شريت من السمك واجد لانه في البحر ما مات

[مشبب البشري]

شريت من السمك واجد لانه في البحر ما مات = ولان اللي يبيعه لي علي بحسبة اخواني
وعرفة ان الفضاء واسع وبقاعة لذة السجات= ولكن ضاق في كبره كما الابهام بعياني
ودريت ان الغضاء جمره يسلي راعي الشبات=وريح البن من حوله يثمن خطوة العاني
وان ماني قليل عر ف ليامن بانت الوقفات= اميز بين عدواني واميز بين صدقاني
بعد ما جبت عنوان القصيده باسرد الابيات=ولاني مستعين بغير رب الكون رحماني
توكلنا على الله والله اللي يقضي الحجات= شطر بيت لشاعر كفو والمعنى على الساني
انا قابلت في دنياي هول يخلف الهقوات=وعرفت المر والحالي من القاصي من الداني
وعلى طاري التجاره بالسمك يا مفسر الابيات =تفرج بام عينك كل واحد ياكل الثاني
وانا من قبلها فرحان بالشروه على نيات=خسرت ولابقاء لي شي غير عيون دياني
بعدها صارة الهرجه على ما قيل خذها هات=قبلها مدح دكاني وبعدها ذم دكاني
نويت اطب وسط البحر واسولف مع الموجات=ولكن ما عطاني الموج فرصه لاني انساني
تحريت يهدى موجه وقلت انها ابرك الحزات=ليا منه هدى بادور اللولو ومرجاني
نصحني من نصحني منه قلت معقد الشوشات=على نيت امل بعوض الاسماك بالثاني
عصيت اللي نصحني ثم دخلت البحر قبل يبات=على قارب صغير واتحدى الخوف باللحاني
بعد ما غاب شاطي البحر عني كثرة الاهات = وعرفت ان البحر غدار ويش اللي له اشقاني
طلبت الله ولا خيب رجايه رعي الفزعات=رفعت ايدي له واطلبه من انيران عتقاني
غدى المجداف من يدي ولا ادري وينهي الوجهات=سرى لليلي وادور نجمة للصبح تنباني
الا يا كاشف الغمه كريم وجزل بالمدات= تفرج كربتي وتعيدني للشط باماني
بعدها ساق لي ربي يخوت كانها نجدات= فرحة وصابني روعه من ايساري من ايماني
نشدني واحد منهم يا ويش تريد بالغبات=عطيته قصتي ثم ضحك قال البر يا فلاني
نشده ليه يضحك قال حيتان البحر لاجات =تبا تاكلك مع قاربك والمرجان من داني
نصيحه طيع شوري عود لديرتك والفرجات=ترى سج النفس فيها يسلي كل زهقاني
خذيت بشوره ومد الحبل للقارب بشدات=سحبني من صباح اليا عصر للشط وداني