الذيب يعود لكم بقصيدة (( محاورة بين بوش وبلير))

[الذيب]

هذة محاورة بين (بلير) و (بوش) حيث جاء بلير الى امريكا لحضور المؤتمر الثنائي مع بوش وعندما دخل على بوش في صالة الاجتماعات بدا هذة المحاورة
وقام بوش بالرد علية


بليــــر :-
اللة لايجزاك بالخـــير يابــوش ************ ورطتنا في حرب صـــدام ورطة
عزمتني تقول بترول وقروش ************* بس الحقيقة روحتي معك غلطة


بــــوش:-
يابلير رد العلم عن بوش بن بوش ************* اللة خلقــــــــنا للمقاريد سلـطة
وابوي عندة للرياجيل دنبـــوش ************** كم واحد شلنا فلـــوسة ونفطة

بليــــــــر:-

ابوك والنعمين مير انت مربوش ****************** تمــوت بالبترول وتحب شفطـة
صحيح عندك مال وسلاح وجيوش **************** مير اتوقع لك تدهور وسقطــة



بـــوش :-
يابلير كانك خفت يوم احتمى الهوش *************** حرام ماتاخذ من النفط نقطـــة
قبلك ترى شيراك قد راح مكــــروش *************** شوفة يصرح كل يـوم بمحطة




بليــــــــــــــر:-

وراك ماتعطي لشيراك عرمــــــــوش *************** تراة مشغلنا بشيلة وحطـــــة
وليا انتهى موضوعنا نرسل طــروش **************** ونجمع المبلغ من الربع قطـة


بــــــــــوش:-
شيراك هذا عندة الفكر مغشـــوش **************فرط علي في مجلس الامن فرطة
يدزة اليــابان والصين ويطـــــــــوش ************ ومجهز الفيتـــــو لتحقيق شـرطة


بليــــر:-
يابوش انا مرهق وخايف ومدهــــوش *************وانتة تقول الحرب خــدعة وخطة
اسرآي واسراك امتلا منهم الحــــوش **************عز اللة انة صابني منك جلــــطة



بــــــوش:-
ماقلت لك كم فية اذاعات ودشـــوش *************لاتكشف المعنى وانا اقول غلطة
وان قالوا انا علوج واصحابنا جحوش *************ماهمنا الصحاف ولي يحـــــــطة

[عبدالله الحديثي]

يابلير كانك خفت يوم احتمى الهوش *************** حرام ماتاخذ من النفط نقطـــة
قبلك ترى شيراك قد راح مكــــروش *************** شوفة يصرح كل يـوم بمحطة


والله يهي محاورة يا الذيب


وش رايط نرسلها لبرنامج مضارب البادية

الي يقدمه محمد شلاح المطيري .


مشكور على ها المشاركة اللطيفة وعودة قوووووية يا ذيبوووووه

[ابو بندر الثقفي]

ان هذه المحاوره جميله في كلامها

وشينه في فعلها

مشكور الذيب






اللهم انصر اخواننا بالعراق

[أبو رائد]

الله يعطيك العافية يا الذيب



وسعدنا بهذه العودة الطيبة

[عبدالعزيز الجلعود]

الذيب

والله انك ذيب

وصح لسااااانك

وسلم بنانك

عشت عزيزي
بس انتبه لا تدخل الوبان
ههههههه

[الذيب]

اشكركم جميعا









لاكن يابو رائد ماهو الوبان
يمكن انا قراءتها خطا
او انت كتبتها خطا

لااعرف لها معني في اللغة الفرنسية
:ty:

[فـتـــــــــون]

الذيب ..

















ياعنكنك ذيب ...
















ماشالله عليك ...





عيني عليك بارده ..













بصراحه المحاوره
رهييييييييييييييييـــبه ..












تحياتي .. للمبدعين