شمريه توجد على شمر

[علاء الدين]

شمريه توجد على شمر يوم شالوا للامارات من الجزيرة

مـع السلامـه ياعيـال الطنايـا
يلي على ديـار بعيـده تشيلـون
اقفوا ظنى الجربان نسـل الشفايـا
وشمر هل الطولات معهم يروحون
قفوا بعاد الصيت رجـال المنايـا
على البصره الفيحا وشطه يعبرون
ليه تتركون الاهل من اجل غايـا
والبعد قطـاع المنافيـع تـدرون
من بعدكم دمـوع عينـي سقايـا
اغدي يحين الوقت وبعده تحنـون
تمت خليـه الـدار بليـا وصايـا
صارت بخت منهم عليها يدورون
تبكي الجزيره تقول شالوا ظنايـا
عافوني البدوان ولاظنتي ياتـون
اعطوني برخـص بليـا رضايـا
اول شروني بدم وصاروا يبيعون
ولا تغيرت دنيـاي شمـر ذرايـا
شمر مع الشـدات ليـه يجفـون
جربان ليوث الارض اهل العطايا
باالروح عن دار المعزه تجـودون
وشمر على اعداي سيوفن حنايـا
اللي بها الهامات عن المتن يرمون
شمر زهاة دنيـاي شمـر رجايـا
يانخوتي باالضيق دايم تحضـرون
تمت خليـه البلـد وكـل القرايـا
بيتن باثـر بيـت منهـا يشيلـون
قامت تباكـى عجزنـا والصبايـا
على اللي رحلوا ولااظن يعودون
ومصادفين الخير مـن دون سايـا
بجاه الذي له الخلايـق يصلـون
لبوظبـي ودبـي ربعـي عنايـا
اطلب لهم توفيق من راعي الكون

محمد نهار الجربا يرد على الشمريه

يـاالله يلـي عالمـن باالخفـايـا
يامن خلقت الكون باالكاف والنون
البارحه سهران وعيونـي شقايـا
وتيار صبري باالهواجيس مشحون
والنار في قلبـي جمـرة غظايـا
كن الحشا بمصقل الهند مطعـون
على الشمريه يوم تبكـي الطنايـا
عن الجزيره يوم قامـوا يشيلـون
قولك ترى يابنـت ازعـج مسايـا
وهيض شعورن داخل القلب مكنون
هلا هلا بـك عـد رمـل البرايـا
وعد المطر واعداد ماهلت مـزون
واعداد ماسارت جمـوع الطنايـا
واعداد ناسن على الكاع يمشـون
كفي دموعـك لايصيـرن سقايـا
شمر غزوا يابنت راحوا يفـودون
ولا تذرفين الدمـع منتـن سبايـا
حنا ذراكن والذي خالـق الكـون
حنا ليوث الحـرب حنـا الطنايـا
شمر اسود الحرب والكل يعرفون
لعيونكن يردون حيـاض المنايـا
لـو المدافـع دونهـم مايهابـون
غلبا على العدوان تمطـر شظايـا
شمر جبال وباالمصايب يرسـون
حريبنـا نسقيـه مـر السقـايـا
والشمري يابنت بحسـاب مليـون
كم قوم باثر قوم راحـت عرايـا
من ضرب شمر يوم قاموا يتناخون
يشهد لنا التاريـخ ماهـي حكايـا
كل الخلايق مـن لقانـا يخافـون
شمر شبيـه سهيـل مهـم خفايـا
اسم لمع يابنت مـن دور هـارون
وتطمنـي لا مانعـوف القـرايـا
ولا نتركه للـي عليهـا يـدورون
وعلى الجزيـره مانقبـل وصايـا
امـن لشمـر وعنهـا مايتبـرون
وديارنـا يابنـت ماهـي هبـايـا
عنده رجال على الموت يمشـون
ومقدمنا الزيـزوم نسـل الشفايـا
محسن صليب الراي للضد طاعون
الذيـب الحمـر مايهـاب المنايـا
موج البحر ياهـاج عنـه يزلـون
وتحت امرته يابنت نمشي سرايـا
لسطم العدو ليا طغا وصار مجنون

[دانة الكون]

و النعم بشمر

الله يعطيك العافيه

[أميرة القلوب]

قصيدهـ رائعهـ


صح لسانكـ ولسان قايلها

[فايزة11]

شـكــ وبارك الله فيك ـــرا لك ... لك مني أجمل تحية .

[انا الغلا]

قصيده رائعه
آحسّـآسّ يًــفوَق وَآقــعّ آلِحيًآة
آقـدِم لک آحتِرٍآميً لِقلمک آلِمميًز
آلِذيً يًرٍسّم لِنآ دِآئمآً آرٍوَعّ آلِکلِمآتِ
سّلِمت يًمنآک وَدِمت عّلِى آلآبـدِآعّ
لِرٍوَحک آنفآسّ آلِوَرٍدِ