ضيف عليكم و عندي أسئله عن ابرق الكبريت

[طبيب]

السلام عليكم أيها الكرام

احببت ان أستفسر منكم عن قرية أبرق الكبريت

تم تعييني طبيب فيها

و سأحل ضيف عليكم

هل يوجد عيادة اسنان في مركز صحي أبرق الكبريت ؟؟

و كيف الطريق لها من الخفجي ؟؟

هل كله زفلت او لا ؟؟

تحياتي لكم

[عبدالعزيز الحاوي]

عليكم السلام ورحمة الله وبركاته حياك الله بيننا
مرة وحدة ابرق الكبريت شكلك معك واسطة ياشيخ
ياهناك فيها منتزهات وفيها برك سباحة وفيها كل شي طازج فيها بندة والمزرعة يعني ماعندك مشكلة ههههه
هلا بالغالي :- حبيت اضحك معك شوي

ابرق الكبريت لها طريقين واحد من عند راس مشعاب والثاني مباشر وهو الاقرب
من الخفجي
لكن حذاري من الابل والرمال اللي دافنة نصف الطريق
فيها بقالة فيها محطة يعني اسم علي مسمي ابرق الكبريت تمتاز بطيبت اهلها
وصدقني ان ترتاح لو تأقلمت فيها واسكن فيها تراها حلوة اذا انت لوحدك من السبت للاربعاء وبعدها روح لكل مكان
واذا انت راعي صيد حلوة وخاصة بالربيع لايعلا عليها
ويارب حليفك التوفيق

[BMW999]

من ناحيه السكن رااح تسكن بالامارة لأن ما في سكن

رااح يفرشوولك في مجلس الاماره

وبعدين متأكد انه تعيــيـــن موب نقل تأديبي لأبر ق الكبريت

بالتوفـــيــق لك احسن مافي القريه مطعم صب وي شغل عدل

نصيحه اشتر سيااااره نفس سيااارات رالي المجهزه للوصول للأبرق

هذا ودمت بوود ..

[طبيب]

يعطيكم العافيه اخواني

بس للحين ما عرفت هي فيها مركز صحي او لا ؟


لاني قريت موضوع ان الاهالي يطالبون بمركز صحي فيها في اجتماع مجلس الخفجي الثاني بتاريخ 13-6-2012


عشان كذا مستغرب كيف اسمه مركز رعاية ابرق الكبريت و هي ما فيها مركز صحي ؟؟

[الراهي]

وعليكم السلام ورحمة الله وبركاته
>>
ياهلابك والله
وإن شاء الله الأخوان يفيدونك عن إستفساراتك
والله يوفقك ويسسسعدك
..
.

[المعقب]

هذا منتدى خاص لااهل الخفجي مافي احد يعرف عن ابرق الكبريت غير اهلها

[حبيب الطرفاوي]

وعليكم السلام ورحمة الله وبركاته لا يوجد مستوصف في ابرق الكبريت سئلت احدى الاخوان يسكن ابرق الكبريت وافاد بانه لايوجد

[ابو ارجوان]

أهلا بالطبيب

شوف يااخوي والله اني داخل بس علشان ارد عليك
لاني حااااس بمعاناتك ومريت بتجربتك!!!! (مدرس سابق)
أولا هاذي بشرى ساااارة لأهالي القرية لان مافيها
مركز صحي ابداااااااااا ولهم سنوات بل قرون وهم يطالبون
والظاهر اخيييييرا تحقق الحلم!!!

أبرق الكبريت قرية والأصح انها هجرة تابعة لمحافظة الخفجي وتبعد
عنها تقريبا 65 كيلو يربط بينهم طريق مزفلت بالكامل ولكن مشكلته انه
طوال العام تغطيه الرمال!!! يعني الله يعينك على الطريق يبيلك جييييب
أهل القرية غالبيتهم عوازم يعني بدو اهل طيبة ونخوة وشهامة يرعون الابل والغنم
عدد السكان تقريبا 800 وعدد البيوت 200 هاذي احصائية العام الفائت
القرية لا يوجد بها إلا البيوت السكنية فقط!!!!!
يعني لا طبيب ولا اسواق ولا حدائق ولا سوبرماركت ولا بنك ولا صرافات
ولا انارة في الشوارع ولا خدمات
ولا ولا ولا........ يعني غير مهيئة للسكن أبداااااا
واهل القرية يتقضون من الخفجي أو القرى المجاورة كل خميس وجمعة!!
كذلك تكثر في القرية الحيوانات والزواحف السامة والخطيرة وبتشوف منها
اشكال وألوان.........الله يعينك:d
وانا برأيي أنك تروح لها وتسوي جولة استطلاعية لتقف على الامر بنفسك

لو عندك اي استفسار انا بالخدمة:)

[روح البداوه]

الي سمعته كانها برا وفيه مدرسه وحده وعدد الي ساكنين

فيها شوي ينعدون ع الاصابع وكل الي يبونهم ينقلون لها يرفضون

وغير كذا الاتصال ينقطع بالطريق وعادي يطلع لك بنص الطريق ابل غنم
عادي الوضع :d

الاصح ليش مافيه اهتمام

والله يسهل دربك