري ان الموضوع ذا تناقش في المنتدي المفروض اذا تناقش

تحذفه الاداره . .. بس محد حذفه يعني انه جديد . . . .

وبعدين يابن الحلال هدي ومدام تعرفني ليه الغلط . . . ؟



واذا ابارك لى الاعبين . . . كنت اتصل على احد الاعبين فيه بيشه

واسئاله عن النتايج . . وباركت لهم . . .


وعلى فكره عمري ماتمنيت غير الخير للى اعرفه والى ما اعرفه . . . .


ومدام تعرفني مايحتاج اقول لك لانك لو بغيت تعرف شي عني بتعرف ...


اخيرا ... اعذرني لو غلطت عليك . . في الاحترام بيننا باقي . .

مهما كان شده الموضوع . . . .


تقبل تحياتي

[%الرمح%]

عــــزيز وغـــــــــالي ..يــاpower speak
الموضوع هذا انطــرح قبل هالمــــــره..وانتهــــى

ومن نــــــاحية اني أغلطت عليــــــــك ..انا مـــــاأخطيت في حقك

مجــــرد نقـــــاش ..... انت عرضت المـــوضوع وانتقدت انتقــــــاد لاذع

وأنا رديت عليـــــــــــــــك......

ومن نـــــــاحية أني اعــــرفك...أقسم بربي اعرفك....بس مو معناها ماأرد عليــك

لاني بطبعي صريح جـــــــدأ..ولا أسكت عن الحق......والمجـــــــاملات بعيــــد عن مصلحة النادي
ررررررررررررررررررررررررررررمح

[قايد الريم]

بعد التحية والسلام رد على الاخ باور سبيك اولا مشكور على كتابتك لهذا الموضوع اذا كان القصد منه مصلحة نادي العلمين وان كنت اشارك الرمح في الراي بانه مو بوقته لان الموسم على الابواب وان الكلام بهالوقت مو من مصلحة النادي ولا الاعبين انفسهم اما بخصوص رايك بوجود العنصرية بالنادي انا احترمه اكيد وان كنت اختلف معك 100بال100لان هالكلام بعيد عن الصحة وانا اتكلم بهذا الكلام وانا واحد من ابناء النادي الحاليين وموجود تقريبا من 4سنوات فيه وانا سمعت انه كان فيه عنصرية بالنادي بس اللي اعرفه انه من جاء الكابتن هشام حمدون والعنصرية ليست موجودة ابدا بل ان جميع الاعبين على قلب واحد والنادي عمره ماكان حكر على س او ص من الناس احترم وجهه نظرك مجددا واوافق الاخ الرمح 100بال100على كلامه الهادف
للمعلومية:لا باور ولا الرمح اعرفكم اللي اعرفه اني احترم وجهات نظركم
وشكـــــــــــــــــــــــــــــــــــــــــرا

[Power Speak]

زي ماقلت في المره الاول . . . انا منقطع عن المنتدي فتره الدراسه



وتوني راجع ولا اعرف ان الموضوع انطرح . . ... . .


واذا كسبت في الموضوع ذا تقريبا ردوركم ومشاركاتكم واتمنى ان تكون شامله

في كل المنتدي . . .


وعن قولتك تعرفني . . . . اتشرف بك وبكل معرفه اخ . . . .


وياليت اذا ماعندك مانع ترسل لى اسمك في الراسيل الخاص واذا ماتبي . . .

انسى الموضوع كله . . . .

<<<<<يبغا يتذكر الكرت الاحمر الى اخذه . . .

[Power Speak]

هلا وغلا بك ياقايد الريم . . . .


اشكر مرورك . . . واشكرك مشاركتنا هاذ الموضوع . . . .


رايك احترامه وصدقني ان رايك اخذه بي محمل الجد . . . واعتبره راي انسان صريح


اشكرك واتمنى مشاركتك لنا في باقي اقسام المنتدي .. .


وبي التوفيق لك ولى كل لاعبين نادي العلمين . . . .


ولو يميديني على الكوره . . . كان قلت لك برجع اتدرب في النادي . . .

. . . وعلى فكره بلغوه سلام مني الكابتن هشام . .

طبعا الرمح لانك تعرفني او اخ ناصر الشمري . .


تقبلو تحياتي مجدداً

[%الرمح%]

شـــــــــفت...

بــــــدأ يطــــــلع كــــــلامي لك صحيــــــــح..

الحمدالله ثبت كــــــــلامي

وهــــذا ثاني لاعــــــــب من النادي.....
يعني لامـــتعنصر على قولتــــــــك مع النادي

ولا حاجه..........يوم قلت لك الصحيح قلت لي هذي اصغر انواع العنصريه

وتقول ليش معصب!!!:mad:

شـــــــــاكرلك علـــــــى موضوعك واهتمامك في النادي وابناء النــــــادي ونتمنــــى نشوفك مع الشباب في الموسم القادم لانك من الاسماء المميزه في مدينة الخفجي بس يقولون وزنـــــــك زايـــــــــد..على كل حال مليــــــون عافيه...

وارجوا منك المعذره لو كان زليت...

رررررررررررررررررررررررمح

[ابتسـ ألم ـامة]

http://www.7zen.net/a/abtsamh%201.gif

هـــلا وغـــلا
أخوي Power Speak


أشكرك لهذا الطرح وأشكرك لمجهودك الرائع في


منتديات الرائدية




ماجاء في الموضوع أمور داخلية

ليس لي رأي خاص فيها


ولكن


أتمنى من كل من يشارك ويناقش


أن يتحلى بإسلوب نقاش راقي

بعيد عن التجريح والعصبية والأمور الشخصية

التي قد تسبب فرقة بينكم



لكل عضو رأي ويحق له أن يكتبه


على أن لا يقلل من شأن ورأي كاتب الموضوع


ولا رأي أي عضو يشارك في النقاش



اختلاف الرأي لا يفسد للود قضية


ليكن هذا شعار كل من يناقش ويحاور بمختلف المواضيع



هذا ما نتمناه من أعضاء الرائدية الرائعون


يعطيكم العافية



http://www.7zen.net/a/abtsamh%202.gif
كلمــات مــن ذهــب

اترك المستقبل حتى يأتي ؛؛؛ ولا تهتم بالغد
لأنك إذا أصلحت يومك صلح غدك

http://www.alshamsi.net/thekr.gif

[Power Speak]

السلام عليكم ورحمه الله وبركاته


((((( احصائيه نهايه لى الموضوع )))))))




اولا: ياليت يتسكر الموضوع . . . من قبل الاداره (((((( ويصبح مغلق ))))))

ثانيا: اخ ناصر الشمري عزيز وغالى . . . . ذهب خالص . . . يعطيك العافيه . .

ثالثا: نواف الفهاد . . . ( نفذ صبري ) قيصر روما . . . اشكرك على مرورك . .

رابعا . . ابتسامه الم . . اشكرك من قلبي على مرورك الكريم . . .

خامسا: اشكر كل من عقب على هاذ الموضوع . . . . واشكركم من قلبي . .

واقول الموضوع كان الهدف منه . . . شي يرجاء منه خير . . . .

لكن للاسف . . . ((( جاب المشاكل )))) واصبحت الامور شخصيه . . . .

<<<<<<امتلت رسائله الخاصه . . . منهم المؤيد ومنهم المعارض . . .

ابورئد . . . انتظرت ردك . . . كثيراً .. . .

الاخ العزيز . . . الرمح . . . بعد الراسيل الخاصه الى بيني وبينك . . .


توضح لى ان الامر شخصي وانك دخلت هنا بس عشاني انا كاتب الموضوع . . .

لاتزعل بس كان لازم اكتب ذا . . . توقعت حرصك على النادي . . .


انا انشالله من التدريبات الجايه بتدرب معا النادي . . . الوزن الزايد ... من خير الكويت



تقبلو تحياتي . . . . وياليت الموضوع يضع عليه الشمع الاحمر . . لان الامور بدت

تاخذ الطابع الشخصي . . . . وهاذ مالا نحبه ولا نرضاءه في هاذ المنتدي . . .