الـعـرب فــي تـطـور عولـمـه وانـفـتـاح

[حمد الدليهي]

اختلاف الأماكن


بمناسبة انتخاب المرشح علي حمود العزام الخالدي بمحافظة الخفجي




تجمع الكوس غيم وبارق الغيث لاح=قاع نبته زْهور وممحل ٍ نبت قاع
انفض الريش ياطيري ورف الجناح = اختلاف الأماكن في وطا وارتفاع
من تعنا وجانا ليل والا صباح=في قدومه نْرحب دوم والنور شاع
نْدخله فالعيون وبالخفوق استراح=من مواجيبنا التقدير قبل المتاع
التواصل معزه والتكاتف نجاح=كم توافق ماحقق شي دون اجتماع
والعرب في تطور عولمه وانفتاح=وانعدام التطور في زمنّا ضياع
ياعلي باانتخابك للصدور انشراح=الشرف باانتخابك ياطويل الذراع
للمهمه فلاح ومن طيور الفلاح=بالمكارم كريم وسبع نسل السباع
والوطن له حقوق وهيبته ماتزاح=من ترابه شبر والا فتر مايباع
في رياح التغيّر ماعلينا رياح=مملكتنا علمها فوق راس الرفاع
نعمة الأمن غير ونادر المسك فاح=يوم بعض الدول وشعوبها في نزاع
في قيادة مليك ٍ ماكفوفه شحاح=كل يوم ٍ علينا مُكرماته تذاع
ابومتعب حبيب الشعب فعله صلاح=ناصرٍ راية الاسلام وامره مطاع
الفتن لاغزتنا مالها الا السلاح=مانضد الصحيح وضد كذب ٍ يشاع
والمثل فيه نسمع بالكلام المُباح= الكريم (الّلهْ) عانه والمنجا شجاع