المساعد الشخصي الرقمي

مشاهدة النسخة كاملة : لايابعد حيّي (ممدوح المسطح )

JaRaH
19-11-2005, 02:03 AM
قصيدة للشاعر ممدوح المسطح

http://www.alyaum.com/images/10/10786/10786_139_1.jpg

لي صـــاحب لاشـــافني قال لـــبيه
وأنـــا بــعد مــثله أرحــب وأهــلي

كله على بعضه... حلا ...ليه مغليه
لايـــابعد حـــيي ويـــامل مـــي

فرخٍ مـــلاويــح الغلا غصب تدعيه
أمــهــبلن قــلبــي... وقلــبي مــولي

ســـودٍ عيونـــه يذبـــح اللي يـراعيه
رمـــشه كـــذا ((مصقلٍ)) يــوم سلي

واذا مشــى يمــشي وكــلن يــداريــه
يــجــر خــطــواته تــقــول مــتـــغلي

ومـــن البـــهى لامــــن تــبسم بـشافيه
اقـــول مابـــه فالــــبشـــر مـــثل خلي

والـــزين مــابه شــك محــدن مـجاريه
مـــن بدونــا يعـــني انتـــاجه مــــحلي

مــــحلها يـــخلي تــــايه الـــعقل يــتليه
والـــملح ورب الـــبيــت مــنه متحــلي

الـــكامل الله والــــقصــايـــد تـــغــنــيه
والـــمشـــكله... المشـــكله من حــصلي

حـــســيــت ان الـــشــعــر عـــيا يــوفيــه
شــعــر مــاهـــو شــعــر الــغزل والتسلي

اكــتبــه وامــحا... وارجع واكتبه وامـحيه
يالــــعنـــبـوه مـــخـــبـلــن كـل كـــلي

اثــــر الـــغـــلا لاســــج بـــضـلوع راعيه
يـــصـــير قـــلبــه فالـــضـــلوع مـــتدلـــي

والـــيوم لو شـــفــتــه ابـــا صـــيـــح لـــبيه
واقــــوم لعــــيــــونــــه وارحـــب واهـــلي



وسلامتكم
الجوووري
19-11-2005, 02:12 AM
هلآ وغلآ جراح ..

والـــيوم لو شـــفــتــه ابـــا صـــيـــح لـــبيه
واقــــوم لعــــيــــونــــه وارحـــب واهـــلي


قصيـدة أكثـر من رائـعـة ..

صح السانك والسان قايلها

يعطيك العافية :)
أبو رائد
19-11-2005, 10:05 AM
الله يعطيك العافية يا جراح

على القصيدة المميزة فعلا

للشاعر المبدع ممدوح المسطح
عربيد الشمري
19-11-2005, 11:31 AM
بسم الله الرحمن الرحيم
جراح
سلمت يمينك ،، وصح لسان الشاعرويعطيك العافيه على القصيده الرائعه
نواف الفهاد
19-11-2005, 04:54 PM
جراااااااح !!

/
\

قصيدة .. راقية ..

كلها .. وفا .. لــ شاعر .. نعرفه .. حد الإعجاب !!

وحد .. الإنفراد .. بـ تميز الحرف !!

/
\

تسلم يمينك ..

سلالالام
سامي الشمري
20-11-2005, 05:09 AM
عقب الفقر جابت شريحه و جوال

...... يسعد مساء جوالها و الشريحه ..

هذه الكلمات سمعتها من الشاعر ممدوح المسطح ..

و الآن أسمـع ( لا يا بعد حيي )

صح لســان الشاعر ممدوح ..

و تسلم يمينك يا جراح على النقل الرائع

تحياتي لك .
عواد العنزي
20-11-2005, 03:16 PM
جراح

هلا وغلا

صح لسان الشاعر

والف شكر لنقلك الرائع لهذه القصيدة الرائعه

سلمت يمناك

وننتظر من ذوقك الرائع المزيد من القصائد الرائعه

وتقبل مني كل الحب والاحتراااااااااااااااام
ابوليلى
20-11-2005, 08:44 PM
اخوي الغالي جراح



قصيده مميزه ... ورائعه ...




صح لسان قايلها ...




وتسلم على هذا النقل الرائع ..










مشكور اخوي الغالي جراح على هذه القصيده الجميله ...
ديما
21-11-2005, 02:47 AM
قصيـدة أكثـر من رائـعـة

صح السانك والسان الشاعر

الله يعطيك العافية
أحمـــد
21-11-2005, 12:15 PM
جراح لاهنت على القصيده والنقل الرائع ...


صح لسان الشاعر أبدع في قصيدته ...



ننتظر الاروع ...


تقبل فائق الاحترام والتقدير




Thank You All
JaRaH
19-02-2006, 01:44 AM
شكرا على مروركم ؟