تعرف متى تفقدني

[مخاوي الشوق]

تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِِ مَا يِرَاعِيهَا


بُكْرَهْـ لاَ هَمْلُوكْ النَّاسْ تَذْكِرْنِي
وْ تِقُولْ عِزَاهْـ عِينِي مِنْ يِدَارِيهَا ؟


مَدَامْ غِيرِي عَلَى قَلْبِكْ { مِشَارِكْنِي }
وِشْ هُو لَهْ أَعَلِّقْ الآمَالْ وْ أَبْنِيهَا ؟


يَكْفِينِي إِنِّكْ رِحَلْتْ وْ مَنْتَ { عَايِفْنِي }
هَذَا عِزَا النَّفْسْ مِنْ كِثْرَة بَلاَوِيهَا


أَهْدِيتِكْ دُمُوعْ مِنْ طَعْنِتِكْ تَحْرِقْنِي
وْ إِنْتَ إِللِّي تِسْتَاهِلْ الدِّنْيَا وْ مَا فِيهَا

وْ أَهْدِيتِنِي جَرْحْ مُوجِعْنِي وْ عَاجِبْنِي
لأَنَّ الهَدَايَا عَلَى مِقْدَارْ مِهْدِيهَا


صَحِيحْ { حِنَّا انْتِهِينَا } بَسْ صَدِّقْنِي
وَاللّه إِنِّكْ تِبْقَى { هُوَى رُوحِي } وْ غَالِيهَا


مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْحَه وَاضْحَة فِي وَجْه رَاعِيهَا


لِكُلِّ دَاء ٍدَوَاءْ لُو هُو مِتْعِبِنِّي
إِلاَّ مَحَبِّتِكْ عَيَّتْ مِنْ يِدَاوِيهَا ‎

إِنْ قِلْتْ عَلِّمْنِي أَنْسَى ؟ لاَ تِعَلِّمْنِي
دِنْيَايْ لاَ مِنْ نِسِيتِكْ وِشْ تَالِيهَا ؟ ‎


فَارَقْـتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَنْ أُبُو الفَرْقَا وْ طَارِيهَا


مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَانْ حَاجَة بْقَلْبِي مَقْدَرْ أَخْفِيهَا ‎


أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎


نِشَدْتْ عَنِّكْ وْ سِمَعْتْ إِللِّي {يِفَرِّحْنِي}
وْ يِرْتَاحْ صَدْرِي مِنْ هُمُومِِ يِحَاتِيهَا


تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا

[نجـد]

الييييييييييييييييمه
الييييمه جدا حروفها لكنها نثرت كل مشاعر الاحساس والصدق
شكرا لذائقتك الروووعه
دمت لناا

[دانة الكون]

رووووووووووووووووووووووووعه

الف شكر

[ثلجة وردية]

تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِِ مَا يِرَاعِيهَا
بجد روووعه
سلمت اناملك ع طرحك الراقي
ربي يعطيك الف عافيه
في انتظار كل جديدك

[مخاوي الشوق]

يالغلا نجد الف شكر على مرورك الرائع واللي كالعادة
الغالية والحلوه دانة الكون ربي يحفظك والف شكر لك يالروعة بمرورك
ثلجة وردية كم هي رائعه كلاماتك وردودك لاهنتي يالغلا

[الدووووخي]

صح لساااااانك

الله يعطيك العافيه

[مخاوي الشوق]

تسلم اخي الدوخي على مرورك الرائع