ياهب الريح

[مخاوي الشوق]

عطني ياهاب الـريح من وقتك شوي
واسمع كلامي كان مـــا به كلـــوفـــه
سخر جهودك في رضا الواحد الحي
والفرض لاتغــفل من اول صفــوفــه
لاتمنع الناصـــح ليـــا قـــال ياخــــي
خذ مايفـــيد وزايـــد الهــــرج طوفــه
لاتطــرد المقــفي ولاتشــاور الـــعي
قــــدام ياكلـــك النـــدم والحســـوفــــه
ترى حكيم الشـــور ياخذ ويعـــطــي
نفســــه من الراي الد ناوي عيــــوفه
ولاتـقرب الـشبـهه ولاتـخـاوي السـي
علــــيك باللـــي طـــيبـــاتٍ وصـــوفه
من رافق الطيب شرب صافي المـي
ومن رافق الهـــافي جفا الما كفـــوفـه
ولاتنكـــر المعـــروف لو انه شـــوي
من قــــدم المعـــروف رد معـــروفــه
وادمح خطا الطيب ليــاصـار مخطي
واقبل معـــاذيره وقــــدر ظــــروفــــه
ولاتنــهر المــحتــاج لاجــــاك مبـــلي
خســارةٍ في فعـــل خيــــر مخلـــوفـــه
واطلق حجــاجك لااقبل الخاطر وحي
بشـــاشة الطيـــب كـــرامـــة ظيــــوفه
ترى الكريم معــان بالخيــــر مرهــــي
من يتــــرك الماجـــوب جعله ذلـــوفـــه
لاتقطع الرفقه ولــو حبــــلهـــا لــــي
حبل الرفق مـــــن يفلــــته بـــان خوفه
رجـــلٍ بلا ربــــعه من الناس مجـــفي
لابــــد صـــكات اللــــيالـــــي تـــــحوفه
واللي في عـــينه مايشوف البشر شي
ترى البشر في عيونـــها ماتشـــــوفــه
ومن عـوده حظـــه على بـارد الفــــي
لابـــد لـفـحـــات ا لسمايـــم تـــلــوفـــه
ومن ساقته نفســـه عـلى سكـــة الــغي
صعـــبٍ علـــيـه ليــا تمـــادى نكـــوفـه
ترى الليالي تطـــوي ايــــامنـــا طــــي
يالله بحســـــن الخاتمه والمـــــروفــــه

[دانة الكون]

ابيات رااائعه
صح لسان الشاعر

الف شكر

[مخاوي الشوق]

شكرا لكي يالغلا على المرور ترى النت عندي بطي جداااااااااا العذر على البط هذا وعلى تاخر الرد لاهنتي

[نجـد]

اكثرمن/روووووعه

صح ذوووقك
سلم نبضك/وفكرك
ودمت

[مخاوي الشوق]

يامرحبا بالغلا نجد وين الغيبة فقدناك الف شكر على كلامات الحلوه الغالية بعد علينا

[الدووووخي]

صح لساااااانك

الله يعطيك العافيه

[أبو رائد]

سلمت على اختيارك

والله يعطيك العافية يا مخاوي الشوق

[مخاوي الشوق]

لاعدمناكم ولاعدمنا تواجد كم هنا

[ثلجة وردية]

جميله جداً ،
سلمت يَ الطيب ’
ودي ،.
~

[مخاوي الشوق]

يامرحبا بالثلجة الوردية وين الغيبة تسلمين على المرور الرائع يالغالية