المساعد الشخصي الرقمي

مشاهدة النسخة كاملة : تغريدات - -‏@aldlaihy Twitter

حمد الدليهي
23-11-2012, 07:51 PM
الـعـرب طـورهــم الـشـيـخ التـويـتـر
واصبحوا في عولمه واكثر جراءه
الكتـابـه هـاجــرت سـطــر الدفـيـتـر
والـطـفـولـه مـاتـصـادقـهـا الــبـــراءه
حمد الدليهي
23-11-2012, 08:10 PM
الوقت هذا وقت متعب وغالب * واشوف نفسي فيه غالب ومتعب
حمد الدليهي
23-11-2012, 08:12 PM
غاب الضمير وشعب غزه على النار
في وضع غزه مات بند المساعي
نصف العرب بالوصف صفارة انذار
ماتمنع الهجمه ولاهي دفاعي
حمد الدليهي
23-11-2012, 08:13 PM
الوقت طبعه يقلب الطاوله قلب
ماخيّرك مابين ميله وعدله
والعشق تبقى صفحته توجع القلب
مع شخص ماهو لك ولا انت إبعدله
حمد الدليهي
23-11-2012, 08:24 PM
العرب من ماضي الوقت دايم في خلاف * لوثبات الحق واضح مثل شمس وقمر
والا انا وان عارضوني ولي فعلٍ يشاف * عارضوا قبلي محمد وابوبكر وعمر
حمد الدليهي
23-11-2012, 08:29 PM
،،،،،،،،،،،،
حمد الدليهي
23-11-2012, 08:37 PM
الشاعر يستخدم الشعر لكشف المقبول سلبا وإيجابا عما حققه في مسيرة حياته
حمد الدليهي
23-11-2012, 08:41 PM
تـعـال سـولـف لــي عـلـى جـلـسـة كـنــب * عيني في عينك وانت سولف واسمعك
امـــدلـــك وتـــمـــد لــــــي خــــــوخ وعـــنـــب * حـتـى الكـنـب يـغـار مــن وضـعـي مـعـك
حمد الدليهي
24-11-2012, 03:06 AM
احترم بعض الاحيان الكراسي لو على وضعها دون الأوادم
بعض الاحيان فاضي فوق فاضـي واحترامـي يقـدم للكراسـي
مــن تنـحـا مقـفـي مايـوصـف بالتواصـيـف فــي ممـشـاه قــادم
واختلاف الأصابع ماجهلته شي حاصل وانـا ماشـاب راسـي
حمد الدليهي
01-12-2012, 03:59 PM
تراك بافعالك تحدد مقامك
وتلقى التعامل حسب مافيه قدمت
وليااحترمت الناس زاد احترامك
ولياشمتّْ الناس يرجع لك الشمت
حمد الدليهي
01-12-2012, 04:09 PM
العين باب وروس الاهداب شباك * والقلب منزل وانت لك فيه غرفه
حمد الدليهي
21-01-2013, 01:33 PM
لو الزمن يرجع ورى بس عامين * حطيت في روس النوايف بيارق
واعلن تهاني فرحت القلب والعين * واعلن نهاية وقت كل المفارق
حمد الدليهي
21-01-2013, 01:36 PM
اعطاك ياسوريا نصف العرب ركبه * والنصف الاخر يحاول ماهو بْقادر
وبشار طاغي وحط الشعب في نكبه * والغرب ماقال لاوارد ولا صادر
حمد الدليهي
21-01-2013, 01:43 PM
يافيافي نجد طش السحب واسم * وشاعرك مايعلن الا فيك فوزه
له مواكب شيخ واقامة مراسم * والبيارق بالميادين معزوزه
مايبين التين في كل المواسم * والبحر ماتنحصى جملة كنوزه
ماعبس وجه القصيد وفيك باسم * والكلام الجزل ماغابوا رموزه
حمد الدليهي
21-01-2013, 01:47 PM
يابحر الكرم يطلع علينا القمر ويغيب * لكن انت لامن غبت مابنت بالمره
ابرسل وراك اللي يقص الأثر ويجيب * يتابعك واكبر واحد يقص بالمره
حمد الدليهي
29-01-2013, 11:11 AM
جده تبوك وقبل تبوك جده * وجده قبل تبوك نذكر غرقها
وامر الولي لاصار محدٍ يرده * لكن مشاريع الوطن من سرقها
حمد الدليهي
28-02-2013, 11:51 AM
الشعرالتقليدي:هو الذي يسلك نهجاً مكرراً و معروفاً وأكثر الصور به تمثل البيئه البدويه الغير متكلفه
الشعرالغيرتقليدي:هوالذي يتميّز بالمفردة المفهومه في تركيبة الأبيات على معنى صائب وواقعي والمتوافق عليها من كافة المجتمعات من جيل إلى جيل
حمد الدليهي
28-02-2013, 12:31 PM
الشعر: يمثل لغة قائله التي يستمدها من وعيه دون تغير القناعات ومجرد تلبية لأخراج حاجه ملحه داخل قائله دون ان يستمد مشروعية مايقوله
حمد الدليهي
01-07-2013, 02:48 PM
كلٍ يرى نفسه رفيع المستوى
والمستوى في نسبته على حسب
كم واحدٍ منصب وراسه مااستوى
لافضلوا روس الاوادم بالنسب
حمد الدليهي
19-09-2013, 12:13 PM
القمر روعه لياحل الظلام
وانت بين الناس في روعة قمر
في جمالك تعجز حروف الكلام
حالتك بالزين حاله ماتمر
حمد الدليهي
19-09-2013, 12:16 PM
ودعتها مثل توديع السعودية ليوم الخميس
اعطيتها للأبد عطلة نهار السبت طول الزمن
حمد الدليهي
19-09-2013, 12:19 PM
احسب اوباما من كبار المشايخ
مير اوباما كاشفٍ بُعده وقربه
الخطاب اللي تكلم فيه بايخ
اتضح ماهو موجه فيه ضربه
والعرب مابين متسنّدر ودايخ
والأسد في سوريا شغال حربه
حمد الدليهي
11-10-2013, 03:04 PM
عندي على بعض العلاقات تشطيب
بعض اصدقاي اللي تغيّر شطبته
ومن لا حسبني في كبار المواجيب
طال الزمن والا قصر ماحسبته
حمد الدليهي
11-10-2013, 03:07 PM
ضو القمر جذاب لْمسامر الليل
والقلب عنده سر ذكرى قديمه
حفظتها عن ناشر القال والقيل
غلفتها بالقلب لعيون ريمه
حمد الدليهي
11-10-2013, 03:20 PM
يكفي الراتب ولا يكفي الراتب
يقضي الحاجه ولايقضي الحاجه
قصة الراوي على ذمة الكاتب
اتفرج واحسن المخرج اخراجه
والعتب مالي عتب وانت يامعاتب
لاتعتب وانت بالوجه ماتواجه
حمد الدليهي
11-10-2013, 03:23 PM
المشاعر تندفع لك صادقه واحساسي
شوفتك قدام عيني مابعدها راحه
يابعد راسي رسمتك في بواطن راسي
قفل باب القلب غيرك ماخذى مفتاحه
حمد الدليهي
11-10-2013, 03:43 PM
عارف التقليد بانواع الذهب والخالص
امتطي عرفي ودايم بالأوادم بخصي
كاشف اصحاب الثقه واللي كلامه مالص
اتفحص قبل اصادق بالملف الشخصي
حمد الدليهي
11-10-2013, 03:54 PM
ياهل الترزّز خفّوا شوي خفّوا
كلٍ على عين المصور حضوره
احياء هياكل والمبادي توفّوا
ظهوركم عفناه في كل صوره
حمد الدليهي
15-10-2013, 02:52 AM
لي صديقٍ له سواتٍ ماتسوى
فيني اهل العرف ماسوو سواته
العلاقه معه تضعف وُتقوى
بين جز ومد في وده وهاته
له ثمان ايام ووعوده تلوى
كل ماحددت له ميعاد فاته
حمد الدليهي
22-12-2013, 03:15 PM
لعيونك النصر ناصرته وشجعته
وانا فريقي ماهو بالاصل نصراوي
وصادمّتْ من صادمك يانصر ووجعته
اصبحت قصة زمان وصرت لك راوي
حمد الدليهي
22-12-2013, 03:16 PM
من مدرسة راس النميمة تخرج
يحمل شهادة صنف شذب العراقيب
بْظهور خلق الله مسوي مدرج
طيارة لْسانه ماتقلع على الطيب
حمد الدليهي
18-01-2014, 12:54 AM
ليتني يازين لانامت عيوني
كل ماصحصحت مالقى غير زولك
حمد الدليهي
25-02-2014, 11:22 PM
انا عليك بْخاطري ماخذ شوي
ماهو زعل لكن عليك اتشره
صامت ولا علمت والسالفه هي
هجرك معي مرات ماهوب مره
حمد الدليهي
01-03-2014, 07:12 PM
يالأيفون حمّلت فيك البرامج
كل البرامج فيك جتني على الوقت
على الأدب نهجي ولاصرت سامج
لاانساق غيري بالمتاهات مانسقت
معك اندمجت وُلا مع الناس دامج
فيك ابتكرت اهداف واهداف حققت
حمد الدليهي
04-03-2014, 01:27 PM
انا عليك بْخاطري ماخذ شوي
ماهو زعل لكن عليك اتشره
صامت ولا علمت والسالفه هي
هجرك معي مرات ماهوب مره
حمد الدليهي
06-03-2014, 09:17 AM
في تويتر عارض الناس في موضوع تافه
وانت تلقى لك جماهير في ابسط طريقه
خالف وحالف على شي مامخلوق شافه
تصبح الكذبه عظيمه وتقرب للحقيقه
حمد الدليهي
10-03-2014, 12:43 PM
مد لي يامنعش القلب في يمناك شاهي
خل اصابع كف يمناك في كفي تْلامس
الحلا والملح في وجهك الجذاب راهي
وانتثار الليل الاسود على الامتان طامس
حمد الدليهي
16-03-2014, 08:53 AM
والله انّي كل مارحت عن حضرت جنابك
جابني لك سايق الود مع صدق المشاعر
انت قصر ٍ للمحبه وانا للقصر بابك
من ورى نبض المعاليق لك مشتاق شاعر
حمد الدليهي
16-03-2014, 08:54 AM
تمر الايام وانت الغايب الحاضر
هذا حضوري غيابك فيه سجلته
تعال واقرب محاجر عيني وناظر
النوم في حزته من شانك اجلته
حمد الدليهي
30-04-2014, 11:36 PM
مشكور ياتويتر على العام والخاص
ماشفت ناس وناس بالعين بانوا
نزلّت ياتويتر لنا بعض الاشخاص
اشخاص كانوا عندنا فوق كانوا
حمد الدليهي
30-04-2014, 11:38 PM
يازمنا فيك خير وفيك عكسه
وان فقدنا شي بالخالق عزانا
كل عام وتطرد الافراح نكسه
موت ابن شايق وكارونا غزانا
حمد الدليهي
30-04-2014, 11:40 PM
يامكثر الشيخان كشخات واصوات
من دون ختم ودون فعل وتواريخ
شاخوا على شاشات بعض القنّوات
مافيه حفل الا يجي صاحبه شيخ
حمد الدليهي
30-04-2014, 11:46 PM
يتوق قلبي سوات الطير
من فوق وكره نوى شلعه
حروة عشى تاق وقت عصير
حازم وجازم على طلعه
عليك يامشغل التفكير
ودارك بعيده ومنقلعه
ياللي خوالك شمال سدير
وابوك حاكم على القلعه
حمد الدليهي
30-04-2014, 11:48 PM
قالوا صباح وقلت يسعد صباحك
ياللي صباحك يندمج في صباحي
واقول ليتك طير واصبح جناحك
والا أصير الطير وانت الجناحي
حمد الدليهي
28-05-2014, 11:02 PM
من عقبك الخفجي ولا شي صاير
والمنفذ اللي فيه صاير ولا شي
ياليت لي جنحان واصير طاير
واعبر بحور الشرق واجيك يامي
حمد الدليهي
24-06-2014, 10:55 AM
صبيت حبك واشربه شرب قهوه
ماهو حظيظ اللي بْقربك مانعم
غيرك يمر وُفيه مالي اشهوه
الا انـت لك لبيــه لـك سم ونعم
حمد الدليهي
09-07-2014, 06:36 PM
قالـوا حمـد ماشفـت بـاب الحـاره
تعجـبـك حلقـاتـه ولـــهْ تشـتـاقـي
واكبـار نـصـف المجتـمـع واصـغـاره
يـتـابـعـونـه والـمـسـلـسـل راقـــــي
وانــــا مـتـابــع حـــــارة الــغـــداره
ضـد الفلسطيـنـي وضــد عـراقـي
اشــــن غــــاره واتــصــدى غـــــاره
مااحسب حساب الأولي والباقي
حمد الدليهي
09-07-2014, 06:38 PM
ياحمود عــزالله انجلّطوا
المــدعـو فْـــلان واصـحـابه
غلّطــوا ولاكـنّهـم غلّـطوا
اشكالهم مااحسب حْسابه
خلـطتهم زين واختلّـطوا
وحـطـيـتهـم تـحـت سـبـابه
تمددوا خوف وانبلطوا
واستسلموا جمـلة عـصابه
حمد الدليهي
09-07-2014, 06:39 PM
عندما تكون وسيط يجب ان تكون ناقلاً محايد بالمهمة بين الطرفين وليس ممثلاً لأحد الأطراف

التاريخ
حمد الدليهي
07-08-2014, 01:21 AM
تدري وش اللي بالزمن يعتبر درس
درسٍ ماغيره في جميع المدارس
لامن غرست وماطلع للوفاء غرس
في من تحسبه للمواجيب فارس
حمد الدليهي
07-08-2014, 01:23 AM
ماتجتمع (عين) معها (حاء) في كلمه
في كلمةٍ واحدة مَحدٍ يركبها
يقولها شاعرٍ فن اللغه علمه
والارض يمشيبها يفهم مناكبها
حمد الدليهي
07-08-2014, 01:24 AM
يانوف وضعي معك يانوف
مـاهـو بعيدٍ ولا قـريّب
معك بصرح على المكشوف
قبل اسود الراس لايشيّب
بتبع سياسة حروف ألوف
الأنسحــاب اعـتقد طيّب
حمد الدليهي
07-08-2014, 01:28 AM
خـلـي هــلا ياريـم لاقـلـت يــاريــم
قــولــي ليـا ناديـت يـاريـم لــبيـــه
سلمت لك فكري مع القلب تسليم
وخبي شعورك لي عن الناس خبيه
حمد الدليهي
07-08-2014, 01:30 AM
يفـخر الإعـلام فـي مثل الكحيله
صححت وضع النساء في تجربتها
كل ماسـوت عمـل تعـطي دليله
مـبـدعـه متمـكنه فـي تغـطــيــتـها
كل صوره تلتقـط تـطلــع جميله
فن لامن صوّرتْ في كـــامِيرتها
حمد الدليهي
10-01-2015, 01:26 PM
النجاحات تذبح عاذلي ياعمر
وانكشف لي عدوي وانكشف لي صديق
صرت بكبود عذالي سوات الجمر
ذابت كبودهم واشعلت فيهم حريق
عابس الوجه واضح مثل شمس وقمر
كل ماصار ضدي سكته تستضيق
حمد الدليهي
10-01-2015, 01:28 PM
مات الزلامي ومات الحاضر الماضي
والشعر بعد الزلامي يبتدي حزنه
ماعاد للشعر لاحاكم ولا قاضي
يموت معناه فـي قافه وُفي وُزنه
مااظن عقبه يغيث وبارقه ياضي
حتى ولوشفت في عرض الفضاء مزنه
يامعشر الشعر ياالمليان والفاضي
مفتاح في قفل ماينفع بلا خزنه
حمد الدليهي
10-01-2015, 01:28 PM
ياقرد حظ الشعر يامعيض قرداه
من ناس سوت به روايه وقصه
ويابعدهم من منطق الجزل بعداه
حتى ولو فيه اعتلوها المنصه
مات الزلامي واشهدنا فقدناه
ليته قبل موته عطى الغشم حصه
حمد الدليهي
10-01-2015, 01:29 PM
الناس طاحوا في برامج من حذف واللي يضيف
وانا معي برنامجي يكشف لي اصحاب الردى
واكشف به القلب المصدي واكشف القلب النظيف
والنيه الغـبرى مـايقـطع دوم صـاحـبها مـدى
حمد الدليهي
10-01-2015, 01:30 PM
لاصرت رسمي قالوا انك مُعقد
وان صرت تمزح قالوا انك مخفه
حتى ولو انـك مـريض وُمـرقّد
قـالوا سلـيم ولو على جـال هفه
حمد الدليهي
10-01-2015, 01:31 PM
ياكثر ماتنطق فديتك ولبيه
ماشفت في لبيه صدق وفديتك
كشفت شي وشي عادك مْخبيه
وانا على قدر التعامل عطيتك
حمد الدليهي
10-01-2015, 01:31 PM
ياهلال تبقى معتلي شامخٍ فوق
المجد عنوانك ولك فيه بصمات
تلعب ولعبك فن واخلاق مع ذوق
لو تنهزم تبقى زعيم البطولات
حمد الدليهي
10-01-2015, 01:32 PM
السفط في ماهو ولا شي لي شي
سياسة التطنيش هي لي سـياسه
احط بعض الناس ميّت وهو حي
قدره ولا حتى صفر في مقاسه
حمد الدليهي
10-01-2015, 01:33 PM
الناس فيهم طبع دايم في بعضهم ياكلون
مايسلم مْن الحي ناسٍ في سراديب القبور
حتى على الواتساب قاموا بالعيون يراقبون
يراقبون اول دخولك عندهم واخر ظهور
حمد الدليهي
10-01-2015, 01:37 PM
تدري وش اللي بالزمن يعتبر درس
درسٍ ماغيره في جميع المدارس
لامن غرست وماطلع للوفاء غرس
في من تحسبه للمواجيب فارس
حمد الدليهي
10-01-2015, 01:37 PM
للضغط والسكر وكتمات الانفاس
وصفة علاج ان خذتها مايجنّك
احتاط في فن التعامل مع الناس
بالـذوق و الأخـلاق يمتـاز فـنّك
حمد الدليهي
10-01-2015, 01:39 PM
ياليتني ياطير مثلك ليْاضقت
اصعد فضاء ماني على الارض مكتوف
امر فوق ديار ريمه ليا اشتقت
واطلق نظر عيني على البيت واشوف
حمد الدليهي
10-01-2015, 01:40 PM
اخذت اعادة راي مع وجهة نظر
في حال من وصله ليّا عاهد يبور
سويت له في قائمة قلبي حظر
لامتصل ولابقاه اخر ظهور
حمد الدليهي
10-01-2015, 01:40 PM
حاله جديده مْلاحظها ولي فتره
واشوفها بين مقبوله ومرفوضه
مع لابس الثوب واللي لابس الغتره
في كل عام جديد التهنئه موضه
والشي لاصار بدعه واجبٍ بتره
واللي ماهو في كتاب الله يجي فوضه
حمد الدليهي
10-01-2015, 01:41 PM
ينتهي توقيت الاخلاص من عشْرّة نـذل
ماتواليها حسايف معه لو تنتهي
يدعي في بذل والوقت يكشف من بذل
في مسارٍ حدد المنتبه والمنتهي
من عذلني في فْراقه ياليته ماعذل
عايفه قلبي ونفسي على ماتشتهي
حمد الدليهي
10-01-2015, 01:42 PM
ملامحك ترجمتها نظرة عيونك
فيك الغضب لو تخفى فاضحٍ سره
خل الزعل وابتسم والعيد من دونك
مافيه من عالم الافراح لو ذره
حمد الدليهي
04-03-2015, 10:03 PM
تموت المشاعر لالقت ميت الاحساس
ولاتنتعــش لـلــي تصــنّع باحـــاسـيســه
وانا معي جوده ختمها للوفاء نبراس
لبسها الوفاء من خالص الصدق تلبيسه
حمد الدليهي
04-03-2015, 10:03 PM
حلمت لي حلم وضعه مختلف يامعيض
شــفت الاوادم بحلـمي واقفـه وتحبي
والشعب ثلثه غبي والثلث الاخر مريض
وانا الوحيد الذكي ومعيض ماهو غبي
حمد الدليهي
04-03-2015, 10:05 PM
ياقرد حظ الشعر يامعيض قرداه
من ناس سوت به روايه وقصه
ويابعدهم من منطق الجزل بعداه
حتى ولو فيه اعتلوها المنصه
مات الزلامي واشهدنا فقدناه
ليته قبل موته عطى الغشم حصه
حمد الدليهي
04-03-2015, 10:06 PM
مات الزلامي ومات الحاضر الماضي
والشعر بعد الزلامي يبتدي حزنه
ماعاد للشعر لاحاكم ولا قاضي
يموت معناه فـي قافه وُفي وُزنه
مااظن عقبه يغيث وبارقه ياضي
حتى ولوشفت في عرض الفضاء مزنه
يامعشر الشعر ياالمليان والفاضي
مفتاح في قفل ماينفع بلا خزنه
حمد الدليهي
04-03-2015, 10:08 PM
الشعر ماقلته معرى وفـاضح
مافيه من قل الحيا بيت مصلوخ
ابنيه في كل المواضيع واضح
عرفي يزيد الشعر وارقابه شموخ
اسبح بّحوره عندي الخير ناضح
ماصرت به شحاذ ومطبّل شيوخ
حمد الدليهي
16-04-2015, 09:12 PM
منّك سمح خاطري لاتقول لي آسف في
وجه دربك وعذرك قافلٍ بابي
لو لنتقام الغرام حزام لي ناسف
عادي افجرك لو سموني ارهابي
حمد الدليهي
16-04-2015, 09:28 PM
تموت المشاعر لالقت ميت الاحساس
ولاتنتعــش لـلــي تصــنّع باحـــاسـيســه
وانا معي جوده ختمها للوفاء نبراس
لبسها الوفاء من خالص الصدق تلبيسه
حمد الدليهي
16-04-2015, 09:32 PM
ياسوق الذهب ياللي تْباع الجواهر فيك
انا جيت صدفه فيك شفت الذهب يمشي
ذهـب لـويبيـعـونه هـله قـلت لـه شـاريك
اغــذيـه من قـلبـي واغــطيه مـن رمـــشي
حمد الدليهي
16-04-2015, 09:33 PM
يافـرخ ياللـي تو ريشـك مااكتمل
وان اكتمل وان مااكتمل ماانت بكفـو
ماانت بكفو يافرخ تنطح لك جمل
مـنـك الخــطا مايشمـله منـي عفـو
حمد الدليهي
16-04-2015, 09:35 PM
http://cdn.top4top.net/d_233ee577681.mp3


تابعوا برنامج المجلس مع الشعر الجزل
قمة الابداع في حاضر وفي وقتٍ مضى
شامل الاغراض في مدح وثناء وصف وغزل
والفخر يمتاز من بوح المشاعر ماقضى
من مناطق مملكتنا عن مراده مااعتزل
بالتراث وسيرة الموروث لضيوفه حضى
شاشة الصحراء تبثه مستواها مانزل
مرضيه جمهورها وافضل قناوات الفضاء
حمد الدليهي
02-07-2015, 05:56 PM
ماكـل شيهانه سوات الشياهين
وماكل مهرة في حساب الأصايل
ياكـم شــيهانه تـرف الـجـناحين
طيـرٍ يطيــر ومـايســوي فعــايـل
وياكم مْهرة شكلها يغري العين
والساس ماهو من عريب السلايل
حمد الدليهي
02-07-2015, 05:58 PM
عندما يُسئل الشعراء عن مستوى ماقدموه وهل وجد نجاحاً؟
يجب ان لايُجيبُ بأفضلية ورضاء عن ماقدموه او عدم الرضاء ويُترك كل هذا للمستقبل، والتاريخ هو الحكم وماعليهم سوى فعل مايستطيعون مايرونه يلامس ذائقة العدد الأكبر من شرائح المجتمع الراقي والمُفكر في تحديد حقائق الأمور
حمد الدليهي
03-08-2015, 02:07 AM
اجامل الناس غيرك وانت مهتمك
واصد عنك واجنب ماني بْناسي
اسفهك قدام حسادي ولا اذمك
اخشى على سمعتك من هرجة الناسي
احط نفسي مابيك ومالتفت يمك
وانا على يمتك في كامل احساسي
حمد الدليهي
03-08-2015, 02:08 AM
ماهو لزوم ان كل شخصٍ عرفته
يصـير في قلـبي مقــدر وغالي
بعض الاوادم عن وصالي صرفته
اخير من وصله جلوسي لحالي
حمد الدليهي
03-08-2015, 02:10 AM
ياكثر من عايش وياكثر من مات
والوقت يعطينا فرح وانتكاسه
وسعود مات وللقضايا ملفات
مات ومعه ماتت شعوب وسيايه
ليته على الدنيا وذالوقت بالذات
يامر وينهى ويتلفّت بْراسه
حمد الدليهي
03-08-2015, 02:12 AM
موج البحر يقلب كْبارالبواخر
طبع المرض يعطي للانسان قرصه
وفرصه لمسح الذنب عشر الاواخر
الرابح اللي يغتنم كل فرصه
حمد الدليهي
03-08-2015, 02:12 AM
شيخ هذا العام قبل العام هو راعي غنمنا
انتهض من طفرة البترول واسعار الاراضي
شيخ نفسه مانلـد البال في شخصه ونمنا
عــارفينه زيــن بالمليـــان والا صـــار فــاضي
حمد الدليهي
15-12-2015, 07:13 AM
البــارحه عينــي حــريبـه لـلمـنـام
والدمع من فرقاك فوق الخد فاض
سويت في قلبي مواجع وازدحام
فاقت على زحمة ممرات الرياض
حمد الدليهي
15-12-2015, 07:15 AM
الشك ياخذني ترى بعض الاحيان
اني انا اذكى بشر في زماني
لاشفت فكر فلان وفلان وفلان
قلت اني الاول ولا فيه ثاني
حمد الدليهي
15-12-2015, 07:16 AM
تاريخ راس وللمواجيب تاريخ
والرب ماضيعت خمسة فروضه
مطنوخ واتعب للرجال المطانيخ
عايش على الترتيب ماعشت فوضه
واحس بعض احيان كبدي على صيخ
واشكي من القولون والا الحموضه
لاشفت كلٍ بالمحافل غدى شيخ
وصار الترزز باول الصف موضه
حمد الدليهي
15-12-2015, 07:18 AM
منهو اللي يقول انه على الشعر حريف ومعلم
كان يقدر يجاريني على البحر هذا قلت شاطر
كم وكم شاعرٍ حاول صعوده على سلم وُسلم
كل مره ومره مافلح مالقى غير المخاطر
حمد الدليهي
15-12-2015, 07:19 AM
يقل قدر الشاعر ان صار شحاذ
يفقد مكانة هيبته واحترامه
ماعاد له بالوقت فازع ونقاذ
يفقد مواجيبه ويسقط مقامه
حمد الدليهي
15-12-2015, 07:21 AM
تسارع حروف الكتابه بْيمناي
شح النظر والكف ماهي شحيحه
دقق على كيفك وصحح لي أخطاي
إكتب عبارات الخطا لي صحيحه
الود بين اثنين مايفسده راي
والراي قبله والخواطر جريحه
حمد الدليهي
15-12-2015, 07:22 AM
احرص من اللي يمدحك وانت قاعد
لاغبت يمكن يصبح المدح مقلوب
على الرخا يْظهِر لك انه يساعد
والا الشدايد مايغذيك لو روب
حمد الدليهي
15-12-2015, 07:22 AM
لاناموا الناس لك خصصتها اوقاتي
بين انتظارك وبين الجرح والفرقا
اعيشك بْصمت واخفيها مُعاناتي
في غيبتك صحتي تنزل ولاترقا
حمد الدليهي
15-12-2015, 07:27 AM
ياكثر ماتطري على البال كثراه
وليا اسألوني قلت للناس مدري
اعيد زفرات التناهيد والآه
واحط خمس اليد باطراف صدري
حمد الدليهي
15-12-2015, 07:28 AM
ياريم معك العشق قفلت بابه
روحي مراح مُقيط ورشاه ياريم
انا فضاء وانتي مجرد سحابه
عمر الفضاء ماصار يحتاج للغيم
حمد الدليهي
24-12-2015, 12:12 AM
استوى رز المهيدب والشعير
والبهايم فيه يشبها بشر

الكرونا صار ماهو فـالبعير
الكرونا بالاوادم منتشر