يا شين نبش الجرح

[مشبب البشري]

ياشين نبش الجرح من عقب ما طاب=نـزفـه مضـاعـف والالــم جـايــر حـيــل
اجـور مــن جــرح القـرايـب ولانـسـاب=واجور من حمل الجمل في سند ميل
واجـور مـن بعـض الاسامـي واللاقـاب=الـي علـى غيـر اهلـهـا عــام وتحـيـل
قـال المثـل لا تامـن السـيـل والــداب=الـداب سمـه مــوت والـغـدر بالسـيـل
ياليـت ابـن برمـان عــن رحلـتـه غــاب=ولا رافقـه طيـره مــع الـخـرج والخـيـل
مانـي بحـب اهـل المظاهـر ولاكــذاب=الي لهـم وجهيـن فـي الصبـح والليـل
الي على وقت الرخاء كانهـم اصحـاب=وكـلا يقـول انـه ولــد ذيــب واشعـيـل
يـلـي تخـضـون اللـبـن مـــا بـعــد راب=يديـنـكـم تـبـخـس مـوازيــن بـالـكـيـل
مـن لا يغبـر شاربـه عــاد هــو شــاب=مـا دسمـه لاقـل مـن جسمـه الحيـل
ومـلا يهـاب النـاس مــا هــو بمنـهـاب=ايـعـيـش بـاوهـامـه ووقـتــه غـرابـيــل
ومــن عـيـب الاشــراف لابــد يـنـعـاب=لابــــد دورات الـلـيـالـي لــــه تـمـيــل
الـعـلـة الـــي مـالـهـا حـــل واطـبــاب=امــــا قـلـعـهـا الله جــابـــت تـعـالـيــل
شخصتها والـي ظهـر بعـض الاسبـاب=تـقـفــي تـهـاويــل وتـقـبــل تـهـاويــل
ياصـقـر يـالـي معتـلـي فــوق مـرقـاب=سـج النفـس وافـرد جناحيـك بالحيـل
بعـض الصداقـه مـن حديديـن واجنـاب=اخيـر مـن ربـع عـلـى الـقـول والقـيـل