الظلم ظلمات يوم القيامه

[خلاص عاد]

ايش هذا مو حرام مو مخليه حد مو حامل الماده ثلاث ارباع اول تعثروا والله ظلم الماده الوحيده الي حليت فيها وانا متاكده من اجاباتي والله ظلم كل هذا انتقام م الطالبات لانهم يسببن ازعااج والله الحين مو عارفه اتصرف كنت بنقل للنظام العام وبسبتك انربطت فيه يعني لو اطلع مظطره اعيد السنه مع العلم انا كان عندي مدرسه خصوصيه وانا متاكده من اجاباتي اخخر شي انصدم لما شفت درجاتي كلها اوكي الا مادتك ماده الرياضيات 39 من 100 حسبي الله ونعم الوكيل

[أيمن البلوشي]

الله يصلح الأحوآل

[شموخ فتاة]

ما يجوز نظلمين الأبلة . .
يعني اذا انت مو حالة كيف تعطيك درجات و تنجحك ؟
المفروض انت تكونين مع الحق حتى لو على نفسك . .
و مستحيل تكونين حالة و هي ما تنجحك لأن حتى لو كانت حاقدة عليك في أبلات يراجعون وراها . .
و مو حلو انك تقولين علىمعلمة ظآلمة و هي ليست ظالمة . .
الله يوفقك :*

[اروش]

لا حول ولا قوة الى بالله الله عينكـ اختي واذا كانت ابلتك ظالمه ربي بيجازيها مو مخليها
بس انتي ادعي الين ربي يفرجها عليك

[خلاص عاد]

اختي شموخ بقولك كم شغله ع اساس نكون على بينه خلي الاختبار النهاىي الي انا متاكده من ايجاباتي
بس درجت الدفتري كاامل وكل البنات كانوا يكملون دفاترهم مني والبحث الي جايبته ومتكلفه عليه ملفي مطوياتي مشاركتي هذا كله وين درجاتهم 39 من 100 تعرففين شنو يعني والله ظلم ولا وتدرين وش الي يضحك بالموضوع ان كنت ناويه ادخل علمي هه
ولا احد يقول انها مو ظالمه لا ظالمه وربي ينتقم منها انشالله
بس بسال وين كان ضميرك وانتي مرسبه البناات كيذا وين ضميرك وينه
حسبي اللله ونعم الوكيل

[x+y+z=?]

هلا أختي

والله إلي يقراء الموضوع يقول إنا عايشين في ديره ما فيها نظام

يا أختي أول شيء ترى الأمور ما هي خذني جيتك

المدرسة وراها مراجعه وراها مراجعه نهائية

يعنى مو بكيفها تحط الدرجة الي تبي

وإذا مو عاجبتكي الدرجة بدل أن تكتبي في المنتديات وتشهير

روحي لإدارة المدرسة وإذا ما فادتكي مركز الإشراف

وهم بيعطونك حقك إن كان لك حق

وبعدين إلي يقرا الكلام إلي كاتبته ما يعطيكي وحده بصف أول متوسط

كلها أخطاء إملائية فادحه

( كيذا و إنشالله و ....)

وترا والله ما اعرفكي ولا أعرف أبلتكي بس شهرتيبها بدون إي فائدة حتى لو كان لك حق تراكي ضيعتيه

[خلاص عاد]

لو راجعت الاداره بيكون الحق مع المعلمه اكيد وانا خلاص ما ابي درجه الاختبار النهاىي انا ابي درجت اعمال السنه
وتسال ليه كاتبه الموضوع بالمنتدى من حرتي ابيها تعرف انها ظالمه بنات كثير والله بنات كثير نسباتهمم عاليه بس متعثرات بالرياضيات
وانا عاررفه ان حقي ضااع مالي الا ادعي ربي انه ينتقم منها
الي يقهر ان البنات المشاغبات الي مو مخلينها تشرح منجحتهمم اما احنا اي سااكتين مرسبتناا ليه

[شموخ فتاة]

الله يصلح الأحوال . .
و آذا كان لك حق بتآخذينه . .
و آذا الحق مع الأبلة لازم ترضين بالقدر ..

[دانة الكون]

امممممممممم
بتكلم بصفه شخصيه
مو اول مره تصير هالحاله
و اشتكوا بنات بالتوجيه
و تم مراجعه اعمال السنه و المشاركات
لقوا المشاركات مخسوووووووفه بالارض
و الاسباب معروفه طبعاً
انا اقول قدمي شكوه للتوجيه
و ان شاء الله ما يضيع حقك إذا لك حق
ما اعرف طريقه توزيع درجات المقرر
لكن تقولين مطويات و مدري ايش
إذا لزم الامر خلو معلمه غيرها تقييم هالمطويات

[خلاص عاد]

مين عاد بيسمع لنا مممين والله بناات كثير تعثروا بمادتها وكلنا راح ننطق بالمقررات ونصصصصصصيحححتي لا احد يغلط غلطتي ويدخل لا احد يدخل هالنظام الظالم

[رواء الروح]

السلام عليكم ورحمة الله وبركاته

أختي الله يهون عليك

لكن حقك لا تسكتين عنه، روحي زي ما قالت دانة

أما اللي يقولك أخطاء إملائية فلا تهتمي لأن هذا ليس وجه للمقارنة مع مستواك في الرياضيات..

وإن شاء الله راح تكونين أفضل

اعتبري هذي خبرة لك في الحياة ودرس اتعلمتيه إنك تعرفين كم حصلتي أول بأول حتى تكونين على بينة

وبالتوفيق يا رب

[رواء الروح]

ليس من العدل أن نضع ملصق على فم المهموم لأن رأيه مخالف لنا

دعوا البشرية تتكلم وتعبر عما بدواخلها

[خلاص عاد]

(اللهــم لآ ىسـآلك رد القضــآء ولكــن آسآلك اللطــف فيــه)

الحمد لله على كل حال وهذي درجات في الدنيا ويكفي وكلت الله فيها
حسبي الله ونعم الوكيل

[5foO8]

أضم صوتي لصووت أختي (( عبير العتيبي )) & (( دانة الكون ))

وتذكرررري داااااائما >> إن الله يمهـــــــــــل ولا يهمــــــل <<
يعني لو ماحصلتي درجات في الدنيا ان شاء الله تحصليها في الاخره ... وتعبك مرح يروح ع الفاضي ...
ولا تجعلين جمع درجات الدنيا تلهيك عن جمع درجات الاخره

>> إن الله رقيب علـى كل شيء <<

[اعلامية]

السلام عليكم
لأن الظلم فعلا ظلمات يوم القيامة بقول لك الكلام اللي كتبتيه خال من الصحة تماما وياليت الاخوان والأخوات ماتردون على موضوع وتحرضون على الشكوى وانتم ماعندكم خلفية عن الموضوع
ليس من المعقول أن ترسب معلمة طالبات لأن أصلا الرسوب يحسب عليها مايحسب معاها أبدا
الطالبات الراسبات في نظام المقررات مادة الرياضيات ينقسمون إلى فئتين الأولى :طالبات مهملات ماعندهم خلفية عن النظام ولاعن المادة مع إنهم طالبات ممتازات والدليل إن أحد الراسبات جايبة عندي بالكفايات مئة من مئة
والفئة الثانية :طالبات مستواهن متدني جدا والمادة صعبة
بالنسبة لصاحبات المستوى المتدني المعلمة ماقصرت راجعت وبحثت وزودت من عندها قدامنا اهتمت وزعلت أكثر منكم
وبالنسبة لللطالبات المهملات وإن كانوا ممتازات فأنا بعيني رأيت طالبات لايوجد لديهن دفتر عليه 4 درجات لايوجد بحث 5 درجات لايوجد أعذار للغياب أيضا 5 درجات الآن 14 درجة من وين تجيبها المعلمة إذا كانت ألحت تبي دفتر وبحث وأعذار من وين تجيبها ومعاهم تبليغ بالاهمال وإنذارات بالغياب ولما نقصوا بالاختبار مالقت لهم درجات مشاركة وأعمال وبحوث لكن مع ذلك زودتهم بس نقصوا كثييير وكل شخص يحصد مازرع


اتقوا الله بالمعلمة والمعلمات جميعا الاختبارات ماهي لعبة بس تابعوا بناتكم واسألوا

[ذبحني الشوق]

انا بصرراحه اثني على كلام اعلاميه بجد كل واحد يحصد الي زرعه وابله.... ما تحقد يكفي مجربتها سنه كاامله والحمد لله انها ساااعدتني
كثيررر امممم وبس والله يعينكم وشدوا حيلكم بالموااد الثاانيه

[خلاص عاد]

انتي بالذات يالاعلاميه مالك حق اتدخلين لانك شي طبيعي بتصفين مع زميلتك