هـدب عيـن القصايـد باجـمـل الابـيـات كحلـتـه

[حمد الدليهي]

هدب عين القصايد



يحملني خطا بتفه سبب ويقول انـا الغلطـان=وعلى شانه أوافق لورمـاد الهـرج ماقلتـه
أداري خاطره يسمح لعلّْيّ أرضـي الزعـلان=لو انّي من عرفته مابعد هنته ولا.. ازعلته
قبل مااصير شاعرأحفظ لغيري نظم والحـان=أعدأشعـار غيـري كـل ماجيتـه وقابلتـه
انا ذالحين شاعر وانفرد عن مسلط وسلطان=قصيد الغير عندي في حلا وصفـه تهازلتـه
بدعت الشعر من شانه ولونت القصيد اللوان=وهدب عين القصايد باجمل الابيـات كحلتـه
طبعت اسمه ورسمه والقصايد دونت ديـوان=ومـوال القصايـد لاطرالـي فيـه مولـتـه
لكن المشكله قصة مسلسـل مالهـا عنـوان=درست النص واضح واخر الحلقـات مثلتـه
بعد باح العزا ماعاد للـذره بقـى ميـزان=تبيِيّن كل شيٍ باخـر المشـوار واولتـه
عبـاره سجليهـا ياليالـي والسنـد برهـان=يطيح يقوم شخصٍ ماعرف قدره ومنزلته
الا ياليـت عرفـه ماتهيـا بالزمـان وكـان=ولعاد الموقف اللي فيـه حصلنـي وحصلتـه
هذيك اللحظه اللي مالها في دنيتـي نسيـان=عواقبهـا رمتنـي واول الواقـع تجاهلـتـه
خذاني ماخذيته والنتيجه مركبٍ غرقـان=وسط غب البحر والموج ضدي هاج ماحتلتـه
خذاني والسراب اللي اشوفه يتًعب الضميـان=تميل الشمس تغرب والسراب امشي ولا طلته