نظريه مؤامرة الجمعيه الخيريه الحراميه !!!

[زماني تحديته]

السلام عليكم ورحمة الله وبركاته

بعد الموضوع اللي نزل عن ضرور مراجعه البنات للجمعيه لأستلام الشيكات ...
رحت لهم اليوم ولما جيتهم ..
كانوا يدخلون البنات وحدة وحدة ولما جيتهم وسألتهم قبل ما ادخل كانهم خايفين يقولون قالوا اذا دخلتي تعرفين ...
طيب .. وبعدها طلعت مجموعه من البنات ماخذين نص المبلغ ومخلينهم يوقعون على تتنازل وانهم استلموا كامل حقوقهم مع وعودهم انهم بيراجعون لهم ويمتحنونهم ؟؟؟<<<<<< رجعنا لسالفتنا الاوليه !!

عموما لما جا دوري ودخلت اخذوا اسمي كامل وسالوا كم عندك وصل قلت كامله <<< مع تغير تعبيرات وجييهم كأنه مو عاجبهم<<<
وقالوا خلاص عطينا الوصولات و بتردد عطيتهم...
وقالوا خلاص تاخذين نص المبلغ ع اساس انهم واثقيين ميه بالميه اني موافقه بدون اي نقاش !!!!
قلت لا ما ابيه انا يا شهاد يا الفلوس ....ف وحده منهم قالت خلاص خوذي الوصولات ولما اخذتهم
طارت المسؤوله من مكانها تقوووول لا لا ترجعين لها الوصولات خلاص <<< ياسلام عيني عينك
فالحمد لله ما امداها تاخذهم اخذتهم وشلتهم:confused: دريت ان سالفتهم نصب بنصب وانهم يبووون الوصولات عشانها الاثبات الوحييييد ضدهم...
وبعد مناقشات قلت لهم انتم ماراح تقدرون تفتحون المعهد الييين ماتخلصون من القضيه اللي عليكم
فردت وحده وقالت خلاص حنا جمعنا مجموعه تكفينا اننا نفتح المعهد ....!!!!
يعني هم مايبون لنا الفايده هم يبون يفتحوون المعهد باي طريقه ....وكذبوا علينا مره سهله يكذبون علينا مره ثانيه...
عموما انا خربتها وتهاوشت مع المسؤوله عقب ما حاولت تستغبيني وتضحك ولما عاملتها بنفس الاسلوب عصبت !!
وقالت لي انتي خلاص مانعطيك فلووووس ... هع مو على كيفها ولله الحمد فلوسي حلال وبترجع بإذن الله

فالملخص هو :
لاترضون بنص القيمه لانهم يبون يتخلصون من الوصولات لانها القعبه الوحيده اللي موقفه شغلهم...

والله يرزقنا بالخيرة ويعوضنا يااارب

[الياسمين]

انا والله كلمتني سالي(مع انهم يقولون الاداره سعودية 100% ) وقالت: تعالي بعد المغرب استلمي الشيك
قلت: المبلغ كامل أو نص سكتت شوي قالت: لا نص المبلع
قلت : نص المبل مابية شكرا
قالت: عفوا" وسكرت
راحوا صديقاتي ونفس نظامك توقيع انهم استلموا المبلغ كامل ووعدوهم انهم يمتحنونهم بعد اسبوع من المراجعه
ومبلغ الشيك عباره عن الزايد لان قيمة الدوره الاصلية 2250 ريال مو 4500ريال (دورة ال6 شهور)<<<<<< طلع الصدق
وما ادري الى متى صراحه هالمماطله؟؟؟

[رايقه]

أنا دقت علي سالي اليوم وقالت لي نفس الكلام
ماأدري أروح لهم وإلا لا
أنا ودي نثبت على راي واحد
يابنات وش الدبره
مع إن أغلب زميلاتي راحوا وخذوا نص المبلغ
أفيدوني جزاكم الله خير

[رايقه]

وشرايكم نكلم معصومه ونبلغها باللي حصل ونشوف وش تنصحنا

[تباشير الصباح]

عفيه عليك انت 100% لا تسكتين عن حقك ما ضاع حق وراه مطالب ,,, استمري واكتبي التطورات في الموضوع ,,, بارك الله فيك من ينت شجاعة

[العساس]

مشكله الخفجي انها لاحسيب ولا رغيب مدير بلديه يمزق رخص المواطنين وكانها ملك خاص له غير مهتم بمحاسبه ولا سائل عن قانون ويعطل مصالح المواطنين بكبرياء وعنجهيه ليس لها مثيل الى ان يدفن يوم من الايام داخل مكتبه

والجمعيه الخيريه تسرق حقوق المواطنين ولا حسيب ولا رغيب لله در الخفجي

[بـــ صدقــــــ]

مايقمن به ؤلئك الموظفات بالجمعية عمل " عصابات " وليس عمل من يراقب الله !! رسالتي لاخواتي ولاولياء امورهن بعدم قبول نصف القيمة , لان هذا ظلم للنفس وهو مالا يرضاه الله لعبادة , والله لا يرضى بالتذلل والخنوع والاستسلام للظلم والغبن والتعدي , ولا ترضو باقل من المبالغ كاملة , اما نحن هنا فنرسل رسالة خاصة لكل مسئول يخاف الله ويرجوا ماعندة ولدية سلطة على هذه الجمعية ان يتدخل لاحقاق الحق ولمعاقبة المتجاوزات والمخادعات والمضللات من موظفات هذه الجمعية البائسة , التي خالف موظفوها جميع القيم والاهداف التي انشئت من اجلها هذه الجمعية , كما اوجة رسالة مفتوحة للجهات الرقابية مثل ( هيئة التحقيق والادعاء العام فرع الخفجي ) ولسعادة ( محافظ الخفجي ) ولكل جهة رسمية تقع هذه الجمعية تحت مضلتها ان ينظرو جميعاً لحال هذه الجمعية وموظفاتها ابتدءاً من مديرة الجمعية وانتها باصغر موظفة فيها حيث ان ما يدور في الجمعية وحسب ما نسمع من اكثر من مصدر يدل دلالة واضحة على سوء الطوية وتعمد المخادعة والاستمرار في ممارسة المخالفات ولتطاولهم على اموال الناس وامعانهم في مخالفة الانظمة فيجب معاقبة كل المتورطات بهذا الجرم بعد التثبت و استبدال كل من يثبت تورطها في هذه الافعال التي لاتسيئ للجمعية فقط انما تسيئ لكل الجمعيات الخيرية وتتخذ معهم الاجراءات الجزائية الرادعة حفظاً لاموال الناس وحقوقهم في هذا البلد الذي قام على العدل ومحاربة الظلم والعدوان .

[فراأاأاشة]

يا خواتي خليكم كلكم مع بعض وتكون كلمتكم وحده وهم شي كلكم تكونو يد وحده

و على سالفت الوصل ماابغت ترجعهم اجل صور نسخه عندكم علشاان لو ما رجعوهم يصير عندك دلييل اهم شي لا توقعون ع شي بدون ماتقرون ولا تفهموونه لان يمكن يسون اي شي

والله يعينكم

[زماني تحديته]

يعطيكم الف عافيه على تواصلكم وتشجيعكم
وانا كل اللي ابيه اننا نكون مع بعض و نتفق ضد المعهد الين ترجع لنا حقوقنا >>>> عشان مايقولون فيه ناس رضوا وش معنى انتي !!
وياليت بعد الجهات المسؤوله تشوف وش قاعد يصير ومايسكتون ويرجعون لنا حقنا ....
ولكم مني أطيب تحيه

[الياسمين]

,وش صار عليهم

[نواف الفهاد]

*
*

لا أدري أين ستقف سفينة هذه القضية المبحرة في أمواج التجاهل إداريآ ..!!
لكنني أدرك تمام الإدراك .. انها .. ( وصمة عار ) .. في جبين جهة رسمية خيرية ....!!
ولن تزول ذكرياتها .. السيئـــة .. إلى ..!!
يوم يبعثون ..!!

*
*

[الياسمين]

يعني اللي اخذو نص المبلغ معاهم حق

[كلي حلآ]

شصار عليكن بنات؟؟؟؟؟؟؟؟