وَلايـالـيــت مــافــي خــاطــري وضــــح الـنـقــى يـنــقــال

[حمد الدليهي]

رمز واحد



الايافكرتـي ودي وهاتـي بعـد هـاض البـال=يقول الخالـدي مـن هيضـة افكـاره وتعبيـره
وَلاياسامـع القـصـه وَلايامفـسـر الأمـثـال=ترى القصه هدفهـا رمـز واحـد كـل تفسيـره
وَلاياليت مافي خاطـري وضـح النقـى ينقـال=واحط النقطـه اللـي حرفهـا مافيـه تدويـره
لكن في وصفها المجهول مايبلش بهـا الحـلال=حيث ٍ الواقع الحاصل علـى بالّـه وتصويـره
حمد عجران ماغيره طرالـيّ ارسل المرسـال=وانا ماقول فيه اخلاف فـي ناس ٍ بعـد غيـره
كشفت أحساسي احساسه توافق والرجال أرجـال=ألا يافرحتـي والعيـد ثالـث فــي تباشـيـره
وابوعـجـران لَعدو هل الموقف هـل الأفـعـال=يفـوح المسـك والكـادي وَلاياطيبهـا سيـره
بقـدم لـه قـدوع ودلة الرسلان و الفنـجـال=مثل هـذي بعرْفـهَ مايدوُنْهـا علـى الحِيّـره
أنا دعـواي ممشاهـا دروب ٍ كلبوهـا طـوال=وفيها سكة ٍ تكشف علـى الطرقـي مشاويـره
انا وان قلتها لْعمّي علي يزعـل أكيـد الخـال=وعظم ٍ منكسر زوُد الكسر مـن كثـر تجبيـره
زمان ٍ حط في كفـي حمول ٍ كلبوهـا ثقـال=وبيّن لي خفـاه وبـان لـي عسـره وتيّسيـره
وَلا ليت الزمن ينطـق ويحكـم قيمـة الّرجّْـال=ويعطـي كـل واحـد بالزمـن حقـه وتقديـره
وُتعـرف قيمـة العاقـل وتعـرف قيمةالجهـال=ويعرف من يمد الطيـب يعـرف نافخ ٍ كيـره
ويعرف من ركب سرج الكحيله باللقاء خيـال=ويعرف من يرد القـوم يعـرف راعـي النيّـره
ويعرف من خذى الشيِّخه على ساس وعلى منوال=ويعرف من خذى الشيخه بصفْقه مـن دنانيـره
على شان أن بعض الناس يدري مايساوي ريـال=بضاعه من شراهـا ماربـح منّهـا مخاسيـره
بعد بعض البشر يدري في وصفه كنّه التمثـال=وقدره لويطـول الوقـت فـي اسفـل كناديـره
مَذم الناس مير العلم له مخـرج ولـه مدخـال=حقيقـه والكـلام الصـدق مايحتـاج تزويـره
اشوف بعينـي وقلبـي دليلـي ماذكرتـه مـال=زمان ٍ بان فيه الشر واضـح وانقطـع خيـره
يحسبون المراجـل بالشبـح والهاتـف الجـوال=ميول النـاس معـهَ الوقـت قطاعـه مناشيـره
احـاول مـره وُمـره وعيّْـا الهـم لايـنـزال=علـى قلبـي تمركـز ياحمدعسكـر طوابـيـره
والا يامسنـدي عجّـل ولحـن جـرة الـمـوال=ترى طيـر الهـدد لاصـاد تفخربـه صقاقيـره
وُمن صام ارمضان وصام سته من شهر شـوال=عن صيام الدهر تكفيـه مـع ركعـه وتكبيـره