ود الجمل حمله تساوى ولا مال

[مشبب البشري]

قصيده موجهه للشاعر حمد الدليهي



بسم اللذي يعلم خفاياعباده=نبداء بذكره عالم كل الاحوال
اللي رفع سبع بليا عماده = ومن دونها يطلع لنا شمس وهلال
اللي بسط سبع وفيها وتاده = وفيها من اللي يحي الجسم واضلال
اللي فرض له من عبيده عباده= وبامر الولي تتعاقب اجيال واجيال
وبامره رفع بعض على بعض ساده = وساوى عباده وفترقهم بالاعمال
من عقب ذا مني سلام زياده = لبو سعد من نسل ذربين الافعال
الشاعر اللي يصقل الشعر عاده= له موقف بالشعر حاضر وجوال
له موقف بالشعر بدع وركاده =جيد وجايد بالمعاني ولامثال
واضن شعره تاومه بالولاده= الله يدله وين ما صال ثم جال
مستفردا بالشعر خير انفراده= طب العميق وعقب صدر على الجال
ياسعد رجل الخوالد اسناده= رجالهم حلحيل بالحيل منحال
يابو سعد ماني بحب الحساده = ولاني من اللي بالمواقيف عذال
ولاني من اللي يتبعون الكداده = اتبع طريق الحق لو طال لو طال
حبيت نجم سهيل رغم ابتعاده = نجم تلالى لتايهه الليل دلال
سمعت لك شعراً جذبني ابعاده = واللي قريب يفهمه كل رجال
ذكرتني جعلك تقول الشهاده = والهم من صدرك مع الحزن ينشال
ذكرتني باللي هرج في بلاده = يبغى نسب بوذي وكاهن ومحتال
جهز جوازه والخوي وعتاده = ومن قبل لايقلع رمى الثوب وعقال
اسمه محمد وقلبوه لحماده = اسم الدلع ياجعل يرخص به الحال
يبغى يقضي الليل غاية مرادة = بين المراقص عادة له تجوال
كاسه على يمناه زايد برادة = اصقه مع الصقهان ويصيح يالال
نقط على المرقص ولينا وغادة = وضيع فلوس العود في خمر وخبال
واليا انتهى قرشة وباقي كسادة = ودك على وجهه تغطية بشوال
احد على يمناه يقضب زنادة = واحداً على يسراه بالرجل ركال
من عقب رفع الخشم ضاع اجتهاده = عقب الونس والضحك جاله تولوال
ودك تجود من عراوي فوادة = ثم تنتله نتلة نشيط ونتال
ضيع مصير ابوه وامه وعادة = عاده يدور ضيعة البنت وعيال
ابوه كم ليله يداري هوادة = وامه وابوه وكل ربعة والاخوال
مايخلف النيران غير الرمادة = في بيتهم طاوع رديين وانذال
وش منتهى السوفيت عقب اتحادة = ناس بحال وناس من دون في حال
قلبي من اللي شاف يقدح زنادة = ويلعبي الهاجوس واصير رحال
ودي بشب النار ولاهي قرادة = دنيا تقربني على جالي الصال
ود الجمل ما يلتوي به قيادة = ود الجمل حمله تساوى ولا مال
يالخالدي صدري فتحته عيادة = وتعبت يدين اللي مع الكيل كيال
ناس تقرون يوم ناس زهادة = ولا صار لاشاوي ولا صار جمال
الماء على يمناه والشاي زادة = والدلو مايظهر بلا يد وحبال
من كثر نومة تشتكية الوسادة = طبق مثل من يركب الخيل خيال
بعض العرب ودك بفمه سدادة = لا صار لافايد بمقفاه واقبال
وليته على نومة يخفف عنادة = ولا يدخل المجلس ولا جاه فنجال
بالود ودي ماصحى من رقادة = وبالود ودي من على الارض ينزل
ماقدر الجاهات وفيهم عوادة = هذاك ودك دفنته وسط دركال
لاخاف من ربه وزايد فسادة = لاصام لا صلى ولاحفظ للمال
ولا طاع من يشفق عليه بمهادة = صوته رفيع ولاذكر قبر ينهال
وليا نصحته يعتبرها براده = هرجة كثير وصار للكذب نقال
يابو سعد بينت بعض السوادة = في مجتمعنا جعله اليوم تنحال
يابو سعد قايد تجيد القيادة = نشفق على التوضيح ببيات وجزال
ابيات شعرك غاشيتها الحمادة = يشفق لها منهو على الشعر ميال
والعذر لو قصرت واكمل عدادة = ماني بواصل ماوصلته بالارسال
الشعر من عندك فرضت اعتمادة = تظهر معاني تلفت الذهن واثقال
يالله عسى ايامك تدوم بسعادة = ويكفيك شر اللي بهم شر واهمال