ليا ناموا السالين واضفى جهام الليل

[حمد الدليهي]

باقة حزن


ليا ناموا السالين واضفى جهام الليل=لفى ضيفي اللي ما يسيّر على غيري
هداياه باقة حزن والحزن آه وُيل=مآسي وعنْها عاجزٍ كل تعبيري
لْيا اصبحت واحداثي شهد فعلها المنديل=اخفي عن عيون المخاليق تأثيري
تموت الأماني وتحيا والنتايج حيل=سراب الأمل رحلة هدامي وتعميري
انا في دهر لولاح برقي وفاض السيل=بلا قلبي مْهيمن على كل تفكيري
مُعاناتي الفرقا ولا قلتها تمثيل=حلالاه واصّفْق كف في كف ياطيري
ماهو طير كومة ريش ينقل طلوع سهيل=على الدس وتحوفه يدين الصقاقيري
ولا اخفيت هداته على مدة الدربيل=ولا ضاع واخلفّتهْ هبوب المعاصيري
صدوده كسر والّْكسر معروف هدة حيل=الا وكبر كسري وياعسر تجبيري
ليا حل فيني عشت ذكراه في تعزيل=عن العالم المألوف وأعلنت تهجيري
حمد الدليهي