مواقف طريفه

[الفيصل]

السلام عليكم ورحمة الله وبركاته

اعزائي مشرفي وأعضاء منتدى الرائديه الغالين

اكيد إن كل واحد يمر بموقف طريف في حياته او موقف محرج جداً وهذا الشيء لابد منه



فنريد من كل مشرف وكل عضو أن يكتب اي موقف من المواقف الطريفه اللتي حصلت له

(اهم شيء إنه حصلت له)

ويزيدني سروووور إذا شاركتوني



وأنا اولكم


مره من المرات

دق تلفوننا قبل ايام الكاشف ورديت وطلعت وحده وصوتها مو غريب علي المهم هي

سلمت علي وقالت وين امك قلت انا معليكي من امي اهم شيء كيف حالك انتي وقعدت

استهبل وانكت واستضرف دمي معاها شوي اشوفها تنفخخخخخخ قلت لا عاد بلا قلت

ادب مالها داعي كذا هذي جزاتي اسولف معاكي واخذ اخبارك

شوي زادت من نفختها

وين امممممممممممممك بلهجه غريبه علي فقلت من انتي




فطلعت اللي اكلمها من اليوم



واللي استضرف دمي معاها











































جارتنا

موقف محرج

وليتكم شفتوا وجهي ذاك اليوم قوس قزح

وزين ما جى زوجها يسطرني


تقبلوا تحياتي

[سامي الشمري]

هلا و غلا

خفجـــاوي شقــي


موضوع رائــع ..


و موقف رائــع منـك ..

:::::::::::::::::::

و أنا لي من المواقف المحرج عد .. و أغلط ..

و آخــرهـا قبــل ثــلاث أيــام .

كنت في حفـر الباطن متوجه إلى الحدود الشمــاليـة

و وقفـت عنـد إشــارة ..

و أنا أولع زقارتـي :cool: أول ما ولعتــها وهو يتصل علي رقم ..

هو : الســلام عليكم

سامي : و عليكم السـلام

هو : متى جيــت ؟

سامي : هاه ؟

هو : أقولك متى جيـت ؟

سامــي : من أنت ؟

هو : طيب طف زقارتك . و أترك الدخــان

سامي : أقول تبي تقول لي من أنت ولا لا ؟

هو : لا ماني قايل

سامي : أجل يالله مع الســلامة

سكرت التلفون بوجهه ..

و طلعت لرفحـاء .. و وصلت رفحـاء

أتصل علي ///

هو : الحمد لله على السـلامة

سامي : الله يسلمك <-------<< مطيـّر عيونـه . :eek:

هو : طيب ولع لك زقارة مادامك وصلت رفحاء :rolleyes:

سامي : ( لحظة صمـت ) :mad:

سامي : أقول .. تبي تقول لي من أنت ولا لا ؟ :mad:

هو : لا ماني قايل لك .. :tongue:

سامي : أجل مع السلامة

:::::::::::::::

المشكلـة ماهي هنـا ..

كل ما أروح لمكان .. إلا يتصـل علي و يقولي أنت بالمكان الفلاني .

لين رفـع ضغطـي . و سجلت أسمه بجوالي ( لا ترد ) :biggrin:

على شان إذا دق ما أرد عليــه

و إلى الآن .. وهو يتصـل علي .. ولا أرد عليــه

أنا داري أنه مقلــب من واحد من ربعـي

بس بالله إذا هو بالمنتدى هنا يقول ولا و الله لا أدوس ببطنه :mad:

لأنــه و الله علنــي علّـة

تحــياتـي للجميـع

[الفيصل]

هههههههههههههههههههههههههههه



هذا شكله مو مراقبك لكن احد يعلمه و موصيه عليك


توقعاتي


مشكور اخوي سامي على المرور والمشاركه

[أبو رائد]

الله يعطيك العافية


يا خفجاوي شقي


على هالموضوع



وإن شاء الله نقرأ مواقف


من الزوار والأعضاء

[الفيصل]

هلا وغلا بك يا ابو رائد مرورك اسعدني ووسام اعتز به يالغالي


مشكور على إهتمامك بهذا المنتدى الرائع

لك مني كل الشكر

والله يعطيك ألف العافيه

[نواف الفهاد]

خفجاوي شقي ..

وتميز مستمر .. وتجدد ملحوووووووظ ..

وأفكار .. رايقة !!

/
\

من جد ..

أعجبني موقفك .. وموقف سامي !!

الله يرجكم ..

/
\

أنا ..

بـــــ تكون لي رجعة ..

/
\

لك كل الغـــلا ..

سلالالالام

[ابوليلى]

هههههههههههههههههههههههه







عن جد موقف محرج معك يا خفجاوي شقي







موضوع رائع وفكره اروع منك يا خفجاوي شقي







اما بالنسبه لي.............؟؟؟







تقريبا هذا الموقف قبل ثلاث سنوات او اكثر







المهم ما لكم في الطويله اتصل علي احد الاخوان في الهيئه وقال





يا ابن الخطاب نبيك تلقي كلمه عندنا في المسجد .......





اليوم بعد العشاء وكنت توني واصل مدينتهم وانا ما اعرف احد فيها؟؟؟؟





ولا ادل اي مكان .. العلم.. اني بسطت وعينت من الله خير واذن العشاء..




طبعا الراجل وصف لي .. وكأني دليت المسجد ... والحمد الله دليت على الوصف..




هو طبعا قال لي ... اول ما يسلم الامام ... قم والقي الكلمه.. وهذا الي سويته...






في البدايه ما شفت الراجل ... الي ناداني .. قلت ممكن تأخر .. وهو في اخر الصف ...





المهم... خلصت الكلمه .. وفي الختام حبيت اني اشكر الراجل الي ناداني ... واثني عليه...





واول ما قلت اسمه ... الا ... الشباب الي في المسجد يضحكون .............:eek:؟؟؟؟؟؟؟





اما الشيبان .. يعطيك العافيه .. كثر الله من امثالك ... تخبرون الشيبان الله يحفظهم......





شوي واتنبه للموقف........ اني في المسجد الخطأ:confused:...




وعلطول اطلع الجوال الا الجوال........ يكح من زحمه الاتصلات......





واتصلت على الراجل واعتذرت منه .... واخذ مني موعد ثاني الله يجزاه خير





بصراحه انحرجت في ذاك الموقف

[الفيصل]

يعطيك العافيه اخوي نواف الفهاد على مرورك

وكلامك الرائع وإشادتك بي وسام افتخر به ياااااااااااااااااااااااا ***ملك الكلمه***

[الفيصل]

ههههههههههههههه

يا إبن الخطاب مووووقف من جد من جد من جد (( محرج ))والمصيبه يوم إنك اثنيت على الرجال اللي ناداك وقاموا الشباب يضحكون

المهم يالغالي إنك كسبت اجر وحفتكم الملائكه وذكركم الله فيمن عنده والله يكتب اجركم

يعطيك العافيه اخوي ابن الخطاب على مرورك ومشاركتك يالغالي

[سامي الشمري]

طاااااااااااااااااااازج :biggrin:


موقف محرج صار لي اليوم ..

أول أيام عيد الفطر المبـارك ..

<-------<< دايم مواقف محرجه :redface:


:::::::::::::::...::::::::...::::::::::


سمعت آذان المغرب و أنا أتابع التلفزيون .

و جلست شوي قلت بنتظر الإقامة ..

أقاموا الصلاة .


نسيت أني ماني على وضوء .

رحت توضيـت .


ويوم دخلت المسجد إلا مخلصيـن الصلاة .

أدور أحد أصلي أنا وياه جماعه .. مافيـه أحد .


قلت أصلــي لحــالي .

ويوم صليت الركعة الأولى .

طبعا ً لحالي .. ماهو لازم أجهـر بالصلاة ..

يوم جت الركعة الثانيـة

إلا الشـايب الي صف بجنبي .

قلت أكيد انه متأخر ..

و أنا أقرأ سورة الفاتحة جهــرا ً

على أنه يبي يصلي معي ..

و أنا مطوّل صوتي .. و مرتل بالقرآن .

فجأة :eek:

إلى الرجال الي جنبي ركع قبلي :eek:


و قبــل لا أخلص سورة الفاتحـة .

أكتشفت ان الرجال الي جنبي طلع مصلي و خالص :redface:

وهو جاي جنبي على شان يتسنن :mad:

ما أمداني كملة سورة الفاتحة جهــرا ً .

إلا و أكملت ماتبقى من صلاتي سـرا ً :biggrin:

::::::::::::::........::::::::::........::::::::

موقف ... صار لي قبل خمس ساعات :biggrin:



طاااااااااااااازج X طاااااااااااااااااااااازج :eek:

تحياتي لكم .

[أحمـــد]

السلااااااااااااااااااااام عليكم ورحمة الله وبركاته ,,,,




خفجاوي شقي الله يعطيك العافيه على الموضووووووع الحلو



وان شاء الله نشوف تفاعل من الجميع


لي عوده ان شاء الله




<<<<<<< مافي راسه شي الحين داااااايخ




تقبل فائق الاحترام والتقدير




Thank You All

[ابوشهــــاب]

هلا وغلا

خفجاوي شقي


موقف محرج

كل مواقفي تعرفها

بس الموقف اللي محرج من جد

وصاني الشايب اروح اخذ ذبيحه علشان جدي جاينا

ورحت خذيت الذبيحه ووديتها المسلخ

وانا راجع بين المغرب والعشاء قلت يا ولد خلني اجرب الموتر حق

الشايب

طبعا ايامها كنت توني متعلم السواقه وابو الشباب يبي

يتفنن شوي

المهم اني مشيت مع الطريق اللي كله غراز

وشوي الا السياره موقفه محلها

وتورط الذيب

وش اسوي اللحين

قعدت افكر وش السواه

مر من جنبي مصاريه حقين المسلخ وانا انقز

ابي الفزعه منهم وطنشوني كاني عمود واقف مو آدمي

المهم اذن العشاء والوقت بداء يروح علي

والذبيحه في الشنطه حقت السياره

وينتهون من الصلاة العشاء

وانا للحين مكاني

والله يرزقني في فلبينين جايين من الصيد اللي عند المسلخ

ويساعدوني

وما قصرو والله طلعو احسن من المصاريه

واشوي اروح للبيت

وصارت المفاجئه الوالد جاب عشا من برا

واكلتها تهزيئه من عمك الله يسامحه ذاك اليوم

ومن بعدها صار ابو شهاب حق جب خبز و على رجولك بعد

يعني المهمات السهله جدا

وسلامتكم






ســــــــــــــــ ابو شهاب ــــــــــــــلاااااااااااااااااام

[أبو فهاد]

الله يعطيك العافية يا خفجاي شقي على هالموضوع الرايق ..



وأتمنى أقرأ المزيد من المواقف المحرجة ...














سامي ..


أما الشايب .. طلع يبي يتسنن وإنت قمت ترتل قدامه ...

هههههههههههههههههههههههههه

والله إني ضحكت لما قلت بس .. !!

[الفيصل]

هههههههههههههههههههه


هلا وغلا بك

يا سامي شدعوه كوكتيل مره سراً ومرة جهراً
هههههههههههه

كان كملتها او بديتها جهراً وانتهى الموضوع

من جد رججججججججججه

هههههههههههههه

مشكور يا سامي على مرورك ومشاركتك يالغالي

[الفيصل]

هلا وغلا بك يا اخوي
A7mad

مشكور على مرورك ونتمنى مشاركتك يالغالي بأحد المواقف الطريفه

التي حصلت لك او مرت بك

اما دااااايخ ((السعوط يمدحونه)) حبه بحبه وتروح الدوخه

هههههههههههههه

تقبل مني الشكر

[الفيصل]

هلا وغلا بك يا ابو شهاب


هههههههههههههههههههههه


محد قالك تتفنن وتسوي لي فيها اللي يسمعك يقول معك همر اللحين

الظاهر تسمع بالتطعيس ههههههههه او متأثر بفلم



بس مدري عنك كليتها تهزيئه اوووووووووووووو؟؟؟؟


((اللي دايم اشوفها على الطبلون)) هههههههههههههههههههههههههههههههه

الله يحفظ لك والدك ويخليه لكم

يعطيك العافيه ابو شهاب على مرورك والمشاركتك يا ابو الكعابي هههه

[الفيصل]

هلا وغلا
يااا ابو فهاد


لقد سررت جداً بمرورك ولكن المسره تكتمل بمشاركتك يالغالي

ننتضر منك مشاركتك ونأملها يالغالي

لك مني الشكر

[الفيصل]

كنت في يوم من الأيام رايح لعرس معزوم

المهم يقاااااال اني متكشخ وداق الكوبرا وحاط نشى على الشماخ والله الله

وكل ما مريت من جنب واحد قام يضحك وكل ما مريت من جنب واحد قام يضحك ويالله على هـ المنوال

المهم انا حزت في خاطري ورحت عند المرايه قلت يمكن ان الكشخه خربت

ورحت اعدلها وهي ما فيها شيء يعني تمام ما خربت


ورحت اترزز قلت ابن امه يفتح فمه اللحين الكشخه وضبطتها وش عاد

يوم رجعت إلا نفس المشكله الناس تضحك وتناظر تحت

المهم انا طلعت دلخ ما فهمت وش فيهم وبعديييييييييين يوم ناضرت تحت إلا انا
v
v
v
v
v
v
v
v
v
v

لابس(( زنوووووووووبه ))وجاي بها العرس


عاد تعال دوروني زابن بالسياره الهجه ما عاد لي وجه

شرايكم لو واحد مكاني وش راح يسوي

بس السالفه قديمه شوي علشان محد يمسك علي ممسك