إبن الوطن
20-08-2012, 10:30 PM
بسم الله الرحمن الرحيم
إخواني
مؤسسي منتديات الرائدية ..
إخواني أهالي محافظة الحفجي الكرام ..
عيدكم مبارك وكل عام وأنتم بخير وعساكم من عواده .. حبيت أن أهديكم بهذه المناسبه السعيده,هذه القصيده التي أسميتها الملحمة الوطنية .. وتقبلوا تحياتي
أخوكم الشاعر راشد آل سليم
بسم الله أبدا والحمد له على كل حال***باسم آل سليم بن يامٍ مزبنة الدخيل
اللي يشرفني مدحهم بدون إبتذال***سعد من هم فزعته لي غدى حمله ثقيل
ينتهض ويفز يوم الحمل عنّه أنشال***ينسى الحزن ويحقق بربعه المستحيل
وإن وزاهم من حداه الزمن واشهب اللال***زبن وعلى طلاّبته ابعد من سهيل
ولاني بنسى رجال المهات الثقال***يام الشجاعه والوفا بالعهد جيل جيل
ودي أعددهم من آل الي نهاية آل***لكن والله إن يجف الحبر من قبل التكميل
والعجمان والمره ليا صك جالٍ جال***بني عمٍ مواقيفهم تشفي الغليل
وباقي القبايل والنعم وافين الخصال***على أفعالهم مانبغى شهود ولا تعليل
حارثي والا من قحطان حماية التال***إبقمي والا من عتيبه ذباحة الحيل
أكلبي وشهرانٍ هل أم تاج الطوال***غامدي والا زهران أهل بندق الفتيل
عمري والا من بالقرن وشامخات الجبال***شهري والا من عسيرٍ طيبين السليل
والعدواني وجهينه اللي ذكرها مثال***مطيري والا من وايل أهل السيف الصقيل
عنزي والا من شمر الفعول الجزال***إعطوي وابلوي والا من قبايل هذيل
أحمري واسمري وقريش ومجدن ماينطال***والهواجر رجال الكرم لا شح البخيل
حربي وبني خالد ذكرهم طول الليال*** أهل تاريخٍ قديم وخيلٍ لها صهيل
والدواسر والسهول ربعٍ طوال السبال***والظفيري ورشايد الطيب أهل الجميل
من السعدون أو من سبيعٍ ماضين الأفعال***وقبايل جيزان كلهم نعم الرجاجيل
أنا أهل الحسا واهل القطيف وذيك الحلال***والا أهل القصيم أهل العلم والشيخ الجليل
والمعذره وان نسيت أحدن ماجا علي البال***أختصرها على ماذكر خايف التطويل
ودي أدخل بالمفيد قبل يقال الهرج طال***وحدة وطنا قبل القبيله علمٍ صميل
أنا إبن الجنوب إبن الشرقيه وابن الشمال***أنا ابن الغربيه والرياض اليوم المهيل
أنا الجندي والموظف والا رجل الاعمال***كُلْ يساهم في بناء الوطن والله وكيل
أنا المواطن اللي يسبق جيشه في القتال***يرخص الروح العظيمه من دون أرضه قتيل
السعودي مايعطي لأهل التفرقه مدخال***شعب واحد وفي وحدته مخلصٍ واصيل
سني وشيعي واسماعيل نعبد ذو الجلال***نتبع محمد ونؤمن بمحكم التنزيل
ياشيوخ المذاهب اللي تنهج الإعتدال***أدعوا للألفه جزاكم الله خيرٍ جزيل
من لايحب أوطنه ما استحقه باية حال***يبقى ذليل وعلى الوطن يعتبر دخيل
كلمة ملكنا لا للتردد والإنخدال***خلجت أمه من هو على الدنيا يبقى ذليل
الطائفيه صنعة إسرائيل بلا جدال***حاولوا سنينٍ طويله ووجدوا السبيل
والإيراني جار ويزرع الفتنه والإشكال***ندعوه والمصالح بيننا ينزع الفتيل
وإن عيا على سياسته يامال الزوال***النهايه للخساره مآله والحصيل
إحذروا ياعرب قبل لاتنقلب وبال***نندم ونصبح حكاية مروجين القيل
مالها حلال إلا أبو متعب راعي العقال***يحل المعضله قبل الحمل عنها يميل
لارتكى لها الحلحيل حل عقدات الحبال***باذن الله الأمور الصعيبه لها يزيل
أنا خليجي الأصل والمنشأ والمآل***نحتمي عن خليجنا ليا صاح الشليل
ياشباب الخليج عليكم نبني الآمال***ساهموا وابنوا فالوقت ما يقبل التأجيل
واتركوا الأعمال المشينه وأعمال الخبال***أثبتوا لنا حسن الظن وقدموا الدليل
تاريخ أجدادكم تضرب به العرب أمثال***خذوا من تاريخهم لو بعض الشي القليل
أنا البحرين والسعود مطوع كل عيّال***أنا العماني واماراتٍ مالها مثيل
أنا الكويت وقطر بالشدايد راس مال***عن هدفنا بالوحده لانحيد ولا نحيل
ياحكامنا للتنميه خطة المارشال***ولكم منا عهود الوفا مانرضى بديل
أنا من مصر العروبيه والحق ينقال***إحدى ركائز العرب بشعبها والنيل
أنا الشام وفلسطين على رغم الإحتلال***وبوحدتنا يزول الإحتلال بظرف ليل
أنا الاردن واليمن أنا ليبيا الأبطال***بالبندق إهزموا جيش القذافي الثقيل
والسودان والصومال حرب ٍ وسوء الحال *** تبغى من ينتشلها ويوقف دمٍ يسيل
والجزائر اللي ضحوا بمليون رجال***والمغرب وتونس زالوا الظلم والتنكيل
والعراق أسقط صدام واصبح فتنه واقتتال***تعبث به أمريكا والفارسي كلاً يكيل
كلما بغت تنقذه العرب مالها مجال***أمر من يحكمه بيد الغير مجرد عميل
ودي أسأل سؤالٍ ماجوابه باحتمال***إلا الأكيد اللي مايقبل شكٍ وتظليل
من وراء ما يحدث للعرب حربٍ وانشغال***الثلاثي الأعداء علن والخفى تمثيل
لاجل يمشون بخطة مرسومه لإستكمال***رسم خريطة الشرق حسب رؤية إسرائيل
قالوا ربيع العرب حريه والظلم زال***واقول هجير العرب بين مشرد وقتيل
ياشعوب الخليج إحذروا خطط الإنبريال***لارجاعنا للتخلف والظلم والتقتيل
وصلاة ربي على نبينا الهادي الدال***علي النهج اللي ينجينا يوم لا ظليل
:101:وسلامتكم ..
اخوكم الشاعر / راشد آل سليم
إخواني
مؤسسي منتديات الرائدية ..
إخواني أهالي محافظة الحفجي الكرام ..
عيدكم مبارك وكل عام وأنتم بخير وعساكم من عواده .. حبيت أن أهديكم بهذه المناسبه السعيده,هذه القصيده التي أسميتها الملحمة الوطنية .. وتقبلوا تحياتي
أخوكم الشاعر راشد آل سليم
بسم الله أبدا والحمد له على كل حال***باسم آل سليم بن يامٍ مزبنة الدخيل
اللي يشرفني مدحهم بدون إبتذال***سعد من هم فزعته لي غدى حمله ثقيل
ينتهض ويفز يوم الحمل عنّه أنشال***ينسى الحزن ويحقق بربعه المستحيل
وإن وزاهم من حداه الزمن واشهب اللال***زبن وعلى طلاّبته ابعد من سهيل
ولاني بنسى رجال المهات الثقال***يام الشجاعه والوفا بالعهد جيل جيل
ودي أعددهم من آل الي نهاية آل***لكن والله إن يجف الحبر من قبل التكميل
والعجمان والمره ليا صك جالٍ جال***بني عمٍ مواقيفهم تشفي الغليل
وباقي القبايل والنعم وافين الخصال***على أفعالهم مانبغى شهود ولا تعليل
حارثي والا من قحطان حماية التال***إبقمي والا من عتيبه ذباحة الحيل
أكلبي وشهرانٍ هل أم تاج الطوال***غامدي والا زهران أهل بندق الفتيل
عمري والا من بالقرن وشامخات الجبال***شهري والا من عسيرٍ طيبين السليل
والعدواني وجهينه اللي ذكرها مثال***مطيري والا من وايل أهل السيف الصقيل
عنزي والا من شمر الفعول الجزال***إعطوي وابلوي والا من قبايل هذيل
أحمري واسمري وقريش ومجدن ماينطال***والهواجر رجال الكرم لا شح البخيل
حربي وبني خالد ذكرهم طول الليال*** أهل تاريخٍ قديم وخيلٍ لها صهيل
والدواسر والسهول ربعٍ طوال السبال***والظفيري ورشايد الطيب أهل الجميل
من السعدون أو من سبيعٍ ماضين الأفعال***وقبايل جيزان كلهم نعم الرجاجيل
أنا أهل الحسا واهل القطيف وذيك الحلال***والا أهل القصيم أهل العلم والشيخ الجليل
والمعذره وان نسيت أحدن ماجا علي البال***أختصرها على ماذكر خايف التطويل
ودي أدخل بالمفيد قبل يقال الهرج طال***وحدة وطنا قبل القبيله علمٍ صميل
أنا إبن الجنوب إبن الشرقيه وابن الشمال***أنا ابن الغربيه والرياض اليوم المهيل
أنا الجندي والموظف والا رجل الاعمال***كُلْ يساهم في بناء الوطن والله وكيل
أنا المواطن اللي يسبق جيشه في القتال***يرخص الروح العظيمه من دون أرضه قتيل
السعودي مايعطي لأهل التفرقه مدخال***شعب واحد وفي وحدته مخلصٍ واصيل
سني وشيعي واسماعيل نعبد ذو الجلال***نتبع محمد ونؤمن بمحكم التنزيل
ياشيوخ المذاهب اللي تنهج الإعتدال***أدعوا للألفه جزاكم الله خيرٍ جزيل
من لايحب أوطنه ما استحقه باية حال***يبقى ذليل وعلى الوطن يعتبر دخيل
كلمة ملكنا لا للتردد والإنخدال***خلجت أمه من هو على الدنيا يبقى ذليل
الطائفيه صنعة إسرائيل بلا جدال***حاولوا سنينٍ طويله ووجدوا السبيل
والإيراني جار ويزرع الفتنه والإشكال***ندعوه والمصالح بيننا ينزع الفتيل
وإن عيا على سياسته يامال الزوال***النهايه للخساره مآله والحصيل
إحذروا ياعرب قبل لاتنقلب وبال***نندم ونصبح حكاية مروجين القيل
مالها حلال إلا أبو متعب راعي العقال***يحل المعضله قبل الحمل عنها يميل
لارتكى لها الحلحيل حل عقدات الحبال***باذن الله الأمور الصعيبه لها يزيل
أنا خليجي الأصل والمنشأ والمآل***نحتمي عن خليجنا ليا صاح الشليل
ياشباب الخليج عليكم نبني الآمال***ساهموا وابنوا فالوقت ما يقبل التأجيل
واتركوا الأعمال المشينه وأعمال الخبال***أثبتوا لنا حسن الظن وقدموا الدليل
تاريخ أجدادكم تضرب به العرب أمثال***خذوا من تاريخهم لو بعض الشي القليل
أنا البحرين والسعود مطوع كل عيّال***أنا العماني واماراتٍ مالها مثيل
أنا الكويت وقطر بالشدايد راس مال***عن هدفنا بالوحده لانحيد ولا نحيل
ياحكامنا للتنميه خطة المارشال***ولكم منا عهود الوفا مانرضى بديل
أنا من مصر العروبيه والحق ينقال***إحدى ركائز العرب بشعبها والنيل
أنا الشام وفلسطين على رغم الإحتلال***وبوحدتنا يزول الإحتلال بظرف ليل
أنا الاردن واليمن أنا ليبيا الأبطال***بالبندق إهزموا جيش القذافي الثقيل
والسودان والصومال حرب ٍ وسوء الحال *** تبغى من ينتشلها ويوقف دمٍ يسيل
والجزائر اللي ضحوا بمليون رجال***والمغرب وتونس زالوا الظلم والتنكيل
والعراق أسقط صدام واصبح فتنه واقتتال***تعبث به أمريكا والفارسي كلاً يكيل
كلما بغت تنقذه العرب مالها مجال***أمر من يحكمه بيد الغير مجرد عميل
ودي أسأل سؤالٍ ماجوابه باحتمال***إلا الأكيد اللي مايقبل شكٍ وتظليل
من وراء ما يحدث للعرب حربٍ وانشغال***الثلاثي الأعداء علن والخفى تمثيل
لاجل يمشون بخطة مرسومه لإستكمال***رسم خريطة الشرق حسب رؤية إسرائيل
قالوا ربيع العرب حريه والظلم زال***واقول هجير العرب بين مشرد وقتيل
ياشعوب الخليج إحذروا خطط الإنبريال***لارجاعنا للتخلف والظلم والتقتيل
وصلاة ربي على نبينا الهادي الدال***علي النهج اللي ينجينا يوم لا ظليل
:101:وسلامتكم ..
اخوكم الشاعر / راشد آل سليم