ممكن تنقذوني قبل رمضان

[سارق الانظار]

بسم الله الرحمن الرحيم
الى الاخوة والاخوات بالمنتدى نمسي عليكم بالخير والخيار دامنا داخلين على المطبخ
انا ضيف جديد بقراطيسي وبالتغبيرة يعني وكالة وطازه دامنا داخلين على المطبخ :biggrin:
ياشين النشبة ادري بتقولونها :biggrin:
الحقيقة والواقع اني متوهق توهيقة يهود وانا اصلا عزابي منتف وحالتي حاله عندي بعض الاكلات الخفيفة الي اقدر اسويها مثلا الشاي / الخبز اشتريه من البقالة :biggrin: الجبن والبيض المشوي :biggrin: جديدة ذي
والشابورة :cool: تلعب على مين يالطيب كلها من البقالة وتقول اسويها ؟

مابي اطول عليكم حبيت اعرف طريقة عجينة السمبوسة حقت البيت
طريقة الشعيرية+طريقة الهريسة+طريقة الشوربة
الله يخليكم ابيها قبل رمضان عشان اسوي عليها دورات مكثفة واخبص بالمطبخ لين اطلع شيف مع ان وجهي شيفه :biggrin:

وتقبلوني صديق جديد بالمنتدى وياليت تكون الوصفات دقيقة عشان اضبط الاكلات في رمضان وادعي لصاحب الوصفات انو يشتغل في مطعم 5 نجوم

تشااااااااو

[:: حُـلـم ::]

//


ههههههههههههههههههه

كنت احسب نفسي ما اعرف شي بالطبخ
بس طلعت احسن منكـ

نجي لطلباتكـ

شوف انا من زمان ما دخلت مطبخ <---- بتوهقك

بس بساعدكـ باللي اعرفه

+ طريقة الشعيرية +

امممم
تبي حق كم شخص ؟؟
بكتب لك حق شخصين

نص كيس شعريه
زيت
سكر
بيضه


* تفكك "كور" الشعريه في "مقلاة بدون زيت"
وتحركها على النار لحد ما يصير لونها "أشقر"

* بعدين تحطها في قدر وتغطي الشعريه بالماء وتضيف لها ملعقة زيت وتحطها على نار متوسطة ربع ساعه تقريباً لحد ما تصير لينه .

* تشخلها من المويه كويس وتضيف لها 4 ملاعق سكر أو أكثر "حسب رغبتك" و تضيف ملعقه صغيره "زيت" او "سمن بلدي" وانا افضل السمن وتحطها على نار هاديه وتحركها ...

* بعد 5 دقايق تجيب "بيضه" وتفتحها في القدر على طول وتحركها .. دقيقتين / ثلاث دقايق

وخلاص

بالهنا والشفااااا

*
*
*


+ طريقة الهريسة +

ما حصل لي الشرف :biggrin:


+ طريقة الشوربة +

شوربه
بصل / طماطم / جزر مبشور / بهارات / ملح / زيت

* تجيب قدر وتحط فيه زيت وبصل مقطع وتحركهم بعدين تضيف طماطم مطحونه + ملعقه صغيره معجون طماطم "صلصه" وتضيف الملح والبهارات و كاسين مويه

* تجيب الخلاط وتحط فيه 3 ملاعق كبيرة شوربه + كاس مويه وتخلطهم بالخلاط بعدين تصبه في القدر مع التحريك المستمر وتضيف الجزر المبشور "جزره وحده نكفي"
او تضيف اي نوع خضار تحبه .. وفيه ماجي حروف تلقاها في السبورماركات تقدر تضيفها ..
وبس تخليها ساعه الا ربع على نار هاديه ..

وبالهنا و الشفاااا



ان شا الله عرفت اشرح لكـ :tongue:


وبالعافيه عليكـ :smile:



//

[أبو رائد]

أهلا وسهلا بك يا سارق الأنظار

وحياك الله .. وفعلا سرقت الانظار بموضوعك هذا

وإن شاء الله تجد المساعدة من الطباخات ..

وهذي حلم ما قصرت .. الله يعطيها العافية

[ابتسـ ألم ـامة]

http://www.7zen.net/a/abtsamh%201.gif

هـــلا وغـــلا
أخوي سارق الانظار


تواجدني هنا

لأرحب فيك في منتديات الرائدية

<<<< عضوة في لجنة الترحيب بالأعضاء :smile:


http://wogod.jeeran.com/Ahl3a4N.gif

المنتدى وأهله تشرفوا بوجودك بينهم

فأهلا بك

يا من تجملت منتديات الرائدية بانتسابك لها

وانتشرت رائحة العود في أرجائه

أتمنى لك طيب الإقامة

وإن شاء الله تفيد وتستفيد



أما طلبك فسوف يحول إلى


مسؤولة المطبخ المباشرة


الأخت حنين


ولن أنسى أن أشكر الأخت حلم

على وصفتها الرائعة

وإن شاء الله تستفيد منها


بانتظار مشاركاتك وتواصلك مع الأحبة



وفقك الله وسدد خطاك لما يرضاه ويحبه
دمت بود

http://www.7zen.net/a/abtsamh%202.gif
كلمــات مــن ذهــب
اللهم ارحمنا
فوق الأرض وتحت الأرض ويوم العرض عليك
يا أرحم الراحمين
http://www.alraidiah.com/vb/uploaded/thekr.gif

[حنين]

http://www.alraidiah.com/vb/uploaded/mals.gif





يا هلا و سهلا فيك اخوي سارق الانظار


و بما ان حنين موجوده ابشر باللي تبي

شعيريه هريسه شوربه سمبوسه امر و تدلل




اولا

السمبوسه:

المقادير:
2 كاس دقيق ـ بيالة زيت ـ شوي ملح ـ ماء تقريبا كاس

الطريقه:

تضع الدقيق و الملح و تفركه بالزيت

ثم تضع الماء و تعجن

طبعا بدون خميره

تتركها تقريبا لمده ربع الى نص ساعه لحد ما تلين شوي

تجهز الحشوه " الحشوه حسب الرغبه"

طبعا اللحم او الدجاج بيكون محموس و جاهز مو تفتح الكيس و تحشى فيه العجينه :biggrin:

تفردها بسماكه متوسطه و تحشى اما " لحم ـ دجاج ـ خضار ـ جبنه مالحه" حسب الرغبه

ثم تقلى بالزيت

و بالعافيه عليك

ملاحظه:
بتشوف نقط على العجينه بيضاء فهذا معناه انها جاهزه للفرد



http://www.alraidiah.com/vb/uploaded/mals2.gif

[حنين]

http://www.alraidiah.com/vb/uploaded/mals.gif




الشعيريه:



اسهل منها ما فيه



طريقتها مثل ما قالت اختي حلم


بقولها لك على السريع مره ثانيه و فيها بعض التغييرات البسيطه


المقادير:
كرتون او كيس شعيريه

ماء لسلق الشعيريه

فنجان و نص سكر

ملعقه صغيره هيل

نصف اصبع زبده


الطريقه:

تسلق الشعيريه بعد تكسيرها في الماء الى ان تلين

تصفى من الماء

يضاف لها السكر و الهيل و الزبده


و بالعافيه عليك





http://www.alraidiah.com/vb/uploaded/mals2.gif

[حنين]

http://www.alraidiah.com/vb/uploaded/mals.gif




الشوربه:



المقادير:

بصله متوسطه

2 الى 3 حبات طماطم

زيت للحمس


لحم مقطع قطع صغيره او دجاج " حسب الرغبه

معجون طماطم

ملح

ماجي حسب الرغبه

فلفل اسود مطحون" حسب الرغبه"
شوربه شوفان

الطريقه:

يقطع البصل و يحمس في الزيت و ثم يوضع الطماطم بعد طحنه و يحمس مع البصل لمده خمس دقائق تقريبا

يوضع اللحم و يحمس مع البصل و الطماطم قليلا

يضاف اليه تقريبا ثلاث كاسات مويه

تترك اللحمه او الدجاج لمدة نصف ساعه

بعدها يوضع معجون الطماط بمقدار ملعقتين كبيرتين

يوضع الشوفان في الخلاط الكهربائي " 10 ملاعق كبيره" و يضاف اليه كاس ماء تقريبا

و يخلط

ثم يوضع على اللحم لمدة ربع ساعه


ملاحظه:
طريقة الشوفان و خلطه بالخلاط حتى ما تاخذ طبخ كثير


بالعافيه عليك يارب






http://www.alraidiah.com/vb/uploaded/mals2.gif

[حنين]

http://www.alraidiah.com/vb/uploaded/mals.gif




الهريسه:



جاري البحث عنها


:cool:







http://www.alraidiah.com/vb/uploaded/mals2.gif

[سارق الانظار]

مساء الخير والنوير مساء معطر بريح المسك
مشكورين ياجماعة الخير وبصراحة انقذتوني من الورطة الي انا فيها
واحي فيكم روح الرد المرح والتفاعل معي وانشالله اقدر ارد معروفكم ذا
الي راح يعم علي انا وصاحبي الدب هههههههههههههااااي
مشكوره حلم ويسلمو اصابعيك ,,,
ويسلمو ابتسامة الم ,,,
ويسلمو حنين,,,
وطبعا ابو رائد على العين والراس,,,
ولا يهون البقية وفيهم الخير والبركة,,,


تقبلو اخوكم السعيل مله مله
سارق الانظار

[حنين]

http://www.alraidiah.com/vb/uploaded/mals.gif




اخوي سارق الانظار


ابي منك طلب صغيروووون مله مله








ابيك تذوقني شغلك :cool:


ما عندي مانع و متقبله لسالفه غسيل المعده:biggrin:



و الهريسه ما زال البحث جاري عنها لاني ما حصلتها بس ابشر فيها





http://www.alraidiah.com/vb/uploaded/mals2.gif

[الجوووري]

صح صح .. نبي نذوق

< عز الله تسمم :biggrin:


يعطيك العافيه يا حنين ماقصرتي والله ..


وان شاء الله اذا حصلت طريقة الهريس اجيبها

[الجوووري]

الهريس أو ( الهريسة ) :


الطريقة كاملة للهريسة

المقادير
كيلو لحم عجل صغير او ضاني مهم يكون طازج +كيلو قمح ماء ملح
الطريقه
ينقع القمح في ماء لست ساعات او يزيد من الليل يعني
في الصباح نضع اللحم في قدر الضغط + القمح ونتركه حتى يغلي ونضع الملح ويكون قوامه كثيف
حين الاستواء يترك بقدر الضغط حتى المساء ويضرب بواسطة خشبه خاص يسمى المضراب حتى يتجانس القمح مع اللحم ويكون اللحم تام الاستواء
يقدم الهريس برمضان في الحراره مرشوش بالسمن العربي ويغرف في الصحون ..



هذا اللي حصلته ؟؟ :biggrin:

ان شاء الله قدرنا نفيدك اخوي ..

[حنين]

http://www.alraidiah.com/vb/uploaded/mals.gif




تسلمين يالجووووووري

يعطيك الف عافيه على الفزعه


تدرين والله توقعت الهريسه طبخه مثل الحلا


ادور و احوس عليها ما حصلتها :confused:

لو كنت ادري انها الهريس كان كتبتها

توقعتها طبختين مختلفتين :rolleyes:

و اسال امي و اقولها وشي الهريسه تقول هي الهريس

و اقول في نفسي ما عندها سالفه

<<<< صارت هذي اللي ما عندها سالفه :cool:



<<<< ما تعرف عربي لغتها فرنسي :biggrin:




http://www.alraidiah.com/vb/uploaded/mals2.gif