ماذا ينقص الخفجي من خدمات او مشاريع

[بركـ الحب ـان]

في الحقيقة احببت الخفجي بسبب حبي لاهلها الطيبين

رغم اني لم ازرها في حياتي غير مرة او مرتين

ولكن عرفت الخفجي من معرفتي باهلها ويكفيني الاعضاء الطيبون معنا في المنتدى هنا


احببت ان اشارك بموضوع يخص الخفجي واهلها انتسابا ولو با( النت ) لهذه المحافظة الوادعة


لكل مدينه او محافظة احتياجات وحاجات

يتمنى اهل هذه المدن تواجدها في محافظاتهم ومدنهم
فلو قيض الله احد التجار الكبار وسال ماذا ينقص الخفجي من مشاريع خدمية او مشاريع حكومية او خدمات كي تكتمل هذه المحافظة

هذا طبعا سؤال يخص الاحباب في الخفجي
اتمنى كتابة كل ما تتمناه في محافظتك ( الخفجي ) من مشاريع او خدمات او مراكز ترفيهية وغيرهاااااااا
لك حرية التمني هي مدينتك وهي احلامك وأمانيك
اكتب كل شيء



شاكر للجميع :biggrin:

[ابتسـ ألم ـامة]

http://www.7zen.net/a/abtsamh%201.gif

هـــلا وغـــلا
أخوي بركـ الحب ـان


موضوع أكثر من رائع


ويستحق التثبيت



وإن شاء الله يلقى تفاعل من أهل الخفجي


مثل هذه المواضيع تعود بالفائدة الكبيرة



يعطيك العافية على المجهود الرائع

والأفكار الأكثر من رائعة




وفقك الله وسدد خطاك لما يرضاه ويحبه

دمت بود

http://www.7zen.net/a/abtsamh%202.gif
كلمــات مــن ذهــب

اترك المستقبل حتى يأتي ؛؛؛ ولا تهتم بالغد
لأنك إذا أصلحت يومك صلح غدك

http://www.alraidiah.com/vb/uploaded/signsubjects.gif

http://www.alshamsi.net/thekr.gif

[مشاكسmbcرومنسى]

هلا وغلا بركانوووووووه أهل الخفجي زعلانيين عليك ليه بس مرة جيتها مليصير لازم تزرونا في القريب العاجل ترى بنتظارك يعطيك العافيه على هذا الموضوع بالغالي واشكرك على أهتمامك بقسم أخبار الخفجي يابركان الحب ولي رجعة على هالموضوع بكرة الصباح وأن شاء الله راح أقنعك أن الخفجي تسير في تطور ملحوظ مقارنة بغيرها من المحافظات........<<

[بركـ الحب ـان]

الله يسلم قلبك لمغليه وغالية


ودمتي لنا في منتدانا نبراسا نقتدي به


شاكر لك التثبيت

ثبتنا الله على طاعته

[أبو رائد]

الله يعطيك العافية يا بركان الحب


وتسلم على هذا الموضوع الرائع فعلا




أول احتياجات الخفجي



جامعة ( أو فرع لها )


أو أي كلية للبنين ..







ننتظر آراء ومقترحات الأعضاء

[الزنكلوني]

سلام عليكم ورحمة الله وبركاته

احتياجات الخفجي هي:

1-مطار
2-استاد رياضي
3-عمل جسور عبور المشاة خاصتا في شارع البلديه
4-حديقة حيوان
5-ردم المستنقعات
6-اعادة رصف شوارع الدخل المحدود
7-تحسين مدخل الخفجي
ننتظر من شركة ارامكو الخير الشركه اليابانيه ما سوة شئ لهفت بترولنا وهربت:mad::mad:
اممممممممممممممم :rolleyes::rolleyes: بس خلاص اذا احد عنده طلبات يقول<<<<< الاخ وزير:biggrin:

[بركـ الحب ـان]

اخوي مشاكس الله يسلم قلبك ما يحتاج تقنعني باهل الخفجي
المسك والعنبر والعود ديرتكم وريحانه في شرق الجزيرة خابرها


الخفجي يكفي انكم منهااااا


ابو رائد الشكر لله اولا وما موضوعي هذا الا احساسي وحبي لوطني واحب انه ما ينقصة شي من الخدمات
وبما اني من عشاق الخفجي فلابد ان اسعى لتطورها ولو بالمقترحات

وبالتأكيد ما يقدر يقدم هذه المقترحات اكثر من أهلها
فانتم الذين تحتاجون فقولوا احتياجاتكم
وان شاء الله يمكن احد التجار او المسؤلين يطلع عليها ويسعى لوجودهااا

كثر الطق يلين الحديد



الزنكلوني
مقترحاتك انت واخوي ابو رائد جميلة اتمنى وجودهااا


اقترح وجود مركز تجاري مثل صحارى او العقارية وغيرهااا

اقترح متزهاااات للعائلات مسطحات خضراء

اقترح مركز رياضي طبي خاص للنساء والمصابين واصحاب الحمية والرجيم

اقترح وجود مركز احتفالات مغلق للمحافظة


اقترح لجنة تجمع نخبة من المجتمع من جميع التخصصات لتجميل وتحسين المحافظة بخطط مدروسة

ترى قدمت هذه الاقتراحات وانا ما ادري هي موجودة او لاااا لكن اتمنى وجودهااا في كل محافظة

[مشاكسmbcرومنسى]

هلا وغلا فيك أخوي بركان الحب الخفجي الأن في تطور واضح وملموس بأجتهادات شركة ارامكو للاعمال الخليج اللتي لها الفضل بعد الله لو نقارن الخفجي في بعض المناطق لا عرفنا أن الخفجي يوجد بها مشاريع أحلى وأجمل من غيرها صحيح ينقصنا بعض الأشياء وأعتقد أنه غير مهمة لدرجة معينه يعني أشوف بس كلية للشباب هي اللي تنقص هذي المحافظة وأن شاء بالنسبة للمجمعات التجارية أهل الخفجي أغلبيتهم يتبضعون من دولة الكويت والدمام ويعني بالعربي الفصيح منهو اللي بايعها وبيخسر دراهمه لأن الخفجي ماتشتعل أسواقها ألا في وقت المناسبات فقط لاغير ولا باقي الأيام في سبات عميق ..................


اشكرك اخوي بركان على أهتمامك بالمحافظة ويعطيك ربي العافية والصحة دوم

[الزنكلوني]

وعندي طلب صغيرور:rolleyes:


<<<<<<<< ماينعطى وجه:mad:



عمل سكة حديد تربط محافظة الخفجي با مدن المملكه:confused:

[عسوووووووووووله]

في الحقيقة احببت الخفجي بسبب حبي لاهلها الطيبين

:biggrin:


من طيب اصلك اخوي بركـ الحب ـان


موضوع يجنننننن بصراحه



وعجبني مررررررررره



حاليا ما عندي اي زياده على الاحتياجات والاقتراحات السابقه


وتقريبا من سنه كنت باحدى اللقاءات التربويه

وقد صرحت زوجه المحافظ بصدد انشاء جامعة أو فرع أو كلية للبنين ..

وبصراحه ما تابعت الموضوع لسفري

وانشاء الله اتحرى عن ين وصل المشروع واخر اخباره وانقله

[ضاري]

أقترح نجيب بلد مثل الأوادم ونحطها مكان الخفجي و نسميها الخفجي
أبغى أسأل سؤال واحد
أبي أقلب السؤال و أقول وش في الخفجي أصلاً كل شيء ناقصها قارنوها بأي بلد فيها نفس المقومات و جاوبوا وإتركوا المجاملات الفاضية اللي تضيع الناس و المسئول
سجلي عندك
1- مطار
2- جامعة أو معاهد تقنيةأو كليات حكومية ما هو الكذب حق معاهد الشرق
3-حدائق لنا و لأولادنا
4-أسواق مثل الراشد أو فؤاد سنتر ماهو كل خميس وجمعة رايحين نركض للدمام
5-كورنيش مثل الخبر أو الدمام
6- إدارة جديدة لكثير من الإدارات الحكومية مثل الشرطة والمحافظة
7- ملاهي مثل الدمام
8- شاليهات على البحر
9- مرسى قوار ب ووووووو إلخ
مكان محترم إذا جاك ضيف توديه له ماهو تاخذه و تروح للكويت بس المشكلة إذا كان عسكر ي خذه ورح معه وفرجه على مخطط الأندلس اللي له 20 سنة وهو صباخي ماتنزل فيه الطيور


















ا

[نجم]

بسم الله الرحمن الرحيم
الخفجي مافيها الا الناس شوي يبيلهم ادب كثره الزحف (العـــــررابجه)
يخي راحت ايام اطعني واتنازل ايه حبتين يالله انك تهديهم ....
اما مناحيه المناظر ابشرو بالخير عندي احساس نبي نغطي على الدمام ....
والشوارع الله يعين من عنده دتسن او هيلكس والله يبي يولي بس ماوصيكم تعال طاير مع المطب..........
وشكر لاكم
دق برندا ولكم سير نـــجـــم,,,,,, :biggrin:

[بركـ الحب ـان]

الصعود للقمة لا ياتي فجأة
بل يحتاج الى صبر وتخطيط وعزم

اذا كنا نحب وطننا ونحب مدينتنا فلابد من تغيير المفاهيم العالقة باذهاننا عن الاشياء الرجعية
بل يجب ان نسير الى الامام ولا نلتفت للخلف ابدا


احبتي يجب ان تكون امانينا واقعية وفي المستطاع توفيرها وهل البلد فعلا يحتاجها ام هي خيالات واماني يستحيل تواجدها فالواقعية هي الاقرب للتحقيق
ولاما نع من النظرة المستقبلية واستشرافها من أجل المستقبل ولكن بحدود المعقول



اتمنى ان يكون هناك ميدان لممارسة هواية السيارات وتفرغ شحناتهم هناك
تحت رقابة وانظمة

واتمنى وجود صالة مغلقة كبيرة يمارس فيها الشباب هواياتهم مثل البولينق والتزلج والتنس وغيرهااا

في الحقيقة انا اتمنى ان تتوجه المشاريع دوما لسد فراغ الشباب فالشاب المشغول هو الذي ينتج
اما الشاب الفارغ فهو فارغ



شاكر لكل من شكر وتلطف على المتصفح لو بالنظر

[مشاكسmbcرومنسى]

ضاري أكل العنب حبة حبة


ترى لو تقارنها بمحافظات تشوف الخفجي أحلى


وشكلك تبي تخلي الخفجي عاصمة مو محافظة يازينك وأنت ساكت

وعلى فكرة أخت عسووووووووولة كلامها واقعي


ومثل ماقال الأخ نجم يازينها العرابجة

[الأصيل]

اذا على الحاجات اللي ناقصه الخفجي كثييييييييييييييييييييييييرة وخلوني اعدد عليكم اللي اذكره بس:
1. دوائر حكومية متكامة ماهو نص معاملتك تخلصها بالخفجي والباقي تسافر بين مدن المملكة تخلص فيها وقابلني اذا خلصت
2. محكمة فيها اكثر من قاضي واكثر من كاتب عدل عشان الموجودين فيهم الخير والبركه بس الشغل زايد عليهم
3. بلدية تخاف الله في ميزانيتها ومشاريعها وماتتحجج بشركة ارامكو وغيرها
4. محافظ يحب المدينة ويسعى لتطويرها بجد وأجتهاد واضربلكم مثال محافظ النعيرية اللي ماسك مدينة مافيها ربع مقومات الخفجي وصارت سيرتها على كل لسان وصارت مزار سياحي سنوي للراغبين في التخييم.
5. مشاريع جذب سياحي وخاصه ان الخفجي فيها احلى شاطي في الشرقيه بس مافيها ولا شاليه على البحر
6. مدراء دوائر حكومية يحاسبون موظفينهم على تعطيل معاملات المراجعين ماهو مدير اول مايستلم في الخفجي يدور نقل منها ويطنش كل شي
7. اطالب بألغاء جميع اللجان في المحافظة والبلدية والغرفة التجارية اللي ناس شغلتهم بس اسم على ورق وعضو لجنة ولا شفنا منه شي للمدينة
8. الزام جميع رجال الأعمال والتجار في الخفجي المستفيدين من خير هالمدينة بالدعم المادي قبل المعنوي للمشاريع الحظارية والجمالية في المدينة ماهو ياكل من خيري وخيره لغيري
9. انشاء مراكز احياء وديوانيات عامه في كل حي للمناسبات العامه ولتوطيد علاقات اهل الحي الواحد
10. ماودي اطول عليكم بس عندي شي اخير توه طرا في بالي نبي خدمة الدي اس ال حقت الانترنت اللي ركبوها في بنغلاديش من سنة التمر حصى ولحد اللحين ماشفناها في الخفجي

وسلامتكم

الأصيـــــل

[بركـ الحب ـان]

طلبات رائعه اخ اصيل اتمنى وجودهااا

اتمنى ان تصل هذه الصفحة الى احد المسؤلين الذين يحملون هم تطور المحافظة كي يوصلها لمن يهمهم الامر

[2gather4ever]

كلام واقعي وموضوعي من الاصيل وصراحة انه جابها على الجرح واتمنى من الاخ رومانسي اف ام انه مايطبل للمسؤولين في الخفجي ترى اللي يسوونه للخفجي ماهو حق لها بالعكس المفروض يسوون اضعاف اضعافه بس الله اعلم بالاسباب الحقيقية اللي ماخلتهم يسوونها وصراحة ابي اعلق على موضوع الاعضاء واللجان في مدينة الخفجي انا ملاحظ ان الاسامي متطابقة تقريبا في لجنة تجميل مدينة الخفجي ولجنة الغرفة التجارية ولجنة الجمعية الخيرية ولجنة نادي العلمين ولجنة نادي الفروسية ولجان كثير بس مانشوف لها اي اثر لاعلى اللجان المسؤولين فيها ولا على محافظة الخفجي يعني الموضوع كله لبس بشوت وترزز على طاولة الاجتماعات والموضوع هو مساك الله بالخير ياابو فلان ووش اخبار الاسهم وكم موضوع ثانوي
انا اقول الكلام هذا من حرقة في قلبي على هالمدينة اللي عايش فيها من ولدت قبل 30 سنة وصدقوني ياجماعة الخير الموضوع ماهو تصفية حسابات شخصية الموضوع انه الخفجي قاعدة تتعرض للظلم من بعض االمتنفذين فيها وانا قاعد اتكلم من واقع حقائق شفتها بعيوني ماسمعتها

والله يديم عليكم عفوه وعافيته

[فيصل ال هاجري]

كلكم معاكم حق وفي كلامكم ولكن قارنو الحفر وشو التطوارات يلي فيها ولكن الخفجي احسن منها جو ويوجد فيها بحر ولكن الحفر احسن منها فنادق ومجمعات وكل شي والخفجي مافيها لى فندق واحد نسمع فيه يبون يسونه وهو يلي في الكورنيش صار له سنه وهو ماسوو شي يعني يلي ماخذ المشرواع واحد فشل ولكن لو واحد يجي من احدى التجار يحي الخفجي من اسواق ولو ان اسوقها فاشله على الاقل حديقه زي الناس مو هاذي يلي فيها لعبتين مسوين فيها زحمه وكل العبه بعشرة ريال ولزم عيائله ولا المشكله انها محليه صار لها خمس سنين محد ركبها
خلها على ربك
وسلامتك

[خفجااوي]

Dsl


..............

[مسبار]

تحــــــــــــــــــــــــــــــــــــــــــياتـــ ــــــــــــــي
ههههههههههههههههه الاصيل الله يهديك وش سياحه وما سياحه ..البحر ربعه مباني حكوميه وربع كورنيش ناقص وممل وربع ممنوع تقربه .والبر عقوم وحواجز .هههههههههههههههه وين تبي الناس تسيـــــــــــــــــــــــــــــــــــح .. قل يالله رحمتك بس .. قبل فتره رحت للقصيم ومريت على مناطق وهجر صغيره كنت مار عليها قبل سنه وحده .. اليوم شكلها يفتح النفس وبلدياتها نشيطه ومحافظيها انشط ...... وهي لا بحر ولا بطيخ ....هههههههه
الخفجي لا يحتاج لكل ماطلبتوه في كتاباتكم . لا لا .. الخفجي يحتاج لمسؤولين قـــــــــــد المسؤوليه ..قدها وقدود .....بــــــــــــــــــــــــــــــــــــــــــــ ــــــس ولا اكثر

[الهمس جهرا]

وانت الصادق اخوي الخفجي مايبيلها احلام واماني

الخفجي يبيلها حل جـــــــــــــــــــــــــــــــــذري

[نجم]

مشكور اخوي بركــ الحب ـــان على الموظوع الرائع واتمنى انك اتشوف الخفجي بعد التطور
الزنكلوني والله انك طماع تبي سكت حديد من الخفجي تربط المملكه , الرياض ماصارت كذا
خلنا على مستوانا المتوسط وبعدين انا من رايي اننا نحل الموضيع والمشاكل دخل الخفجي
مثال شوارع واناره وهدم البيوت القديمه وكذلك هدم المستنقعات "الصباخي"
والخدمه الي اشوفها مناسبه للخفجي هي عمل "شارع خدمه" امام البقالات الي على شارع الدمام وذلك بسب الزحمه من بعد صلاه العصر الى الساعه العاشره تقريبا وان الشارع يتسع الى ان يصبح شارعين شارع خدمه وشارع رئيسي وتزويد بمطاب لكي يمنع الشخص من السرعه .
وهذا ولكم خالص تحياتي ,,

[مسبار]

تـــــــــــــــــــحياتي
نحتاج فـــــــــــــــــقــــــــــــــــــط لرجال ظمير حملتهم الحكومه مسؤوليات.... من الواجب عليهم تنفيذها باكمل وجه وبظمير ........ان يتمموها وان تكون الوطنيه عاليه في قلوبهم ..
اذا حصل هذا فأبشروووووووو خيرا .
مــــــــــــــــــــــــــــــــــــــــــــــسبا ر

[العااالمي]

بركان الحب

مشكووور على الموضوع الرائع

الخفجي ينقصها الشي الكثير :

1/ انشاء ملعب كبير ، كما كان ان يبنى في السابق قبل 20 عام ولكن تحول المشروع الى ابها .
2/ انشاء كليه تابعه للبنين .
3/ انشاء مقهى ضخم على الواجهه للكورنيش .
4/ انشاء مكافحه العرابجه .
5/ تحسين احياء الخفجي وخاصد المحدود .

ولكم خالص شكري واحترامي ؛؛؛


الموهبه القادمه

[ابوفطوم]

بصراحه موضوع جدا ممتاز

اشكر الاخوان على طرحه للنقاش

انا بصراحه اشوف في تطور صاير يوم بعد يوم يحصل في مدينتي الخفجي ((معشوقتي))

انا من زمن الصنادق في الخفجي فلا تلوموني اذا قلت معشوقتي بصراحه

نفس الوجيه جميع الدواير

ماتغير الا القليل وبصراحه اللي جابوهم لنا في بعض الدوائر الحكوميه يعني يخلصون معاملات

المهم في الموضوع انا مطالبتي للمساكين اهل اسمحولي اسميهم ((جزيرة المحدود))

كل سنه الشركات تحفر وتدفن وكل سنه نفس المستنقعات موجوده وش يدل عليه يدل على الغش الحاصل من المقاول ؟

الشي الثاني هو خدمة dslتصدقون يا اخوان كلمت 907 قالوا تسجل انتظار قلت اوكي

طبعا الكلام ذا من شهر رمضان 1426هـ

واليوم نحن في شهر2 سنة 1427هـ

ما اقدر اقول الا


الله يعين الجميع ونردد ياليل مطولك

للجميع تحياتي بحياة سعيده :confused:

[ابو خالد111]

الله يعطيكم العافيه على الموضوع الرائع واشكر حبيبي صاحب الفكره الحلوه

وعندي ملاحظه بسيطه بالنسبه للمطاعم العالميه
بالنسبه للأخوان الكويتيين اذا رحت للكويت يسألون عندكم مطاعم مثل هارديز او ماكدونالدز والله انه يضيع وجهي وشوفوا حل للموضوع مع انه مو هذاك الاهميه وشاكرين يااخواني

[ابو خالد111]

بركان الحب حبيبي الله يعطيك العافيه على طلباتك ماخليت شي يبون على طلباتك 100 مليون وتبي مركز صحي عن الرجيم شكلك دب
لاتزعل من كلامي ياحبيبي مجرد مداعبه

[ابو خالد111]

يااخوان انا ساكن في المحدود والله ثم والله ثم والله طلعت روحي شي يملل الشارع اللى قدام القصر خرابه شوفو لنا حل تكفون تسوون خير والله

[ابو خالد111]

يااخوان مساكم الله بالخيرات

ابي رئيس بلدية محافظة الخفجي ال شويل مايدخل على المنتدى ويشوف الكلام اللى كله على المحدود والله شي قهر الشوارع محفره وجزاه الله خير هو وشركة ارامكو والله سوو شي عجيب فعلاً في تطورات بالخفجي عجيبه جداً جداً
والله يعطيكم العافيه

[ابو عبدالعزيز]

صدق ابن هذال يوم قال(((((( انت يالخفجي ولا عنك يالخفجي صدود )))))) والله ان الخفجي فيه شي اكيد كلكم حسيتم فيه بالله عليكم في احد منكم سافر من الخفجي وماحس انه فاقد شي ولما يرجع خاصة لمدخل الخفجي او يشوف انواره فالليل مايحس بالارتياح ااااااااااااااخ الخفجي جنة والله
شكرا اخوي على الموضوع بس حبيت اقول لو يسلمون الخفجي تاجر من التجار يقوم بمناقصة لتصليح للكورنيش شاليهات ومطاعم واستراحات على الشاطيء والله لايطلع جميل بالمرة
وشكرا مرة ثانية اخوي والله الله بالمواضيع الحلوة اللي مثل كذا

[بركـ الحب ـان]

احب اشكر الجميع على التواصل في الموضوع الحيوي
والخاص في محافظة عزيزة على قلوبنا الخفجي
واللي قال اني من الخفجي لا والله انا من محافظة بعيدة مرة عنها لكني احب الخفجي واهل الخفجي
ولا يضيق صدرك انا مو دب واسأل ابو سلطان اذا حبيت

[طليفيح]

بس يضبطون شوارع المحدود

[مسبار]

ويقولون والعلم عند الله ..............ان مشروع الفندق الضخم فـــــــــــــــــــــــــــشل ..وتوقف .!!!!
استخدم من قبل الشراكه فيه استخدام تنفيع شخصي وتوقف ...!!!
هكذا ببساطه ............ بلا حسيب ولا رقيب ..................الله المستعان ..
ارجع واكرر كلامي ...تحتاج الخفجي الى مسؤولين اصحاب كلمه وقرار وشخصيه وطنيه محبه للتطور والتقدم وتتحرك بظمير حي بمعنى الكلمه ................فقط
ولننتظر متى يأتي مسؤول بهذه المميزات ....مع انها صعب وقليل وجودها هذه الايام ..

مـــــــــــــــــــــــــــــسبار.