ماجد منيف
25-02-2012, 04:49 AM
يا كبر فرق البارحه عن هذا الليل=الفرق واضح ما يبيله دلايل
البارحه ليل الوصل والتعاليل=وعطر الحياه وشوف ذيك الجدايل
ونهر الحكي بشفاهنا يسرق النيل=في روضةٍ خضراء بها الجو هايل
ماهي سوالف ساقها القال والقيل=ولاهي سوالف عنصرية قبايل
سوالفٍ ترقا مع الروح وتزيل=هم الزمان اللي على النفس عايل
نلقى لنا يم المناوي مداخيل=ونترجم الاشواق ماهي قلايل
نظراتنا صوب السنين المقابيل=نظرة شرف ماهي خداع وتحايل
سعادة الاثنين عزف ومواويل=والراس يم الراس بالحيل مايل
أشوفها تسوى لها فالنظر جيل=مهرة وفاء من نادرات السلايل
نزلتها فالقلب والروح تنزيل=من السنين الماضيات الاوايل
راحت حياتي في حياته بهاذيل=ومن الغنج تشعل دلعها فتايل
ياغالي الذكرى شكت روحي الويل=وحنا ترانا من عيال الحمايل
نحط في ديرة هل الوصل ونحيل=وأنا أدري إن العمر مقفي وزايل
صدورنا ضميا رجاء فالمواصيل=وأجسادنا بالصبر راحت نحايل
عجل ترى ماعاد باقي لنا حيل=حنا عطاشا ما سقتنا المخايل
البارحه ليل الوصل والتعاليل=وعطر الحياه وشوف ذيك الجدايل
ونهر الحكي بشفاهنا يسرق النيل=في روضةٍ خضراء بها الجو هايل
ماهي سوالف ساقها القال والقيل=ولاهي سوالف عنصرية قبايل
سوالفٍ ترقا مع الروح وتزيل=هم الزمان اللي على النفس عايل
نلقى لنا يم المناوي مداخيل=ونترجم الاشواق ماهي قلايل
نظراتنا صوب السنين المقابيل=نظرة شرف ماهي خداع وتحايل
سعادة الاثنين عزف ومواويل=والراس يم الراس بالحيل مايل
أشوفها تسوى لها فالنظر جيل=مهرة وفاء من نادرات السلايل
نزلتها فالقلب والروح تنزيل=من السنين الماضيات الاوايل
راحت حياتي في حياته بهاذيل=ومن الغنج تشعل دلعها فتايل
ياغالي الذكرى شكت روحي الويل=وحنا ترانا من عيال الحمايل
نحط في ديرة هل الوصل ونحيل=وأنا أدري إن العمر مقفي وزايل
صدورنا ضميا رجاء فالمواصيل=وأجسادنا بالصبر راحت نحايل
عجل ترى ماعاد باقي لنا حيل=حنا عطاشا ما سقتنا المخايل